祺森冰室

Open Now

Now Closed

做完運動唔想飲茶太heavy揀佐蝦多士其實一樣姐🤣其實第一次食哈哈$37 有4件4人share 岩岩好蝦多士炸得好脆，加沙律醬好好味 下次再食仲叫佐吉列豬扒湯麵同咖喱豬扒飯豬扒都炸得好好，唔會太油好食既午餐！

蝦多士 (+凍奶茶 $3)奶醬多 •呢間冰室嘅成個感覺好有香港懷舊嘅味道😚用左綠色嘅裝修好有feel✨•即叫即炸嘅蝦多士以過口癮嘅小食黎講係唔錯🤣因為係好少會食到嘅口🤔（可能再加埋搭完船排左一陣隊好好好肚餓🤭）•內有薯蓉同 1、2 隻蝦🦐好飽滿❗️🤤佢用左吉列嘅方式即叫即炸😼好香脆又唔會好油膩🥰點埋千島醬食炸野成個感覺好夾好似冇咁油膩咁😆•雖然價錢黎講其實都幾貴下🤯但如果山長水遠入到坪洲都可以試下🤣同埋呢間始終都多人介紹過🤣🔥去到預左要排一陣隊🔥但好彩個陣等左10幾分鐘都算快入到去🤣🤣•但‼️🙅🏻‍♀️奶醬多就絕對唔建議叫黎試🥺個陣諗住食多少少野🤏🏻🤨就出去食下其他野所以就叫左呢個少少地試下🙀🙅🏻‍♀️點知係大伏❗️個包超級硬又無敵dry😿中間又冇咩花生醬同埋煉奶🥺🤨🙅🏻‍♀️

臨走前肚餓諗住食個蝦多士先走🤣點知超多人排隊😖於是買咗外賣坐喺碼頭食🤓😆當日等外賣都等咗15分鐘左右-🍤蝦多士 ($40)每粒蝦多士都好足料脹卜卜🤩😋炸到好金黃鬆脆💛佢個蝦多士入面係由薯蓉🦐蝦肉🥔千島醬整成仲會食到好彈牙嘅蝦仔😻😻外脆內軟😆點埋沙律醬更加好食😋😋最緊要嘅係佢唔油膩😎👍🏼張吸油紙上面都冇乜油漬🤚🏼🤚🏼雖然價錢係貴咗啲🥺但係我覺得係值得一試㗎🥰😛😛

人生第一次黎坪洲 一search就見到依間冰室排第一 就決定黎試下一落船 都見到好多人朝住間餐廳方向行 果然好多人都喺到食 喺門口排左10分鐘 有飯 烏冬 意粉 仲有啲全日套餐 all day breakfast 蝦多士好出名 但我唔食得蝦 男朋友又話無興趣 咁算啦 試左tiramisu紅豆冰 跟餐+$12 紅豆唔會好甜 tiramisu味唔太濃 我唔鐘意太甜 所以飲落都唔錯叫左滑蛋照燒雞排飯 $58 滑蛋好大份 燒汁比較少唔夠撈飯 雞排都細細塊 男朋友食份量就唔係好夠同吉豬三文治 $42豬排同三文治size一樣 唔厚身 熱辣辣送上 幾香 中間夾住蕃茄

一search坪洲一日遊都會出蝦多士係must eat item今日去咗坪洲一趟，點可以唔試？！晏晝去到周圍行吓、影相，搞到成3點半先去到餐廳，因為網上話佢收4點，都好驚過咗last order冇得食，但好彩最後有得入座，仲食到**********🦐蝦多士套餐（$47）都估到一份多士，大份極有限，男仔可以一啖一件😂本身以為蝦多士係蝦膠釀係多士面度炸，出面食開嘅都係咁（可能我孤陋寡聞）原來呢間冰室嘅蝦多士係蝦粒加千島醬拎去炸，食唔到好多人講嘅薯蓉😅，而且麵包邊邊同角位炸到好乾身好硬食唔到🍞，真係普通到唔普通...**********🐔XO醬雞絲炒意粉🍝（$58）唔知係咪餓得滯，出奇地覺得呢碟好食😅有鑊氣，唔係好油，食完都唔口渴意粉用幼嘅意粉，彈牙唔黏口👍🏻用料足，雞絲椒絲食到最後都仲有**********主打遊客生意...定價高...但性價比低

見到好多人排隊. 但係OpenRice呢度有唔少負評。所以淨係叫咗Tiramisu紅豆冰外賣＄30。味道OK嘅不過水準冇其他食評講到咁好… 好煩呀OpenRice寫八十字⋯跟住有啲人又怪我好多廢話⋯⋯外賣出貨超快⋯⋯頭先買咗杯嘢飲去咗第二度食嘢所以唔記得影相我飲紅豆冰但係佢俾支超幼嘅飲筒我⋯好彩有比匙羹

難得入到坪洲，當然要試吓人氣必食蝦多士。因為平日去，所以等咗15分鐘左右就入到，聽朋友講假日連買外賣都要等好耐。當日叫咗兩個全日餐，一個蝦多士餐，一個雙拼三文治餐。蝦多士真係好好味，同朋友share一人兩件，真係唔夠喉。蝦多士主要由蝦肉同薯蓉組成，口感外脆內軟，配上沙律醬好開胃，亦都減低左油膩感。至於雙拼三文治，就叫咗火腿蛋，就冇咩特別驚喜，叫做不過不失。飲品方面，叫咗凍檸茶，熱檸水，味道都可以，檸檬茶冇苦澀味。

