泰國人海南雞 (Closed)

成日見呢間野Lunch咁多人，咪諗住入泥試下囉！點知入到去好似隱左形咁，D侍應完全睇我地唔到，要我地自己揾位。好辛苦揾到個侍應幫我地落單，我地叫左兩個海南雞飯、一個扎肉檬粉。過左無耐，個侍應拎左碗湯過泥，跟住就無晒動靜，我地諗住碗湯應該係跟個檬粉既，因為諗住如果係跟個飯既，無理由叫左兩個飯得一個湯送泥架！但係諗諗下，檬粉無理由跟湯架！所以就認定係送漏左個湯。追番個湯之後，等左好耐，都唔見有野食送泥，但見比我地早泥既食客都仲係眼光光咁等緊，都意識到上菜既速度奇慢，唯有繼續等。後來，我地有另外一個同事話泥緊，咪拿拿聲幫佢叫定個海南雞飯，費事佢等天光囉！等左十幾廿分鐘，萬眾期待既海南雞飯終於出現，D飯小到呢！同用茶樓D碗仔吸落去差唔多大，碟邊係咁椅有幾件可憐既雞點綴下，收我大拿拿38蚊，比D咁既野我？咬落件雞度，完全無味唔在講，又鞋喎，擺明係冰鮮雞，大X樂D海南雞飯都好味過佢啦！食食下，個侍應又放低多張單，諗住係加埋後加果個海南雞飯啦！點知佢夠膽死無落單，print番之前果張單出泥都得既！如果唔係已經飲左個湯同跟餐果杯青檸梳打，我諗我個同事應該走左。成個餐最正果樣就係果個青檸梳打，但係明明叫

星爺電影一句經典對白：你當臭豆腐黎食，個觀感就fit 哂勒﹗食過兩次晏，服務確實係差，所指唔係佢地晦氣，而係睇得出此店老闆(泰國通?) 根本冇training冇planning可言。今日去食，竟見到員工若無其事咁拿一大壺用最cheap塑膠造的那種水瓶，瓶裡裝的正是那些「海南雞湯」，分明向世界表示「我地呢d 係味精水係cheap 野」吧...來了「雞湯」，咬下一口節瓜，凍的，可以想像他們這「湯」的皮肉不相連的製作過程。然而，若我們真能把它當作一間快餐店，我敢說味道其實不算太差，雞也不是大家所說的不新鮮或無味；而38元的價錢，也算是不超值得來未致誇張的了。作為冇感情的果腹交易，這些錢，我偶而還是會付的。這麼犯賤，是因為我深信，此地根本沒有又抵又好食的海南雞。(別對我說好x 或勝x，自問兩者也不甚了了)話雖如此，但我也確實很天真很傻的，期待有擊倒此番話的一天...

I tried 2 times in this little restaurant, and i believe it isnt that bad at all. The price is reasonable, (honestly relatively cheap) I need to admit this, the restaurant is similar as those "HK cafe" but at least cleaner than that. 1st time went with 2 frds, ordered:Spicy mince pork wrapped with Veggie (it was a bit spicy, and a bit more fat, but it taste ok)The signature dish: the Singapoean chicken rice- the rice is ok, not that oily as others, chichen taste good with Real chicken taste. jus

今日同媽媽去咗食晚飯, 成日都見到咗多人諗住試吓新野, 點知試完都係覺得泰妃雞好。香油飲不覺得香,雞好少比走泰妃雞食完飯都仲有好多雞肉。牛內串燒都很普通。有得選擇都不會去。

前天去左雜誌介紹好食海南雞, 香港仔分店.好彩有訂位呀. 因好滿個晚..我地一家人12個.叫左兩隻雞, 青咖哩, 仲有好多小食.D雞好正同好滑. 串燒都好好食.. 香矛燒魚食起黎好有香矛味. 仲有d飲品都幾得. 特別係個蘋果梳打, 有d肉食呀..我地一家人都好滿意, 好抵食. 我地都會成日去食.. 因近屋企麻..哈哈

Lunch 去了這兒附近搵食，見呢間都幾多人，就試下。餐牌選擇不多，最後都點了應該是最出名的海南雞飯，配上一杯泰式奶茶。店子小小的，都幾多侍應，但好似好亂咁，等了都幾耐，送上了湯，普普通通的湯。又等了好耐，終於送上了海南雞飯，很少的雞，點醬都尚算好吃。吃完飯後，又等了好耐，叫了幾次，終於送上泰式奶茶，比一般奶茶差。看見隔鄰的很多都因為等得太久而很不滿，甚至未等到便離開了。一餐原本只需二十分鐘的一餐，吃了差不多一小時，難怪好像很多人等位。這餐價錢$38，總括而言是不值。

