小平津 (Moved) New Location

尋晚去完, 我地一行5人, 那處真係很隱蔽, 行到門口時我地5人都分別地看完又看, 怕行錯路. 唔洗擔心, 點知駱克道525號3/F, 地點係沒錯, 你地要有信心入去再不斷上樓梯就得 我地叫咗好味指數★)燒雞泡魚乾★★★★★(好鬼好味, 不可同包裝果d比喻)鹽燒牛利★★★(沒想像中咁勵害,但OK既)鹽燒雞賢★★★(依個係朋友叫錯,叫佢叫牛利,佢就叫左雞賢,但OK既)燒雞翼★★★★★(嘩依個真係意外,雞翼皮薄‧脆‧香)鰻魚豆腐★★★★★(沒得講,好味!我朋友唔好鰻魚都話依個好味)軟殼蟹卷★★★★★(好抵食-雖然我唔知幾錢,但有成6大舊,感覺抵食夾大件,好熱好味~)南瓜沙律★★★★(我鍾意呀,幾清甜,南瓜不太重)鰻魚炒飯★★★★(OK呀,很香鰻魚,我食左3碗)燒三文魚頭★★★(佢地話都OK,夠肥美wor)魚湯配烏冬★★★★★(依個真係清‧香‧鮮‧甜‧濃)甜品-杏仁咖啡/豆腐雪榚以上既份量我地係食到好飽好飽, 連Uncle Wong都話食到有8,9成.依間餐廳真係對很住佢lor.

原來舅父識其中一位老細的，今次專程帶我們來試試，如果唔係舅父帶我來，真係唔知道呢度有間日本私房菜。先來前菜是青瓜牛粒，有點辣辣地好惹味，越食越上癮。兩客燒雞泡魚-買相有點像即食乾魚絲，不過呢個係即燒的，又係忍不住口，食過不停的。枝豆-每條都大大粒，鹹鹹地。油金魚BB兩食-先來係原條刺身，每塊都切得薄薄。之後再將魚頭、魚鰭炸，每件炸得又熱又脆。牡丹蝦-蝦頭不算多膏，但蝦身好通透，蝦肉好鮮甜，我連食兩隻。原隻赤貝-又係夠新鮮，咬落去好彈口，一點都唔韌。海膽-點了一板海膽，老細好好人，幫我o地預先用紫菜包好。但海膽味道只是一般。汁燒牛利、鹽燒牛利-一口氣叫了兩款串款，牛比較厚切，口感不錯。我就鐘意鹽燒多d，因為汁燒味道略帶甜。鰻魚豆腐-炸了的紫菜包住兩塊豆腐，中間有塊鰻魚，外層鬆脆、入面豆腐好滑、中間的鰻魚肉燒得好香。呢個真係要極力推介，非常好食。炸軟殼蟹-一客份量都唔少，又係炸得好透徹，我最欣賞係炸粉唔多，但非常脆口。軟殼蟹卷-內裡的軟殼蟹仍然保持脆口，可借壽司飯好腍身，完全沒有壽司飯應有的煙韌口感。燒魚頭-一個大大的三文魚頭，燒得黑了少少。魚湯配烏冬-魚湯有豆腐、金菇、黃芽白、芋絲等好多

2月4日上一次同o的舊同事黎食完之後, 已經覺得好好食, 當然要帶我男友仔黎試下啦. 最大原因係因為佢生日. 呵呵.我地覺得個前菜已經好好味, 唔知係咪因為太hungry既關係呢. ^_^ 係咩黎架呢, 之前都有人寫過架, 係o的辣青瓜+牛脷黎既.之後就點左:1) 燒雞泡魚乾- 十個好味, 一定要試2) 軟殼蟹卷- o的軟殼蟹熱辣辣連埋o的飯, 好味道3) 蟹子沙律- 唔錯, 特別既係因為加左蘋果落去, 令到o的沙律有o的fresh同埋甜甜地4) 明太子炒飯- 麻麻地, 本來諗住試泡菜炒飯, 但老闆話o的泡菜冇晒. 下次去一定要試下5) 惠比壽啤酒- 男友仔話ok播其實兩個人係食唔晒以上既野架, 因為軟殼蟹卷係有8件, 食完都飽飽地. 所以要注意o的卷物有8件.

