堅記車仔麵

Open Now

Now Closed

趕時間見佢喺正運動場對面諗住車仔麵差極有個譜就衝入去食。牛腩要$18 ，魷魚要$20。我仲同老婆講，「都好嘅，好過嗰啲因為均一價錢或樣樣$9至$12搞到份量太少、質量太差，食都食得唔開心。」由於幻想份量會較多，平時揀5-6個餸嘅我今次只揀了4個。結果份量並不比一般多：魷魚5舊、豬皮4舊、咖喱魚蛋5粒、牛柏葉3舊... 盛惠$60首先食咗一舊魷魚，未覺中伏只覺唔值，唔難食不過就算唔理價錢，下次都唔會揀。魚蛋質感係泡咗好耐而且中間帶酸，咬咗一啖冇再食，諗咗一陣退唔退。食咗老婆3舊牛腩中其中一舊，硬而無味。其他餸、粉、湯則一般唔難食。如果我食過嘅車仔麵最少有6分的話，佢只有4。所以至上嚟睇吓係我要太高定佢一時失準，點知原來大家不乏相同經驗評價。

今日去西貢試咗呢間新開嘅車仔麵，餐廳裝修都算幾乾淨企理，而且餐牌種類選擇都幾多，叫咗十全十美車仔麵加秘製大腸、豬紅、韭菜。十全十美車仔麵 ($68) : 有十種餸 (雞中翼、雞翼尖、魷魚、紅腸、大腸、陳皮魚蛋、蘿蔔、豬紅、豬皮、溏心蛋)，出去叫呢種大雜燴車仔麵，啲餸通常都係得一舊起兩舊止，但係呢碗十全十美真係好足料，雞翼尖都有三隻比你，陳皮魚蛋又有四至五粒，由其係佢隻溏心蛋真係超級好食，呢款麵最抵食。👍🏻秘製大腸豬紅韭菜 ($45) : 份量都幾多，叫對得住個價錢，豬大腸鹵得幾鬆化但係嫌佢唔夠肥美，不過都可以一試。

星期日去完沙灘玩，見車站排隊出市區勁多人，決定食埋野先走呢間車仔麵就喺車站隔離，外面睇見裝修唔錯即刻上OpenRice睇睇食評見有啲人話好難食，真心未食過唔好食嘅車仔麵唔信邪入去試吓，點知真係中伏先唔好提店員態度唔好叫咗兩個車仔麵，兩個都係大約$40左右唔好食主要係因為啲餸質素差，有可能係因為減低成本而且非常之鹹，份量很少食完之後根本唔夠飽店內裝修尤其是係枱面真係好靚，但我絕對唔係為食裝修嘅人，以後一定唔會再幫襯終於明白係非常旺嘅星期日晚，當附近其他餐廳都係full house嘅時候呢間店點解仲有咁多位剩

週末一家三個人諗住食個簡單晚餐，落左西貢，覺得車仔麵咁多選擇睇落okay，應該好安全掛，點知！真係好！難！食！啊！⋯⋯每碗兩三個餸，已經五十蚊，唔係話貴，但真係超低水準，真心我不如食譚仔。先係咩麵底者話無，得返幼麵都無所謂，但煮到好淋好軟，完全無口感好難食。牛腩十八蚊得嗰兩細舊，仲要超級硬，又係食唔哂。我食素，但無啦啦個麵多左大腸，實在太無奈⋯⋯同埋佢地話招牌嘅齋者好怪口感，令人失望。連飲品都唔好，檸茶少甜都超甜，菜蜜就無味。總之完全唔明點解車仔麵可以咁難食，我地食唔哂覺得好浪費，但又真係唔想食了，一定唔會再離！

小時候的我，本來已經食慣了港式的「車仔麵」，亦都已經知道「車仔麵」之所以被食客稱呼叫做「嗱喳麵」，其中一個原因就是因為餸菜擺放的效果，未必如一般菜式造型那麼美觀。加上一般的「車仔麵」湯底味道都會偏辣，享用「車仔麵」環境大多數是不起眼的市井之地，所以「車仔麵」才會給人落入尋常百姓家，難登大雅之堂的平凡美食。但是我後來在西貢墟，幫襯了一間新的港式車仔麵店，店舖的名稱叫做「堅記車仔麵」，「堅記車仔麵」為湯底加辣的方法，有點教我感到出乎意料，我還以為所有車仔麵湯底味道本來就是辣的。結果「堅記車仔麵」裡面貼着有關享用車仔麵湯底的「溫馨提示」，提醒食客需要加上食店提供的「秘製醬料」，把「秘製醬料」加進湯底裡面，湯底才會喝到有辣味的感覺，我才知道「車仔麵」裡面的辣味原來不是必然。我在「堅記車仔麵」座位的醬料裡面不斷找來找去，始終還是找不到我想找的「秘製醬料」。後來我詢問過「堅記車仔麵」的店員，店員才在廚房裡面，拿出一小碟的「秘製醬料」給我。「堅記車仔麵」這樣提供「秘製醬料」的方法，感覺實在很像位於中環某間有名的漢堡包店，那間漢堡包店裡面也有傳說中的「神秘餐牌」，食客要以英語向店員選擇「神秘餐牌」，才

