牛車水餐廳 (西九龍中心) (Closed)

羅宋湯我覺得稀，色水係有，但飲落水水的，唔咸唔濃郁。但紅蘿蔔都幾多。奶茶唔濃郁。叫左碟紋米粉，上碟後幾乎全碟是斷粉的，濕淋淋，青椒一陣噏味，好過份。成碟野只有濕，但沒咩味道，落埋辣椒醬都補救唔到。食過最差既紋米粉！！！我唔想浪費食物，但真係唔好食。仲有叫左碟乾炒牛河粉，沒有鑊氣，牛肉片唔算少但都已經拿到冇曬肉味，但成個粉又唔咸。廚師到底有無用心去調味啲食物？？佢自己食唔食得落架？？？我估食焗飯應該會好少少，不過我唔會再食。入到呢間鋪頭當自己倒霉。。

做完野西九中心涼下冷氣想揾野食 仲係下午茶就入左呢間到食 見到有海南雞飯就想試下 結果食左次最難食嘅 由個椰油飯(?) 到超多骨嘅雞到個汁都只可以用不知所謂黎形容 想食伏野記得試下

我第一次入去幫襯(完全負零服務)，行入去座低，有個A侍應出黎執枱，咁啱有個另一個B侍應係附近，叫B侍應順度攞餐牌la,點知執緊枱個位A侍應，大聲*喝鬧*話:執緊枱，又話要攞餐牌，咁係依家係咪唔駛執呀，怒目而視，大發嘮叨。當時其他食客也清楚，她的肺腑之言。如果咁辛苦，可以唔做，又要在d客面前，惡言相向。倒自己米也倒老闆米既伙記真係辛苦晒。

我點嘅係喇沙！🍲你俾pad咖哩醬我喺面扮喇沙做咩！請各位指教，有冇D喇沙係咁㗎！？係咪我孤陋寡聞？！我宜家真係非常之黑人問號喎！我問waitress「呢碗係乜嘢? 咁多咖哩汁嘅！係米咖哩米？」佢望吓張單話「喇沙」我問「喇沙用咖哩汁？」佢答「我哋D喇沙係咁！」🍃🍃🍃🍃🍃🍃🍃🍃🍃🍃坐位: 比樓上food court 好，我見樓上多人先入左去！食物: 海鮮喇沙，一定衰過之前我喺food court食嘅喇沙，因為佢根本唔係喇沙！你可以當咖哩米食就無嘢嘅，可惜我無呢個心理準備！如果我知道係咁，我會配🐷扒，乾脆當咖哩🐷扒米算！海鮮……細細粒雪藏就預左，因為$38無乜要求！不過，除雪藏外，想讚吓佢有一隻蝦，唔大隻，不過我認為係新鮮蝦。收費: 有D嘢比food court 平服務: 茶餐廳咁囉，佢都已經無收加一，所以無謂挑喇！

剛剛和朋友在這裏進行午膳, 點了兩款午餐, 摩蘿雞椰漿飯 和 葡汁龍利柳飯。 摩囉雞椰漿飯味道不錯, 汁拌洋蔥,青椒,辣椒絲, 味道更加好味, 雞的份量唔係碎雞件, 而係半隻燒春雞, 再加一隻雞翼, 正! 葡汁 龍利柳飯, 葡汁感覺唔錯, 拌飯更加好味, 龍脷柳覺得煎燶咗少許, 感覺有點瑕疵, 總括來說是一頓豐富的午餐。

20:40入座，入座時樓面職員已告訴我們餐廳21:30關門，有問題就離開，冇問題就快d落柯打食完就走，岩吾岩！阻人收工就吾好喇！20:43我哋已經落好左單，過程順利，食物亦好快就上枱。過程中一路聽到果水吧師傅係到嘈，叫姐姐問個客飲凍檸水，姐姐就話單係凍檸茶，姐姐叫水吧整過，水吧就話整左，叫個客飲就飲，吾飲就冇喇！當時我哋都未知咩事！亦未必係我哋，因為21:30先閂門，仲有成大半個鐘！之後姐姐就過嚟問我地凍檸水要吾要？師傅沖錯咗，唔明白點解一間茶餐廳可以未到閂門時候就倒晒所有嘢。個水吧師傅仲喺度大大聲聲發脾氣鬧我地客人好叫凍檸茶，同埋阻住佢收工！當時只係21:00 ，距離鋪頭收工仲有半個鐘！又叫樓面姐姐唔滿意佢就同老細講叫老細炒咗佢！完全一個不愉快嘅吃飯經驗！水吧師傅可以大晒咁要求客人食乜嘢飲乜嘢！我唔係話我哋俾錢食嘢係大晒，但都要合理唔好過分要求別人！如果對份工咁唔滿意，咁咪唔好撚做囉！你老細請着你啲咁嘅水吧師傅，簡直係到緊你老細嘅米！如果大家真係要去呢間餐廳食飯，食飯可以諗清楚，如果唔係分分鐘俾錢受氣，倒不如唔好食好過！

行到門口見晚飯時段仍有幾多空位，打算入去試下係咪真係好似之前D負評咁。見到門口有探熱自動波探好左，唸住隔離落單既阿叔會安排座位，點知既系唔理你。之後有個行返去收銀枱既阿姐又系眼望望，唔show你咁既款。企左兩三分鐘先問幾位。。。叫我入去坐就得。問題系枱上無menu。等左幾分鐘都無人serve，自己索性出去問個阿叔，擾攘一段時間終於落到單。野食ok價錢始終算平，速度快，杯野飲就要食完催佢先到。食野中途佢地侍應互相為一個錯誤當眾互罵，非常不專業，難怪食飯時間仲有咁多空位。。。