日前經朋友介紹到此店一嘗。果然值的一試。雖然兩個食到七成飽，都要二百幾蚊，但都值得考慮。不過就有少少迫，如果可以寬敞d就好啦~~

小弟與女友喜歡到處嘗試日本菜，據聞此處是前娛樂圈人士開設，且朋友食評不俗，故女友特選擇於此為小弟預祝生日。我們預約了晚上約九時半，但當時餐廳仍有不少客人，故侍應先安排我們到隔壁的一間Cafe坐下，但那兒的環境就比較一般了，客人看起來比較雜，且煙霧瀰漫，但不出十分鐘，我們便被安置回小平津內就座。受先天條件所限，餐廳內環境比較狹窄，牆上貼滿了不少顧客及明星的寶麗萊照片，大部份都寫著「小平津好好味」等字句，看下去有點硬銷，亦對顧客有壓迫感。另外，廁所位於工人洗碗的地方隔壁，更見有一大盤骯髒碗碟，說實在的，有點倒胃。尤幸兩位女侍應的服務相當殷勤，我們雖然花了很多時間點菜，她也頗有耐性，而且也細心，如我們點了一客軟殼蟹手卷，她會提醒我們，一客的份量比較大，建議我們點半客，做生意就是要老實才能爭取客人好感的嘛！由於這裡只有一名壽司師傅及一名廚師，要照顧五至六客，因此上菜會比較慢，侍應會奉上一客韓式酸辣牛舌作前菜，吃下冰凍的牛舌，感覺有點像牛肉，就連我女友也以為是牛肉粒。這道前菜相當惹味，且屬中辣程度，令我未吃一道菜，已令我喝下了兩杯茶，不嗜辣者要注意。說回正題，以下是我們二人點了的菜式及評價：帶子

早前約了朋友食飯，她說帶我們去一間私房菜試試；說真的，沒有人介紹，想找到都真係幾困難，沒有招牌又沒有名，要行到門口才看到一個小小的店名，真係神密。因叫了很多食物，有部份也忘記了，就記得的說說吧！大約有南瓜沙律、燒三文魚頭、田螺、炸准山和豆腐魚湯。其它的已忘記了！南瓜沙律- 很香南瓜味，味道又清爽，可惜份量比較少，每人只食得少許。燒三文魚頭- 幾肥美，肉質嫩滑又香，加上少許鹽食，就更加香口。田螺- 幾鮮味，味道也幾好，但份量都係偏少，每人都只有一兩隻，唔多夠喉。炸准山- 炸得好脆，感覺幾似炸薯條，但比薯條又沒有這麼油，幾值得試試。豆腐魚湯- 豆腐很滑，幾有豆香味，魚湯很濃魚香味，飲完都沒有口喝，相信應該沒有味精，幾好飲。價錢唔算太貴，但份量偏少，如此計算就唔平了，出菜的速度非常慢，食完一味要等上好長時間，才上第二味菜；如趕時間，真係唔須要考慮。食物水準唔差，如有時間慢慢坐，也可以考慮來試試。

小平津食物好味道，經多次試食，肯定品質有保證！尤其南瓜沙律、燒物如燒牛舌、燒鯖魚、燒雞軟骨、魚鍋湯等(呢d都可以睇到烹調功架...其他"食評家"可以參考一下,,,)，刺身壽司都唔錯。由我第一次去小平津，到介紹左超過10個朋友去小平津，再朋友帶朋友去，聽返評語都非常好！

不定的約會, 天外天又再一次爆滿, 碰巧收到了卡片-- 私房菜.訂了七時的六人檯, 幸好記得地址, 位於Sogo 對面的一棟唐樓, 窄窄的又唔太乾淨. ... ...地方其實預左細, 大約可以坐廿四五人左右.人手就真係好唔夠, 逢星期天師傅得一個, 等食物需要一段頗長的時間.食物方面都唔錯, 而且唔算貴, 也由於要等食物, 食物一上桌時是最好味道, 最熱辣辣的.燒牛舌, 鹽燒, 有豐富的肉汁, 沒有燒乾, 及得上出面的日本餐廳.燒雞肉丸, 皮脆, 不過雞肉冇咩味, 也唔算突出.牛油焗金菇, 冇留意幾多錢一客, 但份量細.加州卷, 用料算新鮮, 不過刀工唔係好掂, 一岩一忽的.南瓜沙律是意料之外, 初看乍以為是炒蛋, 吃下又像蛋沙律, 南瓜和沙律汁的配搭原來是幾好味的.燒鵪鶉蛋個皮脆脆地香口, 幾得意, 幸好是細細隻的蛋, 大大隻的熟蛋真的吃不消.海鮮沙律卷, 新鮮炸起, 大家也要等一下才可以吃, 餡料略為冇嘜味道, 勝在香脆.燒魷魚筒飯, 如其他菜式一樣, 淡口了一點.最後的海鮮烏冬, 雖然也是新鮮弄起, 有各類海鮮: 三文魚, 魷魚, 蟹柳, 青椒等, 不過朋友吃到有點怪味.唯一的一

