轉角‧見

Open Now

Now Closed

荃豐荃昌一列商場都十分之多美食選擇，中式西式列家庭料理都有，而且平價得黎都有番咁上下水準好一陣子無黎轉角見，今日咁岩去開熊貓酒店附近近近地就行去轉角食下午茶。兩個人叫左個芝士蘑菇漢堡，正價飲品加個細沙律，再加個正價薯條埋單 $104 。漢堡扒好juicy, 配埋芝士，新鮮沙律菜同炒香左嘅蘑菇又唔會話啖啖肉 ，上次食過型男漢堡都一陣美味，型男漢堡多左塊紅菜頭同煙肉見餐牌上面仲有all day breakfast, 下次一於試下先

朋友聚會, 唔知食咩好, 又有一個小朋友, 諗來諗去都係食西餐好似方便D結果就去呢間, 因為聽就聽得多, 佢D漢堡好正, 一直未有幾會試 , 所以就同朋友決定去呢間食下好在我地去到時冇咩人, 唔駛等位, 我地5大小, 有3個人都選了【型男漢堡】, 好欣賞個流心蛋, 真係夾到不得了, 其實個包好大, 好厚, 想就咁咬係有難度 , 不過切開呢都要有D技巧 , 因為我唔想整爛我隻流心蛋丫...包好鬆軟, 唔會冧哂, 入面件漢堡非常好味, 味道剛剛好 , 而且肉汁豐富 , 基本上味道係好好, 只係唔知點可以一啖咬到一啖食到咁多層下次要試下D意大利麵....建議人多D去, 可以點好多唔同嘢食, 一人一份, 太飽了

今日一見终於知點解叫型男，佢並非好仔一名！因為佢 BMI 超標，牛肉加煙肉加蛋…etc. 爆晒 kcal ，肥仔只能夠扮型男，同俊男仲有一大段距離… 而且呢名型男仲係一名好色之士，佢响薯條嗰度表現到佢 咸虫 既本色！所以話見得呢位型男多，小心血壓上升，影響心藏同血管健康！總括而言，CP 值OK ，不過食物選擇比較小，只有 burger 丶意粉丶all day breakfast 及 炸魚薯條呢啲 肥仔食品，趕绝一衆注重健康人仕！而飲品方面，成$30一杯咖啡都無得 走咖啡因 同 用荳奶，杯咖啡各方面都比 Mccafe 放離幾條街，可以的話，食完主菜轉場去第二度飲啦！

放假行過呢邊 之前試過旁邊嘅咖啡店 見呢度算係多位就入黎試下 不過都要等十五分中先有位 餐廳外面都有擺幾多枱 但見到就唔想坐啦 因為係廁所門口 又有清潔工不停出入... 個廁所仲要係勁殘舊嗰種終於坐低可以叫野食 但嘈到侍應都聽唔到我叫乜 其實我想叫佢比杯水我地先等位時個餐牌無打有意粉 係入到去先見到吧台上面有寫 雖然得兩款意粉又唔係主打食意粉 但餐牌上應該update 下叫左蒜香藍鱈魚意粉 係偏硬嘅 硬到好似速食咁 魚有味 但意粉無味 可能係分開煮對於意粉控黎講好失望 另外無影相嘅卡邦尼意粉反而有驚喜 本身唔中意食卡邦尼都覺得佢煮到入味可惜所有意粉都無野飲跟 另外叫左個All day breadfast 咁嘅價錢食到算係好抵 始終出面假日都要$60 起先食到 仲包埋杯野飲 蒜蓉包夠脆 幾好食 其他就係茶記質素見大部份人都係食漢堡同all day breadfast, 可能真係應該叫返間餐廳主打嘅野先啱

