棋哥燒鵝餐室

Open Now

Now Closed

上一次幫襯棋哥係上年6月，9個月後再嚟幫襯，變差!上次嚟食叉燒，肉質鬆軟又夠甜，今次點個叉油雞，叉燒份量已經大減，肉質又比以前乾身，亦比以前柴口! 失望！好啦，又睇睇油雞咩質素啦，以前食棋哥嘅油雞，已經唔多掂，今次同樣唔得，唔夠嫩滑又有渣! 完全唔掂! 唔俾負評全因為我大愛嘅蔥油比以前淡咗無咁鹹，即時變得非常惹味! 攞翻唔少分.但無論如何.... 都唔會再幫襯! 71蚊唔係平，性價比超低! 而且銅鑼灣有唔少出色燒味店 (例如大壹)，所以唔會再幫襯.

灣仔有幾間好味嘅燒味店，但就係一直冇試過棋哥燒味，今次終於都第一次嚟。首先，佢嘅價錢令我有啲唔敢相信，又乳豬又燒鵝，都只係$88，好抵！因為喺其他地方叫呢兩款燒味都會偏貴。講真，燒鵝嘅肉質有d死實….但係燒鵝皮同埋煙燻嘅味道就好香！乳豬俾我想像中好食，雖然隻豬仔好肥美，但係佢啲肥係爽嘅，所以食落都唔太覺得好油膩。乳豬醬就比較遜色，冇喺酒樓食嗰啲咁好食…另外要讚一讚就係佢啲飯好夠熱同埋好食！🍚總括嚟講，我會再去試埋其他燒味😋

話說公司附近都沒有好吃的燒味， 所以難得一天外出開會， 於是特意來棋哥吃我最愛的燒鵝义燒飯。因為還未到午市， 所人餐廳人流還少，坐得頗舒適。我豪快地點了份一人套餐，燒鵝拼义燒，油菜一碟，白飯一碗，外加了杯凍檸檬茶，自覺豐富。燒味的份量其實頗多，一個人未必能全吃下， 下次還是點碟頭飯吧！义鵝上碟的外觀雖然很漂亮，可惜吃著就覺跟以前相差很多， 鵝肉偏瘦， 味道不香，皮有點韌，有點失望。义燒是半肥瘦，略鹹。幸好是配了一碟油菜，所以可以中和一下。為何好吃的燒味店都每況愈下呢！

$58~外賣雙併飯送例湯，午餐外賣在市區屬於中等價位。"棋哥燒鵝餐廳"的燒鵝應該係出曬名，我相信沒有異議，但係今日又很想食叉燒，所以雙併出咗燒鵝叉燒飯，落order時已經叫服務員要 "加汁" + "加薑蔥油"，點餐收據上也有註明，我緊係睇實服務員將飯盒入袋前再叫佢記得 "加汁"，果然服務員係盲的，是沒有跟單做，所以要再提提佢 "加汁" 才肯幫多咗少少汁，但最後服務員係沒有幫我 "加薑葱油"，又一次証明服務員係盲的。讚👍，叉燒超出色，係猪柳，唔肥但淋滑，無得頂。差😡，仲係用發泡膠飯盒，又要我食毒，真係無良商人。

一朝早在Wan Chi 那一間棋哥燒鵝，Ki's Roasted Goose Restaurant叫外賣燒鵝燒肉雙拼，等左約二十分鐘後，外賣送到左之後，一打開那盒外賣，見到俾左一個雙拼飯外賣。再望多次外賣個單，明明叫雙拼應該多些料，唔係叫個飯。個價錢差左一半，買左百六幾蚊，得個雙拼飯，真係火都來埋！之後即刻親身搭返車去换。到左之後，俾阿姐睇叫佢换，佢就只係拿走左d飯同菜，加返幾塊無肉食的骨落去，燒肉都無加過。我再問阿姐又無搞錯，阿姐仲話係咁架啦。真係火都來，以後都唔再幫襯。

諗唔到食咩，就最好食燒味飯。位於銅鑼灣鵝頸橋附近，叫「棋哥燒鵝」，主打燒鵝。平日都排哂隊，今日人少少，去到無任何理由唔食佢哋嘅燒鵝。外賣較多，入去食嘅人少咗，所以等咗陣就入得，當然入到去就叫咗個「燒鵝燻蹄飯」。「燒鵝燻蹄飯」燒鵝棗紅色脆皮多汁，夠juicy ，以荔枝木煙燻燒鵝，令到外皮帶濃濃獨特煙熏味，而皮下脂肪少，鵝肉肉質偏瘦，唔洗擔心每一啖都係肥膏而無肉食；燻蹄味道同平時食開嘅無太大分別，口感好而不膩。另外，飯本身偏乾，建議另嗌一碗汁，有需要加上。總結，呢個價錢有呢個質素，真心覺得值。

