肯德基家鄉雞 (KFC) (Closed)

(10/5/07)買走,原來好似pizza hut的錫紙兜份量咁大!雖然話什麼星級版,我反而覺得,之前未改好食d。雞肉大件左,不過成件豬肉咁鞋。汁又淋唔夠。最鍾意的格格脆,又唔夠熱。

由於大廈檢查電錶, 由9~5點都無電, 也無水, 當然無電梯. 於是決定星期六到了昂平+大佛+大澳+新機場, 行程時間配合剛剛好, 好開心, 又有好嘢食, 又可以在減肥中放縱一下, 正正正! 從灣仔步行到中環, 食左個KFC早餐, 正! 由於是減肥中, 不能常常吃這樣豐富的早餐, 對上一次吃有肉的早餐已經是年初一的事, 鳴鳴鳴!環境好舒服, 人不多, 非緊忙時間麻! 水準間間一樣啦!但為什麼間間KFC的服務員都沒有記性, 3秒前同佢地講要轉薯蓉, 都可以唔記得, 間間都係禁, 個個職員都係禁, 奇怪!

上星期六lunch,買咗個"他爾"包餐,個包一拎上手,己經覺得麵包十分硬,好似叮咗好多次乾晒水咁,完全咬唔落口,於是出去同個姐姐講啦,佢非常好禮拜咁話:唔好意思,我哋換過個俾您吖,大約2分鐘就拎返俾您,真係唔好意思...我返返埋位無耐,佢就親自拎嚟俾我,仲講多次唔好意思添,您話呢啲服務態度,邊度會搵到呢?如果我唔係趕時間,我都會填埋意見書表揚一下架.

(23/9/06)好鍾意食英式鬆餅包,仲要配埋魚柳,有coupon咪買個早餐啦。俾左張,脆香魚柳包coupon佢,返到公司發現,竟然係雞排芝士包!!!!?上次買卷已Lai野,攪錯左,今次又...!激氣係空歡喜一場!仲要係,早上我真係唔想食炸雞麻!寫呢個食評發現呢間原來係無一個笑既,下次真係要多口問清楚,confirm佢有無執錯。

第一次叫KEC外賣，見到網站介紹新出香草雞，當然試下啦！點知係咁難食...雞味又冇，香草味又冇。下次都唔會再試。

(7/3/06)鍾意食多款口味既o野,一心諗住食鴛鴦雞卷啦!點知兩件都係意式雞卷!我o個件係即買即有的,另外三個同事o個件,係買完要等的。但其中一個都同樣兩件意式雞卷,仲要有加左北京風味的大蔥!錯上加錯。明白職員手忙腳亂,只係諗住食兩款,會好失望啫。很喜歡的紫菜雞卷,唔明點解,間間食都唔夠熱o既。雞肉蘑菇湯,勁多料!勁正!不過如果唔跟餐,要$12,咁細兜,唔抵o羅。p.s雞卷o既餡,唔及薄餅皮多,所以食完都飽咯。

下午茶時間.本來諗住又去吉野家食牛肉飯.路經kfc見到呢間有日本野食咁得意既??就諗住入去試下啦...... 入到去..得一台人,心知不妙.但入左黎唯有頂硬上啦... 叫左雞飯..佢呢度好搞笑,好似同吉野家打對台咁.d野食一模一樣既.但水準就差得遠lu....d雞我懷疑醃都無醃過..又淡又大陣雪味...d飯成一pat野...好似食無水既粥咁! 呢間咁既野都生存到你話係咪中環奇蹟呀........

最初經過門口仲以為係乜野日本餐廳，一入到去先知原來係KFC....XD叫左咖哩牛肉便當，我成日"凝"住佢D飯係辣汁磨菇飯o個D白飯。D日式咖哩都幾好味，不過實在係太少喇....好快就食晒D咖哩。牛肉D味有D似吉野家o個D，都好味既，不過就非常十分韌囉，勁難先咬得開。另外我認得墊住D牛肉既菜就係KFC菜絲沙律o個D菜，不過冇左D沙律汁就變得好乾同好淡。KFC有便當同拉麵食，都幾特別，我都係而家先知，真係估佢唔到啊XD

同友人o係中環午間茶聚, 我唔肚餓, 見有日本小食, 就要左個蟹籽沙律. 收錢至知要$24, 仲貴過元氣,元緑.個沙律裡面勁多粟米,火腿同青瓜絲, 反而蟹柳得寥寥數條, 似係茶餐廳o既大什會沙律多d播! 而且出晒水, 賣相極唔討好, 味道亦未達水準, "叉廚"我$24, 過份d喎!p.s.蟹籽沙律係咪真係傳統日本食物? 去過咁多次日本,o係日本當地o既百貨公司超級市場我從未見過呢種沙律,唔通呢樣係"居酒屋限定"?