咯咯雞韓食店 (牡丹大廈) (Closed)

雖然大角咀位置唔算好就腳，不過今次就發現咗一間隠世韓國小店😌叫外賣仲會送酒精，幫助大家抗疫👍夠貼心，抵讚岩哂而家疫情要嗌外賣返屋企食，消毒完再慢慢開餐炸雞分別有好幾款包括原味，甜辣醬，蜜糖芥末，柚子檸檬🍋三重芝士仲有小編今次叫嘅地道港式鹹蛋黃炸雞🍗1/2份炸雞就夠晒兩個人食外賣炸雞因為唔係即刻食嘅關係所以都預咗個皮冇咁脆，不過食起上嚟都算係keep得到，仲有微脆，鹹蛋味都唔算好濃，不過都幾入味，而且雞肉唔會好乾韓國水冷麵外賣關係水同麵會分開，餸包括泡菜，牛肉，雞蛋，蘿蔔青瓜絲等😌夏天食水冷麵就最開胃，麵條有咬口，加上泡菜酸酸辣辣，好惹味🤗

今天吃炸鸡🍗，要了一家附近的外卖🥡，其实本身可以选择一种口味，比较划算，可是我不喜欢，我三个味道都好想试试最后我选了，一个甜辣味，一个咸蛋黄味和一个芥末酱油炸鸡！天呢这家炸鸡还真挺好好吃

間鋪唔起眼，以前經過以為專做外賣，有住附近朋友推薦，先知道有堂食，唔多，幾個面壁座位 價錢冇goobne chicken呢啲大牌子咁貴，但水準更高！ 皮脆肉滑多汁，咬落feel到層皮chet一聲，再啖啖雞肉，個口感好好唔係度度炸雞都比到我呢個感受，炸得好 試左芝士同蜜糖芥末兩個人，各叫左1/3份即係每味各4件 我極力推薦後者，同件雞好夾！好食到追加左1/3份前者都好架巧多芝士，但sorry比下去鳥下次再試其他味！ 好味の良心店是也

1：20pm買炸雞🍗做外賣，一直聽聞呢間黃店炸雞好食，即管試試！我地三個人食，既然有分1/3份-1/2份-1份，就買全份炸雞。口味唔算太多選擇，有選擇困難症既話都唔使諗太耐😂今次試韓式甜辣醬，$159初時見外賣盒唔大盒，都懷疑3個人share會唔會唔夠食🤨拎到返去，我地一路食一路數幾多件🤣原來一份有12件，有雞腿x4+雞翼x4+雞胸肉（？）x4坦白講，我地冇再加其他嘢食，每人四件雞我就覺得爭少少，下次會試埋冷麵/小食！

哩間韓國炸雞店地方好細只有幾個位，所以一有4個人食緊就要排！嗰晚九菜真係排到大汗叠細汗呀！不過排完又真係覺得冇中伏。哩度炸雞有好多款味道，炸到好熱好脆即刻食，入面又有汁，真係算係食過嘅韓國炸雞中好出色嘅一間，好食過好多大間嘅韓國餐廳！我哋叫咗柚子檸檬味同原味各1/3同一水冷麵。1/3已經有4舊，兩個人兩個味再加個冷麵剛剛好。柚子檸檬酸酸甜甜係我至愛，更驚喜嘅係就算九菜唔中意食原味都覺得好好食！不過老實講就同韓國食有少少距離，因為雞嘅關係？中途見到好多人外賣，唔知仲keep 唔keep到脆呢？不過哩度有大有細好flexible，而且又唔貴，如果我住附近都會選擇嚟哩度加餸。

今日去左食炸雞 佢地既雞有好多隻味 試左蜜糖芥末同三重芝士 雞有雞鎚 雞塊 等等 炸雞鋪滿左醬汁 十分滋味 店員提供膠手套 拎住黎食 十分有韓國風味但因為所以食物都係即叫即炸 所以都比較熱 要等一等先得可以食另外仲叫左一個炸紫菜卷 我以為係紫菜包飯 原來入面係韓式粉絲 都幾特別 不過少少覺得價錢較貴坐位比較少 晏左就可能要等等 另外店入面既冷氣都唔係太大 天氣熱再加上食物都好熱既情況下 可能大家都要忍耐下店入面仲有其他小食都好吸引 係兩個年輕店員打理 大家都要多多支持小店

