肯德基家鄉雞 (KFC) (Closed)

早餐其實一向都無咩要求，因為岩岩起身根本食咩都無味，想訓多陣就真﹗不過除了是旦買件十蚊三文治食之外，我都仲鍾意去肯德基買番個雞包餐食﹗雞扒大大件，咬落多汁，再配上已經熱溶左既芝士，真係好味﹗雖然係heavy左0的的，不過一星期食一兩次都不為過吧﹗呢度0的咖啡俾茶記香0的，15蚊有個好味早餐﹗足願矣﹗

自從上次吃過青檸黑椒雞翼後，都覺得這口味不錯，今晚有機會就和女友來Encore！要了個跟雞腿包的雞翼餐。雞翼是全翼的，今次的青檸黑椒雞翼稍稍不夠熱，吃落可不太新鮮，可能放了一段時間吧，不及上次即炸的好吃，但味道還是差不多，依然是黑椒味遠勝青檸味。而巴辣雞腿包維持在一貫水準，但雞腿部分硬淨淨，但今次的厚切蕃茄補番數，夠新鮮。加杯可樂，熱氣十足，相信短期內也要戒吃快餐食物了！

7月12日偕隊友於又一城短聚數小時, 試吃新產品"黑椒特檸大雞翼套餐"。黑椒特檸大雞翼：黑椒香辣惹味；配青檸一片，可隨個人喜好滴多少在雞翼上，感覺頓然清新；雞全翼啖啖肉，好好味食到啜手指～雞寶：炸物，外層極脆，內裡雞肉有脂肪，頗油磨菇飯：保持一貫的水準薯格：保持一貫的水準可樂：柚子特飲售罄，只好要健怡百事建議：既然有黑椒特檸大雞翼，何不來供應青檸梳打作特飲？來個首尾呼應嘛～

又出新餐 主打都係個雞包仔今次配料有巴辣香雞翼 脆雞粒 同薯格巴辣香雞翼2件散買好似都成10蚊 今次加左個餐度但係個餐都仲係$28.5 所以真係ok抵食 但真係好熱氣...

星期六午餐同朋友們隨便咁揀左KFC黎食 , 對於煎炸野唔太喜愛既我黎講 , 去KFC真係冇咩可以買黎食 , 因為佔左8成都係炸物 , 不過朋友們想試下新推出既產品味道如何丫嘛點左一個巴辣雞粒桶餐 ($114) , 其實就只不過係平時既桶餐加多左一個巴辣雞粒咁ja , 拎出一粒巴辣雞粒出黎睇 , E~~~面個層真係炸到一粒粒珍珠咁wor , 哈哈哈只不過就食唔出有d咩咁特別 , 入面既雞肉有d"鞋"口添 , 而且朋友們都異口同聲覺得家鄉雞味道差左 , 幸好買個陣講明唔要雞胸 , 如果唔係一定食唔哂囉 , 件件雞胸都整到鬼成咁大塊 , 始終都係比較鐘意食巴辣雞翼呢d , 細細隻又冇咁滯食多幾隻都可以 , 幸好薯格﹑雞皇飯同磨菇飯仲保持到一貫水準ja。P.S. 葡撻已經風光不再 , 以前買黎食係熱辣辣又脆口架 , 宜家買黎食個陣就"林"哂。不過KFC重點係sale家鄉雞架嘛 , 係咪應該檢討一下點解會難食左呢!?希望可以繼續堅持KFC一路以黎既口號 - 「We Do Chicken Right!」

五月廿三日(五)今日去左九龍塘見工，真係一個新奇體驗，間野成個Club House咁，超靚～行返去又一城時無野做行下行下想食d野又唔想使咁多錢於是就入左KFC度坐坐～下午茶4號餐($16)，包括：葡撻、巴辣雞翼X2、餐飲葡撻酥皮薄而脆，蛋心香甜，好食過唔小餅舖既蛋撻，可能我鍾意葡撻甜D巴辣雞翼新鮮出爐，香脆、雞肉嫩滑，炸雞翼黎講其實KFC都算幾高水平～餐飲揀左美連達，和人喜好，汽水其實都炸野好夾，不過無益啫～緊張過後係一個有自然光舒適環境度Tea一Tea，真係夠晒寫意。食咩都好食d，今餐非常滿意～！

今日lunch去咗kfc,諗起廣告出個呢個飯,便叫咗嚟試;珍珠脆皮雞扒飯x日式咖喱汁+飲品($27.5)--珍珠脆皮雞扒都算大塊,一粒粒珍珠脆皮食落口幾得意,很香很脆,味道唔錯,至於嗰日式咖喱汁,很香,唔算太辣,配埋一齊食,可以食到咖喱味,亦能帶出雞扒的味道,不錯.還有一小碟豆角,有少許甜豉油,味道一般,但算叫做有啲蔬菜,好似健康啲啦.而我今次嘅飲品就選擇了熱朱古力咖啡(需加$5),咖啡味很香,亦帶點朱古力味,可以一試.