朋友生日，大家就諗住搵緊cafe食下好野，傾下計，朋友推介轉角見，呢晚就黎左試。呢到服務好好，我地買左個蛋糕，cafe都肯幫我地雪住先講到食物，佢地主打burger ，我地都簡左芝士蘑菇牛肉set，就甘單叫一個價，如想配埋沙律或薯件就要正價加杯野飲先有啦賣相都不錯，burger 塊肉都厚身，沙律個醬都開胃，但啲菜有部分好苦。。薯條望落似平時麥當勞個啲，但厚少少，都係即炒的，都脆口自己叫左呢個甘菊花茶，原本以為係凍飲一杯，點知係熱既自己可能唔太中意花菜陣味，但朋友話ok朋友飲既 oreo奶昔好似食緊曲奇雪糕甘，幾得意。但雲呢嗱奶昔個味就好淡總括係不過不失的cafe

上星期六到了荃灣綠楊附近, 之後去食午餐, 想起了很久沒有幫襯的轉角見, 於是走過去看看。一如以往, 轉角見排了長長的人龍, 我想質素應該跟以往一樣吧, 不然怎麼可以這樣? 最後, 我們等了約10分鐘便可入座。之前試過了它的型男漢堡, 今次便點了較為基本的傳統漢堡加Oreo奶昔。傳統漢堡的牛肉充滿肉汁, 配合酸酸的青瓜和特制的醬汁, 大滿足!!跟餐的沙律, 蔬菜新鮮, 加埋醬汁味道唔錯!蕃茄海鮮意大利意, 味道清新! Oreo奶昔, 口感豐富!

叫左個型男漢堡 同 芝士蘑菇漢堡味道幾好 漢堡水準同價錢 成合理表現汁唔會過多 可能考慮過 生菜會出水佢漢堡個菜會係沙拉菜～另外蘑菇漢堡嗰個洋蔥 同 菇味好夾！提提大家 記得帶風扇仔 因為店內都幾熱

是日下午去開荃灣，所以便諗起上次嚟轉角食漢堡，今次一於試下另一款，今次揀咗下午茶……原先呢個招牌位有人坐，之後走咗，不過我坐定定後就冇坐過去喇 揀咗靠玻璃幕牆嘅高櫈位嚟坐，原來都有驚喜，在店內另一轉角，係有另一番味道……望住店外，仲有 banner 掛上的…十先嚟飲品，特濃花生奶昔，真係調得好濃下，用咗好多花生醬嚟沖，不過如果再加多D打碎花生，咁就真係一流到鱈魚柳，外面炸得好脆，內裡仍然好嫩滑，都有驚喜，比想像中好味 下次兩個人嚟，叫埋蝦多士食，咁就一流喇

荃灣想食似樣少少的漢堡包本人介紹此餐廳＄50左右價錢可以食到一個份量都幾十足的西式漢堡 M記都要$3X我叫左一個型男漢堡，主要係牛肉漢堡加一隻太陽蛋及紅菜頭、生菜，仲可以配沙律或薯條，真心抵食。漢堡肉的味道比較重黑胡椒味。Oreo milkshake 不算太甜不過不失。只係想同佢哋講，客人用的餐巾紙，請不要用廚房抹手紙來代替

荃灣美食多蘿蘿，真係揀食乜都揀到頭痕今日既然行經荃昌中心，咁就梗要食佢呢度最多人排隊既漢堡啦好彩去到有最後一張雙人枱，雖然係店外位置，但都唔駛怕會被職員忽視，因為店舖係全透明玻璃，職員完全可以睇到店外客人既情況餐牌好簡單，只有漢堡同飲品資料，如果想食其他食物如意粉，就要睇店內既Blackboard啦我點左個經典牛堡配薯條同蜜糖雲呢拿甘菊茶朋友點左個沙嗲雞堡配薯條同凍朱古力左蜜糖雲呢拿甘菊茶 ($23) & 右凍朱古力 ($32)蜜糖雲呢拿甘菊茶用個透明壼裝住，Café Feel見到原來係茶包沖出黎有少少失望，雖然無蜜糖既甜味，但個茶好香凍朱古力就係朱古力味，無咩特別經典牛堡 ($45)內有漢堡牛扒、蕃茄片、芝士、酸青瓜、沙洋蔥、沙律菜漢堡用料豐富，一D都唔姑寒；酸青瓜都有好多塊；漢堡扒比快餐店厚身得多，不過略嫌牛味比其他食材蓋過左另外，漢堡既料有好多都係汁水較重既食材，食果陣唔止成手都濕哂，就連包底都已經濕埋薯條係新鮮炸出既有皮粗薯條，灑上少少鹽，外脆內軟，薯味充足!! 比漢堡更吸引我 (請願諒我呢個薯怪)沙嗲雞堡 ($45)內有沙嗲雞扒、蕃茄片、沙律菜呢個反而比味道平平既牛堡更有驚喜

