金撈老鴨湯刺身火鍋專門店 (Closed)

香港人咁鐘意打邊爐 我諗大家都總會有一班固定既打邊爐飯腳 之前 同幾個frd想試mk某出名火鍋店既花膠雞鍋 訂不成檯無食到 今次搵左li間勁多好評既火鍋店黎食我地ge花膠雞鍋打電話訂檯時 個姐姐叫我最好睇定想食d咩 早幾日訂定 因為佢地d新鮮火鍋料每日限量 賣哂就無 想確保有得食 最好同佢地講定先我訂好檯後 就即刻FB inbox佢地send個menu來同班frd研究下想食咩 留左幾樣好想食又驚賣哂既野食食飯個日 因為間餐廳地點都有少少隱蔽 附近環境都唔夠光猛 都搵左段時間到埗後 一坐低 姐姐就送上火鍋醬料俾我地混醬 選擇非常多 但好可惜 竟然無我地一致熱愛既 芫茜!!!! 希望店家以後會提供~~~我地混好醬後 之前訂定既「花膠皇濃湯雞鍋(半隻)」就送左上來 塊花膠大到呢 無理由唔相機食先!! 姐姐等我地影完相 就幫我地按人頭分花膠同剪雞件 再幫我地裝碗 超好服務!!!個花膠雞湯真係超鮮甜 味道天然 飲完唔會口喝~~ 花膠爽口彈牙 又厚身 好有咬口 件雞勁滑 一d都唔老大家都飲左2大碗 再叫姐姐幫手加湯 (加既真係湯 唔係水) 先開始打邊爐難得有個咁正既花膠雞湯底來打邊爐 d火鍋料真係

繼續支持黃色經濟圈！今次要介紹嘅就係位於佐敦嘅金撈鴨！呢間火鍋店人頭湧湧，晚飯時段都要等位，好彩同朋友預先訂位，免去喺餐廳外凍住等嘅情況😜呢度有好多食物都唔錯，首先我地點左1分非常特別嘅皮蛋，顏色晶瑩剔透，帶金黃，上面灑滿三文魚子，加埋酸薑一齊食，既有皮蛋嘅香味，又有三文魚子嘅鮮香，仲有酸薑嘅酸味，味道層次非常豐富。火鍋配料方面，其實都幾多選擇，我同朋友叫咗個牛肉拼盤，又骰子牛肉、牛舌、牛胸爽、薄切牛肉等等。其中我哋最鍾意嘅係牛舌同牛胸爽，兩者都帶有牛肉嘅鮮甜之餘，仲有微羶，好好食要encore!

中學同學聚會，近排秋風起當然係去打邊爐啦。食厭咗連鎖店，總會想搵吓啲特色火鍋店黎試下聽朋友介紹話呢一間超級高質，一定要去試吓，就睇吓係咪真係咁好食先一入去坐低，姐姐就放咗一堆火鍋醬料我哋自製自己嘅火鍋豉油，炸蒜超正啊睇吓佢個Menu，呢度除咗火鍋之外都仲有得食新鮮刺身，我哋就嗌左一個象拔蚌刺身，另外嘅火鍋配料都好有特色，連鎖店完全冇得比湯底我哋就帶咗花膠皇濃湯雞鍋湯底上枱啦，個花膠王真係好大塊我哋五個人食每個人都可以食到好多舊，有滋潤嘅感覺，老火湯都好好飲啊象拔蚌刺身每片都切得好薄，入口超級爽口，食得出真係好新鮮而且仲好鮮甜！正啊推介以佢哋嘅飲品都好用心，全部都係自家製嘅滋潤飲品，我哋叫咗檸檬薏米水，飲完一杯又一杯另外不得不讚佢除咗火鍋之外，仲有好多特色小食，我最鍾意嘅就係椒鹽粟米，材料好簡單但係平時唔係咁容易識到，上面有啲辣嘅脆脆粒，配埋粟米嘅甜味，真係食到停唔到口最後食完嘅時候，餐廳總會送上棒棒糖，好貼心啊下次一定都會再嚟啊～～

