佳記甜品

Open Now

Now Closed

同事成日話元朗有牛，搞到我都想去元朗一轉。講到元朗名物，作為九龍人聽得最多就係位於元朗的佳記甜品，令我們留下深刻的印象。首先，兩個為食友即刻點左招牌雞翼尖和榴蓮班戟，以為名物會隨著出名而減少美味，但味道就唔錯既。起碼讓我們一口接一口，停不下來。另外又口多點埋芒果班戟，芒果味道非常濃郁，pancake 鬆軟細緻，口感幾好。而榴蓮班戟則是使用了新鮮的榴蓮，味道非常香濃，榴蓮肉的質地也非常好，作為榴槤控一食就停唔到口。等既話唔算等太耐，服務員可能有返咁上下年紀，唔算好老禮，不過作為名物，大家香港人都明白的。初黎元朗，佳記值得一試。但要一試再試呢，就見人見智啦。

同朋友喺元朗食完個晚餐，經過佳記甜品一於買個B仔涼粉外賣番屋企同屋企人分享啦,唔經唔覺個價錢加下加下原來都已經賣92蚊。B仔涼粉 $92份量都多嘅，好多種生果同涼粉

唔知點解入親元朗唔肚餓，都會入嚟舊B仔涼粉食碗嘢咁🤣🤣可能細個情意結😌入到嚟就一定必食佢嗰個B仔雞翼尖，呢部雞翼尖真係冇得頂，辣得來雞翼尖非常之林又鬼死咁入味🤣🤣最奇怪之處就係越食越辣，越辣越想食🤣😂我每次自己都會食一碟😆😆今日原本想食榴槤班戟，點知佢冇得賣，可能唔係季節之後我就叫咗碗海帶綠豆沙，最鍾意佢綠豆沙好多沙🤣海帶同臭草味非常濃郁👍🏻👍🏻呢個糖水好有家嘅感覺，直頭以前細細個婆婆煲糖水嘅味道我哋晏晝時段嚟好多位好快已經有嘢食👍🏻👍🏻好舒服，希望下次入嚟有班戟食啦！

差唔多每一個星期都想食既雞翼尖👅每次都會叫既雞翼尖.魚蛋.燒賣.腸粉一個人都食得完呀 我通常都外賣 會平小小雞翼尖份量好多 辣度適中 好鐘意損佢d皮魚蛋係陳皮魚蛋 好小地方會有細細粒好有咬口燒賣呢間我比95分以上好少食到d好味既燒賣 一到宵夜時段就會諗起既舖頭 又有甜品，又有小食 一次過滿足你需要甜品種類極多選擇重點係開得夜 相信未有人未食過b仔🥴性價比極高⭐️⭐️CP值;5👩🏻回頭指數;5📸打卡比分;4

三點幾去到，唔多人，見大部分人都係叫啲熱食，糖水鋪食熱食有啲奇怪。唔理咁多，叫咗個蜜瓜涼粉撈。好鬼大份，上面啲沙冰好多，食咗好耐先見到底啲蜜瓜球同涼粉。蜜瓜球好甜，涼粉就好爽。整體唔錯。

元朗馳明糖水舖嘅B仔涼粉，令我想起啲童年嘅味道。呢間糖水舖喺元朗已經開咗好多年，每次返嚟都會嚟到呢度試B仔涼粉。雖然B仔涼粉嘅味道唔算特別，但係佢有好多回憶。呢款涼粉質感好好，口感爽滑，再加上花奶，真係幾正。價錢就話平唔平話貴唔貴喇不過，B仔涼粉嘅價值並唔係喺味道，我諗元朗人仲會去食佢，係因為佢帶嚟嘅回憶。每次食B仔涼粉，我就會諗起童年嘅時光，同埋同家人一齊嚟到呢度食糖水嘅情景。呢種感覺係無價嘅，而呢間糖水舖就因為咁成為咗我回憶中嘅一部分。

真材實料榴槤班戟🥕榴槤班戟(2件)$36⭐️⭐️⭐️⭐️⭐️🐰由細食到大都一定會叫既甜品，中間真係勁多榴槤蓉，好重榴槤味，榴槤同cream既比例會剛剛好，cream夠滑身，再加上班戟皮，每一啖都滿滿既榴槤香，勁滿足呀！🥕木瓜鮮奶$28⭐️⭐️⭐️⭐️☆十分足料，滿滿一杯，好香木瓜味，又重鮮奶味，不會太甜。兩者係完美配搭！======詳情======佳記甜品元朗鳳琴街22號金龍樓地下4-5號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #元朗好去處 #元朗美食 #RR元朗 #RR甜品 #甜品控 #甜品 #榴槤班戟 #榴槤控 #榴槤 #榴槤甜品 #木瓜鮮奶 #木瓜奶 #木瓜 #鮮奶 #牛奶 #佳記甜品

同朋友食完飯，餘興未盡，想去食糖水，即刻諗起元朗B仔涼粉😆😆本身去到以為坐滿人🥲問服務員攞飛等位，點知柳暗花明又一村🤣🤣樓上仲有好大空間，放咗好多張枱，於是唔使等位就食到好好味嘅糖水🥰🥰🥰我點咗芝麻湯圓，甜到剛剛好，湯圓好煙韌，美味又幸福！

