轉角‧見

Open Now

Now Closed

說真的，從開店就來吃到現在，除了前幾個月很不錯⋯之後每來一次就失望一次。不能訂位，不能排位，人到齊才能入坐。但店員的態度很差，座位調度的智慧是零。不管客人等了多久，也是黑臉的說「出面等」每一次再來，態度就再差一點。每一次都失望一次。進來之後，常常聽到廚房和外場嘻鬧，大笑。那等待的客人是欠你的嗎？不值得一個微笑嗎？非必要，肯定是不會再來的了。食物的部份，還是可以的，但可能是開放式廚房，油煙味的部份就無可避免。

喺朋友間成日俾人叫做吃貨，聲稱由我每次挑選餐廳都總冇失敗，亦建議我試下寫OpenRice食評。其實我都心郁郁諗過，但由於太懶嘅關係拖下拖下講咗幾年，幾年後嘅今日終於捨得開始，希望可以堅持到！第一篇就由黃店開始。荃灣Cafe話少唔少，總有一間喺左近。而轉角見周不時會經過，但每次見大排長龍都總不期然行過。而今次朋友話想食，終於有個理由比自己去排隊。雖然條隊依舊排到轉晒彎，但室內同室外加埋都有十幾張枱，空間算大，最後排隊只用了半小時就有枱，花費既時間比想像中短得多。我哋叫咗大蒜鱈魚意粉、芝士蘑菇漢堡跟薯條、經典牛堡跟沙律（依兩個都加咗$10轉埋素肉），同埋熱玫瑰咖啡。首先講大蒜鱈魚意粉，鱈魚分成一粒粒，口感偏硬身有質感，唔會一入口就散晒，配搭黑椒同小蕃茄去炒，如果想食比較開胃嘢味既意粉，呢個係唔錯嘅選擇。然後到兩個漢堡，兩個配菜: 薯條係屬粗身類，炸得香脆；而沙律配搭咗芝麻醬，亦清新開胃。最為驚訝係兩個牛肉漢堡轉為素肉後，味道仍然好像有肉味，口感也像剁過嘅肉排似的，整體不比真的牛肉差。如果未食過素肉漢堡，呢個絕對值得一試！最後到rose latte ，由於自己偏愛飲玫瑰，所以要求都比較高少少

第一次寫評語，因為體驗實在太差。聽聞呢間漢堡好出名，一行3人諗住去食個下午茶，食物質素係ok，但係點知食到一肚氣。等左超過一個鐘位，其實等位冇問題，不過店員態度奇差，而且分配位置好差，明明有枱，都唔編排下就比左後面2人枱，有outdoor 位又唔問下人想唔想坐，等左咁耐終於入得去，入去果陣探熱又唔講野，一野隊到勁埋，跟住落單呀送餐全程黑口黑面，體驗極差。知道你生意好好，唔休做都唔係咁做生意，一間食物好嘅餐廳比服務態度拖垮。如果大家唔介意服務態度非常差，係可以幫襯。

首先，要讚下間店衛生意識強👍🏻一黎到見間店坐得都幾空，諗住直接入去坐，但店員話要等位...我先留意到要隔枱坐～唔會為咗做多啲生意就由得d客痴埋坐。叫左個經典漢堡餐～食落味道就無咩特別，不過食材feel到係好新鮮，同埋我覺得個burger入面既酸青瓜好好味😂 如果個burger係熱熱哋甘上枱..我會開心啲，因為黎到係常溫～ 薯條不過不失～個all day breakfast每樣食材都好食～ 洋腸唔會太咸，有淡淡既香料味～ 磨菇、蕃茄、蛋...每樣料都好食到食材本身既原味，再配上簡單調味即可～所以我覺得間店既廚師都幾識簡靚食材～ 成件事雖然簡單但好食叫左個混醬雞翼～食落好有驚喜，外脆內嫩，炸雞都可以肉質甘嫩滑，真係好amazing佢點做到🤔哈哈～好中意間店既靚靚壁畫💕 岩曬港女們做打卡點☺️總括，餐廳位置有少少難搵，而坐位空間感舒適，環境美觀，食物味道水準中等，價格合理又好坐～

