米泰 (MegaBox)

Open Now

Now Closed

米泰是一家值得推薦的餐廳，他們的菜單中有一些特色菜品非常美味。首先，米泰秘製海南雞飯是他們的招牌菜之一。這道菜以嫩滑的雞肉搭配香氣四溢的飯食，口感鮮美，令人回味無窮。菠蘿黃薑炒飯配雞肉串燒是另一款受歡迎的菜品，炒飯的口感香糯，搭配多汁的雞肉串燒，味道十分搭配。芒果椰汁三色糯米飯是一道清涼的甜點，糯米飯搭配芒果和椰汁，口感鮮甜。特濃咖啡火焰香蕉焦糖燉蛋是一道豐富的甜點，燉蛋搭配濃郁的咖啡和焦糖香蕉，口感濃郁香甜。原隻椰皇雪糕配椰果脆脆是一道清爽的甜點，椰皇雪糕搭配椰果脆脆，口感綿密鮮美。炭燒沙嗲豬肉雞肉串燒和炭烤燒魷魚是他們的燒烤菜品，肉質鮮嫩多汁，炭燒的香氣令人垂涎欲滴。米泰香葉包雞是一道獨特的菜品，雞肉搭配香葉包裹，口感鮮嫩多汁。炭燒豬頸肉則是一道烤肉菜品，豬頸肉烤至香脆，風味獨特。總的來說，米泰的菜品豐富多樣，口味出色，無論是主菜還是甜點，都能提供美味的體驗。

Our office hosted a Christmas party recently and we ordered party menu from Khao San Megabox. Everyone enjoyed the food so much!! The set was for 14-16 pax and it was absolutely value for 💰💰💰. Portion were generous and food tasted delicious. We have team mates highly recommend to try the shrimp patties, homemade Hainanese Chicken (very tender even the chicken breast), prawn pad thai (huge, crisp prawns) & the pandan coconut milk fried rice with crabmeat and mango. Dessert, tri-color glutinous ri

琴晚去咗「米泰」食晚飯，叫咗冬陰功火鍋二人餐，味道真係正！湯底酸辣開胃，配上新鮮嘅海鮮同肉片，真係令人垂涎欲滴。仲有其他小食配菜更加增添風味，真係適合分享嘅滋味火鍋！🍲😋香芒牛油果素菜米紙卷，味道清新又健康。米紙包裹住新鮮蔬菜同牛油果，配上香甜嘅芒果醬，一口咬落去，口感爽脆香甜，真係好開胃！🌿🍡😍泰式炭燒豬頸肉，豬頸肉燒得恰到好處，外脆內嫩，帶有微微的炭燒香氣，配上酸辣嘅泰式醬料，味道鮮美，一定會令你回味無窮！🍖🔥😋冬陰功拼盤，包括特大虎蝦、鮮鮑魚、紅星石班魚片、青口、泰式豬肉丸、 泰式麵、海鮮菇、 唐生菜，每一款都新鮮好味！🍤🥗🌶️飲品方面，我叫咗泰國青檸紅茶同泰式奶茶。泰國青檸紅茶酸甜可口，解渴又開胃。泰式奶茶濃郁香滑，帶有茶葉香氣，一定會滿足奶茶愛好者！🍹😃最後，我叫咗D24榴槤西多士配雲呢拿雪糕作為甜品。榴槤餡料濃郁香甜，西多炸得香脆，再加上雲呢拿雪糕，一口咬落去，絕對是令人陶醉嘅絕佳組合！🍞🍨😍總括而言，「米泰」係一間絕對值得推薦嘅泰國餐廳，無論是火鍋、小食、還是甜品，都令人回味無窮，值得一試！🍲🌿🍡🍹🍞🍨😋

Mega Box 不嬲都多特色食肆😋，今日就去咗位於11/F嘅［米泰］食正宗泰國野👍🤩 趁最近有啲涼意，叫咗個熱辣辣嘅冬蔭公海鮮火鍋🍲 二人套餐，送上黎嘅兩隻海蝦🍤 又新鮮又大隻，目測至少有7至8吋長度，份量十足😋 青口同樣超肥美，厚肉又多汁，見到都令人流口水🤤🤤🤤 鮑魚食落彈牙勁爽口，放係酸辣濃香嘅冬蔭湯裡煮兩分鐘，已經入曬味超級惹味😆🫶 套餐仲包埋兩個麵，保證飽肚又滿足🥰❤️ 另點嘅豬頸肉🐷 肥瘦適中，同米紙卷一齊食就可以減少油腻感☺️ 。甜品㨂左經典必叫嘅椰汁芒果糯米飯，熱飯香軟淋身，配上甜美的椰奶，滋味無窮😚😚😚 呢餐真係好滿意一百分💯💯

