奇趣餅家

Open Now

Now Closed

態度極差！一副唔休做咁既態度！過年幫趁邊間都好唔好幫襯佢！佢話唔攞錢喺手唔好叫要咩喎！錢都攞埋出黎佢話睇唔到！要幫襯自己諗！隔離有個姨姨問幾錢，佢話數學既野係咁架喎要就比錢唔要就走！搞好啲態度先拍片叫人幫襯啦！唔係得你一間做！咁既態度人地都唔幫襯你啦！以前都ok啲既，幾年冇幫襯依家一副唔休做咁樣！同埋佢啲燒餅依家好難食，成陣油益味！唔係sale香港懷舊就得！你串串貢既態度香港人唔受架！留番你自己食埋佢啦！

每逢過年，家的老人家紛乎要食些店的油器。昨天到店購買時，只是問咗門外男店員一句，角仔幾錢，他用慣性的不悦語氣回答……你唔識自己睇架，此人的態度多年來沒變，礙於要完成老人家之要求，都有惠顧。到今日，要替另一位老人家購買，今次諗住向其他的店員購買，已經記好所要買的油器數量和計好價錢，向一位中年女店員購買，她用心算即時話440蚊，但我計好價錢是340蚊，即問她點計440蚊，她亦即時有反應話係340蚊先真。奉喧各位顧客，若不怕受氣或受騙，就不妨幫趁它吧。我已立下決心，永不錄用些店，出年老人家再提話要吃其出品，只有向他們講此店已結業。

經過花園街，諗住買燒餅食，奇趣餅家嘅燒餅出名非常軟糯，每次經過都會買五個慢慢食🤣🤣點知新年期間燒餅暫停供應，因為要賣賀年食品，既然一場嚟到，仲見到人頭湧湧，我當然唔執輸，買返少少試吓啦😆因為我唔鍾意食豆沙嘅關係，冇買到豆沙角，買咗半斤炸酥角，半斤笑口棗😜返到屋企，要即刻試一試先，笑口棗好有驚喜，係超級超級之鬆化，想過兩日再去買多一斤😝角仔外皮都酥脆，味道正常，不過餡料比較少，喜歡多餡的就未必岩喇！

光酥餅入口有蛋香味，唔會只粉味，口感軟熟。兒時係一個手掌size咁大，依家 一口 size 剛剛好，可慢慢逐個食。如果成份標籤知道糖佔有幾多會更好。紅豆燒餅見到仲係暖嘅，所以即時買了，嚟唔切影相就食左咯🤣😂口感軟糯，紅豆餡料唔會太甜，整體味道唔錯。女職員態度正常傳聞中態度差嘅…不在

本人喜歡懷舊食品 ，特別是香蕉糕。知道奇趣家餅家是老字號，所以對出品都有所期望。我就特意試了香蕉糕，價錢平民化。但嘗一口，我就非常之感到失望！ 咬一啖滿口砂糖，砂糖沒有溶化….感覺在吃砂糖…我覺得過分甜 。口感沙沙聲 ，吃沙一樣 ！

一名中老年女職員對客人態度極差，呼呼喝喝，基本尊重都冇，好像別人欠了她般在施捨別人，令人感到很侮辱，再好食也不會想再幫襯。看了評論，知道很多人也說另有不知老闆還是職員都是態度惡劣，已經不是一般的沒禮貌，甚至懷疑他們是否都有躁狂症🤔根本自己都控制不了自己的惡劣態度和行為😪基本都替他們感動失禮，如果做生意做得那麼躁狂憤怒，為什麼還要經營下去，那麼不想對着客人，為何要折磨別人折磨自己，倒不如把店關掉

好耐冇嚟買, 不過因為要買祭品，所以走一趟！四眼仔售賣過程態度極差…. 同佢講聲: 「唔要膠袋啦！」竟然回答 ：「唔緊要, 你俾錢就得啦！」早知睇咗評語先去買！ 年輕人, 奇趣招牌由你喪!

新年前諗住幫屋企人買酥角，早一日收工過去賣哂，見佢開8點又寫新年前照常營業，咪諗住朝早番工前去買埋，去到差唔多9點，個後生男士（據聞係而家老細）大大聲話10:00先賣，我都好聲好氣話我其實淨係想要角仔😢（佢已經有貨係度），就已經串串貢咁講話你咪10:00先番黎囉，我都仲笑住答左佢一句因為我要趕住番工啊🥹，然後佢竟然講一大輪野串人，又話你要番工，明啊，我明啊，咁我地都要番工既，下刪一堆字……(我冇聽佢講完我就轉身走左😮‍💨)真心，我係見開8:00我先特登行過去，我都唔係一開門就企係度，搞唔切啲貨我理解，但其實唔駛咁串係咪啊？🥺如果係解釋下點解未賣得，我都唔會晨早流流就打呢篇食評，但果句:咁你咪10:00先番黎囉，真心想問咩態度😮‍💨講番個角仔，我之前買過一次係幾好食(如果唔係我都唔會番工前突登過去買)，但係旺角不乏傳統餅店/好食既角仔，咁既態度真係好令人卻步，我都唔知係咪我小題大做，但一朝早就受啲咁既氣就真係唔係幾好受🫠🫠