經朋友介紹 話呢間邊爐好正 仲話要訂枱時講定要雞定鴨 因為餐廳要留定比你 如果唔係就會無 所以我地一早留左花膠皇濃湯雞鍋🤩去到餐廳 首先比左個醬料盤你自由落 等左十分鐘左右個湯底黎啦🤤 💁🏻‍♀️湯底💁🏻‍♂️ 煲翻滾之後店員幫我地分湯同剪花膠 雖然餐廳出名係食鴨 但個雞湯真係好正啊 半隻雞都好大隻 三個人都食唔曬啊 同埋要留肚食火鍋所以無咁滑既位我地都無食嚕 雞肉算滑 好似走地雞咁有味 湯好鮮甜 美中不足既係塊花膠雖然好大塊 有我2塊面咁大 但係唔夠淋身同黏身 係比較爽口 煮耐小小食會淋啲好味啲 不過呢個價錢塊花膠係最普通貨式都好正常既 鐘意飲湯記得係店員幫你加湯前飲多啲啦 加左火鍋水落去就飲唔翻加啦 💁🏻‍♀️火鍋料💁🏻‍♂️ 👍🏻鹿兒島黑豚肉：比較厚身一啲 豬肉味還可以 唔算好香口濃郁 可以一試👍🏻牛三星（牛頸脊，牛肉粒，牛胸爽，牛舌芯）：必試！每款都達到入口即溶既lv好高質 好香濃既牛味 特別驚喜既係牛肉粒 完全無筋 第一次食牛胸爽 同脂肪/牛油既顏色味道差不多 幾特別👍🏻時令魚刺身：夠新鮮 好薄切 唔腥 有鮮味 👌🏻雙拼花枝滑鮮蝦滑：不過不失👌🏻鴨血：正常 每枱都有點👍🏻自家制響鈴：

睇左Facebook 介紹 ，試下呢間黃色小店，就係金撈老鴨湯啦， 見到個個都話正😂入到去，裝修還算ok, 但座位與座位間比較迫， 如果咁岩你後面張枱坐住個大肥婆，就會坐得好辛苦😵再講下食物啦， 呢個老鴨湯味道好， 唔似其他落左好多味精咁，好有鴨味👍🏻 推介有一個海膽拼盤， 唔知道係連埋定點啦🤔因為我冇留意另外叫左個牛肉， 呢個牛ok 既， 起碼有牛肉味之後叫左魚同菜果d~ 呢d 就普通野～ 不值一提總結： 🛑間鋪全晚播住香港之歌，但事實係咪真係黃店就冇人知🤷🏻‍♀️，因為唔見有咩學生優惠寫住。🛑Book 位時 ，個店員同我地講要幾點交返張枱，但差不多到鐘數時，店內唔係滿晒客人， 店外亦冇人排隊，個店員好快攞張單比我地埋，呢點覺得好唔ok, 始終唔係任食鋪， 又唔係有客等， 好似迫人走咁。🛑個老鴨湯係ok 既， 但單點食物既火鍋店泥講，呢間偏貴

去到一定要食富貴老鴨湯底！真係好食到呢！雖然工作繁忙，員工仍然以禮待人！在香港食店中難得見到！其他食物，例如：象拔蚌-平靚正，牛肉-新鮮有牛味，仲有很多很多！一定不定時幫襯！平靚正！

湯好飲，野食都唔錯，係環境嘈左小小，最緊要係黃色飯店，會播願榮光歸香港，死黑警，d員工仲會好hi咁一齊唱，開頭係出面食，後尾多左幾個朋友來就入房食，鍾意靜小小既朋友可選擇入房，坐出面係真係好嘈