味道:⭐️⭐️⭐️坪洲名物不得不提呢間餐廳既蝦多士吸引好多遊客都會慕名而來❶ 蝦多士🦐 $47(連飲品)每一粒蝦多士都脹卜卜 炸得金黃香脆 而且不油膩😍餡料係由蝦膠同白汁薯蓉混合而成不過蝦既份量較少 欠缺了爽口👿整體口感偏向外脆內軟個人認為沒有太大驚喜 而且定價略為貴💰

今日去左坪洲，必去人氣冰室，就係「祺森冰室」，雖然好長人龍，但排左30mins到，就可以入座。最出名的小食就係蝦多士，直頭一坐底唔使諗就點左蝦多士先。蝦多士 $40用薯蓉、洋蔥、蝦肉、豬肉做成，加麵包糠，所以外層炸得好金黃香脆，餡料非常creamy幼滑，仲有蝦肉粒，味道調得剛好，沾埋沙律醬更滋味，size係細細件，真係唔夠喉，下次每人一碟都食到。西多士 $29另外，我地仲叫左西多士，同樣炸得很好，好香好金黃色。麵包夾左花生醬，份量好足夠，每口啖落都有花生醬，加埋糖漿，香甜味美，配奶茶或檸茶都好正。

眾多離島中，坪洲並沒有觀光景點，只是一個面積很少嘅寧靜社區。今次趁週末來個坪洲一日遊，同時發掘美食。在坪洲比較熱鬧嘅永安街上，有一間人氣頗高嘅冰室——-祺森冰室。一間營業超過40年嘅傳統冰室，而令到呢間平凡冰室聲名大噪嘅原因就係佢嘅招牌菜「蝦多士🦐」。全日套餐：蝦多士(4件）$47，另加$10轉飲玫瑰咖啡。多士即叫即炸，熱騰騰，唔油膩，乾身脆口。材料十足，多士裏面真係有原隻蝦👍💕，不能錯過。玫瑰咖啡賣相都唔錯，味道當然無cafe咁香醇，但都可以接受。

人人都話去坪洲一定要試好出名嘅蝦多士，入開去，就即管人食我食，下午茶時間行過，已經見有十多人排緊隊，難得入嚟一次，都照排啦。大約排咗半個鐘，終於有得入座，我哋係最後兩檯客，後我哋排嘅都已經無得食，下午4點左右就打烊！😧我哋兩個人各叫咗一杯飲品，當然要叫份蝦多士試下！Ummmmmm，同想像嘅完全唔同，無乜蝦/蝦膠，只食到小小蝦同好多醬。👉🏼👈🏼

坪洲一日遊，一落碼頭即刻揾食！呢間冰室係坪洲薄有名氣，所以照排隊等候。🔸蝦多士（40/4件）：外層是麵包沾上蛋漿和麵包糠炸，餡料是蝦仁🍤和薯蓉。新鮮炸係必然，吸油紙沒有大片油漬，炸都剛好👍🏻。蝦肉結實冇雪藏感覺，值得試。🔸吉列豬扒三文治：豬扒同樣炸都好，中間juicy 。夾埋蕃茄和沙律醬好滋味。🔸Tiramisu 紅豆冰（套餐加$12）：紅豆大粒夠淋。有微微咖啡味，但個人覺得花奶味重既紅豆冰較吸引。

蝦多士/4件 ($47)外層金黃色賣相幾好，金黃色、漲卜卜、熱辣辣。餡有蝦、薯蓉，外層脆卜卜，係好食既。去餐廳食野，炸野通常等得最耐，平均通常都要等10分鐘至20分鐘左右，我都預左需要d時間等一陣，但依間吾係，出奇地等得吾算耐，對於我講求效率，生活節奏急速的香港人黎講，係有驚喜既，亦都加分。蝦多士係10款全日套餐既其中之一，所以有野飲送，餐牌話奉送即磨咖啡或奶茶，至於其他飲品例如檸茶果d就吾知。而我最鐘意飲凍奶茶少甜(加3蚊)，當然就叫佢。奶茶係偏向英式口味，茶、奶比例恰到好處，亦香滑，整體來講我是喜歡的。

疫情下無得去旅行，去小島坪洲散心放鬆下🏝️，除咗行山親親大自然，影下士多貓店長等，當然要試下當地特色美食😋————————————————👅蝦多士（$47/4件）👍🏻炸到外層金黄色蝦多士賣相幾靚仔，落單後好快熱辣辣上檯🥵，每件夾住漲卜卜嘅薯蓉連一隻蝦，同想像既蝦膠有出入🦐，蝦肉口感略為鬆散，配埋沙律醬更開胃，價錢偏貴.👅吉列豬扒三文治（$42）👍🏻吉列豬扒炸得香脆，炸漿偏薄，內裡搽上沙律醬解膩，比蝦多士更有驚喜.👅Tiramisu紅豆冰（全日套餐+$10轉配）👍🏻 紅豆粒粒飽滿，比傳統紅豆冰多一陣咖啡香味☕，有啲食緊Tiramisu嘅錯覺，都幾有新意~————————————————🚩總結：適合行完山嘆下冷氣食tea，食物質素正常，但更多係食懷舊嘅味道~————————————————🌟注意：人龍出沒注意，下午茶時間多數要排隊，可以一落船去餐廳睇下

今日入去坪洲郊遊, 雖然島仔細細, 但充滿風土人情雖然店舖唔多 但每間都好有特式架!上網做完功課之後,決定一落船第一站就去祺森冰室.食好出名既蝦多士,11點就去到,無人排隊. 好開心.仲坐到last一張台,之後下船既人就要等位了.想食記得落船黎左先啦~我地兩個人叫左:-餐蛋麵 正常大路野-蝦多士 炸得好香口又唔油 好好食 隻蝦係連埋些小薯蓉讓左係入面 好好食!!!-茄蛋治 番茄新鮮量多 蛋亦都好嫩..好大份.好食.