係香港要食到好食而且抵食炸雞真心吾算多 呢間係其中一間想翻兜既😏小店環境細 都有幾個堂食位 價錢合理 2個人食4樣嘢✍︎︎3重混合芝士醬炸雞1/2份 $128炸雞有6款咁多 除左一般會見到既口味之外 仲有咸蛋味😳 店員仲好貼心寫埋吾同份量適合幾多人食 講翻個炸雞 真心推一定要食 芝士食到層次感 凍左吾會硬左一舊 雞肉嫰仲有汁 個皮仲要係軟吾會死實.韓國水冷麵 $48消暑之選✨配料吾算多 都係啲青瓜 紅蘿蔔 幾片鴨胸同一隻蛋 不過麵煙煙韌韌好好食 加埋冰冰涼涼感 正.炸紫菜卷 $38👦🏽大讚既 紫菜包住韓國粉絲一齊炸 幾特別.泡菜炒年糕 $38醬汁甜甜地又辣辣地 加埋芝麻配埋年糕 食完會有啲濟 不過真係好好食😋✍︎︎而家未有得親身飛去韓國 但食住韓菜頂下肚 繼續努力打贏呢場仗💪🏻💪🏻

咯咯雞韓食店 💛大角咀黃店💛-少見的韓式炸雞小食店😋 仲要係黃店💛主要外賣生意，雖然都有堂食，但地方唔大。-🔍 韓式炸雞系列🍗：韓式甜辣醬 🍗 （1/3份）$58蜜糖芥茉🍗 （1/3份）$58鹹蛋黃醬🍗 （1/3份）$68炸雞即叫即炸夠新鮮👍🏻 識落熱辣辣又夠脆口，而且好juicy🤤 不過個人認為酸辣醬唔夠入味，由於個人本來好鍾意食酸辣醬韓式炸雞，所以可能本來對酸辣醬期望太高，所以反而有啲失望。不過蜜糖芥茉值得推介👍🏻 蜜糖芥末味道突出得來又唔會太過，唔會過分蓋過炸雞本來嘅味道，互相配合得好好。鹹蛋黃醬炸雞上面仲有粒粒鹹蛋黃，一向都覺得鹹蛋黃醬會太重口味嘅我覺得啱啱好（不過對於認為鹹蛋黃應該要重口味啲嘅可能就覺得唔夠味了🤭）-🔍 解酒豬骨湯 $68.好足料！豬骨湯會見到有幾舊豬骨，而且湯底帶有辣味，所以留意番辣嘅程度再自行選擇了～-食物質素：7/10環境氣氛：7/10回頭指數：7/10-📍 咯咯雞韓食店 (大角咀)大角咀大角咀道61號地舖

星期六晚，間間良心餐廳都full曬，唯有搵地方買外賣翻屋企食啦。幫襯大角咀嘅新開炸雞店咯咯雞，叫左1/3份嘅柚子蜜炸雞同1/3份嘅鹹蛋黃炸雞，坐底等左大約10分鐘就有得拎喇～即叫即炸包新鮮！喇喇聲揸車翻屋企，用左大約15分鐘左右啦，翻到屋企打開仲熱辣辣，我諗新鮮炸起果陣應該會辣嘴🤣一盒大約4-5舊雞，一個人食就啱啱好喇！柚子蜜雞～本身驚驚地個汁咁杰會令個皮變稔，但結果啲皮勁脆，本身我係食KxC會咬走雞皮嘅人，但呢間嘅雞皮脆到完全唔似雞皮，無果層好肥膩嘅感覺，加埋個柚子蜜汁，酸酸甜甜幾好味～鹹蛋黃雞～睇佢好似無乜汁咁，得零碎嘅鹹蛋黃碎都怕唔夠味，但原來佢鹹蛋黃係醃到入曬雞到，食落口會起沙😍不得了，好重口味但又好好味，皮脆呢啲基本就唔講啦～加埋係屋企開支冰凍手工啤酒，咁就一個完美週末晚啦🖐👆