講真 係fb見到廣告以為會伏 但阿男人話想去試下一於約到4個就去try try佢唔試由自何一試萬劍不復呀大大件花膠 係你面前剪佢仲會問你想剪幾大塊我地嗌左全隻雞花膠湯底個湯超好飲wo..!! 勁雞湯呀佢加湯仲要係加番呢隻原汁原味雞湯 唔係加清湯或者史雲生feel既雞湯仲有極力推介既野生竹笙我第一次食到甘好食甘鮮甜同埋見到呢個樣既竹笙呀！！！呢個牛拼盤 全部牛肉都好新鮮呀！！我唔識講 佢應該係真鮮牛肉無經過解凍 3個字講晒新鮮靚靚靚牛肉！！全部材料都係2個字 新鮮！

一大棚人最好就係打邊爐如果多人最好一早bk 定位，如果房無人bk 就會比房你坐早一日會confirm booking, 仲提你如果order 花膠雞要係fb 講密碼會upgrade 做超大花膠當晚去到，臨時少左幾個人join, 侍應都好幫手拎開張細台同埋收走幾個位，完全無黑面，態度好好黎到梗係要試鴨湯同雞湯，一上湯，靚姐就拎起隻雞剪件，同埋剪開果舊大花膠（會按人頭剪甘多份，真係好貼心），舊花膠都真係超級大舊，每人都分到大大件一試啖湯，不得了，超濃雞味，好甜，同埋靚姐貼心提示係中間筆湯，避開d 油食得出有雞味同埋質地係韌～～唔似用冰鮮，應該係新鮮雞之後就飲鴨湯啦～～鴨就比較多油d, 同埋難滾起，d 油亦都隔唔走，但d 湯都算甜，但花膠雞都係勝一籌鴨肉超多，同埋好淋，離哂骨，所以好入味好好食其他配料特別d 既有麻辣小餃（主要係泡菜味）， 金錢展（有牛味但韌左dd, 建議叫一大碟既肥牛片，口惑同牛味都更加好食），黑豆冰豆腐好有豆味，吸埋湯底，正仲有龍疐魚蛋好重魚味，唐生菜都好新解爽甜檸檬意米水 酸甜解膩～～好飲一碟份量較少，價錢略貴，所以最好一大棚人食就較抵食啦

慶祝同事升職，當然要幫老細搵間好野賀一賀，千揀萬揀搵到呢間有龍蝦象拔蚌刺身食既打邊爐預早訂枱去到直入唔駛等，主角係刺身刺身同刺身 重量級頭盤-龍蝦，象拔蚌，活魚，油甘魚甜蝦帶子，叫完可能量多製作需時等既時候飲住鴨湯先，第一次飲，覺得好飲味濃，係會追加既，感覺幾補暖完胃開turbo食刺身略貴不過食過其他比較過，呢隻真係好鮮味，金萡係點綴又係好鮮甜，叫得唔駛諗活魚刺身都好食，可以一試為何要用片檸檬夾住帶子刺身?？完全破壞左個鮮味，why?! 我淨係食到檸檬味，SAI左，其他刺身無咩特別唔多講倍襯既叫左羊肉，豬肉同牛肉，仲有d蝦滑花枝滑，桶蠔本人已戒牛🙏 不過同事話okay好食我已經係好羊之人，but個羊肉片羶到我都頂唔順... 個名好HIGH咁，不過食落比普通豬肉好似重少少肉味，完全無特別好食夠大件，鮮送酒一流，不過太飽食唔晒珍寶珠做甜品幾過癮服務-熱情，店員同食客有交流價錢-$$$$$食物-海鮮新鮮，肉類麻麻，鴨湯出色速度-適中環境-少少逼，隔離枱出出入入會驚hi跌野果種，值得一讚有位置掛袋

湯底足料又甜職員教放竹笙落湯浸耐啲入曬個湯味先食，好好味，而且個竹笙仲係爽口份牛肉大份，份量正常，味道唔錯呢份就好香牛肉味勁正，仲要每塊都成塊牛排咁大片呢間火鍋都唔錯，冇限時，適合一班人聚會！

