肯德基家鄉雞 (KFC) (Moved) New Location

雞記出左呢個款$19.8既套餐，睇落好似幾多野食，就買個來試下﹗包一件雞鎚、粟米、鴛鴦飯同埋飲品，我估如果散叫可能要三十幾蚊﹗雞記當然炸雞最有水準，皮脆肉嫩，係嫌佢油左少少，食落有0的罪惡感吧﹗一向都鍾意佢地既磨菇飯，個汁夠濃亦香，如全個飯都係磨菇汁就更好﹗粟米是餐後小吃，加牛油更惹味﹗整體個配搭很不錯，飽肚又多款式，俾個笑﹗

平時kfc出既新食物我都覺得好一般...可以話試一次就唔會想再試..不過今次kfc出既炸壽司飯卷又估唔到咁好味...昨日我就叫左個combo set來食..個炸卷真係令我有驚喜, 夠熱夠脆又唔覺得太油咁..入面好唔係太似食飯咁似係d沙律醬淋淋地..不過食唔出有咩蝦..不過都令我心思思想再order一條來食既.

由於友人番早, 6點多便吵醒睡夢中的我陪佢食早餐, 謂之爭取時間見面云云. 叫左個類似卡巴的早餐, 有蕃茄, 蛋, 雞肉作餡料, 略嫌包皮太厚, 餡料太少, 吃下只有厚麵粉的質感; 另+$轉鮮橙汁, 很普通的一餐食不知味, 盼再與周公相聚

發現了新推出的朱古力批,當然要買個試試.本來對這個朱古力批都幾期待,因為它們近幾個月的新出品質素都不俗; 不過吃罷卻有點失望...首先,皮太厚,似在吃餅乾多過"批". 至於那層不知是cream還是棉花糖的夾層,本來配朱古力應該不錯,不過個批不夠熱,朱古力變硬了便不好吃.不知何解我總覺得這個"厚"批的味道很外國,不太適合港人口味... 無論如何,我不喜歡... 如果想試的話就請記住趁熱食才最好吃.

十月廿六日(星期日)因為要趕6:15去看戲,所以早點前來吃個EARLY DINNA!今次不用吃桶餐!感謝老公開恩!!!我吃了那個雞包餐!是TOWER...中間有塊薯餅!...很大-.-!!!!包算不錯!!!!不過非常飽!還有三塊薯格,雞脾!雞脾一般!!很少肉,炸過了位!老公吃了雞皇飯,應該不錯呢!我們加了CHOCOLATE BROWNIES.....很小呢!!而且非常脆,不似蛋糕!可試可不試!.......

見佢呢排PROMOTE果D好抵既餐睇落去又真係好抵咁就去食$28.9又包又薯蓉又點點點諗住拎走返學校食啦果姐姐俾漏左最中意食既薯蓉個餐即刻好唔抵..但D野食都可以既~P.S.仲記得果個8蚊既芝士粒得4粒仲要丁屎咁大我知廣告會呃人但真係俾佢呃哂

出左一輪既芝士波, 起廣告見到好似真係幾鬼馬終於尋日的起心肝, 食完lunch, 單買貴少少都要試呀點知...$9.8/5粒, 覺得貴左d囉, 仲要係唔熱, 只係暖, 咬落去, 感覺唔到d芝士係流出黎既, 平時如果夠熱既, d芝士會溶溶地咁流出黎架嘛, 唔知係呢間分店做到咁定係點喇?!係真係一粒好實在的芝士呀~完全無廣告裡既效果

睇到廣告有咁鬼吸引既芝士波, 忍不住又走人買個套餐來試吓...個餐包括一個雞包, 一件雞同CHEESE BALL...個芝士波就認真麻麻無咩芝士味, 相反個雞扒包就夠脆夠好味.

