7E咖喱王

Open Now

Now Closed

最近因為公司有印度野食，搞到迷上左。於是收工約埋幾個同事一齊去呢間位係重慶大慶E座既餐廳，因餐廳係攞會所牌，所以門口寫住只招待會員，可以唔使理，直接入去就ok。今次係經OpenRice 訂位有7折，折扣仲多過張vip咭。一入去坐低，侍應哥哥就送上一份類似脆片既餐前小食（免費），食落鹹鹹地都幾香口。之後我地分別叫左tanndoori chicken天多利烤雞、seeks kebab烤免治羊肉卷、印式奶油雞chicken makhnai、印式菠菜芝士palka paneer、蒜蓉naan 、mango lassi。tandoori chicken同seeks kebab都係用鐵板上，上枱個下儀式感滿滿，味道沒我之前食既甘重香料味同咸，以印度野黎講味道略為有的唔太夠。chicken makhnai同palka paneer味道十分creamy同香，不過都係唔係太濃味，調味偏甜。Naan應該唔係用爐烤，食落有的肥膩，應該係煎既。Mango lassi味道正常，食到有芒果肉。總結：食物質素對得住個價錢，但唔會話太過驚艷，中規中矩。

🌟7E 咖哩王（尖沙咀）🌟利申： 我對印度菜不算得上係好熟悉，但係對印度菜情有獨鍾，以前做印度機嘅時候差唔多一個月一班印度機，就會自己鼠出去食印度菜。我記得係疫情前呢間係重慶大廈內風摩一時既印度餐廳，餐廳內絡亦不絕，縱然餐廳位置非常難搵，而且重慶大廈地方複雜，仍然經常滿座，可想言之當時有幾受歡迎。 今日鳴謝朋友陪心血來潮既我食印度野，同埋借左隻靚手比我做手模，因為身邊真係冇咩人鐘意印度菜。今日重遊舊地，此情不再了，明明係星期日嘅夜晚，但係餐廳竟然得兩枱客。 餐廳裝修簡陋，但勝在菜色選擇頗多，而且好多都啱香港人口味，唔會太重香料或者太辣。 我哋揀咗個招牌 chicken Makkhani( 奶油雞），一個沙律，仲有Butter Naan(印度牛油烤餅）,Chicken Tikka(炭燒雞球）,飲品方面叫咗杯mango lassi，仲有Masala Tea。講真，今日嘅菜式只有奶油雞同埋牛油烤餅達到水平，其他嘅菜式有待改進。而且店員雖然識得講廣東話同埋幾靚仔😆，但係介紹錯曬啲菜式🤦（睇埋落去就知咩事） 仲要前菜papadams(胡椒餅） 都冇畀到我哋,認真嬲左。 🌟Masala Tea($

十幾年前, “帝皇” 帶一班大學同學去 “重慶大廈” 食咖喱, 年少無知, 當然大開眼界. 轉眼十年, 試過其他唔同嘅咖喱, 最後, 我最鍾意嘅都係印度咖喱, 特別係重慶大廈嘅 “7E咖喱王”.😂 話說早幾個月前開始咖喱癮發作, 試過幾次一個人嚟食 (Why not?). 現實係, 搵朋友同你嚟重慶大廈真係好困難. 問問下, “細妹” 竟然話有興趣, 轉頭搵埋 “意大利長介”.今日約咗喺重慶大廈門口集合, 然後我帶路直衝入E座 (直行, 見到警崗右轉, 去到盡頭左轉, 一直行到最尾, E座𨋢口係右手邊). 沿途好多人申手派傳單俾我哋. 上到7樓, 一梯幾伙, 其中一伙就係 “7E咖喱王”, 其餘似係賓館 (唔係講笑, 我同事 “波特” 第一日嚟香港就係住重慶大廈嘅賓館). 餐廳裝修簡單光猛, 整潔程度同茶餐廳差唔多.🥢 小食: 薄脆餅, 配綠色嘅奶酪醬. 送嘅, 好食.🥟 免治牛肉咖喱角, Beef Samosa. 皮脆, 唔油, 餡料分量充足.🐓 香燒雞塊, Tandoori Chicken. 用鐵板上, 肉質厚滑, 香料味道入晒雞肉, 超讚.🐐 串燒免治羊肉卷, Seekh K

