Kosmo Wellness Café (Closed)

前言：早上往中環開會，跟在附近上班的女友，在此吃個輕鬆午餐。週一下午一點前到來，不用等位。食物和評語：我點了「是日午餐」；同伴點了烘猶太包、水果沙拉、奶茶。1. 我點了$46的「是日午餐」，內有： a. 烤去皮雞扒紅糙米飯：一隻中碟上盛有約一飯碗份量的紅糙米飯，此飯伴入核桃碎和葡萄乾果，以增加口感和甜味，惜米飯煮得相當「削身」，以致整個飯的質感不太討好。飯上放上兩小片烤得像「肉乾」般的去皮雞胸肉，乾乾無油脂，相當健康，但亦相當「鞋口」，唔好食！伴菜還有灼大豆芽和灼西蘭花，兩者都是無油、無調味，好健康但好「淡口」，不太欣賞。 b. 餐飲點了咖啡，如常「色、香、味」欠奉！2. 女友點了普通但穩陣的食物： a. 猶太包（又稱「貝果」或Bagel），當然不是自家製，但烘烤得香香脆脆，甚有咬口，塗上橙味果醬，仲好個我那乾燥的「碟頭飯」。 b. 水果沙拉：有西瓜、火龍果、哈蜜瓜和提子，相當新鮮甜美。 c. 奶茶：熱水加English Tea 茶包，可選脫脂奶另上以冲調熱茶。惜水不夠熱，冲唔起個茶包，唔好味。註：1. 食客多為獨行的年輕女士，不算太嘈吵。

前言：週二放工後，到中環巳經八時許，女友沒有興緻泡pub，遂到咖啡室。食物：a. Flat Whiteb. Cappacinnoc. Tofu Wrap評語：好失望，頗「行貨」！咖啡不算香濃，奶泡亦不滑。Tofu Wrap 過乾，難以下嚥。註：咖啡專賣店的咖啡質素差，還算是coffee shop！？（嘆十聲…！）食物又貴又唔好食，環境嘈吵，不是好「泡」的咖啡室。

好耐之前o黎過呢間coffee shop, 因為就腳, 食完庸記就o黎呢度飲杯o野, 叫了杯mixed juice 廿幾蚊, 點知返到屋企就肚痛lu ......

昨晚食完飯後想食cake. 就入左黎坐坐. 叫了tofu cheesecake. 雖然tofu 味頗淡身. 但係texture 同餅身配合得好好. size 又fit. 要黎做飯後甜品都不會太漏. 另叫latte. 好香濃. 不過我prefer多d奶囉. 12ozs已經係regular. 真係好大杯. 露台位樓下有幾個巴士站. 好嘈..好嘈................in house 冷氣夠. 坐裡面好d.

我覺得呢度幾舒服,不過係要坐上二樓至有呢種感覺.無錯,呢個位基本係比吸煙人士,但係我好鍾意望街,睇下d人行黎行去,好得意.黎呢度我淨係飲mocha, 咖啡同朱古力味都好平均,好香.muffin都好食.

Had a cup of their regular coffee and a chocolate cake there. I like their coffee cos it's strong and the cake was gooood too.Now they are serving hot meals at lunch. Worth trying.

Surprised to see a few negative comments on KOSMO. I go there a lot for their freshly made juice. I agree that their Smoothie is not great at all. I much prefer Fuzion's but it's a shame that they don't have one in Central. However, I still recommend their healing juice. I like Kosmo Vitality because it has beetroot in it. There isn't many places that sell mixed juices (well the fruit man only mix 2 juices max). I go to MIX to buy juice sometimes too but it's much more expensive than KOSM

做完gym 想飲d 甜野, 到呢度order 左杯smoothie, 叫Kosmo Harmony, 裡面有Lychee, mint + yogurt, 睇落好似幾好飲, 點知一飲落去好似飲緊藥水咁, 荔枝味好假, $26 又唔平喎, 早知過starbucks 買杯Frap. 好過! 但係好似Focaccia 所講, 呢度d biscotti 好得, 我都時時買, 不過我覺得呢間cafe 太多人食煙, 幾噪下.

