帝樂 - 德國餐廳 (美利樓) (Closed)

朋友話好想去赤柱靜靜地食吓飯傾計，就點咗我黎呢間餐廳初初佢話德國豬手好食，佢咁講我就好期待有幾好味啦...睇完個餐牌，怕兩個女仔食唔得多野，只係叫咗兩樣加個湯同一杯野飲杯野飲有酒精，所以無試呢個所謂嘅南瓜湯+蟹肉，我只係覺得自己飲緊奶，丁點南瓜味都無！蟹肉...？咩黎架？有嘅咩？完全唔存在喺呢個湯入面，飲奶要比$85好貴囉！腸，毫無特色。 最失望係酸椰菜難食到爆！德國菜最出名嘅配菜都可以整到咁難食主角...又係超失望咸到不得了，肉質怪怪，我食咗一舊仔就無再食了。好彩有指定銀行信用卡，否則呢餐要比多$200

今日中午我們同好朋友飲完茶之後，見時間仲係好早，所以我們就入咗去赤柱行吓，行到喺黃昏嘅時候，我們就去咗美利樓嘅「帝樂-德國餐廳」食晚飯！一入到去見到店內嘅環境裝修同佈置相當特色，有好多唔同款式嘅德國啤酒杯、酒桶同公仔擺設，感覺好似置身喺德國咁！我們叫咗特式牛尾、甜椒濃湯「家庭裝3-4位用」嘅湯底相當濃郁，牛尾同其他材料都煲到好腍，但酸嘅味道比較突出，所以我們祇係飲到酸味，而唔係好飲到其他味道！香燒德國排骨配蒜片辣椒嘅肉質好鬆軟，而且肉汁都幾多，但就略嫌香草嘅味道太過濃郁！脆皮燒豬肘配酸椰菜及薯仔一上碟嗰陣，「就咁睇」個賣相好似好正好吸引，諗著切開嚟食，點知一切落去就覺得好失望，因外皮係好硬身，唔係好香脆，肉質亦因燒到過咗火，所以變得又乾又硬，我們同店員反映有呢個問題，店員嘅態度都幾有禮咁話幫我們取消去，所以我們就另外揀過第二樣，而我們就揀咗燒德國鷄「半隻」配香草薯仔嘅鷄肉燒到恰到好處，肉質非常嫩滑，就連鷄胸嘅肉質都唔會有「嚡」嘅感覺！Mango Delight將切開一半出嚟嘅芒果用嚟做裝飾，令到賣相相當色彩繽紛吸引！Pink Colada原本嘅賣相應該都係好吸引，但可能整好咗等攞上碟有

Poor dine in experience. Ordered roast pork with no taste and tough skin (instead of crispy). Picture advertised with 2 long slices n came with one (where is truth in advertising). The captain came n made some lame excuses about weight of the pork n apologised. And said the skin looked very tough but we should have told him earlier (after we took our first piece) and that he could have replaced it !!!! The singer tonight was also bad. Sounded like she was in mourning and one couldn’t hear 80%

KING LUDWIG BEERHALL 相信仲意食德國豬手, 仲意飲德國啤酒既朋友一定去過, 在市區銅鑼灣尖沙咀開開心心同朋友晚餐都唔錯架~ 但今次係介紹赤柱美利樓個間KING LUDWIG BEERHALL假日BUFFET, 今日星期日同幾個朋友係鰂魚涌行山去赤柱, 一早9點鐘出發, 大概行3個鐘就到赤柱,時間啱啱好係KING LUDWIG BEERHALL LUNCH BUFFET開始, 行完山非常十分肚餓不時夜晚係KING LUDWIG BEERHALL食豬手4個人都係叫一客, 食得唔夠痛快,今次可以盡情咁食豬手啦~ 水準跟市區都一樣咁正~ 豬皮燒得又脆又鬆化, 肉好多肉汁,加100蚊可以任飲德國啤酒, 麥啤, 黑啤, 生啤 試哂三種都回本了~

今日去赤柱美利樓又食德國菜真係好鍾意這間餐廳嘅裝修同佈置實在好有特色好多相關嘅擺設公仔好似置身係德國同埋望住無敵大海景真係勁relax喺赤柱必到嘅地方當然唔少得飲啤酒酒menu 係有一啲少酒精嘅啤酒好啱一啲唔想飲到醉醉地嘅人叫咗德國農夫包配芝士及牛肝醬麵包熱辣辣不過覺得冇咩味道配埋芝士醬就好啲至於牛肝醬就真係麻麻地值得一讚係依款串燒分別有雞同豬, 分量亦都好足夠上碟嘅時候熱辣辣配埋沙嗲醬又真係好好味係意料之外