叫了燒烤精選$128， 咖哩王特式雞$138，牛油烤餅$27，蒜蓉烤餅$27，芒果乳酸$39 燒烤精選很豐富，有香料雞塊、肉腸、魚塊各2件，大大份唔失禮，香料味適中，肉夠juicy。 咖哩王特式雞，咖哩味濃郁， 質地夠稠，唔辣，與平時食開的咖哩味道差不多，雞塊約8件，很足料。 烤餅大大塊，很煙韌。蒜蓉烤餅散發淡淡的蒜蓉味，配咖哩一絕。牛油烤餅，你會明顯看見面層的牛油，但牛油味不是太重，建議吃原味便可。 最令人難忘是芒果乳酸，不要睇佢細細杯，但芒果味非常濃郁

一個人的浪漫. 我好鍾意食印度咖喱. 尤其係重慶大廈呢間7E. 有時一個人行過都會嚟食. 甚至乎專登搭車嚟食. 環境算乾淨.呢度嘅印度咖喱十分正宗. 我多數都食Masala或者Vindaloo.Masala 係紅紅地色唔係太辣. 好香. 印度咖喱唔會有好重嘅椰汁味. Vindaloo就辣到飛起.我多數都會食雞. 雖然應該係雪藏雞但係比較穩陣. 海鮮同魚會好易中伏.今次又食Chicken Masala. 加 Mango Lassi 芒果乳酸. 我鍾意送白飯. 配咖喱一流. 當然都好多人會叫印度薄餅.

印度咖哩角(薯蓉) ($39)咖哩角大份兼好味。咖哩餡有青豆同薯仔粒，所以唔會好辣。特色香料雞 ($86)醬汁用左蕃茄做引子，所以好惹味、唔係好辣，小朋友都食到！啲雞塊用左雞髀肉，食起上黎好嫩，同好滑口嘅醬汁好夾。咖哩鮮魚($90)依個咖哩比香料雞辣，不過都係去到小辣嘅程度姐。食得出餐廳係啲魚到落左心思😎佢先炸左啲魚塊再加入咖哩到煮，令到魚塊唔會散同時又可以保留肉汁。香燒雞塊 ($106)醃製雞件嘅香料好入味，加上用左鐵板燒令到雞塊色香味俱全～ 老板很貼心，提醒加埋檸檬汁一齊食。試過就知真係更好食😋！檸檬汁令到雞塊好味到食唔停口。烤餅 ($24)烤餅食得出係自家製。凡叫咖哩呀，馬沙拉呀都必叫烤餅！烤餅煙韌但係唔癡牙。蒜蓉烤餅 ($27)佢同原味烤餅口感一樣正，不過略嫌蒜茸味唔明顯。芝士烤餅 ($39)芝士烤餅係三個烤餅之中最好食，鹹鹹地嘅芝士配上不同嘅醬汁令人回味無窮。同行嘅小朋友鐘一口氣食咗半份😆芒果乳酸 ($39)如果有唔食得辣但係又想試咖哩嘅朋友，就要叫杯芒果乳酸坐鎮啦。雖然叫做乳酸，但係口感似飲緊鮮榨嘅芒果汁。四個要食到個肚100%先夠喉🤣，用埋會員8折優惠，最後$367.8埋