曾幾何時對呢間cafe印象唔錯,特別鍾情佢既biscotti,但後來幾次響度飲過d勁難飲既drinks後,已經開始怕怕上兩個星期有晚又陪朋友黎呢頭,starbucks例牌冇位,費事等唯有黎呢度. 叫左個雞肉沙律同mocha frap (佢地唔係叫frap,唔記得個名,總之都"聲稱"係ice blended). 個沙律有個soya sauce,有d似冷麵汁,d菜麻麻地新鮮,最難頂係d雞肉,又亁又鞋仲一大陣雪味,真係擺唔到入口. 跟住仲陸續有黎,之前中過招叫過佢既energy drink難飲到喊,今次諗住叫d穩陣野,點知都出事!!佢杯frap完全唔似係ice blended既,水汪汪好似糖水咁,mocha唔似mocha味,又冇朱古力味又冇咖啡味,唔知做乜, 真係難飲到難以形容...結果杯drink都只係飲左兩啖就放棄,咁就side左五十幾蚊

Tea time 來見到有Lavender Latte幾特別，於是order左一杯。俾錢後個收銀員俾個牌仔我然後搵張檯坐低等。當時都唔算多人，但等了差不多十分鐘都未見杯coffee，忍唔住走埋去counter問下，有位木無表情的店員問我order左乜野，態度好似唔關佢事咁，又好似我之前落的order冇發生過咁。其實有Ｄsense就應該自己check 下Ｄ單先問人客，唔明佢地唔通冇record有乜order未做架咩？最乞人憎係sorry都冇聲，好似唔記得你個order係應份咁！到飲到杯咖啡時就更加覺得side錢兼side時間。一Ｄlavender味都冇，只是表面浮住幾粒lavender的普通latte，咖啡味道係好濃，但得個苦字，香味欠奉。飲到一半直頭反胃飲唔到落去！

買o左個blueberry muffin當lunch食，完全沒有blueberrry味，唯一好的是唔重牛油味及唔係好甜，心理上好似無咁高卡路里。

今日放假下午時候同細妹2個人係到食0野,由於好口渴,所以我叫左Smoothie Dream ,味道幾好,又唔會太甜.另外仲有我既至愛carrot cake,carrot cake 好大,只係$18 ,而且佢件cake用左好少牛油.細妹要左Fruir Slim 同blueberry muffin . 特別一提既係個外籍店員Steven 好nice,佢d中文好好,對人好周到,到左5,6點開始好多人

went there for a coffee tonite with my friend,coffee was ok, but super super noisy... cannot even hear what my friend said.. will not go there again, not comfortable to sit there

日期：2004.02.20時間：19:45 ~ 20:30食品：1. 12 oz White Flag ($25) - 泡沫不算滑，幸好咖啡味夠濃。2. Tufo Wrap (around $35 for full order) - 味道淡，質感好「一般」。評分：食物：3/5 ; 環境：4/5評語：食物方面，好一般！太古城的McCafe的咖啡上的泡沫仲湯D。The Mix 的Tufo Twister 價格平D好食好多。環境方面，係「吹水」的好地方。

星期日5:30pm, o係依度食個tea~<br />上層都仲有bar, 所以如果會坐樓上, o係上面order好d, 唔駛d staff 拎上去咁辛苦~<br />上面環境唔錯, 間o左一部份做戶外, 但full晒, 要坐入面~ 有一邊牆係sofa, 似乎幾舒服~<br />試o左cappuccino ($25) 同tiramisu ($28)~ cappuccino 泡唔夠滑, 咖啡唔夠香濃, 飲o左一半就放棄~ tiramisu 係蛋糕底, 唔係ladies' finger, 偏乾, 味道唔多掂, 食o左一半算~<br />不過都係一個幾舒服o既地方~<br />