小弟將近生日, 友人請我食lunch. 找了找, 友人便提議到泰國人海南雞餐廳吃.食物, 兩人都是叫海南雞飯.包:　海南雞，　湯，　飯，　飲品雞可以的；　如果你喜歡吃白切雞的話　（沒有其他味道）飯：沒味的雞油飯湯：熱的湯, 不飲都沒問題飲品: 泰式咖啡, 很濃的, 不過我沒問題環境: 去到要等; 那些檯很細的. 眼見4人檯坐了2人, 都沒法坐下去. 因為太小了; 如果坐4人會超迫.我和朋友坐圓檯呢. lunch, 40元貨仔, 不能強求.服務:　ｏｋ的．．．ｓｕｍｍａｒｙ：　飯沒味是失敗，　我吃海南雞飯，　其實最緊要是吃飯味飯／雞酒飯呢．　感覺很迫．價錢公道　

set lunch, $38 包飲品, 叫了海南雞飯, 份量ok, 但沒有雞味, 沒有骨, 醬料得一種, 湯是味精水, 飯不夠香味。泰式奶茶得個濃字但不香,連枝即棄攪拌棒(已放入茶中)和一包糖一齊上, 感覺差過大家樂。

一個唔小心，冇上OpenRice check check.今晚做了老襯。一家三口坐落，先發覺原來個海南雞飯唔係一個餐，飲品要另叫。本來一人叫一個海南雞飯，個仕應建議叫半隻海南雞加三個油飯，計落仲平了19元，OK啦點。點知平了這19元就來了隻，冇咗雞脾的「傷殘」雞!!好在冇另叫飲品。大家一見這隻「傷殘」雞，心中大叫敢都可以叫半隻雞？老父一見這樣，就叫多一個淨的黄咖哩牛腩，最初望落去好似ok，找多兩找，火都來，成碗黄咖哩牛腩，薯仔多過牛腩，D 牛腩可以叫做一舊牛腩size的，唔多過5件，其他「牛腩碎」都唔多，賣成46元碗，有冇較錯!!一開就立心不良，這裡扣一D那裡扣一D。冇錢唔好學人開食市，我唔理以後佢有冇改善，就算佢老板請都唔會再去。都冇人幫襯，環境同乾淨分數實高。

唔好味. d 野又唔新鮮order 又亂又慢. order 時有的菜, 轉頭又話賣晒, 跟住又話有, 唔知佢想點. 一係就落錯晒單我唔會再去ga la最失望係個甜品, 一pat 野咁...

名為泰國但並冇泰國Feel.食物上及服務上!蝦餅唔新鮮! 入面全部都係水!牛肉串,油到震!又冇味. 醬汁差!咖哩牛, 油多過汁. 又冇咖哩味!Thai Ice Tea, NOT Thai Ice-tea at all. 泰國的Ice tee 是橙色, 佢係同茶餐廳一樣. 服務一般, 收銀好似欠佢噤. 黑口黑面整體上, 係一间可以不理的食店!

只可以說此餐廳完全無誠意去做生意。等佐好耐先有人幫我地落單，我叫佐一個海南雞飯，冬蔭公湯金邊粉，肉碎生菜包。例湯是凍的，粉不過不失, 肉碎無味。侍應落單混亂，成日拿著Ｄ食物行來行去，都唔知自己去邊張枱。講得啱，唔想唔開心就唔好去。

今天我和同事亞兒去了這一間餐廳, 她說這裡的海南雞飯很好吃, 因此我們便一起去到那裡吃午飯。首先當我們抵達門口時, 完全沒有人給我們指引, 不知道是要排隊還是攞票, 最終, 亞兒便走上前, 叫那一些很忙很忙侍應給號碼票, 大約5分鐘後, 我們入座選好食物後, 叫侍應來寫單, 但叫了不下4次, 那個橙頭巾的女侍應才過來落單‧我們叫了一個海南雞飯、海南雞金邊粉、一杯七喜及一杯熱奶茶。她完全沒有留心我們叫的東西, 於是再多問一次, 最後出埋單給我們, 貼在台上, 但她居然攞了2碟飯來, 我同事便告訴她另一碟是金邊粉。她轉身便走, 嗰張咀瞼好似我們做錯了什麼似的….之後亞兒吃了差不多半碟時(約十分鐘左右), 便幫我問我金邊粉到了沒有, 但她居然再看一看我們的單, 才說廚房做好的已經拎晒出來喎, 我們沒有辦法, 唯有再等, 差不多5分鐘左右, 那個侍應終於攞來, 而我們對面的男人見個侍應行過來, 所以便落單, 他都是落海南雞金邊粉, 女侍應居然再看一看我們的單!? 還想拎起我的那一碟, 她真的莫明奇妙, 而對的男人說他才是剛剛落的!? 唉….一句到尾個橙頭巾女侍應完全發夢, 唔知道自己係邊度!

工場式生產的海南雞,地方迫,衛生差,(清完垃圾,立即傳菜)食物一般(超級的慢)#_#,飲品又少,總之一定無下次!

見新野,雖然上過嚟睇d評語唔得,但都孤且一試.琴晚(5/2)7:45去到,等咗陣就有位.不過成間野都好迫'喼'吓.由於大家都話海南雞飯唔太掂,我地要咗豬手飯($3x,豬手好少,1半係肥肉),豬肉串燒($3x,6 串,味道普通,起碼唔係炸到乾晒果隻),油菜($1x,份量都ok),青擰梳打($1x,好飲但勁多冰)上菜速度正常,見個個坐低都叫海南雞飯(呢個上得最快),睇落個樣都ok既,不過d雞唔太多囉.埋單$9x都唔平,最弊係d野唔得囉.