💛淨係個環境都值得一試 韓式甜辣醬炸雞 （1/3份） $48炸紫菜卷 $38忌廉溝鮮奶 $8坦白講 個炸紫菜卷仲好食過炸雞🙈本身係滿心期待個炸雞～但無奈皮硬同乾左啲 好彩個醬調得ok補救返 有同店員反映左～希望下次有改善～～仲有蜜糖芥末味都想試！個紫菜卷真係勁好正 😋熱辣辣又脆口 入面係粉絲 個醬有芥辣 所以成件事好match又唔膩 ♥️呢個係必食推介見到隔離客人食水冷麵都幾大碗 下次可以再試🤤另外值得一讚係店員都好好態度

叫了半份蜜糖芥末炸雞，兩個人食，份量岩岩好而且，炸雞十分入味！今日外賣拎返公司食，熱辣辣仲好夠汁新開張，又有水準！另外，我地仲叫左份炸紫菜卷，食落去好有口感，脆卜卜！

店子小小，實力雄厚。我叫外賣，拎到返屋企，再等埋一齊食，起碼都有10分鐘。估都估唔到，仲係熱辣辣，脆卜卜，入面係好好好juice, 勁多肉汁。其實我都怕好鞋，但依個炸雞係好滑好嫩，出乎意料的——好。我唔食辣，無叫到韓式辣醬，反而叫左蜜糖芥末。係有小小攻鼻，但配上蜜糖都好正至於份量，我地叫一整份。足以係4個人一碟餸，大滿足。如一人食，可叫一人份量，平D依個價錢，係咪貴？但份量足，好味，夠嫩夠滑。原來有冷麵，睇唔到添，下次要試吓！

一句講曬, 超水準黃店炸雞!! 先唔講係咪黃店, 淨係講d 炸雞真係好好味!! 我係外賣自取拎返屋企食, 但依然勁juicy!! 食完又唔會勁口渴! 仲要係黃店, 無理由唔幫襯~~不過店舖好細, 比較岩外賣返屋企慢慢食😉

Spending our money wisely on 🖐🏻☝🏻 golden weekend! With the virus still going around, for dinner, we decided to give this fried chicken shop a shot! We ordered 1/2 portion of the yuzu fried chicken, it was still crispy and juicy by the time we got home. There was a generous amount of yuzu sauce on the chicken so that gave it a real nice refreshing touch, not as oily/“hot air” as usual fried chicken! We paired it with beer that we had at home, so it was the perfect Chi-Maek (치맥) Friday night dinne

炸雞，香港又多一個選擇。難得星期日休假日，縱然疫情已經清零，仍然不可大意。得知大角咀有新店開張，熱愛美食的我當然不可錯過。此小店主打炸雞，除了原味，韓式辣醬，柚子檸檬，蜜糖芥末，還有港式咸蛋黃味。既然早前流行咸蛋黃魚皮，那我也來叫上半份咸蛋黃炸雞試試。雙併加20元，那當然要來個雙併，於是併了柚子檸檬，以便解除油膩感。此店除了韓式小食，還有湯品，酒類可選。韓式小食離不開魚串和韓式熱狗，不幸已賣光。只好叫上解酒豬骨湯加一個傻豬燒酒外賣回家慢慢品嘗。可惜路途遙遠，花了兩小時才回到家中，導致賣相欠佳，實屬抱歉。不得不提，愛辣之士一定要叫上解酒豬骨湯，豬骨大件，辣度超強，岩哂愛辣一族。雞件方面，店家準備蔥花，配上蔥花同吃解除了炸雞的油膩感，本人認為柚子檸檬味更勝咸蛋黃，酸酸甜甜口感極佳。咸蛋黃味充滿咸香，滿嘴也是咸蛋黃的味道。聽說店家將來會有外賣速遞服務，這樣就可安坐家中，快速享受美食。值得一提，店家廚房是透明玻璃，衛生程度不用擔心。