加藤屋 (H.A.N.D.S) (Closed)

平時在吉野家用膳的機會不多最近看見有類似的連鎖食店名為加藤屋決定晚上親自一試我買了代號A1的加藤牛肉飯套餐套餐比單選多了一杯飲品最後我選了玄米茶始終冬天飲熱飲比較好味道方面牛肉味道一般而且大部份都是肥牛飯算是容易入口質素比吉野家差少少份量方面加藤屋與吉野家差不多因此加藤牛肉飯份量不算多玄米茶比較少吃完8成飽套餐比單選多3元39元可以接受不過加藤屋和吉野家風格太似光顧加藤屋不如光顧吉野家所以我未必再試一次假如下次光顧我會嘗試其他飯餐

前排同朋友去左屯门尼间分店食飯，一入到去裝修都唔錯，菜式同吉野家差唔多，但係佢有类似pepper lunch嘅鐵板黑椒牛肉飯，同埋有个自創嘅麻辣牛肉饭！我就食左普通牛肉饭加个照烧鲭鱼，40蚊左右la~个牛肉饭一拎上手，表面好似無乜汁，但其实内有乾坤，裏面每一粒飯都係有汁嘅，但我都係觉得多d汁会好d，牛肉較少，但都係有牛味，煮得够諗👍講下个鲭鱼，重鱼味但都係好食，汁唔系好够味😠听朋友講个咖喱幾有特色~值得一试，但我無識😂

今天星期六，我和男友去這間新開的餐廳吃午餐，下午接近2時，差不多全部枱都坐滿人。我們一看餐牌，嘩！為什麼和吉野家的餐牌十分相似？接近90%相似，好像翻版吉野家…(￣∇￣)我叫了和風咖哩雞扒飯，配熱檸茶。我男友叫了2個下午茶餐，分別是加藤牛肉飯和加藤豚肉飯，配麵豉湯。另外加了2串帶子串。咖哩雞扒飯方面，雞扒十分大塊，另外都算厚身，而且嫩滑多汁，十分美味！不過咖哩汁比較辣了一點，而且不甜，不太像日式咖哩。白飯是珍珠米，軟硬度適中，而且份量都算多，夠飽肚！加藤牛肉飯方面，牛肉當然是肥牛，而且十分肥，差不多全部都是肥膏。不過肥牛份量都算多，另外白飯都算多。但味道…牛肉飯比較酸了一點，特別是牛肉汁，整碗飯有一種酸酸的味道，由於太酸的關係，所以味道一般。加藤豚肉飯方面，豚肉竟然比肥牛更肥！肥膩程度和豬腩肉差不多，差不多全部都是肥膏！其實看了都不開胃…而且豚肉味道都是酸酸的，豚肉汁都是酸酸的，味道真的很一般。帶子串方面，帶子十分細粒，而且比較韌了一點，又沒有帶子味，不值得$16的價錢。熱檸茶方面，有3塊檸檬，味道都不錯。麵豉湯方面，麵豉湯咸咸的，不過好像加了很多水，有點水稀稀的感覺，味道尚可。價錢方

下午5點左右,肚餓想食D野,經過見到新開,咪試下新野,點知就中伏叫個餐,等了十分鐘左右會叫號碼提人拎野食,都幾好,拍得住其他快餐店個餐到啦,望落去OK啦,同吉X家差不多,心諗24蚊算係咁啦但係食之際,遠聞有D酸味,都無理到照食,但係真係唔好食自問平時咩都食,唔知點解D飯有陣味,搞到肚餓都唔太想食D肥牛都可以既,都食曬食左D牛無食到D飯早知去隔離譚X食好過唔會推介比朋友,仲諗住叫FD試食下新野

加藤屋是附近新開的一間新餐廳，外型十分吸引，令我即刻走左入去食，但估到估唔到食物質素可以咁差...我叫了一個鐵板三文魚飯，個汁味道怪怪地都算了，戲玉係啲三文魚，咸到抽筋！咁竟入面班廚師有冇味蕾，我去街市買咸魚食都冇咁咸，個三文魚真係好咸好咸好咸！咸到完全食唔到，成個飯完全浪費左！老老實實，成餐飯最好係杯氣水，食完一舊三文魚要成杯飲哂先夠喉，真係好似比人呃左50蚊咁.....有冇得回水??????大家如果去千萬唔好叫三文魚飯，當然唔去係最好！

我經常都會出去搵新餐廳試食，因為自己都幾貪心新鮮，咩都想試下，咁琴日就見到依間新餐廳當然立即試試佢。我叫左一個牛肉飯，試左一啖飯，再試左一舊牛肉，個汁好咸好咸，啲飯好林，牛肉好老，完全出乎意料之外地難食，點解一個牛肉飯都可以整得咁難食，仲要開到餐廳同做招牌菜......正當我今日打緊依篇文章上黎既時候先發現原來依間野係Openrice已經劣評好潮，早知食前望望Openrice先....奉勸大家一句，幾肚餓都好，唔好走入黎食，唔係一定後悔！

人類總是犯重複的錯誤！有些店舖品牌已經中過伏，估唔到開分店時，又忘記了之前的經歷，又來多一次!平時不多去屯門，今次有公事要辦，才遠道而來。我承認自己今次是衰在太肚餓，冇望清店名就衝入去幫襯，點知又中伏。這道號稱全球首創的「鐵板麻辣牛肉飯」，看餐牌上的圖片，無錯是有點吸引，但不是原創，坊間很多日式快餐店都有，怎可能是原創。而圖片上的牛肉端上時應該是半生熟的，但來到竟然是全熟，而且質感太硬，即是太熟。另外，又沒有鐵板應有的啫啫聲及熱騰騰感覺。麻辣味呢？完全feel唔到囉，只有些少黑椒，但不是麻辣。感覺自己好黑仔，希望不會再遇到這間店啦！

岩岩新開, 竟然7:00pm去到有位!野食等左5分鐘, 都算快.我地叫左黑椒牛肉鐵板飯套餐&牛肉飯套餐.黑椒牛肉算okd飯超勁淋, 直程好似粥咁😖, 仲攪到痴哂底添😓!牛肉飯d牛肉冇乜味😑d飯都係淋哂試過就算喇! 真係冇下次😣😣☹️

在家附近的食肆越開越多，以前是沒有聽說過加藤屋，今晚正好有機會試一下。新店的裝修頗日式，快餐店模式，坐位也很舒適，餐牌有各種配搭的日式牛肉飯，日式豚肉飯，一人火鍋新鮮感十足第一次光顧，就食簡單的野菜豚肉飯配玄米茶，快餐就是先付款再等吃，收銀姐姐很友善，等餐時間大約5分鐘，算可接受吧由於有些四人枱被兩人佔用，我拿著餐盤有點狼狽，幸好剛有街坊吃完飯離坐，我就一股腦兒坐下享受晚餐配菜夠林，豚肉看起來很乾，吃了幾有肉味，在飯面沒看到肉汁，有點無奈，吃到一半就見飯底有汁，雖然不多，只好勉強完成，下次一定要求多汁玄米茶都是普通一點吃著吃著，店內開始人滿，有服務生開始幫客人安排及找尋坐位，算進步很快以一間街坊食堂來說，這店會是我的選擇，我會再來試其他食品，因為地點就近，而且味道也很家常希望水準可以保持