因為睇過之前有關的食評，所以臨去之前有所其待。第一次因為冇訂位，所以白行一趟。第二次終於可以一嘗食家推薦的食物，結果如下：環境：一般，並不太舒服。服務：只有一個服務生，成日掛住講電話，落order要叫幾次先可以落得成食物：種類太少，連一D特色飲品都冇，我覺得深水埗的(三上)比佢還要好，只係三上的服務態度就唔係太好。速度：起碼要食成三個鐘，因為叫一個沙津都等成二十分鐘...而當時只有我們一張檯。至於其他熱食...就等成三十分鐘有多。價錢：份量與價錢並不相附。食完之後，我只是覺得佢地係有誠意去制作食物，但唔係有誠意就等於好味。

因為睇左D評語，終於去左小平津食飯。可能祈望越大失望就越大。環境: 不過不失，但坐得唔舒服而且都唔會坐得耐服務: 幾好！但去食飯係講質數嘛。食物: 好一般，唔會有驚喜。如果因為食評而被吸引去食的話，就一定會失望。我只是覺得佢地有誠意，但出菜的速度就真係要好好改善。否則想搵人去都難。

朋友推介黎呢間, 講真, 唔係話好易搵, 但唔難既, 我星期一晚七點去到, 仲未有客住, 跟住大約七點半至八點鐘, 已經開始坐滿人. Service 係唔差既, 野食真係要俾d 耐性等, 不過是值得的, 雖然唔算話好好食, 好平好抵, 但我覺得唔貴, 同埋d 刺身真係好新鮮, 熟食既野就一般以上啦, 軟瞉蟹真的不錯, 我一定會再去同埋我一定會再食佢地既刺身!

是日三五知己在此店團年。其中比較有印象的菜色有鰻魚豆腐天府羅，軟殼蟹壽司及海鮮湯配烏冬至為出色。此店服務確實親切恩勤，值得一讚!!

just tried yesterday night. as recommended by chef, i ordered 'lark chow chu fa lor' and a couple of other dishes. must try 'yim siu kai yick'.decoration is simple and nothing worth to mention. but it provides a home feel and the service is very nice.advanced booking is required.

老實話，服務，得；環境，唔得；食物，唔得。講服務，一個字：好。勤斟水，勤換碟，永遠好笑容，唔趕客，係上菜真係好慢，扣一分。講環境，麻麻，唔知點解有人覺得好home feel，我只覺得似一般港式日食... 講食物，少少得，多多唔得，全晚最有印象係個咸字，逐樣講，食左：冷麵沙津，賣相幾好，麵幾爽，但個sauce好咸...三文魚＋帶子刺身，OK，帶子幾大隻。燒雞翼，燒得幾香，但無味。醬燒牛扒，個汁好惹味，但個扒（柳？）本身質素麻麻，但呢個價算係咁。饅魚豆腐天婦羅，全晚個人覺得最好食，賣相又好，炸既香口夾豆腐饅魚既軟，幾有創意。湯餃子，餃子皮煮到淋晒散晒，個湯亦係得個咸字。泡菜炒飯，有朋友話唔夠乾身，我覺得OK，但就得個泡菜味....唔知係咪要就返個價錢，所以材料本身質素唔係幾好，所以就用sauce 搭夠，但味道又太單調，兼好多時太咸... 要我行三層樓但只有呢個質素... 我唔會再去的，幾平∕好招呼都無用...同時，牆上有好多保麗萊comment話好食，至今成謎... 或者，朋友多真係好緊要啦... 不過做朋友，都係坦白D好...

琴日第一次上去小平津，係響樓下首先要尋尋覓覓o既上樓舖，連招牌都唔見，但係就經常都幾多人，如果要上去真係要打電話book定位先<br />d野食好好食，尤其鰻魚豆腐天婦羅非常好食！仲有醬燒牛脷，同埋軟殼蟹卷都好正。不過佢d野食整得幾慢，如果好心急既朋友就唔係好適宜啦。<br />老闆娘非常好招呼！而且仲會幫你影相留念，價錢亦都好正路，唔似銅鑼灣一般d日本菜咁斬人<br />真係超正，食完都勁想再去！