母親節，當然要帶媽媽食餐好嘅今日唔使佢煲湯都有靚湯飲，因為有富貴老鴨湯。鴨湯材料有蟲草花/素翅/杞子/酸蘿蔔等材料，湯底濃郁又夠鮮味，連媽媽都讚好先有刺身打開我哋個胃：刺身拼盤- 有五款刺身，有我至愛嘅帶子/北寄貝同甜蝦，材料新鮮，絕不欺場象拔蚌刺身-象拔蚌大大條，即劏即食，絕對新鮮，肉質鮮甜又爽口火鍋料有：美國桶蠔-肥美鮮甜，肉質鮮嫩花生苗芽-感覺好特別，好似食緊花生同埋芽菜嘅混合體咁金錢展-肉味濃又爽口安格斯牛頸脊-油花頗多，灼兩灼至變色就食得，牛肉入口即溶，肉味濃郁，肉質細嫩軟腍，不用任何醬汁都已經好好味，性價比高本地手切牛頸脊-肉質嫰滑，油花分佈均勻，有牛香新鮮菌王拼盤-插到好似盆景咁, 菇菌非常新鮮又大隻，索埋啲湯一齊食, 簡直無得輸海中蝦-大隻又爽口檸檬薏米水有陣陣的檸檬清香，又不太甜，係汽水以外的另一好選擇。其他食材都唔錯，食完之後媽媽都大贊ps: 席間遇見老闆，言談間佢透露六月初會有新鍋登場（花膠雞煲），媽媽聽到後話一定要帶佢嚟試，可以補身之餘, 又可補充多啲骨膠原

打邊爐係十大開心活動之一，因為一定同朋友去打，而且我鍾意幾個人一齊去，可以食多幾款餸嘛！平時打邊爐，我係唔會特別飲啲湯架，因為啲湯基本上唔會真係好好味，飲咗好似嘥咗啲quota咁（我個胃唔特別大）但呢間啲鴨湯真係好好味！我同D朋友係會想飲完一碗又一碗，飲完仲會有幸福嘅感覺喎呢間餐廳其實唔單只個鴨湯湯底好正，佢打邊爐啲餸仲好特別添,好多出面都好少見，而且款款新鮮好味，真係諗起都覺得好味道！好想好想快啲約埋三五知己再去多次啊

今天晚上和一班朋友約五人一行去了佐敦的金撈老鴨打邊爐。我們叫了招牌老鴨湯底，湯底的確是一絕，雖然鴨湯有大量鴨由浮面但不影響鴨湯的鮮味我們先喝了兩碗鴨湯在開始打邊爐。我們叫了手切牛肉，來到的時候嚇了我們一跳上面鋪滿了金箔。從一個飲食角度出發金箔和牛確實沒有什麼關係，從拍照的角度這碟菜的確很治癒。金箔接觸到湯馬上飄走根本很難牛和金箔一起吃。另外值得一提的是竹笙，新鮮竹笙很難吃到。其他的打邊爐火鍋配料很新鮮很好吃。值得一提的是服務員態度很好服務很周到，打邊爐除了湯底和配其實也沒有什麼值得說最重要是火鍋配料新鮮這裏算是符合到這個最基本的要求。

上星期因為有位同事farewell既關係，有同事推介呢間餐廳黎食。咁我地就去試下啦！去到呢間餐廳一定要試下佢哋出名既老鴨湯，要點就要點富貴金撈老鴨湯，入面有蟲草花，素翅，松茸等等地材料，個湯係濃郁到不得了。打邊爐之前仲就咁飲左幾碗，一個字。正！齊人一開始就食左個活魚刺身，簡直新鮮到不得了。之後點左碟牛肉，花生苗芽，紫玉淮山，野生竹笙，活蝦刺身，三文魚腩刺身等等。而個牛肉同竹笙係好有驚喜既，雖然碟牛肉價錢相比其他地方係比較貴，但係食落去相當有口感。如果多人既話，可以再去多次，試下唔同既食物。