我食過最差既車仔麵係呢間了。最嬲係又貴又難食今日真黑仔黎左呢間食 心諗車仔麵應該平平地 但要收成73蚊 仲比啲垃圾我😫😤真係嬲！ 而家仲未平伏到心情..攪到食淨一半要過隔離食pizza!哂哂啲錢，雖然係平民食物但質量真心要改善😭好差呀 千期吾好去！最慘我全日都冇食過野架☹️想食碗正常粉麵都中左伏！我叫左魷魚，蟹子丸，菇， 韭菜餃 粗麵呢啲野食我不嬲食開韭菜餃更加係冇食過一間係難食！仲有啲粗麵真係好難食呀😭究竟係咩源材料....

初初新開既時候覺佢D野好得。星期日食完好失敗，以前個蘿白好出色、今次試左蘿白，失望極了！雞翼無味，湯底水準都差埋。星期一我再比多一次機會佢，連個招牌陳皮魚蛋都變左普通街邊嗰隻，冇曬特色。個牛腩全肥膏又唔入味。。作為西貢街坊，冇下次啦⋯⋯我估可能轉左廚房師傅！😪

今日老遠走入嚟西貢， 因為約咗朋友玩poker 💰不過九點幾先開始所以我哋決定入嚟西貢搵嘢食 🍴🍴 全日都好想食車仔麵， 真係畀我哋喺西貢見到間堅記車仔麵 🍜即刻衝入去食啦!!!呢間舖頭係有問題因為係唔夠人手，而且我哋叫咗啲食物，落單姐姐一係就冇落單，一係就落咗單唔記得咗食車仔麵我覺得最緊要 一定要食嗰間鋪頭嘅豬紅！ 今日呢個豬紅都冇失望唔會一夾就散幾滑好啦到主角車仔麵出場！ 我就叫咗蘿蔔+鴨腎+秘製大齋+榨菜肉絲。 蘿蔔好大嚿都幾好食鴨腎好難咬得開 最奇妙係個 秘製大齋 ，完全唔知係咩嚟嘅🤔口感又麻麻地😔 榨菜肉絲都係普通料

今日放假一早約左跑友去西貢跑步山長水遠黎到跑完都要食埋個lunch先走啦黎到呢間「堅記車仔麵」見佢d位坐得舒舒服服就入去了我叫左魚蛋、豬紅、秘制魷魚、油麵、微辣佢上菜速度勁快不過我覺得呢間味道一般未見有驚喜油麵份量都算多正正常常既味道魚蛋真係有陳皮味架！第一次食到呢隻味道👍🏻豬紅都係永年最好食最入味大食既可以試下佢地十全十美車仔麵食完應該會好飽店內有電視睇地方都算乾淨下次去西貢再試下其他特別野食先

早兩日去西貢放狗同跑下步，風和日麗，經過轉角位呢間 "堅記" 車仔麵，門口可以坐，室外食左碗份量十足，而且好好味嘅車仔麵！一碗大雜燴 "車仔麵" 裡邊有10多款車仔麵嘅餸，有紅腸、細粒嘅陳皮魚旦、豬紅、豬皮、 雞翼、雞翼尖、羅白仲有咖哩魷魚，呢餐下午茶抵食又食到好飽！

今晚嚟到西貢搵食。路過福民路，見到有間《堅記車仔店》，一于入去試下。成間店好色彩繽紛，好有一種熱鬧氣氛。呢度不設卡位，中間一條長台，落地玻璃窗又設有吧位，可以一路食一路望吓街景，裝修風格幾特別，幾有特色。同其他車仔麵舖一樣，都係食客落單點餸。見到有個十全十美車仔麵(HK$68)，有豬紅、豬皮、魷魚、蘿蔔，雞翼、雞翼尖、陳皮魚蛋、溏心蛋、紅腸、大腸十樣餸，唔使諗嘞，叫碗嚟試下。落咗單之後，點知阿姐話冇大腸，改畀蠔油花菇。問佢改揀第二款餸得唔得，又話唔得，因為秘制大腸 ($18)，蠔油花姑 ($12)，想揀番同款價錢嘅餸又話唔得，感覺有少少搵笨。等咗一陣，大大碗十全十美車仔麵就上枱嘞，賣相都幾有睇頭。先呷一口湯，味道鹹咗少少，跟住咬啖個粗麵，有少少鹼水味，麵質唔夠爽彈。超級迷你版陳皮魚蛋，味道唔錯，不過真係好細粒。分碟另上嘅魷魚，醬汁幾香帶少少甜，滋味不俗。至於另外嗰八樣餸，中規中矩。加埋罐可樂同冰底，呢餐埋單78蚊，抵唔抵食就見仁見智嘞!

