米泰 (圍方)

Open Now

Now Closed

收工試新嘢屋企人過黎攞飛先，一收工就有得食，之前就試過megabox果間，點知開到屋企附近，一定要再食翻啦～裝修風格同以前唔一樣，冇話邊個好嘅，一個就文青D哩個就更適合網紅打卡。我就鍾意佢粉紫色個牆面，同個燈飾小食拼盤種類夠豐富，賣相好掂，醬汁少少辣夠開胃，燒菠蘿我至愛，香甜咖喱雞配薄餅，停唔到口嘅配搭。雞有少少炭燒香氣，同咖喱好夾，好似黎到泰國街頭款風味。薄餅鬆脆，用來點咖喱要追加多幾分先夠喉。炒金邊粉應該係泰國classic啦，冇得輸，蝦俾得幾多，炒得火候好好，擠少少檸檬汁一流waiter會一路加水同換碟，哩點宜家好少，我就黎忠實fans啦

陪女朋友行新商場，星期四都幾旺，周圍都排隊。我地就晚黑唔想太heave，好多餐廳都係澱粉類好多，米泰都算OK多有選擇。海南雞個顏色都幾誘人，雞皮好滑，雞肉幼嫩多汁，有三款汁人均選擇，點埋汁好好食肉碎生菜包無論肉碎定係生菜都份量好大，我地兩個人真係食唔晒，肉碎入味，包埋生菜一齊岩岩好蒜蓉通菜，正正常常，抵讚嘅係wok氣夠。我地唔食辣，我霖馬來盞更惹味成餐飯都係優質蛋白質同蔬菜，健康美味嘅晚餐。大致都非常滿意，服務食物質素水準上，之後我cheat day 會黎食大餐期待

趁工作日打卡The Wai，樓下個裝置吸引好多小朋友家長，睇耐都暈嘅，不過值得打卡。黎食泰國耶醫肚，期待我地兩個人咁大張檯，坐得非常舒服整體黎講食物分量好足，兩個人一個前菜一個主菜一個炒飯，勁飽勁滿足冬陰功湯入邊大頭蝦驚艷到我！仲要兩隻，幾開心，食埋青口同菇，滿足晒串燒青木瓜沙律，又可以食到串燒，又可以搭配埋經典嘅木瓜沙律，健康又清新。酸酸辣辣好開胃，食多碗炒飯我就會再帶朋友黎飯聚，環境靚食物好，提個小小意見，音樂可以泰DD，就更有feel D～

大圍站上蓋大型商場圍方岩岩開幕，🐷當然唔執輸，睇下果度有咩好野食啦🤭 現場睇就會發現仲有部分餐廳未開張，當🐷正想出返大圍嘅大街食野果陣，就俾呢間泰國餐廳嘅裝修吸引左～復古嘅異國風情裝修，磚紅色牆身🧱配上大量木製用品🪵，大部分都係舒適嘅梳化位，就食呢間！ 🫕冬蔭功大蝦湯(鍋) $198呢個幾好味，大蝦有手掌咁大，肉質彈牙有膏，有青口、蜆肉、豆卜、秀珍菇🍄等，食材新鮮份量多，湯底小辣偏酸🌶特別欣賞餐廳用蠟燭🕯燒住鍋底保溫，就算慢慢嘆都係熱嘅♨️🦐鮮蝦柚子沙律 $108蝦肉同樣新鮮彈牙，配菜有柚子、生菜🥬同青瓜絲🥒，🐷隊友覺得個醬都幾辣🤔 🍍菠蘿黃薑海鮮炒飯 $138黃薑味唔明顯，除左有菠蘿，仲有蝦🦐魷魚🦑蜆肉、腰果、脆脆、肉鬆等，水準正常發揮🤔 🥭芒果椰汁三色糯米飯 $72泰式美食必食甜品之一，芒果香甜成熟度高，同加左椰漿🥥嘅微鹹而嘅糯米飯結合，好味👍🏻三色糯米飯當中嘅綠色有香濃嘅斑蘭味，推薦😍 🍵椰子抹茶拿鐵 $46🐷好鍾意呢款飲品，椰奶🥥香味融合清香抹茶，回甘但唔苦澀，又唔會太甜，必飲💚

叫咗一個四百幾蚊嘅二人套餐，頭盤生蝦覺得幾好食，個泰式汁好出色，跟住金邊粉，不過不失，唔好食，但唔難食！之後出場嘅係蟹肉咖喱薄餅，啲味精重到不得了，好咸，完全食唔到，之後同侍應講佢叫我換其他，揀咗個胡椒蝦，佢話冇，跟住轉左海南雞！超級難食，啲肉好鞋，跟住成碟擺咗喺度！再加單叫咗個生菜包！完全冇泰國味道，只係肉碎包生菜！甜品奶茶布甸，苦澀味偏重！買單差唔多$700，冇下次🥲

