肯德基家鄉雞 (KFC)

Open Now

Now Closed

返學之前，去左呢度解決個午餐。有隻新既烤雞腿包餐，就試一試啦。呢間既環境比其他KFC為靜，可能係位置唔算太方便既緣故啦。烤雞腿包雖然個包唔算太大，但都算幾多料既。有生菜、蕃茄、薯餅第既材料。而且有小小似芥末醬既醬汁，不過我唔肯定係咩汁。個薯餅依然脆口，無比汁浸到淋哂。呢樣係相當之好既，真係唔錯。巴辣香雞翼味道都算唔錯，有雞味。薯塊太乾身啦，唔係太好食。凍奶茶都唔錯既，又唔會落得太多奶，唔係既就變左奶水啦。個新產品既味道唔錯，有舊薯餅令個餐豐富。

今日特登去睇下有冇 墨西哥脆脆賣,本身仲以為剩係外賣先有..!!!所以買左蜜蜜燒雞翼套餐配薯蓉+$6要墨西哥脆脆.. 蜜蜜燒雞翼一貫作風,味道唔錯有蜜糖味..正 !!墨西哥脆脆...其實我覺得只是一塊脆既印度薄餅 +芝士醬..沒什麼特別~而且芝士醬份量較少...唔夠喉!仲有呀..企左係收銀處等左一陣先有人理我囉!!兩個職員係我前面傾偈都唔理我,有冇搞錯呀????

情人節去了食新餐KFC 雞髀皇 + 辣汁蘑菇飯 + 汽水 (24.8)另外加$6 要多個墨西哥脆脆(配特濃芝士醬)雞脾王....普通過無得再普通...甚至係難食淡而無味...肉嚡又乾..皮又唔脆.....唔需要+無原因要再食佢辣汁蘑菇飯,汁ok多,蘑菇唔算少,味道少少辣,還可以墨西哥脆脆則有驚喜份量比想飲中多,最少有10幾塊(你要知道佢果d乜鬼粒粒雞得幾粒好鬼少)脆...佢果種脆感覺好正,唔係薯片果種..似春卷果種但又唔係哈哈,幾得意,我鐘意至於個汁特濃芝士醬佢加左辣粉,少少辣兩者配合起黎好好味有機會都想再試整體黎講ok而已,雞脾實在太差

同阿媽去試,叫左兩個至爆套餐+5隻巴辣香雞翼 ..個餐有野飲+兩隻蜜蜜燒雞翼+薯格+磨姑飯+棉心朱古力批 $27.x我就+多$7要左杯凍咖啡朱古力..我係比佢張相吸引左~~個賣相真係幾得呀 !!~~不過可能飲唔慣既關係 (好大陣咖啡味)~所以飲唔晒 ...蜜蜜燒雞翼,食落去幾正...甜甜地咁 ~~~巴辣香雞翼..勁細隻 !!都唔知食炸粉定雞翼 !棉心朱古力批 ,之前見人話勁甜..所以都唔敢有太大期望~~點知阿媽話幾好味...哈哈~食落都ok啦 !!出面個層勁似曲奇 ..我鍾意食忌廉呀..所以覺得唔錯,不過有朱古力個面我冇食..剩係食白色個面..!最唔好就係連濕紙巾都冇埋...食蜜蜜燒雞翼搞到成手油..環保就話唔用手套姐..連濕紙巾都冇埋真係好唔方便呀..!

受到廣告的介紹去食呢個棉心朱古力批單點$8外皮真係好脆但咬落去....唔見有棉心wo望入去~批的上層~只係一層白色~下層係黑色的朱古力2層都係痴得實一實~薄薄的....點睇都唔係廣告嗰d~~~會流出嚟??不可能!!!!!!!!!!!佢唔係難食....全部都係估到的味但同mc記一樣....廣告同現實不付

勁呀~8層包~佢俾少左一層我呀一早知8層會好飽~但打開~少左一層....好彩未咬姐~可以等佢加返一層俾我不過呢個餐~真係冇可能食得晒的~我一件薯格都食唔落~不過呢個飽~真係很很很飽....................食到冇味覺~食嚟唔知為乜~完全係咬緊脂肪~上次佢打贏左足三兩~今次打唔贏蝦堡了~(如果OPENRICE唔俾登~請問何解??點解次次一彈親D嘢都唔俾人登.....佢地落左廣告嗎?)

返屋企途中諗起兒時最愛之一KFC, 就黎買左個外賣... 由於有coupon既關係, 揀左個呢個餐﹕兩件雞(辣) + 薯蓉 + 可樂一杯($23.x)兩件雞包括雞上脾同下脾各一, 雞上脾還不錯, 只是肉偏鞋了一點點.雞下脾瘦猛猛, 乾得不得了, 差勁.薯蓉問題最大, 個汁淡到... 記得細個食係覺得超好食的, 絕對同呢個係兩回事.. 食完兩個字﹕失望. 希望只係個別分店既問題吧! 懷念小時候吃的KFC...

晚飯時間諗唔到食咩好..就揀左叫KFC食叫左個(媽)住噗套餐..不嬲都好鍾意食KFC既葡撻..但係佢地話賣哂-搞到轉左5舊CHICKEN WINGS有DD失望..磨菇飯今次有好多磨菇飯..不錯但D飯就硬地- -算啦..KFC100蚊都唔知既餐係咁嫁啦薯茸OK..但食多一兩啖就感覺好悶..食唔落今次KFC比我感覺都係一般..

