佳記甜品 (Moved) New Location

星期6夜晚, 出奇地唔使等好耐JA WOR,不過入面真係好迫....叫左個蜜瓜汁, 叫佢唔好太凍,佢真係唔太凍GE, 但好細杯.... 入面好`少水, 飲到最尾好乾, 完全唔解渴, 不過唔太甜, 證明唔係加左好多糖水。蛋白燉奶出奇地岩我口味, 就係唔太甜! 奶味就無架喇, 應該大部分蛋白, 唔滑,。辣魚蛋, 辣到我唔食辣都食到, 即係唔辣LA, 朋友話越來越差雜果大菜糕 好多生果, 係抵食GE。

咁出名嘅b仔，黎到緊係要食佢嘅雞奕尖～出面街邊嘅所謂b仔雞奕尖同真真正正嘅b仔雞奕尖真係差好遠！味道，汁都唔一樣！不過b仔嘅衛生真係越黎越差，可能因為人流太多太密，無乜時間做清潔，希望之後會好啲。

入得嚟元朗，好多朋友都會即時諗起『B 仔涼粉』。大家都講到好好食咁。我出入元朗好多次，都仲未朝聖過，點講得過去；今日約咗大食朋友一齊挑戰佢。佳記有兩間鋪，相差唔夠100米。聽說又新街分店闊條少少，入到去都係比較親密，無計。由於好多客，啲阿姐做到無得停手，雞翼尖啲骨跌落地下又無人得閒清理。不過我哋既來之，則安之，照order 咗個B 仔涼粉。我同朋友都比呢個面盤咁大嘅涼粉嚇咗一跳。豐富嘅水果鋪滿咗面，要食咗一啲先食到啲涼粉。雖然大部分水果都係開罐頭，當係健康嘅甜品一班人食又幾抵玩嘅。

元朗佳記甜品出名係人都知，今次來到元朗緊係要再次拜訪，不過堂食人龍太長，所以揀左外帶~呢間既B仔涼粉已出晒名，多生果又好食，佢d生果都係士多啤梨，芒果，蜜瓜，火龍果，椰果 etc......涼粉又好香香草味同爽口，正雞翼尖都辣辣地但幾野味，味道都唔錯~但份量都好小，好快就食完豬皮辣，因為索晒d辣汁，岩晒食辣既朋友，可能太辣，所以這個吃不多，但係好吃的~其實佢呢間有好多野都好好味，之前食過佢地既芒果糯米磁，都好好食，個皮好軟同埋好多芒果粒會再次光顧

好少來元朗這邊，難得來到就當然想要試下大有名氣的B仔涼粉！而當中的雞翼尖就更加係鎮店之寶。叫了一碟蒜香辛辣雞翼尖，$18，大大碟，我估有超過20隻。我自己其實唔係好食得辣，吃第一隻的時候辣到我飛起，但係之後食下食下，習慣了後又覺得幾好味，蒜頭和辣椒煮成的汁很入味香口，而雞翼尖亦都煮得好淋，很香又好咬口，如果可以送洒就一流了一隻一隻慢慢食，唔經唔覺就食哂一碟了本身諗住叫多碟，但想想下都係唔好一次過吃太多刺激的食物，所以都係下次先再食啦

參加完跑步比賽，就順便入埋元朗揾下野食，眾所週知，一提起元朗，就會諗起—B仔涼粉、B仔雞翼尖呢2樣咁出名的食物就係佳記甜品裹面的皇牌 我以前唔太食得辣，自從識左我女朋友。漸漸開始食辣，今次去元朗，仲唔俾我嘗一嘗蒜辣雞翼尖的滋味18蚊一碟，大大份，起碼有20+雞翼尖，滿佈蒜粒同辣椒粒，好香好惹味，第一啖食落到，微辣，啜住d汁，同雞翼尖的肉混合，個口感直頭係難以形容，超好食 一開始我都唔太識點咬個關節位，食左幾件之後，開始摸熟咬邊度就容易斷，仲會一邊咬，一邊點碟裹面的汁最後，一整碟俾我一人完全幹掉無得輸。 我意猶未盡外賣左3包回家，慢慢品嘗雞翼尖的滋味

相信冇唔人識元朗嘅b仔涼粉 ，呢間舖頭大大話話已經經營幾十年，由b仔涼粉起家，賣嘅係水果盛宴再加涼粉做底， 從此打響頭炮， b仔涼粉 份量大大夠三五知己一齊食，足夠有餘，亦是其最大賣點。論食物味道及製作嘅過程，根本沒有什麼特別的技術，只是一味大堆頭 就已經認得大家嘅掌聲，所以食店有時都要諗下啲綽頭 先至有得長做長有，若果一味只係鑽研烹調技術而忽略了包裝推廣，一樣係做唔掂， b仔涼粉已經成為佳記甜品嘅標記，更已經吸引了遊客到來品嚐，成為一個旅遊景點了。