香港人喜食燒味，燒鵝更加係燒味嘅首選，但要食到皮脆肉嫩帶有脂香嘅燒鵝，鬧市中有咁高水準嘅燒鵝店已經所剩無幾。聽聞「棋哥」，係一間經常排長龍嘅人氣燒鵝店。現今雖重有疫情威脅，仍然有人排隊等位，以為一定好掂。我哋入去時未夠兩点，落雨濕濕，席上有客，唔算太多，可能未到下午茶時段，店內掛滿燒味及招牌燒鵝員工頗清閒，但無主動招呼食客，要自己揾位坐，坐落又唔自動遞茶水，要叫咗多次才送上兩杯凍水。我哋先叫一碟例牌燒鵝下庒連脾解饞，然後等兩点半再叫下午茶餐嘅招牌燒腩仔飯，一心大快朵頤燒鵝好快上桌，雖有層肥油浮面，睇賣相還可以，似模似樣咁点知挾一舊入囗係凍嘅，皮厚唔脆不止重喺韌嘅食落鵝肉冇鵝味，唔juicy，無油香味，醃得亦冇味，肥騰騰，同想像完全係兩回事向店員投訴，佢借佐聾耳陳隻耳，超失望下午茶開始人多，好少單拖，都係慕名而嚟食招牌燒鵝。碟燒腩仔飯反而暖暖哋，但皮一樣唔脆，飯唔軟熟，不過起碼唔係又凍又肥咁難啃，總比燒鵝好啲最後，我哋無食晒就埋單走人，今次可謂帶著期望入去，失望離開臨離桌前，重聽到隔離檯個食客投訴，碗燒鵝瀨粉裏面有條大大嘅菜蟲，我哋無聽結果就去埋單。出門口見到又有人龍排隊，睇嚟祇係跟風居

其實食過銅鑼灣分店，筲箕灣分店and 灣仔分店既棋哥好多次，初初食既時候燒鵝肉厚，啖啖都係肉，不過愈食愈失望，終於都忍唔住要黎寫食評😔。曾經以為會唔會係因為有時食既時候係下午茶時段，所以燒鵝就差d，但原來同lunch一樣，無分別。今次再去灣仔分店，見到佢上枱時候既外觀，諗住應該都ok卦，結果........坦白講，燒鵝既味道其實無變到，外觀上都好靚仔，不過一夾d 燒鵝就知........又係無肉甩皮，多肥膏and骨，真心失望，不禁想問係咪每次我都咁唔好彩，斬料師傅都會俾中d 唔靚既燒鵝我🤦‍♂️。至於燒腩仔方面，個人就認為皮太硬(唔係脆)，and 肉太實。

棋哥燒鵝餐室, 餐室面積大, 主打燒味, 有連鎖店多間, 客人有信心.玻璃櫃內, 掛著巨形大燒鵝, 數量多, 好吸引.燒肉, 叉燒, 雞, 紅腸, 食肉獸至愛.外賣價目夠詳細, 項目不少, 但好清晰. , 待政府限聚令完結後,  再帶朋友來此鵝頸橋店再食. 今次我先買了必食 燒鵝 飯 一盒, 外賣回家. 店員迅速安排,  立立令燒鵝, 好想即食.再加 燒腩仔飯 一盒.  鵝皮薄, 少脂肪,   鵝肉鬆軟, 肉厚,  滲 出陣陣煙葷香, 香氣四溢, 脆脆的鵝皮在口中爆汁, 脆皮底下厚厚的鵝肉,   鵝肉不肥.  點些醬汁更好.  味香四溢, 伴有菜心. 白飯粒粒完整, 雪白分明, 系用靚米. 燒煵仔, 份量足, 酥脆爆皮,   用了五花腩肉, 不油腻, 可沾些介茉,  真滋味.  伴有菜心, 好爽口. 食到好味燒鵝 , 燒腩仔, 今晚吃得好滿意.