餐廳環境舒適，服務態度又好，可惜食物味道令我哋好失望！啖啖蟹肉咖哩：只有極少嘅疑似蟹肉碎撈咗入成碗勁打茨汁嘅冇味咖哩，不過跟嚟嘅薄餅就正常！完全食唔到係咩味道，亦一d蟹味蟹肉都食唔到！其實白色一條條究竟係蟹肉定蛋白真係唔知🤷🏻‍♀️海南雞：有雞嘅鮮味，要靠點跟嚟嘅汁先有味道可以送飯沙嗲牛肉串燒：燒到d牛肉過硬，牛肉冇牛肉味，只有死鹹，沙嗲汁冇沙嗲味炭烤燒魷魚：好有炭烤味，魷魚肉軟，汁夠味，好食馬拉盞炒椰菜苗：菜夠靚夠嫩，但馬拉盞唔夠鹹香結論：唔會再幫襯

下午茶時段去，68餐，加一係75蚊， 有個麵同嘢飲。我叫左豬頸肉金邊粉同熱青檸紅茶。個金邊粉係一種令人失憶的味道，冇話好好味，又冇話唔好味，只係有一種唔太夾嘅泰式酸汁味(平時泰國餐廳放喺枱面俾人任落果種，但佢今日唔係好味但又稱唔上唔好味，而係唔知點解唔多夾嘅味)。個豬頸肉係有黑邊同中間微粉紅果類型嘅燒烤方法，係大部份阿媽見到會鬧嘅果種款式。🤣🤣🤣🤣 我冇刀，所以照食吞左落肚，希望冇事。🤓🤓 啲配菜撩走左洋蔥同韮菜之後好似只係剩返芽菜、紅蘿蔔同幾塊金不換 ， 如果冇記錯。🤣🤣🤣 因為自從瘋狂腸胃炎之後我變左戒五葷 。戒左真係冇咁多腸胃炎次數同肚痛程度，仲減輕左口臭程度。😊😊 但個份量感覺有啲細，雖然都夠我幾個鐘之後先再食嘢，但唔知點解就係覺得好細份。可能佢用疑似豬油嚟令我覺得飽掛我估。個青檸茶就有啲失望，個青檸唔夠新鮮，已經有陣開始變壞嘅酸味。好可惜。總概嚟講，食完覺得如果呢種唔覺得好味又唔覺得難食唔知想點嘅食物品質嚟講，係唔值得呢個價，但問題係佢係megabox餐廳，收得貴都預左。只係覺得有得選嘅話，我會去食4x蚊但好好味嘅泰國下午茶(其他餐廳)囉 。

一行四大兩細去Megabox playhouse 完，未夠六點好多餐廳都未爆，見到呢間米泰幾新淨，望落位置舒服，闊落，岩有小朋友秘製海南雞飯Set，有雞脾真係bonus，肉質未去到Juicy，但配汁一齊食係ok 既😌大蝦煙三文魚米紙卷八件，幾清新😌紅咖喱雞，啲汁夠辣，汁多用來送白飯炒貴刁，香口吾油沙嗲串燒，入味，燒到有脆皮嘅效果三色芒果糯米飯，芒果夠甜，可惜糯米飯非常𣺉身，唔夠煙靭泰式奶茶，正常野

蟹肉黃咖喱配薄餅啲咖喱超淡！溝好多生粉水咁仲頹過自己煮賣成168 呃錢之最無下次啲海南雞ok 但啲配汁又係唔掂豬手麵啲豬肉有陣豬腥味仲要等左半個鐘位真係大失所望依間野試一次only

Megabox 唔算好多好野食， 哩間泰國菜質素高似乎係一個不錯既選擇：餐廳仲有下午茶餐， $68主食連一杯飲品，好抵食：🫶🏻 米泰香茅燒雞扒船麵🍜Lemongrass Chicken Boat Noodle - 好大塊雞扒🐔而且燒得好香，雞皮燒到脆身😍😍好正！！雞肉肉質好juicy ，而且帶住香茅味道👍🏻👍🏻食唔停口🫶🏻🫶🏻菠蘿椰子沙冰Pineapple and Coconut Smoothie - 哩杯presentation 好打卡able, 用左一隻玻璃花紋杯， 配上木碟及金色小湯匙，沙冰中央放有菠蘿粒🍍🍍而且椰子味好香🥥

平時比較少黎九龍灣，所以都冇乜特別搵邊間好食嘅餐廳，誤打唔撞之下就揀咗泰國餐廳，結論係十分滿意👍🏻👍🏻環境方面都坐得舒服同埋不限時，而職員亦都好有禮貌同細心。晚餐可以選一人餐包小食同飲品，當日我地兩個人叫左一個一人餐再加一個小食，同埋一個甜品送餐速度都快，而且熱辣辣既！鳳爪份量夠多，而且大隻入味又爽口夠凍金邊粉份量足夠而且蝦係爽口🫶套餐包左兩串串燒，唔會話好乾身👍🏻👍🏻最後梗係要食個甜品啦，非芒果糯米飯莫屬，芒果香乖甜好想再食多碟