上星期同同事叫外賣KFC，$99個二人餐包四件雞、兩隻蜜蜜雞翼、一個磨菇飯、一個肉醬薯蓉同一枝可樂！其實都唔算平，每人都要$50，我也仲加咗$4將磨姑飯改為肉醬意粉。果四件雞和雞翼尚算不過不失，那個肉醬意粉實在不得了，白恰意粉，一 d 味都無，個汁又少又稀；薯蓉我就一向都唔太鐘意，所以才特意將磨菇飯改肉醬意粉。好怕KFC d 磨菇汁，杰撻撻咁！不過呢間分店最經典是永遠都唔識去我座大廈，每次去到附近都要打嚟問一餐。今次終於記得提吓佢，我哋個確實位置，還叫聽電話果個記得話比個送遞員知，如果仲係唔知，就睇睇地圖…..結果……又係要打電話嚟問……你知啦…食飯時間得一個鐘，梗係唔想阻延啦！但我座大廈又被迫要去呢門叫外賣速遞....真慘！

第二站–南豐之役時間:2008年2月24日(星期日)地點:荃灣青山公路264-298號南豐中心3樓30 今日相約老公出戰!第二場戰役因有傷兵,所以遲左!><去到,見到好多好多賓賓,佢地佔左7-8成...等左10minus有位!坐低左,老公出左去買野食!上次係食108餐!以為老公叫番呢個餐!...點知佢買完番黎話有個114蚊餐,多d野食-.-!!!多左個粒粒雞同埋三件巴辣香雞奕!!多左野食,更右食唔哂喇!好彩老公叫佢唔好比粟米ja!!!!今次比起上次差左好多呀!!KFC要做好多QC喇!D辣雞都唔錯,都幾有雞味既!不過有件好細件!仲有,D薯格好似冇上次咁好食,唔多薯仔!...而粒粒雞又冇雞味同埋唔辣呀!上次o係大埔食好味道好多呀!!而飯呢,我都食負責磨菇組!不過真係難食左wor!今次同上次冇得比呀!第一站好食d,同埋今次好多人,仲有人覺得好奇怪我地兩公婆咁大食-.-!!!不過KFC呢個PROJECT好特別對於我地兩個黎講!!!!..快d完成就好喇!..星期日都係一個唔好既時間,因為KFC實在太多賓賓喇...都係平日去好d!下次去會係3月中倒啦!!!不過我地都一定唔會再黎呢間

上星期同班朋友一齊去呢間kfc食x'mas餐..叫左138$..d雞好難食...個個食左一啖就無再食..d飯又凍...真系唔知佢系咪唔知d飯凍囉..好後悔去食!!

17/12 心陏陏想食KFC,同男朋搵左好耐先搵到間KFC..叫左個108桶餐食,一見到D野就唔太吸引..- -"呢個唔系重點,個桶有2個飯,雞皇飯又硬又凍..想點呀?個薯溶一半系D水黎..唔敢食!最離譜系,問佢拎茄汁佢竟然話冇囉,要我走過M記拎..個粟米又淋晒,好鬼難食囉!自己整都無甘難食!當我食完,見到隔離枱岩岩買左野食,拎左4包茄汁,又話無茄汁,唔通個D系血呀?問佢有冇濕紙巾,又話無呢個服務好耐,俾左廿幾張紙巾叫我地整濕就可以當濕紙巾..無奈。食過幾次KFC,第一次食一間系甘鬼難食!D服務又差到嘔..個個似玩多過做野!問佢拎個樣無個樣,後黎又俾我見到人地有..大家去呢間食,要考慮清楚先好入!

20號果日同男朋友去到呢間KFC,諗住食佢新果個脆爆雞槌,點知要我地等20分鐘都算啦~到我地食完晒D野,都無人話比我地知D雞槌得未!?拎住個牌都唔知有咩用???在場都有好多人等緊D雞槌~有個family開始等到唔耐煩,成日出去問都未有,半個鐘都過左,有幾個人再出去問,d staff先話有喇~我眼見起碼有6,7個牌要雞槌!但比左2份後到我男朋友出去問時,佢地話無晒喇~個staff話如果要雞槌要再等多十分鐘???我地已經呆等左半粒鐘,仲要等多十分鐘?食果2件雞要人等成8個字,明知有咁多人叫又唔整多d,叫先叫後唔係排隊而係先到先得,咁都得??炸雞駛唔駛咁耐呀?不知所謂~未有雞先比個汁你,哇~裝醬汁個兜大到吖!其實係d醬汁少到你唔信,我仲以為自己睇錯...最後我地唔再等退$走人!最差最差係呢間KFC d staff,個個夜晚7點幾都仲未訓醒,叫飯又唔比叉或匙,用手拿咩?唔係淨係得我地係咁架,我見個個都要番轉頭問佢地拎乜拎物...唉!最後食左野好似無食咁,從未試過有d咁差既service架!!!

今日特然想食kfc..就去左kfc到買左個餐番屋企同屋企人一齊食買左個128個餐番到屋企打開之後發見好多問題... d浦達又冇浦達個隻味仲要個底黑過我屋企隻(獲)... d飯又冇汁..d雞又炸到勁黑..個d薯格..得4舊囉.. 佢地唔係第一次係咁架啦.. 今次就太嬲~打左電話去同佢講.. 佢就話轉頭10分鐘左右再俾俾電話俾我.. 原來佢係走左去查下我有冇買到..同買左d咩..好似我呃佢地野咁囉..跟住講哂有咩問題..佢就話換過哂俾我囉..換過哂既野係唔同d囉.. 完全係唔鬧唔得囉.. 外賣自取d野就俾垃圾人食鬧完就俾番d食得既野俾人食~好過份囉我仲影左好多相..

(26/3/07)買take away返屋企,新的咖哩豬排飯,吉烈豬排勁脆,好味,但咖哩汁甜得不成咖哩,好難食。雲妮撻,得個甜字。同葡撻比,簡天壤之別。