放左學,我同阿Ling肚餓就落左九龍塘KFC食野我地2個都已經好耐好耐未食過KFC啦!亦好耐冇去九龍塘間KFC食野,佢裝修得好靚,又大wor!!!Good!!我地叫"至爆套餐",一直都想食..今日終於食到la^^佢個包好好食啊,而且又夠大!!食左個包幾乎接近7,8成飽^^但仲有芝士波波,雞胸肉,可樂個芝士波波食落去冇想像中好味..整體黎講幾好,因為環境靚,野食又正!!

在家裡埋頭苦幹, 要完成的東西多的是, 就請媽咪幫我帶一份kfc來, 頂一頂肚, 要在天黑前完成所有assignment是相當有難度媽說這個幾好味, 就買回來給我, 沒問我意見kfc的水準, 可以有幾好呢?! 重點是價錢實在便宜, 相信是原因, junk food一向唔健康, 我好少好少吃, 不過雞還是不錯的, 但當我想到kfc如何養雞的慘況, 就吃不下了沒番炒的理由, 最多都只是因為價錢平

5星級呢個set一個字，抵~味道soso都試下la~重點推介返而係tea set入面既香蜜鬆餅(單買$6.5): 好好味ar~外面搽左蜜糖甜甜地，加上烘過，表面變得硬硬的，入面卻保持到濕軟，好味ar超愛檸茶用上真檸檬，雖然茶唔夠茶餐廳咁濃，但都ok可接受~環境方面係新裝修，闊落左新淨左之外，冇乜大感覺

第三站–又一"場"戰役時間:2008年3月14日(星期五)地點:九龍塘達之路80號又一城L2-30同老公仔放工之後,又上戰場喇!今次係我地第三站!我地去又一城!咁旺應該唔會好似上次荃灣果間咁掛!去到既時候七點左右!人唔多,但係我地都要搵個比較少人D既位...唔想比人歧視食4人餐-.-!!!等左陣D邊邊位都等唔到,最後坐左個入D既位!老公仔之前出左去入會..仲要一次過幫屋企人入哂會!真為食喇!本身有個雞包+桶餐,最後都係食番呢個啦!仲因為老公大人係MEMBER,所以有兩個葡撻送TIM,唔知係好事定壞事呢!辛苦老公仔出去排咁耐先買到!首先食左個葡撻先,因為呢樣襯熱食先夠好味!!^^好喇食完之後,進行撕殺行動喇!!D雞胸唔錯呀!!幾入味!而雞比都唔錯,果然係又一城呀HA!!好有水準!而薯塊都YUMI YUMI呢!個飯都唔頹!...真係值得比笑樣架!!加上呢個PROJECT KFC對我地咁有意義...更加值得一笑啦!!!....仲有,老公仔......我等您.........一生一世!>3<OUR WISH IN MOBILE ART WILL COME TRUE...

睇到電視廣告見到有新餐即刻仆倒過黎試九龍塘呢間KFC仲要裝修完環境一流!講返個新餐$27.5 係KFC咁多個餐入面算平!有個包有汽水有薯格仲有件雞下脾真係幾多野食!主力都係個包有蕃茄有生菜最正都係個千島醬配合埋塊又厚又多汁既雞扒真係一絕一定要試下!

今日到kfc,因為要快食,所以就只係叫咗一個蘑菇飯同一個雜菜湯,共十九蚊.蘑菇飯很多汁,蘑菇亦很大隻,好好味!雜菜湯略為稀,只有幾塊棷菜及幾粒紅蘿蔔.

在又一城行行吓口痕,入去kfc買左盒巴辣雞粒嚟食!此食品乃近年來kfc佳作,因為味道好好,辣辣地既雞粒個皮脆脆地,口感好,加上雞粒啖啖肉,而kfc又係做雞肉做得得唔錯,所以質素好!加多個葡撻同杯可樂,又一餐!

雖然照片難看，但食落巴辣雞翼辣到好似情人打得火熱一樣。