本來朋友再加上食評介紹 黃色小店就算地點唔就腳 都諗住去撐下場點知一去到就俾兩位唔休做既後生女黑面叫你出去排隊 入面枱已經唔多 後生女安排一個男人坐四人枱 輪到我同朋友既時候 朋友大住個肚 安排坐bar 枱 多口問一句 可唔可以同個位男人調一調後生女竟然 理都唔理 咁你地等下一張 然後問後面排隊既人坐bar 枱🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️咁既態度 黃店又點 好食又點?結果我地放棄 唔想受氣

喺假日嘅時候心郁郁想食返個漢堡包身邊自己好多朋友都話呢一間係幾好食同埋平民價錢放假一於去試吓佢排隊就等左超級無敵耐等候嘅時間雖然長但係覺得食物質素還可以嘢食來講質素都唔會話太差

芝士磨菇漢堡（$58）手工製牛肉肉質嫩滑 唔會過熟 熟度剛剛好 配合埋芝士同磨菇 口感幾搭 仲可以叫埋正價飲品 有得送細沙律/著條 但沙律菜係普通沙律菜 不太特別不過價錢算係咁 可以一試另外叫左炸魚薯條 （$ 76）外皮鬆脆 但魚塊乾身左D 扣左D分 但整體感覺還不錯 配送既薯條反而有驚喜 炸得鬆軟而重薯仔味如果當食正餐 反而有少少油膩叫左鮮奶咖啡同薄荷朱古力咖啡 ($34)薄荷朱古力咖啡食到薄荷味,但薄荷味唔濃。 鮮奶咖啡係正常鮮奶咖啡味道。

從來都唔寫食評今次真係不吐不快去到嘅時候見到唔少人等位唔緊要黃店係受歡迎啲等咗一個鐘左右終於到我哋啦有位女店員問我哋幾多位我哋講咗之後就入返去拎餐牌然後就帶咗排!喺!我!哋!後!面!嘅人入去完全冇同我哋解釋過發生咩事一!句!說!話!都!冇!講!雖然好嬲, 但等咗咁耐又好肚餓我地決定等多一陣之後由探熱、安排座位、落單嗰位女店員態度都好差簡直就係畀錢買難受食物質素ok價錢ok態度極差又好食價錢又合理態度又好嘅黃店多的是唔需要食到成肚火Never Again!!!!

食物既質素係ok見係黃店所以去支持下但係服務質素差到係一定一定唔會有下次！！首先下午茶時間去等左1個鐘頭先有位我地要等四人檯 佢明明有位但係又唔會allocate下啲位置就讓左畀後面既兩位等係唔緊要 但你唔好交代都冇句 就畀左個位下位仲要成日企係個收銀處度傾計玩電話 同我地講野就黑口黑面 好冇禮貌！！！戶外有位又唔問下啲等緊既客出唔出去坐係啲客問到先話可以出去坐好似擺明唔想做你生意咁！量體溫既時候成支槍咁隊埋黎，啲泡沫咖啡黎到又瀉哂咁，真係食到成肚氣！個老闆唔再改善下啲員工質素 真係好難留住啲客

呢間既漢堡真係好好味，特飲都吾錯，好适合約埋三五知幾傾下計，吹下水，過一個悠閑既下午，都幾舒服，冇壓迫感，因為佢冇時間限制，呢個系最好嘅，我覺得佢既牛堡好好味😋，值得一試

去完南豐紗廠之後，想食漢堡包，就上網Search到呢間既黃店咖啡店。舖頭位置隱密，荃灣地鐵站出左之後向大窩口方向行，去到一個舊式商場入。去到既時候尚早，好好彩唔洗等位。我地入座左10分鐘到之後，就已經排哂長龍。餐廳主要食Burger, all day breakfast, 仲有啲意粉。我同女朋友就叫左兩個BURGER(一個煙肉、一個蘑菇)，又叫左一杯oreo milkshake(叫一杯正價milkshake會送一份細薯條)。漢堡係即叫即整既，所以要稍為等一段時間(其實都唔太耐)。兩個漢堡既賣相吸引，用料豐富，中間的漢堡扒煎得岩岩好，好厚好JUICY。兩個BURGER各有風味，煙肉加埋漢堡就啖啖肉，而蘑菇就冇咁膩，兩個包既分量適中，食埋啲薯條奶昔就飽喇。不過大食啲既就可能要叫多個小食。佢啲薯條都唔錯，脆卜卜。我地就最鍾意杯OREO奶昔，一飲啖啖都有OREO，奶香味都十足，一飲就停唔到，好快就比我地KO左。（但可惜用左filter影唔upload得上黎睇）佢地仲有杯花生奶昔，望落都唔錯，可以下次嚟再試試。