〰️印度咖喱角 （薯蓉）$39總共有四件，外皮好脆入面有咖喱味嘅薯蓉、青豆咖喱味好香，仲好香料茴香味～〰️特色羊肉炒飯 $94碟飯超大碟😂羊肉比得一啲都唔孤寒，但個人覺得成個飯比較偏乾，食咗幾啖好似塞住喺喉嚨咁要飲水🤧〰️印度香料雞 $86雞件大概有四五舊，比起平時食到嘅咖喱雞件大件～咖喱幾香，偏酸多過辣，但雞件就唔夠滑〰️芝士薄餅 $39食落口首先係芝士嘅鹹香味，然後慢慢會有甜味👻最初食落覺得有啲怪，但慢慢愈食愈覺得得意同唔錯～〰️芒果乳酸 $39差唔多$40但都幾細杯下，無咩特別…..〰️〰️📍 7E咖喱王 (尖沙咀)尖沙咀彌敦道36-44號重慶大廈E座7樓E2室

7E咖喱王，好彩有店員係重慶大廈門口負責帶路，如果真係唔識上去同埋會極驚。好彩餐廳都算環境乾淨企理，只係裝修比較舊，但都無影響食物味道！叫左特式香料咖喱雞同埋個薄餅，個咖喱好紅但唔辣，係偏甜的love it ，配埋個好脆薄餅就一流。最後仲叫左咖喱角，同我平時食開小食咖喱角好唔同，外型比較大粒好肥好多料，本人麻麻地，朋友仔就覺得唔錯。下次會想試埋其他味咖喱。

重慶大廈是印度餐廳集中地，其中位於E座7樓的Khyber Pass Mess Club因其高質咖哩，被譽為「7E咖哩王」。由印度廚師主理，味道夠正宗，因此多間傳媒、電視節目都曾報導這間食店，甚至吸引不少名人專程光顧。客人大多會點選黃咖哩和紅咖哩，再配以印度烤餅，另外印式燒鵪鶉、咖哩角和芒果乳酸亦是人氣之選。

重慶大廈咖哩之旅吃完無肚痛環境半粒星 座數偏僻，必須由職員帶位乘搭升降機，然後繁忙午膳只有一枱客，即是沒有任何人😯😦😦😦😦重慶大廈入面店舖沒有冷氣，大熱天時30幾度只有風扇，樓下帶領人員會講openrice點餐8折、今次上到去member只係9折幾經轉彎，終於到咗E座升降機出到𨋢嚇死你⋯全部舊賓館🥶🥶🥶😱唔知揀乜然後店員話嗌一個雞可share, 餅可獨立嗌87 蒜茸烤餅$27真心好味😋 夠香夠脆想encore 😊呢個係特式香燒雞柳29號 $86 竟然唔係乾！同25號極似！！店員最後話串嗰啲至係乾友人仲嗌咗芒果乳酸$31 應該都係麻麻 😰25號 $86 29號 $86蒜茸烤餅$27牛油烤麥餅$27 芒果乳酸$31今次member九折埋單$242左右 （無影到佢張單 唔知佢點計😰🥵🥵）咪去喇 👎🏻👎🏻👎🏻

近排唔知點解好鍾意食咖喱 跟住朋友嘅推介 就去咗依間係重慶大廈嘅7E咖喱王😆入面嘅環境好簡樸 有飯堂嘅感覺😂好多唔同咖喱同埋印度麵包揀一定要嗌返杯瑪沙奶茶($20)感受下印度風味 但係我覺得佢唔夠濃我哋嗌左一個特色香料雞($86) 依個真係一定要叫 好好食 佢嗰醬有椰奶同埋香料嘅香味 至於雞方面唔係話好好食 但重點係個醬汁度 用嚟點包真係好正 佢咖喱係唔包印度麵包 所以我哋就叫左芝士薄餅($39) 又係超好食 少少芝士嘅鹹香 再加上咖喱 冇得頂👍🏻右邊嗰碟咖喱係魚咖喱 個魚唔錯嘅 但係個醬汁就冇咁好食 同埋比較結身 我哋另外都嗌咗一個Garlic Naan 都好香蒜味 不過比起芝士薄餅就冇咁出色啦