今日入黎西貢當然又要黎幫陳下啦，今次揀左湯面食，果然唔錯湯底清甜，加左少少秘制辣醬成個湯味唔同晒，堅正👍🏻，送方面全部都keep到水準，最好食既糖心蛋同魚蛋、魷魚依然係咁好食，面底都好多下最終食唔晒啲面，價錢相比係幾抵食下，keep住再黎💪💪

今日郊遊完，個肚餓餓哋。行過呢一檔車仔麵，隔住外牆玻璃見到人哋食緊碗麵，點解有溏心蛋咁過癮，睇到心思思，結果就換個衫中咗入去。直跳去結論：已經好耐無食過一檔滿意到咁嘅車仔麵！每樣餸都用心製作，正！齋係炸過嘅，依家已經唔係周圍食得到。魷魚有醬嘅，個醬食得出有用花生醬整，正！豬大腸入味得嚟唔會韌！絕對唔容易！溏心蛋都有一定水準。從未寫過食評，都特登要寫返篇支持吓！香港車仔麵嘅味道，買少見少，唔可以失傳！

今日因工事要去科大, 做完嘢見時間尚早, 就順道約左係西貢住嘅一位朋友仔聚一聚, 亦打算係西貢市逛一逛。  唔知係咪好多年冇入過西貢, 感覺上啲鋪頭都變左好, 特別係有好多特色餐廳開左。我朋友算係地膽, 佢見我行到差唔多累, 就提議帶我去試一間好有地道口味嘅車仔麵。餐廳係巴士站附近, 好易搵, 本來以為六點幾唔會有太多人, 點知去到先見到原來差唔多滿哂坐。好彩都仲有位, 即刻坐底睇下餐牌先。朋友問左我有咩嘢唔食之後, 就好快咁幫我發板, 傾左幾句, 啲嘢都陸續黎啦！先黎個撈麵, 裡面有秘製大腸, 陳皮魚蛋, 唐心蛋同蘿蔔。撈麵幾粗身下, 很索汁且口感不錯。唐心蛋醃得超好味, 車仔麵都有依個水準, 勁! 秘製大腸同魚蛋啲味都好特別, 我之前都冇係其他地方試過, 應該算係招牌菜!而朋友就叫左個腩汁湯麵, 佢都算幾食得下, 成碗有成五樣餸, 我對佢叫嘅雞腎都好有興趣, 偷左件食下, 真心唔錯囉。 朋友見我都咁食得下, 就再叫左三個小食share, 有瑞士雞翼, 秘製魷魚, 同豬手!! 三樣嘢都屬濃味, 豬手最正, 超淋, 南乳味十足, 雞翼香口, 如果可以用黎送啤酒就真係一流啦! 秘製魷魚果

講究又好食嘅特色車仔麵同朋友去完沙灘返黎，搵咗哩間車仔麵食夜晚，一入去個環境已經比到驚喜我。地方唔算大，但坐位闊落同乾淨光猛。我地簡左坐矮櫈，所有醬料同餐牌都放系枱中間，十分方便。高枱可以望住街景都好舒服。我地嗌咗($87)十全十美車仔麵,豬手,秘製大齋，全部都好入味冇味精味，同食開嘅好唔同，份量方面都好多，絕對係又抵又好味。白蘿蔔好鮮甜，唔會有渣，個皮唔會老。雞翼同雞翼尖個瑞士汁味都好甜，雞翼夠入味，裏面啲肉有好濃嘅瑞士汁味，仲有隻大嘅溏心蛋。豬紅唔會散同唔會有陣水味。啲豬大腸處理得乾淨，唔會太多肥膏。佢地嘅魷魚係分開上，哩樣嘢係幾意外，我地重以為比錯咗樣小食比我地，老闆會同我地解釋點解特登咁上，為咗保存着啲秘製汁，有濃濃的沙嗲味，我地食落唔會好似橡筋咁。秘製大齋值得一試，加咗啲汁都唔會淋哂，味道一流。我地掛住食個麵啲料都冇食到佢，最後落口個皮仲好脆。我推薦豬手，因為豬手嗰皮啲毛清得好乾淨，咬落去好似煮得啱啱好嘅花膠咁，有啲入口即溶嘅感覺，豬手加埋個汁唔會覺得太肥膩又難咬。湯底有分微辣，中辣，大辣，辣醬系分開上。老闆會細心同客人解釋先飲湯，感受湯嘅味道。再放辣醬連湯再品嚐，就會發現兩