墾丁茶房 (Closed)

今晚去大本型， 想食台灣嘢，所以去咗墾丁茶房， 員工服務態度差， 好耐先叫到人寫嘢， 叫咗個紅燒 牛肉麵， 係我食咁多台灣牛肉麵之中最差最差嘅一碗， 啲麵係一早整好放落碗加湯， 啲湯唔夠熱， 啲面仲係黐住一嚿嚿， 湯底超味精超級鹹， 牛肉好靭， 完全唔好食， 完全唔似台灣牛肉麵， 仲有個賣相，超唔掂 以後唔會幫襯。

店員沒有耐性，呼呼喝喝，食客好似打佢工咁樣，食物製作求其，找店員落單都好像要三催四請。動不動就會與你對罵。衛生情況亦欠佳。明明有空枱都好像懶得安排你入座。不建議光顧此店。除非你想搵人鬧交。

呢晚過來呢邊係諗住拎，點知關咗門。。。就去大本型睇吓有咩食。揀咗呢間，揀咗兩台式三寶肉燥飯，54蚊有杯飲品送。 飯到，感覺多餸小飯😄 仲要有半隻糖心蛋！ 味道正常啦，佢個三寶，有成六、七種食物揀。。。但對我倆就只揀四種，所以兩碗都有兩樣相同😝

鹽酥雞扒肉質還可以, 但是雞皮炸得不夠脆, 油淋淋的. 肉燥飯沒有滷汁的味道. 分量也略為少.紅燒牛肉的肉質就比較梅, 有點怪怪的. 服務一般, 環境尚可. 在眾多台灣餐廳中水準較差. 價格平多5至10蚊的話還可以接受.

入面有一名女經理對客人態度極差，對顧客十分無禮貌，直情想趕客，叫客人唔鍾意就唔好食，唔好幫襯。食物選擇又少，基本上可以話無咩選擇，收費又貴，又無套餐，完全唔想再去。

諗住食個下午茶，真係不知所謂，啲野咁既水平，賣到咁既價錢，有個服務員枱都唔幫手清，叫佢幾次無反應，重知就一土氣，啲麵又既湯又湯，真心食唔到呢間野有咩值得咁既價錢，茶記啲服務同價錢分分鐘好過佢

上2星期同啲朋友打完波,見到有間台灣野入去試下,叫咗個紅燒牛肉麵，一食啲麵太淋,最過份係啲牛肉係硬身架,大佬牛肉硬身到似新 淥熟咁，反映比員工聽仲比人串硬身好正常

垃圾食物， 又唔新鮮 又太鹹， 咖啡奶茶衰過 自己沖， 仲話係大 X 活 集團. 服務又差, 向 餐廳經理投訴, 個女經理話自己最大唔鍾意唔好食可以走, 集團請到呢啲人 遲早執, 所以咁多間分店得番呢一間, 奶茶咖啡冇味， 啲米粉 超級難食， 台灣食物呢間最差， 唔想做不如關閉了吧， 不要累人累物， 見到個女經理極度唔順眼， 今時今日咁嘅服務都可以生存， 叫個早餐 20分鐘都冇得食， 又冇招呼野又唔好食， 只會幫襯一次以後唔會幫襯， 我諗我下次呢應該轉了第二間，呢間嘢好快會再見

位於油塘大本型的墾丁茶房，主打肉燥飯及新竹米粉等台灣美食。小編與友人分別選擇了台式孖寶肉燥飯（$47），以及鹽酥雞扒配香菇肉燥飯（$57）。先介紹孖寶肉燥飯，餐單上提供了8款小食讓食客自由選擇。而小編這次選了黑醋豬軟骨與手搖脆雞翼。肉燥飯份量十足，味道亦不錯，相信會適合普遍香港人的胃口。另外，兩款小食都沒有令人失望。豬軟骨不會因為醋本身的酸味令口感變差；雞翼的外層十分鬆脆。整體而言，孖寶肉燥飯令小編相當滿意。而鹽酥雞扒配香菇肉燥飯更令人眼前一亮。特別要提鹽酥雞扒，其肉質的口感很鬆軟，份量亦十分多，令這個餐的性價比非常高。順帶一提，每個餐都有指定的免費熱飲及凍飲提供。而餐廳亦有其他特色飲品供食客選擇。綜合環境、食物質素及價錢，墾丁茶房都值得推薦。