知道多人已經第一輪5點10分入場食，點知已經冇鹽焗魚同燒雞囉，會唔會係晚市第一輪都冇得食呀，冇中午落場師父唔入晚市貨，好難唔令人覺得呢兩款菜起得慢，太多人等故意唔賣囉沙律同蟹肉咖哩都幾好味，不過就得其他泰國餐廳一半份量。生菜肉碎包個肉唔入味，得個辣味，d生菜全部都細細塊，包多d肉都跌到成手係。飲品一杯好甜，一杯好苦，得龍眼蜜正常。

食物全部唔熱,主菜,蟹肉黃色嘔吐物,唔熱,金邊粉,蕃茄醬炒埋一碟,唔熱,紙包春卷,正常,生蝦正常,魷魚正常,特飲無味,奶茶糖水,最難食就係三色糯米飯,半生熟糯米,都唔明點解會排隊,唯一就係收碟快,金邊粉一出6至8碟,到上桌而經凍晒,蟹肉咖喱好似湖狀,薄餅都係唔熱,無下次,今次無意誤入,隔離枱都食完即走,起菜慢,食物難食,唔熱,價錢係貴,份量小,係其他泰國餐廳一定好過佢,要左份2人套餐428,加左2個送,一杯無味特飲12蚊,賣單6佰幾接近700,差差差

好唔掂啲食物好似係微波爐攞出嚟咁不過金邊粉係叫熱啲之外應該無野係熱出重有薄餅係熱~泰式金邊粉，賣相都ok但係好似攞甜酸汁定唔知係咪雞醬炒出嚟咖哩蟹肉餅拼薄餅，個咖哩好似喺微波爐先至攞出嚟咁，將住一pat pat蝦紙米卷叫咗正常，但汁係咪唔係配雞醬，但都係正常野泰式生蝦正常係ok，如生虾都唔得真係無野講😅😅魷魚叫好少少炭燒魷魚食唔出，係薩莉亞厚版~仲加咗12蚊升級咗兩杯飲品青檸意米水，泰式奶茶，淡而無味~唔會再幫襯

大圍開左新商場，一定要打卡啦~中午醫肚，想食泰國菜，揀左哩間。安排我地坐卡座，粉紫色墻面，拖肥糖大理石檯面，搭配藤編燈，好適合影靚相擺ig兩杯飲品好得意菠蘿沙冰真係菠蘿甘款，芒果椰子沙冰就真係椰子甘款，而且有新鮮水果搭配埋，夏天真係推薦！！！前菜燒大蝦米紙卷，好足料，大蝦彈牙，醬汁酸酸甜甜，好開胃咖喱蟹係成隻蟹卑我地，分量超大，再點D薄餅好好味個pad thai真係好出色，有幾隻大蝦之外，超有wok氣，又入味，同我係泰國食D一樣水準最後起個甜品，芒果烤餅配雪糕，女人第二個胃都係為甜品保留。真係唔食會後悔，冇霖過芒果可以同烤餅夾連埋雪糕同cream一起食，yummy！

同兩個女仔朋友大戰圍方大買特買之後，夜晚9:00我們來到米泰食late dinner叫咗個二人餐再加個菜，好飽，3個人食最後每人$187埋單，好食前菜揀咗魷魚，好大條好好食，非常推薦好辣嘅肉碎炒馬拉盞朋友大讚嘅蟹肉咖喱甜品揀咗芒果糯米飯，但略嫌啲飯太乾

我地嚟到圍方行街買野，趁行緊期間就遙距取票，拎定飛，到shopping完就仲有2個number就到，去到餐廳門口等多20分鐘左右就入到。餐廳光線舒適有情調，適合拍拖或者聚餐都可以。見到有個二人套餐，食物係一般大路選擇，我平時食泰國野都都係主要係食呢啲，而且仲有蟹肉咖哩，咁唔使點諗就揀左個二人套餐了。頭盤就選擇左炭烤燒魷魚，魷魚烤得啱啱好，相當鮮嫩，而重點係個汁，入口有辣勁，慢慢就食到泰式酸汁既味道，相當衝擊味蕾同開胃。另外，散叫左一個泰式炸蝦餅，外皮爽脆，肉質彈牙而鮮甜，絕對一絕。主食方便，我地揀左啖啖蟹肉咖哩配簿餅，簿餅香口有層次，配合咖哩汁更加好味。蟹肉量適中（當然我想要多啲啦），咖哩汁偏甜，配合埋蛋一流。芒果蟹肉椰香斑蘭炒飯，味道可以，不過就比我預期少左啲芒果同花生粹，椰香同班蘭味亦唔係太突出，如果兩樣都再多啲，味道再濃啲，成個飯就會更出色。到甜品時間，呢個係香蕉烤餅配椰子雪糕，烤餅既內餡係椰子醬香蕉，十分好味，椰子味濃，對於椰子愛好者既我來講，真係大分滿足。口感仲十分creamy，真係啱哂我既胃口。而且餅皮煙韌，十分有口感。飲品就揀左香茅青檸薏米水同蝶豆花熱情果梳打，味道nor