走到Mega Box有好多不同的食肆，被餐廳的廣告相片吸引，走入這間泰國餐廳試試。首先，餐廳的環境很舒適，適合一班人聚會。不知是否平日晚市的關係，在餐廳享用晚膳的人不多，所以可以同朋友安靜享受一餐晚餐。餐廳設有不同的晚餐，有一人餐、二人餐和四人餐；一人餐的份量相當足夠，有小食、飯或麵及飲品，價錢$148，叫做抵食；今次叫左個柚子沙律、炒金邊粉同加$38叫左個榴槤雪糕窩夫。柚子沙律，賣相一般，同時也欠柚子味；炒金邊粉賣相不俗，但味道淡淡的，沒有酸酸甜甜的味道，不像吃了一個泰式金邊粉；整晚最出色的是個甜品，榴槤雪糕有奶的味道，窩夫夠鬆軟👍

泰皇蜆肉生菜包 $92平時食生菜包都係配豬肉碎多，呢個比較特別係蜆肉生菜包，都係第一次試！值得一讚嘅係，個生菜有修剪過，形狀好似一個碗咁，可以好輕鬆咁放啲蜆肉上去包住食，方便又美觀！炭烤燒魷魚 $92每次食泰國嘢，一定會叫炭燒烤魷魚！烤得好香之餘，魷魚肉質都仲係好有彈性同埋好嫩，配埋個泰式醬食，呢個係必點！泰式豬頸肉 $82一樣都係每次食泰國嘢必點嘅豬頸肉，烤得夠香口之餘，肉質仲係可以保持嫩滑，份量亦都唔少！泰式炸蝦餅 $78蝦餅夠晒厚身，鍾意食佢嘅口感！炸得又夠香口，呢個都唔錯！芒果椰汁三色糯米飯 $72呢個賣相打卡一流！三色波波糯米飯好可愛，而個椰汁用左個好精緻嘅杯上，成件事高級咗好多！芒果都好夠甜，但糯米飯質地稍嫌過稔！芒果椰子沙冰 $42平時都係用杯上，今次用咗個闊身好多嘅杯，好似用湯碗飲緊沙冰咁！份量亦都好夠，夠頂晒全個晚餐！啱晒食完重口味後，飲番啲清新既野飲！總括而言，食物質素整體嚟講不錯！環境舒適，同兩三個朋友一齊食嘢傾偈係一個好地方！米泰 (九龍灣)九龍灣宏照道38號企業廣場5期Megabox 11樓11號舖

同fri行完宜家肚餓穩野食，想食泰国菜，專門穩上来。用餐環境都几有特色，背景音樂好好聽，令人靜心。服務員一直加水，服務超讚，仲好熱情問菜品意見👍小食拼盤裡最好吃就是生蝦，入口酸酸甜甜，炸春捲又脆又蘇，雞肉卷好入味。咖喱蟹肉➕薄餅好好味，蟹肉料好多，黃咖喱味道濃郁，薄餅超級脆，入口層次豐富，真係翻尋味。榴槤炒飯裡面榴槤味超正，份量足，炒飯硬度適中，味道超正。兩杯特飲有點出乎我意料好飲，青瓜青檸乳酪入口酸酸甜甜，後面有青瓜回甘的清新，值得一試！最後甜品選了雪糕，椰子味道濃郁，下面仲有驚喜，份量十足。餐廳總體來看滿意度指數有95分，下次會再來試試其他的菜品！

#petfriendly .商場室內既泰國菜.Megabox成為寵物友善商場🤍 連入面既餐廳多左啲位置比寵物一齊食野！ 入黎嘆冷氣shopping之餘 仲多左野食選擇🤤.位於L11既米泰 餐廳正門有三張枱可以比寵物坐～.｜冬陰公大蝦湯(窩) $168一窩既份量唔大 但味道好食 偏酸既冬陰公味好開心 入面有豐富既海鮮料！.｜青咖哩豬頸肉配薄餅 $148咖哩會用蠟燭點火保持熱度🔥 口味比較辣 無咩椰香味 而且豬頸肉比較大舊同韌.｜芒果椰汁三色糯米飯 $72三色糯米飯比較冧同黏 最可惜係椰汁唔甜同淡口 對於重口味既我地黎講覺得唔太岩口味🥲

上次與老公，女兒行完宜家，當晚食的「米泰」泰國菜，味道實在很出色，但因為當晚太肚餓關係，只顧點選飽肚食物，沒有嘗試過甜品，今次趁老公返工，女兒又完成考試，決定與她二人再食多次，獎勵她這段時間的努力溫習。由於我哋都係甜品控，一心想試下呢度嘅甜品，所以主食方面只點選了兩款：食完己經飽左一半，跟住就係叫甜品時間啦！榴槤雪糕沙冰，芒果椰子沙冰，係咁熱嘅天氣下，飲完簡直係透心涼，最後女兒要再點多個雪糕窩夫才滿足，兩母女都飽到捧住個肚返屋企，之後又要開始減肥大計了