未入去已經比餐廳既裝修吸引以藍白為主調再望望餐牌幾吸引就入去試下睇中鹽酥雞想試可惜被告知鹽酥雞買曬🙈可以選既款有限只好係主餐牌再選選左鹽酥雞排加香菇肉燥飯一上桌，原來有三款味粉可自己加都幾特別雞排香脆肉厚😋肉燥飯就差少少飲品加左錢叫珍珠奶茶，但味道都係一般

路過門口，見到餐牌幾吸引同多選擇，於是入去試試花膠雲腿雞鍋特色滷水拼盤(豬脛肉丶雞翼丶豆腐丶蘿白）沙茶冬粉蝦球雞鍋套餐都會跟一個台式肉燥飯同飮品加左一客小食，台式鹽酥雞，正另加＄3叫左一杯珍珠奶茶，唔錯整體唔錯，環境舒適乾淨，店員服務態度OK，食物質素好，值得回頭再來

最愛食炸雞排～午市黎講算中等價錢，炸雞排食咁多次都無失過威，不過係上菜速度就都幾慢下，人手長期不足。有好幾次因等太耐都差點想cancel走人。不時會變下餐牌，但人手不足仍是問題。

今日同恩人食飯，今次嚟到「墾丁茶房」特色滷水拼盤 配 香菇肉燥飯（$53）拼盤款或唔多，有雞翼，豬頸肉，豆腐，蘿蔔。呢碟拼盤係凍食嚟，因為上枱果陣係唔熱都唔暖。味道方面就比較淡味，唔夠汁水咁。鹽酥雞扒 （$57）雞扒食落係鬆軟，但鬆軟得好奇怪，好似霉霉地咁，但絕對無變壞，可以食落肚。份量都多嘅，晚市嚟講性價比都算高。台式三寶肉燥飯（$54）今次三寶叫咗台灣腸，香煎是日肉餅，魚肉腐皮卷。呢款值得一試，因為幾好食。台式煎肉餅平時比較小食，所以印像好深刻，而且味道唔錯。柱侯牛腩炆蘿蔔鍋（$70）呢款比較失望🤦🏻‍♂️。味道係好夠，但係好死咸嘅味道，淨係覺得咸味好重。柱侯味就唔太出，因為食唔到甜味。蘿蔔心起渣嘅🤦🏻‍♂️🤦🏻‍♂️。不過牛腩都算大大舊嘅。

點了一份葱香肉排和肉燥飯套餐先評論下葱香肉排，係真係好多葱！基本上葱同肉係分開，如果有人吾想食葱，但想調下味，呢個配搭不錯。肉排都香口，吾太油膩，有5嚿，薄切，炸皮吾會好厚。不過，上菜個陣張單zip 左係入面，冇拎翻出來，衛生問題，要注重下肉燥飯就麻麻，普通的汁，肉燥好少，不香，有點失望！啲飯份量好少，碗嘅一半，一個女仔都不夠食。。仲要$58吾算好抵食！杯奶茶，可以自行落糖漿，不知係咪因爲咁，冇左台式奶茶的味道，不重奶味茶味，好難飲！

同朋友行完街，攰攰D，就去左呢到食個lunch，平時都唔多覺，但今日好似張凳特別柔軟同舒服咁，跟住我地就叫左肉燥飯，同份蔥油炸排骨，個樣好靚，加埋蔥花嘅配搭，確實亮眼。但唔知係咪個火氣唔夠，送過來個陣，略嫌涼左，冇左個鑊氣，飲品唔錯，就可惜冰有點多，整體算係唔錯，性價比之選嘅。