為慶祝我終於坐完月出關老公帶我去近近地嘅深水埗搵好嘢食見到牛車水有鐵板餐即刻走入去試試我哋每人都嗌左一個雙拼餐我就叫西冷牛扒配雞翼同沙律老公就要西冷牛扒蟹鉗配意粉一上枱 見到個鐵板就知唔多熱 因為倒汁落去連聲都無唯一可以講就係個份量唔算少通常鐵板餐如果嗌咗意粉飯或者沙律就唔會再配薯條但佢飯沙律同意粉都係另上 加上又有餐包同餐湯 以$88呢個價錢算係可以接受但如果要講好唔好食嘅話 我諗都係要搵返專門食鐵板餐嘅餐廳會食得開心啲 起碼食晒成個餐 塊鐵板都係熱而唔係好似呢間咁食都未食個鐵板已經唔熱

喺深水埗想揾間食完又可以坐耐d同個老友倾吓計嘅食店都唔係好多選擇，唔通揾間雲吞麵舖或者米線舖傾計咩，呢d食店食完就要拜拜喇。呢間商場牛車水就可以坐耐d喇。呢間舖算係裝修過喇，以ssp水準都OK嘅。睇吓張餐纸，同個老友一人叫左一樣野食。呢個牛扒賣相就麻麻喇，睇吓墊底件木板認真唔多開胃。成碟野半熱不凍，同平時食開渣渣聲嗰d爭好遠囉。肉就50分喇，又唔係太靱嘅，滑就冇份喇。配料亦都係人有我有咁喇。我老友碟豬扒飯賣相亦都係唔多開胃，佢話d肉都係唔多熱，免免強強食得落咁喇。碗羅宋湯都係唔夠熱，味就可以接受咁喇。總括嚟講，呢間食店d水準確係普通過普通，主要係d野唔多夠熱度，d阿姐嘅招呼亦係強差人意，屬平均水屬之下。如果冇乜要求，志在同老友傾吓計都可以接受嘅。

全部野凍嘅 ! 西冷牛扒老到好似前日煮咁個白湯凍嘅 ! 薯條凍嘅 ！ 成枱野都係凍嘅自問平時去其他地方食野 啲野唔好食都唔會比負評 因為口味呢啲野每個人唔同 唔岩食最多下次唔食今日食呢間咁嘅野 由個湯去到個主菜都係冇樣野係熱嘅 除咗個餐包外野食唔好食唔緊要 大佬你全部野凍嘅好話唔好聽 我食快餐啲野都唔會有咁差嘅質素

與女兒逛完先施，不想拿著一袋二袋離開商場搵食，行勻整個西九龍，都冇間想入的，行到落下層已經累了，見到牛車水有大把卡位，就衝咗入去。我們叫了牛柳配雞中翼配沙律餐，牛柳配蝦天婦羅配沙律餐，沙嗲雞串半打，飲品叫了凍檸茶及凍啡少甜。先講個沙律，有點像舊式美而廉餐廳那款口味，算是不過不失。牛柳過熟，很難才咬得爛，我以為自己牙力不足，問亞女，您個件牛柳可以嗎？她都擰曬頭。再問她雞翼好吃嗎？她說超市的CP雞翼較好食。我果兩條蝦天婦羅，層粉漿太厚，似凍肉店賣的現成貨。至於果半打雞肉串燒，嚡烚烚，沙嗲醬很淡味的，我同女兒各自勉強吃了一串，便吃不下去了。至於凍檸茶屬正常茶記味道，杯啡又係好淡，沒咖啡香。食物上檯速度很慢，伸手去叫人追單，睇到扮睇唔到，被迫要開聲叫人，埋單連加一$250蚊。食完出門口，我同女兒都不約而同說:早知道差成咁，回屋企樓下茶餐廳食碟頭飯好過🤦‍♀️。(總結):食物唔得，咖啡唔得，服務都唔得。但、每人的口味都都有所不同，對我來說，不會再有下一次。

🥩 雙拼晚餐 HK$85.揀咗牛柳加雞中翼， 包埋薯條、意粉、餐湯、餐包、飲品。原本諗住呢個價錢啲肉應該會好鞋或者鹹，不過佢竟然唔會有好咸嗰種味道，而且幾淋。 雞翼炸得幾脆，但係偏鹹。 😂 薯條明顯炸定所以超硬，叉都插唔入。 羅宋湯係好地道嘅港式羅宋湯味道，少辣少甜嘅味道。

從來未去過一間服務態度甘差餐廳，員工寫單黑口黑面，叫區過來寫單仲好五願意，語氣態度超級差，未點完餐就走，簡直神經病！仲要好大聲又串甘同客人講：係要咩就快講，我好五得閒，大把野未做，哇…甘值頭五洗做生意趕客走得啦！以後都唔會再去咯！想問有冇投訴電話！

其實成日都去呢間食野，由佢裝修前到而家裝修後都一直幫襯，本身都無期望佢既服務態度好好，但未至於要扮聽唔到咁離譜，叫到佢黎落單又掛住同另一個員工傾計，我話你都無聽我落單，佢又懶哂可以multi tasks咁話你講，到最後咪又係錯單！我叫熱檸水，黎左杯熱檸茶，我都費事話要換，你知飲食業既野啦，廢事換黎換去啦！

入到餐廳 店員問我地幾多位答咗佢之後就冇人理過我地冇餐牌、冇水咁我地自己拎餐牌啦叫野食嘅時候仲要串柒柒話”呢度係要等架啦”一句都未夠仲講成段野真係好嬲我黎食飯唔係黎受你氣真係成肚火 即走祝你快啲執笠！