沒想到在荃灣的一個角落中有這小店，不用等位也是一個優點。約了朋友中午三點食Tea，我們選了芝士磨菇漢堡，另外也叫了抹茶奶昔。壁畫是這店的景點，情侶會比較喜歡坐在這位置。漢堡內有厚厚的漢堡扒份量好大，整個吃下就吃不下薯條了👍🏽我最喜歡這個抹茶奶昔👍🏽有香濃的抹茶味。見到在場好多人叫的😂這天我因工作問題沒有好好享受這個豐富的下午茶，下次再來我一定要好好慢活地享受這裡寧靜休閑的環境啊😎

呢間食漢堡嘅小店位置唔夠，平日都好多人等位。等左三十分鐘左右終於有位。由於侍應會喺等位期間俾定餐牌你 所以一入到就可以點餐。今次點左最出名嘅「型男漢堡」，嗌埋曲奇奶昔仲會送細薯條添！個漢堡好足料！幾乎每一啖都食到佢入面嘅每一樣食材！有好厚嘅漢堡、芝士、煙肉、紅菜頭、蘑菇、流心蛋、生菜！仲有個曲奇奶昔好好飲！每一啖都有曲奇碎，中意oreo嘅朋友一定要試！加埋份薯條100蚊都唔洗就飽到最後一啖漢堡都食唔落！加上環境好舒服，性價比咁高嘅漢堡餐廳黎荃灣就食到啦！

早前假日入荃灣探表姐啱啱出世既可愛bb，之後就順便系荃灣附近行，反正我平時好少來荃灣，又順便食個下午茶。我同老公都吾熟荃灣，吾知附近邊度有正下午茶，於是又靠搵openrice🙈😆搵到呢間餐廳，見個名好特別，所以決定前往試下。吾熟呢頭既我地都搵左陣先搵到，系一個好舊式既商場內。見餐牌上有型男漢堡，見個名咁有氣勢，即時決定試呢個😆老公揀左經典牛堡野飲我揀左特濃花生奶昔，超好飲超香濃😍肥d都值🙈🙈 下次來荃灣我都要再來食，特別系杯特濃花生奶昔😍

I ordered the Handsome guy Burger Each Burger has a funny name. The taste is good with the very very crispy fries.The burger inside is juicy~~~~The total set with iced lemon tea costed around $90, it's quite fair.Also, they provide wifi too, I spent an hea afternoon there.

第一次認真搜尋，才發現舊式商場中也有新式cafe。本來打算去轉角．見隔離舖食，發現隔離舖細細間又冇位，轉角．見又似乎幾旺。帶住旺就會好味既心態一試轉角．見。食物: 轉角小驚喜，以呢個價錢有呢種質素，CP值高環境: 舖內最吸睛既係一幅壁畫，有舖頭名，應該為呢間舖而設計。有一些悠閒高椅外，其他没太大特別。舖內空間不大，生意旺，所以冇悠閒慢慢坐既打算。服務: 正常一般等位: 週末下午三點都有唔少人幫襯，都有機會要等位，但未算要等好耐