第一次幫襯 King Ludwig Beerhall 係兩年前，印象深印！今次再幫襯，當年記憶猶新.....浪漫氣氛仍舊無變，變嘅相信係我自己了.....希望食品無變！首先，不得不點名菜德國咸豬手，另外再點海鮮菠菜忌廉湯，忌廉薯仔湯，農夫包配鵝肝醬，頭盤挪威海鮮拼盤，洋蔥煙肉菠菜焗蠔，甜品火焰雪山。未上枱都知食唔哂！農夫包以為 size 好大，其實約拳頭呎吋咁上下，size 啱啱好，怕太大食唔哂。兩個忌廉湯都好濃，味道重咗少少，可能係德國風味吧！反而頭盤個沙律有驚喜！味道唔會太濃，而且造型精緻，窩心！德國咸豬手首先俾我嘅感覺係肉，肉，同埋肉！好多肉！但肉質一般，食唔出肉味，豬手皮脆但厚身咗，可能又係德國風味吧！焗蠔出色，有洋蔥同煙肉一齊食，味道唔會太咸，食到哩到已經飽到頂肚，重有個甜品未到.....火焰雪山上枱時會點著個火，好靚！味道雖然甜咗少少，但食上去質感好正！外表幼滑，內裡有d沙糖嘅質感，正！啱我胃口！𠵱呀！唔記得影環境相添！最後，生日快樂！

因為呢間餐廳其實都係連鎖店，而且呢類價位既西餐既味道都好standard，好少出事加上我今餐既經驗都無乜特別，所以就直接講甜品算啦～呢度既甜品選擇都唔少，不過因為正餐都已經食得好飽，所以就選擇左creme brulee，感覺好似流質食落唔覺飽嘛～同埋最主要都因為呢度既creme brulee 唔係平時食開既原味，而係朱古力同檸檬左邊係檸檬味，右邊就係朱古力味檸檬味係幾fresh，但係味道同燉蛋好似唔太配合，好似變左panna cotta咁⋯⋯至少朱古力我就覺得味道會比較配合creme brulee，不過又咁講，我覺得朱古力係百搭既呢個甜品既size 都真係唔細，無論係食左正餐定係留左肚都好，我都唔建議一個人ko 呢個甜品一來大碗啦，二來食甜品會好快覺得滯同埋漏。如果食開平時原味既creme brulee，下次黎king ludwig 都可以試下

天氣非常好，日間氣溫十七丶八度，藍藍的天，天上一絲白雲都冇，於是同屋企人去赤柱行吓，行吓行吓肚餓就揀左呢間食德國菜嘅餐廳食lunch, 今天不是假日，進食的人不多，所以成個餐廳嘅氣氛同外面的舒適悠閒氣氛非常配合，咁正嘅環境慢慢享受德國菜，都算係一種享受，佢嘅德國豬手唔單止非常大(幸好佢地會即場幫我地切開隻巨豬手)，仲要真係皮薄之餘又脆又熱，裡面啲肉軟滑之餘又熱辣辣，好好味，唔單止咁，其他菜式鴨肶配薯餅丶意粉等等都好好味呀，值得可嚟捧場。

一連兩個星期六日既赤柱•聖誕市集 係尋日就係17/12完結了！今年以芬蘭🇫🇮為主題 ！作為一個吃貨，搵食既重任當然唔少得啦！五點係香港仔坐免費🚢到赤柱，係凍到癲，人又多到癲既情況下，係市集⬅️穿➡️插，搜羅美食開始！🙋🏻‍♀️①脆皮燒豬肘伴酸椰菜 ᴴᴷ$60脆卜卜好正，酸菜偏酸但我好鍾意，可以更開胃，呢個份量同價錢比起係直接係餐廳(ᴋɪɴɢ ʟᴜᴅᴡɪɢ)食抵d 🉐️🉐️②香草醃三文魚pancakeᴴᴷ$60 味道不俗，很清新，三文魚肉香滑。③ 烤香腸拼盤 ᴴᴷ$60熱烘烘，一咬外層脆脆，啖啖肉，肉味香濃，食肉獸最like。⑥ 芬蘭肉丸香煎薯餅ᴴᴷ$60好味，不過好似食緊ikea肉丸但就貴好多😅 薯餅係瑞士整法，薯絲增加左口感，煎得香脆可口！