今日黃昏行經灣仔鵝頸橋,  又要想想晚飯吃什麼 ?疫情期間, 不想在街市停留, 選擇去 棋哥燒鵝餐室,  買燒鵝返屋企慢慢食.看見那玻璃櫃, 掛滿巨型大燒鵝, 顏色立立令,  疫症期間, 有十蚊雞推廣, 好吸引.店員遞上餐牌,  看見燒鵝甘靚, 真係眼 Look Look.今晚家中只有我一個人吃飯, 我只買 燒鵝脾飯便足夠.看著燒鵝髀, 大大只, 香噴噴, 熱辣辣,  配有秘制豉油醬汁, 同燒鵝酸梅醬.   我好期望想即食.回家打開盒, 燒鵝香味立即傳出.   鵝皮脆, 鵝肉厚, 那荔枝柴煙熏香味,   點些醬汁很滋味,  送飯一流.還有菜心伴著.棋哥燒鵝真好味,  品質優, 價錢吸引.

叫咗個燒鵝拼叉燒飯。佢嘅飯食得出係用靚D既米來煮（雖然我講唔出係越南買定泰國米），唔係一般茶餐廳嘅米，雖然外賣但係放耐左都仲係軟綿綿，暖笠笠，食完會覺得好舒服。燒鵝食得出有炭香味，而且$58來講份量都唔算少，但叉燒我就覺得就麻麻哋，個人覺得太甜，而且冇嗰種甘香嘅感覺，亦個邊位冇乜性格，唔會食到微微脆口既口感。另外，美中不足係如果有啲豉油或者醬油喺個飯面上淋下，我覺得會更好。

經過「棋哥燒鵝餐室」看見鈎掛起的燒鵝非常吸引，燒鵝最佳是堂食，現在受疫情困擾，唯有在往後稍遲的日子再來餐室大快朵頤。但見大餐牌的著數燒味組合：棋哥叉燒（半斤）&桶子油雞（半隻），也十分吸引，於是落單，一於.....油雞好味今餐要，斬大舊叉燒！豉油雞，醬味香，雞肉嫩滑，味道鮮美。雖然我選擇瘦叉燒，但並不會因叉燒瘦而靱，叉燒色澤鮮明，肉質鬆軟可口、味美、香味四溢！我煮落飯，炒碟菜，就可以開飯啦！認真快！靚！正！

棋哥燒味真的不錯，疫情下買外賣回家晚餐。我分別點了义燒，燒肉。櫃枱企理衛生不要以前棋哥只有燒鵝出名，燒腩仔又咸又脆，一啖一口配飯一流!燒腩仔同燒肉有些分別，腩仔好味爽些。1件有3個層次，先皮一定夠脆，不可以硬或軟……第2部分少少爽口肥位，不肥膩第3少少咸肉位這燒肉可以說是少少咸多多脆，一見傾心，一啖一口蜜汁义燒，比想像中驚喜，味道很普通，特別在肉質很軟滑，不會像柴皮。沒想過半肥瘦义燒一點都不乾，如此軟軟在口中溶化。我拿回家和長輩晚餐都讚不絕口。 真的肉位不是很肥，但可以製作成軟身，不錯!離開時見到窗有優惠非常吸引!下次都是買半隻燒鵝，原來有10元優惠換白切雞它有像茶餐廳下午茶餐，當日5點有街坊在吃下午茶。店位於銅鑼灣，這價錢都正常，可以考慮。菠蘿油連飲品$23 好吸引如果豪可以吃鵝脾飯……好吸引，可惜我月光族了……

疫情持續嚴重了，為左屋企人都好少出去食飯，今日放工後在灣仔買野經過見到棋哥燒鵝就好想食啦～就買左半隻燒鵝做餸拎到番屋企仲係熱辣辣啊🤩🤩🤩而家凡買棋哥燒鵝半隻仲可以加$10 換購雞半隻，真係好抵食👍🏻👍🏻仲唔快啲買外賣返屋企同家人一齊分享😋😋😋燒鵝皮不肥膩而且很脆口和很晶瑩剔透，內裡鵝肉肥美連皮一齊食十分滋味呢！😋😋😋入口肉質多汁美味，而且不膩骨香入味，配上甜酸醬和燒鵝汁，送白飯真係無的頂👍🏻👍🏻👍🏻

返夜更時 下午茶想e下肚就來左依度食🤤依間燒味舖其實價錢都唔平下午茶細細碗➕奶茶就差唔多$50鵝脾飯就要百幾蚊🤭雖然下午茶簡既鵝肉無咁靚 多d筋 但都唔會太難食 下次再來買半邊燒鵝試真d🤣同埋次次來食都有叫走蔥 但唔知d人係咪耳殘 但無一次走得成🤣