九龍餐室

Open Now

Now Closed

工作後正好6點鐘，想吃下午茶但這個時間很尷尬，這間餐廳竟然去到下午6點半先完下午茶。叫了海鮮炒烏冬，凍檸茶，$45+3。 OK la價錢。先來凍檸茶，普普通通沒什茶味。主角來了，海鮮很足料，青口也給了一隻但足絲冇清到，有好多隻蝦仁， 魷魚等。好足料呀！但。。。。。首先睇個色就知出事，偏淺色，結果真係冇乜味d烏冬，海鮮都係冇乜味，成個炒烏冬真係冇乜味。其實而個情況我發現係超級常見，係一睇個色就知出事，咁對於我一個非專業廚師都知既人，點解咁多師傅都可以照樣比而個色水既炒烏冬，炒乜炒乜出去比客人？可想而知一間賺到錢既餐廳真係如我經常所說：其實只要有裝修，味道唔洗驚為天人，只需比正常好一點！真係一點點就夠哂！$48 絕對唔貴，但唔係等於要食一個比正常還差的質素。

九龍冰室的食物水準不太穩定吃了一客常餐 有番茄湯通粉 可配鮮牛肉、豬潤，手撕雞…等，我選了手撕雞，味道鹹香，幾滑。番茄湯就比較淡味，內有些薯仔、西生菜等，豐富但不夠味。套餐的滑旦多士很不錯，多士夠香脆牛油也多、滑蛋非常之滑，好有旦香。咖喱牛腩飯則有少少失水準，牛腩唔夠稔，我吃的一件有腥味，炸的薯仔外面韌韌的，裏便通心的，個汁唔夠濃 ，太稀了。

大前日(26-1-2019 Sat)晏晝,同老公辦完年貸,由於佢肚餓話要食o野,我就唔餓,但要陪佢,咁不如我食蛋撻啦,o係呢頭,邊間茶餐廳會有蛋撻?答案就係呢間.行到o黎,我見到有$6.00o既酥皮蛋撻,又有$10.00o既菠蘿檸檬撻.而只有一個人等位,之後就開始多人等喇,好彩有張卡位o岩o岩起身,我o地只得抹枱,等o左約5分鐘就坐低.睇完menu,我都係要菠蘿檸檬撻同飲熱奶茶,老公要$36.00o既雞全翼拚變心西多士,揀咖央餡,要紅豆冰.落完單,最快到o黎o既當然係菠蘿檸檬撻,冇耐,熱奶茶到o黎,飲吓先,茶味唔太濃唔苦,口感滑.味道:3 分之後紅豆冰到o黎,成個唔太甜,紅豆夠腍,不過紅豆唔夠甜味道就差啲.味道: 2.8分咁我食菠蘿檸檬撻先喇,食到好重檸檬味,來至面o個層唔厚蛋漿,成個撻最多o既係蛋糕,我以為冇撻皮,但原來有,撻皮鬆化,OK.我食唔到菠蘿肉,但老公話食到.而我心目中o既菠蘿檸檬撻係好似普通蛋撻咁,成個係蛋漿冇蛋糕.味道: 3分最後係雞全翼拚咖央西多士,件咖央西多士好厚同好香,快快趁熱食喇.唔知係咪老公落糖漿太多,我完全食唔到咖央味.味道: 2.8分而雞全翼呢?係炸o既,

1/1看到對面小朋友吃菠蘿包餐，心裡很記掛。今天有時間，就來吃。不過我沒有點菠蘿油。。。（有點後悔呢）。有炒蛋和火腿。 ok la，早餐feel，略嫌蛋有點老。菠蘿包面香脆，內軟軟的。 整体中間啦。

獨自來個午餐。元旦日，處處都是人，剛好這裡還有一两個吉位，就隨便吧。這裡前些日子裝修。。。點了午餐，焗朱扒飯。想要白飯底，可對方說全部預先做好，不能改。那又再隨便吧。雖說已現做好，但上菜已是20分鐘的事。侍應溫馨提示，碟器很燙，而我最後都辣紅了手指。。。味道很不錯，先來一定多熱，二來汁很濃，酸甜酸甜很開胃，而豬扒亦軟淋，無骨易入口，啖啖肉。飯底濕了一些，不過，還可以。例湯。。。就是普通例湯啦。。。沒要求反而，我看到傍邊食客的牛油菠蘿包餐好吸引，配火腿及滑蛋加奶茶。。。爽的感覺

天氣好熱，行經九龍餐室入去食個tea,順便涼冷氣。坐下來時冷氣不夠，但又唔好意思走，就叫咗個下午茶食。杯凍凍奶茶都幾好，有茶味跟著就係雞扒蛋公仔麵，個雞扒好好味，不是淡到無味又或者煎到老，唔錯👍整體來說，食物唔錯，但冷氣就弱咗啲。我會再去試試其他嘢

食物一般 同普通餐廳冇咩分別 而呢間野既態度係勁差 有好幾次打去叫外賣 都係好似唔想做生意咁 我都明會有忙既時候 但我係其他餐廳都未有試過咁既待遇 我覺得服務態度同樣重要 所以我以後唔會再幫襯了

荃灣兆和街附近有好多茶餐廳，呢間好多人，坐滿仲有人等位。餐包蛋腸配火腿通+奶茶 $35我就食左沙嗲牛米配火腿奄列+奶茶，加$5唔要餐包轉左牛油脆豬，咁就$405分滿分牛油“脆”豬(2分)一d都唔脆，好好口，加$5完全唔值沙嗲牛肉(0分)完全唔知自己食緊乜落肚米粉(1分)質感好差火腿奄列(2.5分)尚可，偏油奶茶(2.5分)尚可，唔夠滑相比至下，咁既價錢可以有好多好選擇，就算係連鎖式既大X活，都比呢間好。