上星期至嚟完晚飯，今日又嚟個午餐，今個round同我兩位至愛⋯⋯老公同老豆嚟，佢平日個set lunch有semi buffet ，都唔錯，但同老人家嚟就變相唔抵食，所以今次叫左我哋上星期無叫嘅德國咸豬手，唔知係唔係耐無食，好似大隻左，肉厚皮脆，個配菜薯角都恰到好處；爸爸喜歡碟蒜子炒意粉，話佢夠香；今次對我嚟講試左新嘢，就係鴨腿薯餅紅椰菜，鴨腿焗到皮脆肉嫩，成碟好似細版德國咸豬手feel，係個薯角變左薯餅，而個薯餅煎到一切就散及油左D，而個酸菜由白變紅但想一提係佢個梨醬，食得出新鮮自製，淨食清一清油膩感

尋晚表妹嘅奶奶生日，我哋帶佢去赤柱行下之餘，仲去左美利樓食德國餐，老人家覺得好突別好有親切感，以往向中環嘅美利樓，現在成棟咁搬左去赤柱，仲可以坐向入邊食，話個感覺好奇妙。德國餐緊係要飲德國黑啤配芝士啦，我今次推介巴伐利亞煙肉及芝士碟，賣相值回票價；當然香腸都係唔少得，我哋叫左份細嘅拼盤，五個人份量啱啱好，如果叫大份就會太滯，食唔落其他嘢；海鮮炒飯都好食，用茄膏炒香D飯仲食到海鮮嘅鮮味，都炒得乾身；個生日蛋糕係雪糕，有點火表演，燒完有D爆谷味，香香地甜甜地，寫埋Happy birthday 字加$20，整個生日飯更添氣氛。

赤柱環境好好，黎呢到散下步好舒服，之後就黎左德國餐廳食下野呢個豬手好正架，我對豬手唔係太好，但都覺得佢幾好味！同行既人食得好滋味，佢不斷話好食好正，就知佢幾好食！湯亦整得好出色，湯夠濃，而且佢湯渣都煲得夠林，好入味，個湯要飲呀！不過略嫌個湯貴左少少喇。麵包係我至愛，呢款麵包係我最鐘意既麵包之一，本身麵包無咩味，佢落左幾粒粗鹽係面，食落少少咸，好正，整出黎好香，質感係硬既，相信鐘意食硬既麵包既人都會鐘意呢款麵包呀不錯👍

The food is great but service is nicht specially outside hard to call on waiter, but the view and location is great! Perfekt! One thing I notice though, the band’s pianist is faking it, I can see it from behind while sitting outside and he sound awful, sounded like a cheap bar when the guy singing why don let the girl sing alone? viel besser! it match with the ambiance. Bier ist großartig! Taste like home! Overall is ok, hope next time would be better.

今年生日山長水又遠噤去到赤柱食飯, 一去到就比餐廳環境吸引住, 感覺同德國既餐廳好似, 以木做裝修為主, 座合位有分室內同室外, 室外望住個山景,室內就有Music Band, 因為唔想晒左個景,所以昭最後都選左室外坐, 有微風吹埋黎,好有feel, 又唔熱之後兩個人叫左一個德國豬手同燒春雞, 見到D 野上枱就心知不妙, 因為兩樣菜既份量都相當大。豬手既皮好香口又夠脆,食落仲好有咸香味; 而個燒雞就唔叫太特別, 同平時既差唔多. 食完野同朋友傾緊計,突然有人列隊噤唱住生日歌拎住生日蛋糕出黎, 相當之有驚喜,個蛋糕唔係平時既生日蛋糕, 而係會著火既雪糕蛋糕~ 出面燒到好似脆糖噤有D 微暖, 裹面就係凍冰冰既雪糕,超級好味~~~總括黎呢到既環境, 食物同氣氛都好適合食生日飯, 價錢唔叫貴~~誠意推介~~~

赤柱睇完海景拍完拖必食德國菜！一入去環境美極，懷舊嘅設計，溫暖嘅木色建築，現場表演樂隊，增添唔少浪漫嘅感覺！！ 重點推介！力推！德國鹹豬手！極度好食，超級大隻，啖啖肉，味濃，肉厚，皮脆！生日的話，點個火焰蛋糕，再配合現場即席演出嘅生日歌，將氣氛推到極點！！提提大家去之前記得book位！！