肯德基家鄉雞 (KFC)

Open Now

Now Closed

係屯市行行下街攰攰地，經過KFC就入左去買杯雪糕食。新出既朱古力曲奇新地係menu張相影到好靚好好味咁，就買黎試下。但冇想像中咁濃味，似係假假地既朱古力，曲奇粉碎亦都唔多。整體一般。

最近見到電視賣廣告，黃金雞。我地一眾數人便立刻出發去華都商場既肯德基食。點知擺左個烏龍，原來黃金雞1/24先出。不過既然一場來到，都冇謂白行一趟，所以都入去食個lunch。講返一樣好重要既野，就係KFC不時都推出好多飲食優惠券，果然今次都有。我地四個人用優惠券買左兩個二人套餐。盛惠144。除開每人都係36蚊。每人有兩件雞，一個大既磨菇飯或白汁雞皇飯，再加一個葡撻同一杯可樂。大家都捧著肚回去做野。講返華都呢到，佢裝左部自動販賣機，節省左好多排隊既時間，另外佢有部自助水機同埋一部洗手機。好貼心👍👍

原來而家KFC 同麥當勞一樣，已經可以係部機度自助下單啦，仲可以pay wave 添，好方便。唔想自己落單，可以照排隊落單。呢間店出餐好快，一落完單，一分鐘都唔使就有得食啦！叫左S1 香烤蜂蜜雞翼餐，包左細蘑菇飯，葡撻同一隻蜂蜜全翼，一杯飲品，$23。抵呀！轉熱蜜糖綠茶仲唔使加錢添，雖然係茶包茶。雖然野食出得快，但係D野仲係熱架喎，個人認為，KFC既葡撻係好好食既，甜度適中，皮又脆。飯又多汁，又熱辣辣，正。雞翼燒得岩岩好坐位又闊，唔使同人迫。

好抵食，做緊優惠，$42有燒雞兩件，葡撻，磨菇飯，薯格。燒雞好juicy好香，次次黎食個水準都一樣。不過成日都覺得磨菇飯個汁少左d，成日食到底就得返白飯，個人好鐘意個汁，好濃味，小小辣非常香口惹味，下次如果多少少汁就好啦。金黃色既薯格好脆好香，拎到上手暖暖的，唔凍但如果更熱就好啦，食咁多樣野最鐘意係呢個，係m記薯條同kfc薯格我諗大多數人都係簡薯格！$42呢個價我諗我會黎食多幾次，性價比高！！！！！！！

買完餐後，在一旁等，當看到螢幕顯示自己號碼，自然地去柜枱取食物，但職員用不屑眼神望我張單，並拋下一句……未到……咁點解螢幕顯示呢？職員們並未理會，只自己叫喊號碼！那為何要用螢幕呢？到取食物時，朋友話要check 下齊唔齊（朋友曾在新墟KFC買，回家才發現唔啱）激死……真係唔齊，欠兩件雞和兩個薯蓉（我只叫兩個兩人餐唔係大 order），去柜枱問時，只望張單就比返兩份雞用薯蓉，冇睇過我袋食物，完全冇歉意……真懷疑他們是否經常比少客人呢？

自從屯門市中心果間結業, 要食KFC, 最近都要去到新墟果頭, 今次響華都商場開左間KFC, 好開心, 再唔需要行好遠就可以食到喇~門口設有甜品部, 行過買雪糕好方便今次係第二次唻呢間KFC, 第一次食D雞好新鮮, 好多肉汁,但偏咸, 唔知係唔係有人投訴, 發現今次明顯有改善. 叫左兩個M2香辣脆雞套餐, 配脆薯格,驚喜發現脆薯格又熱又脆, 其實KFC好多分店都做唔到呢個效果, 多數都係淋左, 又凍兼唔脆, 可能係呢間新開既KFC TURNOVER夠快, 做到好新鮮效果, 至於香辣脆雞, 味道剛好, 新鮮多汁, 粉醬唔會好厚, 係期待既味道, 希望可以一直KEEP到呢個水準. 不過, 等餐時間較耐, 其實D雞已經炸好, 唔明點解要等咁耐, 希望餐廳改進下.用KFC 信用卡仲有95折添