這晚試了個巴辣雞腿包餐。雞腿包頗有睇頭，大大個的，雞扒不辣，但炸得香脆，肉質juicy嫩滑，加上番茄生菜和千島汁，又幾好味喔！套餐還包一件炸雞和一杯汽水。雞槌炸得香口，味道不錯！這個晚餐，頗有驚喜，吃完了，有點意猶未盡的感覺，有想吃多件的衝動！

被kfc的網頁的早餐相片吸引,買左2個早餐外賣,我食20號餐雞扒+香腸+鬆餅+通粉. 我將個鬆餅轉左薯蓉返到黎發現個薯蓉變左鬆餅冇幫我換到..算..死地地食左去,普普通通.但好不滿比錯野我.雞扒是炸起好耐的,唔好食,唔健康,睇相唔知係炸的,都算了香腸普通咖啡ok算不錯.最後係果個通粉, 咁大個人未食過咁難食既通粉, 佢係整起左好多通粉擺係到等人買的, 成兜通粉係發大哂,淋哂,冇味. d湯同埋蛋絲都好難食.最後食左幾啖頂唔順唔食了. 大x樂,美x,d味精通粉都好過佢好多.麥xx的難食通粉都好過佢.我平時都係買外賣通粉返屋企食,都唔會發到咁,好明顯係佢問題. 真係冇諗過呢d通粉可以賣比人食!以後都唔會再食kfc早餐!

晚上自己一個人食飯, 最後決定去kfc試埋個意式雞扒餐...有跟湯; 菜絲沙律, 一大塊雞扒及意粉($32)上次試左佢地既燒雞餐好回味, 所以對該套餐都十分之有期望點知都係失望收場...沙律出曬水不過好彩都唔會淡而無味; 個湯都ok啦不過不失; 意粉最正常起碼唔會一patpat, 反而個雞扒唔係好得好鞋口一d都唔juicy..認真失敗

Lunch 同朋友0黎0左呢度食, 叫0左個2 件雞+ 細薯蓉+ 汽水餐. 有新0野試喎, 就加0左$0.50 將其中一件轉做蒜香味0個隻, 另一件就要唔辣.蒜香味炸雞賣相幾麻麻, 有一點點黑色0野0係面, 唔知乜來的, 不過食落幾香, 亦幾juicy. 今日換0個件雞唔係雞脾, 但肉質同味道都拍得住雞脾, 唔錯喎.反而另外普通唔辣0個件雞翼幾難食, 嚡都不得了, d 肉又乾又硬, 但又咁多油, 真係好唔得.朋友叫0個個Teriyaki (照燒汁雞扒) 包好似都係新0野, 我無試到, 不過朋友話件雞扒好硬好「老」, 食0左一半就放棄0左.今日食呢餐0既要求只係「平」,「快」同「放得入口」, 要求咁低, 所以都唔算好唔滿意, 不過奇怪點解呢間分店供應0既食物會比其他少? 連鎖快餐店唔係應該間間一樣0架咩? 某d 海鮮唔係個個season 有就話0者, 唔好話我聽無葡撻賣係因為d 蛋not in season 呀!? -_-!!!

好耐冇食呢度o既炸雞,今日食發覺D雞肥膏多o左,香料少o左,味道差o左,雞肉又鞋o左,實在令人失望!睇o黎以後都係食巴辣雞翼算咯...

唔係我bf話想kfc, 我都唔去.我只係叫左雞亦同鬆餅, 佢就叫左個套餐, 有幾舊雞, 薯蓉, 同什菜沙津. 不得不題呢個什菜沙津, 真係10級難食!! 一打開蓋, 水汪汪, d菜又加左d青椒絲, 見到都唔開胃!!最慘就係個鬆餅, 要等, 點知一等就係成十五分鐘.有無攪錯! 快餐要人等咁耐就唔係快餐啦!

依間KFC 既食物種類係比其他KFC既少d嫁,今日想食格格薯脆又冇,另外食白蔥雞翼又冇,如果想0係九龍灣食,可以考慮去淘大果間