其實我本來不太喜歡凍飲和甜的，由於坐室外太熱的關係，又覺得花生醬奶昔比較少見，所以點了。濃濃的花生醬味飲起來像是吃多士一樣，出奇地唔覺得甜從此對奶昔改觀。Rose Latte 玫瑰味無搶到咖啡味，但本身咖啡味都唔強烈，所以無咩驚喜。主食點了Fish&Chip，Chip新鮮熱辣好好食，但Fish味道尚可但厚粉了點。再試埋磨菇漢堡，醬汁好好味，今次選了meat impossible 好juicy不過試過就算，漢堡還是牛肉的好

心郁郁好想食burger🍔就諗起呢間！幾年前黎過，果陣食飯時間已經排晒隊，啲burger好高質，勁正！依家知道佢地係黃店💛好開心🥳menu同價錢都冇乜點變🤩不過依家加$10就可以轉impossible meat🥬都算係良心價，素食者可以多一個選擇！..👉🏻型男漢堡 · $64 .（加正價飲品送薯條）我食左幾次都係食呢個😅有7種材料，勁豐富！包括漢堡牛扒、紅菜頭、蕃茄、芝士、美國煙肉、流心蛋同沙律菜！同朋友share可以對半切開👍加左流心蛋同紅菜頭令整體更juicy!!拎起成個 burger黎食好滿足😻😻啲醬都唔會滴，呢樣都幾重要，因為一滴醬我就要切黎食🤣即刻冇晒feel....不過漢堡牛扒唔係好夠味，如果可以鹹少少就更好😅呢道嘅薯條真係好好食，酥脆又夠味而且唔會油淋淋，係炸薯條方面應該落左啲功夫😋

之前已經食過一次試佢既漢堡，漢堡反而好驚喜，所以今次呢試其他野。1.炸魚薯條$76炸魚有點太乾2.早晨全餐$68呢個價計，個蛋炒到滑，仲比新鮮蘑菇你，你賺到啦。蒜蓉法包好香好好食！呢個全餐物超所值！👍🏻3.玫瑰咖啡$28淨係聽個名，覺得幾特別所以叫左杯黎試，我覺得第一啖飲下去有玫瑰味，覺得好香好味，但飲多兩啖覺得似飲香水落肚咁貪新鮮可試下無妨，但我下次都係飲返latte 好了🤣4.桂花烏龍茶$26因為同行朋友要似，我覺得冇咩特別以上係兩人份量，個炸魚要改善下，繼續努力💪🏻

呢間黃店💛位於大角咀與荃灣之間嘅交界 餐廳外圍係以玻璃裝飾為主 所以感覺特別開揚同光猛😉以間鋪頭正正就係角落頭位置 所以都唔係好難搵😁--卡邦尼意粉 $60🍝呢碟意粉一上到枱🤩份量剛剛好 而且勁多意粉汁之餘 入面嘅配料都唔少 所以每食一條意粉入面都充滿咗好香嘅卡邦尼 真係好滿足🤤--經典牛堡 $55🍔心郁郁想食下漢堡包 所以就叫咗呢個最經典嘅牛堡 呢個牛堡份量都好十足 仲加咗啲青瓜、芝士🧀等等 塊牛肉都剛剛好 味道愈食愈好味 又有薯條🥔真係冇得彈😋--蒜香牛油雞翼 $38🍗每一隻雞翼都好大隻 再加上蒜香同牛油入去 令到雞翼嘅香味更加撲鼻🤤又唔會太過油 食起上嚟更加惹味不過😋--凍蜂蜜檸檬綠茶 $28🥤呢杯加咗蜂蜜嘅綠茶 飲起上嚟都好好味 又唔會過甜 加上檸檬🍋令到成杯嘢飲更加fresh--Oreo 朱古力奶昔 $37🍹另一杯野飲就真係細細個都會叫嚟飲嘅童年回憶 杯嘢飲入面加咗好多oreo 所以飲落去每一啖都食得到🥰--📍 轉角‧見 (荃灣)荃灣西樓角路202-216號荃昌中心昌寧大廈地下66號舖