放假同男友去咗新商場「The Wai」行街街，見到呢間泰國野個樣唔錯，又多人排，所以決定試下~ 🧡二人套餐（$428）🔸香芒牛油果素菜米紙卷芒果香甜，牛油果幼滑，入口清新舒服！點埋個醬汁非常開胃，唔錯唔錯！ 🔸啖啖蟹肉咖喱配薄餅薄餅夠哂香脆，啖啖蟹肉確實足料，配埋濃稠咖喱絕對係大滿足，推介！ 🔸泰式鮮蝦炒金邊粉鮮蝦夠彈牙，金邊粉不油膩，金邊粉比平時食開嘅闊身同短身，口感煙韌，比較特別，值得一試！ 🔸芒果椰汁三色糯米飯三色配搭，賣相吸晴！芒果香甜，超級加分，除咗嘅一般糯米飯外，另外兩款分別係班蘭味同蝶豆花味，各自入口都散發出獨有香氣，出色！ 🧡泰式珍珠奶茶（跟餐+$15）茶味香濃，珍珠有咬口，可以一戰！ 🧡香茅青檸薏米水（跟餐+$12）入口舒服，非常解渴，啱哂夏天飲用！

網上睇完話超難等位，勁多人好在一早app拎定飛去到真係爆多人等，講緊只係平日下午時間午市套餐其實一啲都唔平$88 選擇得一款，叫個菠蘿炒飯都要$118凍飲仲要加$5，個價真係撳住搶追加小食價錢都一啲唔親民，完全散叫價錢無分別通菜$48，但黎到個portion好似韓式前菜咁細碟真係覺得好過分另外，餐廳環境好暗，你可以話係氣氛但當入面成班uncle auntie大聲講野成個場完全嘈過酒樓，連侍應落單都聽唔到要行好近樓底低，吸音差，總之成餐飯傾偈好似鬧交咁食物真係一般，又唔係好食得出泰國風味portion又細，男生應該會唔夠飽只有杯泰式珍珠奶茶比較吸引

一早到商場先摞號，甘靚嘅泰國餐廳都少見，心思思想試下。同屋企人來食晚餐，唔使人齊就可以入座先，哩點好好。我排隊摞左位，叫屋企人落樓。經理人好好，同佢講我地一家大細，安排左個闊落卡座卑我地，坐得好舒服。前菜香芒牛油果素菜米紙卷，芒果牛油果都好足料，醬汁酸酸甜甜冬陰功湯，兩隻巨型大頭蝦，湯香氣濃郁，味道酸酸辣辣好開胃爆炒魷魚有wok氣，魷魚彈牙入味，小小辣惹味咖喱軟殼蟹，叫埋薄餅搭配一齊食。咖喱椰香好吸引，雖然餐牌有個辣椒仔提示，其實都係小小辣，我食BB辣人士都完全可以接受。薄餅點埋咖喱一齊食，簡直停唔到口。最後滿足埋甜品胃，店員好細緻貼心。幫我地清檯面，再擺甜品餐具。芒果烤餅配雪糕，冇得輸。鹹甜派最愛，烤餅夾心忌廉，搭配芒果新鮮酸甜可口香蘭葉麵包配雪糕，顏色好sharp，麵包炸過，搭配香蘭醬十分清新。夾埋雪糕，口感層次好豐富，甜度都啱啱好

大圍新開商場，住裡邊甘多年萬眾期待！趁住先開幾日，衝來行街打卡~路過哩間泰國菜，氛圍好好，餐牌食物都好吸引。都好多人排隊，香港人都唔想錯過任何一條隊LOL，試下啦~裝修真係好靚，位置闊落好舒服。ORDER左肉碎太陽蛋飯配椰香飯，太陽蛋勁靚！羅勒好香，肉碎入味唔會太辣，啱我口味，椰香飯粒粒金黃飽滿。炭燒豬頸肉真係驚喜，炭燒風味十足，分量好大，食肉獸大滿足最後歎一杯薄荷葉青檸梳打，相機先飲，成個造型顏色配搭都好用心，酸酸甜甜加薄荷葉好fresh。食飽之後一路飲住野同朋友傾下閒計，簡直享受鋪頭都好繁忙，店員都盡力滿足到我地需求，整體服務都滿意。會再帶屋企人來試下晚餐~可以多食幾款