好神奇，本身唔食辣既朋友但係佢好鐘意食依間跟佢一齊食之後，終於明點解😍😍好食印度咖喱🥰🥰點左一款雞，一款羊，三款烤餅📍芝士烤餅3款烤餅入面最鐘意食依款芝士令到烤餅質感更加豐富有少少似pizza 既感覺但比pizza 更柔軟既餅底一定要趁熱食！❤️❤️單食已經好好食點埋咖喱雞同羊好Juicy 📍蒜蓉烤餅&原味烤餅蒜蓉口味都好高質好香，本身鐘意蒜蓉味道既話唔好錯過原味相對芝士同蒜蓉就會較為清淡一點但係配上咖喱汁一樣一流😍📍咖喱雞汁配上烤餅好正❤️❤️雞都好好食！唔會太辣同埋唔好睇佢細細一碟但係有好多雞肉！😆😆仲有平時係街外好少食到依隻味道好特別❤️❤️📍咖喱羊羊羶味對我黎講尚可以接受，不過同行有朋友受唔到羊肉味就食唔到。如果點咖喱羊既話可以留意一下🔸整體黎講都好好食❤️,同埋平時慣左主餐要食飯/麵，估唔到食烤餅都好飽！仲要好好食。好好既印度菜體驗❤️

我最鍾意食咖喱，香港最有特色嘅印度咖喱就係重慶大廈，今個星期決定想出二食餐好嘅，唔係10分肚餓，口痕想食少少咖喱小食。想去問最出名嘅餸佢就話係咖喱雞，同埋蒜香薄餅，好啦，就既呢兩個嚟試吓，餐前小食有印度嘅薄脆加綠色嘅辣醬，依家我將香香龍龍夠晒啦，正呀，薄脆真係好開胃，不消一會，就已經比我地兩個食晒啦。鐵板雞上枱，熱辣辣，好重香料味，我喜歡食配雞底嘅菜， cut晒啲肉汁，又有鐵板煎到香一向，配上雞肉食真係一流呀，啲雞肉有肉汁，肉質彈牙，食完一舊又一舊，配上蒜香薄餅，個薄餅濕潤度平均，酥油味好重，好香口好香口，好合我胃口。咖喱汁少少辣，好開胃，配上薄餅，一口接一口牛。所有菜式上枱嘅時候都熱辣辣，新鮮做起，今日舖頭人流唔係太多，雖然舖頭唔大，但係因為人多，感覺係疫情中好安全，亦都唔係太嘈吵，算係一個唔錯嘅晚飯地方。

天氣凍啲就會想食啲重口味啲嘅嘢😍記得中學嗰時聖誕節食咖喱淨係識得去重慶大廈😗闊別多年而家再去，同樣都係揀返呢一間印度餐廳😋其實重慶大廈我淨係識得7E咖喱王！喺重慶大廈門口，餐廳店員知道你要去餐廳就會送你去搭lift，仲送我地會員卡，食嘢有九折🤣每次食印度野都會揀香料雞😍 依家香了雞嘅醬汁香滑得黎，帶點甜，同埋個蒜香牛油Naan一齊食😋正正！另外再叫咗個印度燒烤雞都非常之惹味7E咖喱王 (尖沙咀)尖沙咀彌敦道36-44號重慶大廈E座7樓E2室

一直都無去過重慶大廈，呢日一班朋友興起就話去重慶大廈食咖哩，上網一搵就係呢一間7E咖喱王。去到重慶大廈，當然我地係唔識路嘅，同門口嘅南亞裔人士講話我地係去7E咖哩王就有人出黎帶路。我地四個人總共叫左兩個咖哩同兩個烤餅，分別係特色香料雞，馬沙拉燴雞，蒜蓉烤餅同牛油烤餅。兩款雞其實各有特色，馬拉沙燴雞椰汁味比較濃，我個人比較鍾意。烤餅方面，蒜蓉烤餅無咩蒜蓉味，反而牛油烤餅比較香，所以我比較推薦大家點牛油烤餅黎同咖哩一齊食。