去完元朗年宵即慶過去鳳群街佳記甜品懷念吓，去到門口發現勁多人要排14張枱，但不需十分鐘已經有枱。一枱四人叫了腸粉、雞翼尖、哈蜜瓜西米露、西瓜西米露、芒果西米撈和哈蜜瓜西米撈。腸粉啲醬汁調較得十分好味，腸粉夠熱，點汁吃會停不了口。蒜蓉香辣雞翼尖蒜蓉味很重，但辣道好像没有舊舖的那麼辣，對吃不到辣的人最啱食。芒果西米撈和哈蜜瓜西米撈賣相吸引；兩款撈好像沙冰一樣，甜道正常不會過甜，冬天吃完會比較凍，最適合夏天吃。最後哈蜜瓜西米露和西瓜西米露都不算太甜而且椰汁味也很重，喜歡吃椰汁的人一定要叫。

鳯琴街真係勁多野食同糖水鋪都係忍唔住黎番佳記幾時都好好多人排哂響門口好彩我做去～有位！叫左3個一家人開心些牙～分別係薑汁燉奶～芒果啫喱～同埋鮮雜果西米露！滿足哂一家人各人至愛冷熱乜都有首先小朋友至愛啫哩，佢仲畀埋花奶另上，好貼心～因小朋友真係唔鐘意落，但老公又必落～芒果又甜又香滑鮮雜果如切細舊d更好，太大粒都幾難咬，同埋火龍果真係唔係我喜愛！食開紅肉真係食唔番白肉，食完一粒交哂畀老公食薑汁再濃d更好，好味既！但對比專做燉奶既鋪頭會輸蝕d,感覺唔夠佢地濃！可能因為我真係勁薑狂熱份子～不過都清哂不錯吃啦都！

不得了！出面排隊等好耐先有位入去，連外賣嘅人都勁爆多超誇張，仲要埋單時都排長龍，真心勁ssssss🤟肚餓同朋友食宵夜，佢話雞翼尖好食，真係好好食！雖然有d辣但食到停唔到口💯💯💯邊食邊話辣，辣到流晒鼻水係咁呻都仲要食✔️✔️✔️腸粉好滑好煙un有口感，唔會太林太軟好Q彈，但魚蛋太懷舊我啦識欣賞好似食擦膠咁😂😂😂而且可能人手不足加上天氣凍，出菜快上菜慢野食到張枱時已經唔係熱辣辣，係岩岩好嘅微熱所以食到一半已經凍晒lu☹️☹️☹️

今晚同中同聚舊，食完晚餐之後就直落食甜品，肥死 🤪 呢間食鳳琴街體育館隔離既B仔涼粉係新開的，我同朋友都係第一次黎，以前都係去舊店。估唔到呢度又幾大幾光猛🌞 我目測應該有2x張大圓枱以上，不過衛生情況要改善下，尤其係前面近廚房附近既枱，有好多烏蠅😵不過B仔既優點就係有勁多選擇，甜食、咸食都一應俱全。就咁睇個密密麻麻既餐牌就知道。因為我地已經食到飽左，所以就咁叫2個甜品就算。椰汁芋頭西米露 ($21)可以揀凍/熱食，我就叫左熱食，養生😌 西米煮到一粒粒，唔會黏埋一起變成一舊舊；而芋頭煮都好綿，而且芋頭同椰汁的配搭非常好，香滑可口。楊枝甘露 ($37)朋友叫左楊枝甘露，又係一碗足料之作！滿滿的芒果🥭同埋柚子肉，食完透心涼。

入親元朗都一定會去食呢間糖水舖糖水款式多小食又多( ´ ▽ ` )ﾉ新鋪環境乾淨，座位之間都比較闊落雞翼尖香辣入味，每次食都完全停唔到口滷水雞腳都好食，但我鍾意食辣既所以會整埋落雞翼尖啲蒜蓉汁黎食個人覺得仲更加好食🤣🤣🤤記得上次食豬皮印象中都幾好食但反而今次叫就有啲失望個豬皮太過淋冇口感，而且叫咗辣味佢俾咗份唔辣嘅，反映過後，加咗啲咖喱汁俾我地，但咖喱汁一啲都唔夠完全食唔到咖喱嘅香味同辣味芒果鮮奶幾好飲，芒果味都幾出，但呢杯今次唔會話好甜，有少少芒果嘅酸味🥭

Every time when we need to think off where to eat dessert, the first restaurant will be this. Here you can Not only try their dessert but also their famous chicken wings with garlic and spicy sauce

好耐冇去過B仔食野 難得去開元朗 一於入去食啲野填下肚🤣 今次我就叫左魚肉燒賣 牛肉燒賣 咖喱魚蛋 爽滑腸粉 益力多蒟蒻芝士脆脆餅🍰 西瓜汁🍉 同埋芒果汁🥭 雖然每樣食物都吾係超級好食 或者有咩特別醬料 但神奇嘅地方就係每次經過都會想去B仔都食啲野😂 有種好似童年嘅感覺 簡簡單單嘅野食 平得黎夠填肚🤣 同屋企人 朋友share野食嘅感覺 簡簡單單又一餐🥹 每次黎都有依種簡單開心嘅感覺 應該就係依到食野最獨特之處💛 應該係好多人嘅回憶黎☺️