奇趣餅家都真係食左好多年，基本上每次去旺角都會買！平時成日買佢地嘅合桃酥、鮑魚酥、皮蛋酥、紅豆燒餅同椰撻仔，不過最近一次去嘅時候，佢地話已經冇再做椰撻仔啦合桃酥 - 最鍾意嘅一款！好香，味道同口感都好，係我暫時食過最滿意嘅合桃酥，每次都忍唔住食曬成舊鮑魚酥 - 酥酥脆脆，鹹鹹甜甜嘅，比合桃酥痴口，但都唔錯！皮蛋酥 - 味道同口感都OK，入面嘅皮蛋唔會太細舊紅豆燒餅 - 亦都係幾鍾意嘅一款！紅豆餡唔會太甜，口感軟糯，暖笠笠，幾新鮮（強烈建議大家即日食完佢）另外蛋散同角仔都唔錯，都可以試下！臨近中秋節佢地仲會做月餅同棋子餅，用月餅皮做嘅棋子餅冇餡，較痴口，但奇趣餅家嘅棋子餅有幾個唔同嘅款色，例如佛公仔、豬仔、魚等等，其中嘅「佛公仔」幾得意，所以如果我個段時間咁啱去奇趣餅家都會買！

今日無意中經過呢間店，買咗佢嘅香蕉糕試試，可惜佢嘅香蕉糕只能講可一不可再。首先，聞不到香蕉味。其次，食入口死甜死甜，亦食唔到有香蕉味，強勁嘅沙沙口感有如放入一大匙羹白砂糖入口食，食完條脷都覺得乸乸地。佢都算係我食過數一數二唔好食嘅香蕉糕沒有之一。作為一間曾經係米芝蓮推薦嘅小食店，只能說很遺憾它不是我杯茶。

時不時都路過花園街，門口總是堆滿人群，都會買豆沙餅😀，暖暖的，軟林林，又不太甜，幾好食😋以前耐不耐都會買些蛋散，又香又脆🙂，但買最少份量都算大包啊，不停地食晒就有點熱氣啊😅，都會買馬仔回家食，少少林林脆脆的，少少甜，味道剛好😃前排路過，馬仔都不見有擺放出來，昨天見都放了十多包馬仔出來，45元兩包，心想都可放幾天的，就買兩包啦。剛拿一件來食，硬的😨，不脆😑，又沒甜味😳，為何質素跟以前的不同了？🥱，下次只買番豆沙餅算了～

態度極度極度極度惡劣囉，，阿姐唔知係咪賺到夠唔想做，又唔休做咁嘅款，懶懶行咁，其實唔想做可以唔做，，人哋幫襯你仲要受你面色，，仲要比你當透明，，講咗幾次要咩嘢都可以扮聽唔到睇唔到，講真係咪真係好食到唔買唔得，唔係囉，，食過其他店舖都好食過佢，一心只係想支持下本地老舖，經過幫襯下，，點知得到咁嘅對待，咁嘅態度真係唔好意思，唔會再幫襯囉，比錢佢賺仲要受佢氣，好似欠咗佢咁，咁嘅服務態度真係不了。。。。。

奇趣餅家係一間老字號餅家，喺旺角嘅一條小街入邊，自1984年開業至今已經有40幾年歷史。佢地主打中式餅食，包括雞仔餅、老婆餅、光酥餅、合桃酥同香蕉糕等等，全部都係傳統風味，曾經獲得米芝蓮街頭小食推介，係香港嘅碩果僅存餅家之一。奇趣餅家嘅特別之處係佢地嘅餅食係自家工場製造，所以賣完就會再出爐，燒餅由燒水、開粉、造餅到出爐，唔會超過一個小時，所以好新鮮。如果你食過佢地嘅餅，就會發現啲餅皮好鬆軟，餡料又唔會太甜，整個口感好正，好適合香港人嘅口味。不過，因為係老字號，奇趣餅家嘅舖頭比較細，唔係好適合大班人過去，不過如果你想食啲好味、好新鮮嘅中式餅食，咁就一定要過去試下啦！一間位於旺角嘅老字號餅家，名叫奇趣餅家。呢間餅家自1984年開業，係香港嘅碩果僅存餅家之一，而家已經傳到第二代經營。佢地主打中式餅食，包括如雞仔餅、老婆餅、光酥餅、合桃酥同埋香蕉糕等等，全部都係傳統風味，曾獲得米芝蓮街頭小食推介奇趣餅家嘅舖頭後面就係自家工場，所以佢地嘅餅食賣完就會再出爐，燒餅由燒水、開粉、造餅到出爐，唔會超過一個小時，所以好新鮮，客人可以食到新鮮出爐、熱辣辣嘅傳統中式餅。

奇趣臨近新年特別好人排隊，宜我緊係買d角仔食，加每次都買的 雞仔餅 同 蛋散， 我由讀書開始就幫襯，每次經過旺角/太子都會黎買。 咁多年都keep到 ，一樣好味 。角仔$60半斤 同蛋散 $40半斤好鬆脆， 雞仔餅$40半斤就算放多幾日好係咁鬆軟。

有筋骨傷患嘅我，其實唔應該食糯米，所以真係間唔中先食小小。紅豆燒餅有糯米粉整，都有好多日經過但都唔敢買嚟食。見今日冬至就俾自己放縱一下。燒餅好軟熟，紅豆餡又唔會太甜了，snack下一流。不過我食完個拉麵過嚟，再食啲糯米落個肚立即滯左。