上班前來個早餐，首選九龍餐室。餐廳很早便營業，約6時半左右，但不到十五分鐘便坐無虛席，幸好是香港的茶餐廳，通常作業流水較瞬速，若來到沒有位置，不消一會便可找到位置，不過找卡位也確實要多點時間。各服務員都很專業，十分客氣和善，給你一種舒服感。談這裡的食物，一定少不了菠蘿麵包，特大的菠蘿麵包，比我的手掌還要大，麵包鬆軟可口，菠蘿皮脆口香甜，可說是店內特色食品。除了菠蘿麵包早餐，也有其他，而通常我會點選麵餐，因份量足夠，也十分好吃，而且麵餐會附上自家製小麵包，每次也有不同，也許有機會有迷你菠蘿麵包，一嚐自家出品的麵包。這天我點選了鮑魚雞絲米粉，除了份量盛大，肉質鮮美嫩滑，口感十足。另外俄羅斯通粉也是推薦之選，湯底濃郁鮮甜，十分滿意。最後不得不說他的凍飲，味道好，份量也不少。

今日同朋友想找個地方坐下傾吓計，有人推介呢間咁就試吓啦，坐下就叫咗下午茶西多士＋雞翼，菠蘿包＋蛋撻，嘩！嚇到呢⋯⋯好似拳頭咁大嘅菠蘿飽，二人食就差吾多，超巨大吖！超低食！

各颣套餐不錯，款式多，菠蘿包本店特色，蛋撻熱辣辣好味，早餐2號餐值得一試午餐3號餐不錯晚市套餐飯蒸魚不錯，還有宵夜時段一般都有水準，到此處晚飯家人都感到滿意大家不防一試在眾安街, 早餐時段通常多人，中午飯市都要等，晚上可以叫外賣自取晚套餐飯，很方便的！最欣賞晚上買門口的雞尾包墨西哥包及其它包類還是溫暖的，不同其它包店的凍及硬了！還有奶茶及咖啡能在一般水準上，有茶味甜度適合，伙記一般代人有禮，門口位還可以看著部車，算不錯，好地方

天氣開始轉涼，一早起身覺有齊感冒徵狀，會報完公司call sick 就更係處理咗最重要事情攞醫生紙先啦。探完醫生，姑娘又係提嗰句 “餐後服”。為咗快啲好返，同要聽醫生、姑娘話，就拿拿林到診所附近食今日第一餐。正所謂小病是福，平日趕返工邊可能座底慢嘆個早餐。其實去睇醫生前已經 Target 咗來九龍餐室食早餐。貪佢啲包夠大大個鬆軟好味。今日 Order 俄羅斯湯通心粉加火腿奄列，來得茶記又點小得一杯回魂茶吖。唔知係咪病緊關係影響味覺今日嗰湯食唔到番茄味反而覺得辣咗少少。食完通粉食奄列，火腿俾蛋包住但係煎起嘅火腿重係超香，就算感冒緊入到口啲香味照上返個鼻到。個餐包仔就一貫依度餐室出品，鬆軟好味，重送少少菠蘿包嘅酥皮麵面上去，要來送杯回魂茶一流。不過今日杯茶啲茶味明顯淡咗。唔知關唔關感冒影響。俾個跟餐麵包釣一釣癮，埋單出門口就買咗個菠蘿包返屋企晏啲食藥前享用。真係好大個㗎！

晚餐。叫了雜菌花膠雞煲。74元，竟然有如此好質素。花膠有六大件，而雜菌是真的有多款菌類，草菇磨菇冬菇，而雞件亦有八至十件，一直吃不完。而且油不多，不俗。唯雞件不夠熟失分。

今日去仁濟醫院探病，探完已經9點幾有d餓，於是行去坐車期間就買左個外賣番屋企食。我同朋友一人買左一個，打算回家慢慢嘆。半小時車程後番到屋企個飯盒仲係熱騰騰的！我朋友叫左個瑞士汁炒牛河，而我叫左個葡汁海皇焗飯！先講河粉，佢炒完好似無炒咁，好多油而且d粉係痴埋一舊的，好似食緊粉餅咁，不過呢，平時瑞士汁雞亦就食得多，但瑞士汁牛河就第一次食，都幾特別！同一般既干炒牛河望落無咩分別，但一食就好唔同！甜甜地好好味！本身朋友無咩胃口都可以成盒食曬！之後到我個葡汁海皇飯！葡汁同一般食開既不同，有小小辣，不過真係好小，剛好用黎吊下味，之後就係d海鮮啦！真係落足料，所以大家不妨試試唔哈！

呢間有年幾冇去過, 最唔鐘意食緊中途搬個客走俾位其他客, 食到好似走鬼咁, 新年流流食早餐又冇乜選擇下都要食, 預咗收貴啲, 坐低望住個餐牌套餐冇晒, 祇見雙併麵36蚊, 麵包加1蚊, 廚房嘢一律加10蚊, 最克制都係飲品, 冇加價, 但唔好開心住, 成張單要加10%, 叫咗碗餐牛面, 菠蘿包同一杯奶茶, 食完埋單盛惠69蚊, 平時食呢Ｄ都係大約40蚊, 足足貴咗50%有多, 值唔值得就見仁見智, 但我就覺得唔值同埋生意唔係咁做, 有得選擇的話呢間都唔會再諗