元朗佳記甜品的B仔涼粉好出名,但從未食過,所以今次特意去元朗朝聖一下,呢度既環境好迫,幾乎面貼面,完全唔可以伸直隻手,個個人都好似迫地鐵咁食,真係有D辛苦!我地拿拿林落單叫野食,叫左雞翼尖,B仔涼粉同芒果腸粉!蒜香辛辣雞翼尖首先來到,雞翼尖好多肉,辣味剛剛好,唔會太辣,蒜味又不太濃,真係幾好食!B仔涼粉份量好多好巨型!!好彩之前冇乜點食野,唔係既話,我地都唔知食唔食得哂!!雖然內裡的水果唔係乜野貴價水果,都係西瓜蜜瓜木瓜芒果椰果個D,但每款水果都好新鮮好甜,真係好正!!芒果腸粉很多芒果又多汁,腸粉很滑又帶芒果香,真的不錯!整體來講,食物真係幾好食,但環境就一般,不過下次經過元朗的話我都會再來食,因為食物味道真係唔錯!!

追月慶團圓⋯⋯去食過湯丸先～元朗食糖水，會諗起B仔，就去食一食湯丸配芝麻糊：有4粒湯丸，係芝麻味，仲要大大粒，平時既糖水鋪最多都係得3粒咋！芝麻糊，越食越甜，甜到要半放棄狀態什果椰汁西米露：有分要新鮮生果定罐頭生果，今次食左罐頭生果，椰汁西米露都正常

元朗佳記甜品B仔涼粉😆😆😆，B仔涼粉聽就聽得多，食就真係第一次🙊🙊🙊。必食之選蒜香辛辣雞翼尖，腸粉及鮮雜果涼粉😋😋😋 ，雞翼尖非常肥美，蒜香配上指天椒，蒜味不太濃， 辣味剛剛好。 腸粉比較薄而幼滑，最驚喜是他們的辣醬不是帶酸帶鹹，而是非常辣，入口後辣味即衝往喉嚨，此辣醬絕不簡單🙄🙄。至於佳記最出名的涼粉，水果新鮮，涼粉味道不苦不甘， 糖水不太甜，花奶分開上，價錢也不算貴。街坊們跟我說B仔涼粉全年無休, 農曆新年期間一家大細最喜歡來排隊食B仔涼粉😉😉，如下次農曆新年有時間都來幫襯下先。

特意入元朗試了想試很久的b仔，當然是叫了出名的雞翼尖，蒜香撲鼻，而且食落去都夠辣，所以都冇失望，然後叫了芒果班戟，芒果唔酸，夾雜了甜甜的忌廉，不錯呢！最後叫了蜜瓜涼粉撈都算大碗，有很香的蜜瓜味！

比起B仔嘅糖水，我更喜歡佢嘅熟食雞翼尖蘿蔔腸粉真係好正👍🏻👍🏻👍🏻由細到大我都覺得呢度嘅腸粉係最好味👍🏻糖水有時會點凍芝麻糊加湯圓😚😚班cake芒果卷嗰啲都幾好食👍🏻出面嘅糖水舖越做越貴，反而呢度好似都冇出面咁貴🤨

山長水遠來到元朗，梗係會來埋B仔！對上一次來食已經係2，3年前既事。我自己本身唔係好食得辣，但每次來食都一定會點B仔雞翼尖，好中意佢既香辣蒜茸味。今次再來食，份量好似比以前少左，不過仍舊keep到又辣又蒜味濃。友人唔太中意食雞翼尖，所以我自己食哂一碟。雖然雞翼尖係無乜肉食，但唔知係咪因為佢太辣既關係，食完一碟之後已經無意慾再去食其他野，本身想再Encore多一碟，但被友人阻止了。另外，我地仲點左腸粉魚蛋，腸粉夠滑，魚蛋就真係無乜特別。

我呢個港島人真係好日都唔會入去一次元朗天水圍😂，今日放假男朋友提議四圍遊車河，難得入到黎元朗，當然要試下好出名既B仔雞翼尖先走啦。可能由於太出名啦，所以真係好多人，都要等左差唔多30mins先有位。雞翼尖都幾大份，明明已經叫小辣，但係都依然好辣😂 果種辣唔係麻果隻一陣就過，而係會keep會令人個口都有好辣的感覺。不過係幾惹味既，但係可能我期望太高，所以唔覺得特別好食。另外點左個楊枝甘露反而覺得幾好食，好多芒果肉好足料，而且芒果好香好甜👍🏻

朋友好有心，入開元朗專登買咗B仔雞翼尖外賣送上我家請我食😍先講賣相：大部份雞翼尖都好多瘀血，甩皮甩骨！👎🏻味道：個鹵汁係幾入味既！帶有少少蒜蓉味好開胃，辣味都可以接受， 可以一隻接一隻食唔停口嘅！😋總結：ok可以接受吧！不過賣相較差，如果可以稍作改善的話就更完美啦！