Video
1-min walk from Exit A, Whampoa MTR Station
continue reading
Introduction
Artist, Ricky Wong is one of the owners of this Chinese cuisines restaurant. It insists in making dim sum by traditional methods and, by hands.
continue reading
Opening Hours
Mon - Sun
07:30 - 21:30
Above information is for reference only. Please check details with the restaurant.
Recommended Dishes
今日又去黃埔jumping gym放電，一出地鐵站就見到呢間功夫點心。點心紙嘅封面好有心思，好似一本秘笈咁😂佢星期一至五有早茶及下午茶優惠，有八折。呢度嘅蝦餃王同燒賣王係可以逐粒計嘅，每粒係$9，好似我哋人少少咁，就可以按人頭點，食多啲款式，非常好。全部啲點心有晒價錢一目了然，唔洗對住個價目表，睇返大中小點究竟幾多錢。點心即叫即蒸，要等十五至二十分鐘，所以唸清楚有咩想食，如果唔係再加單，又要再等。功夫蝦餃皇$18👍🏻👍🏻👍🏻1/2 平時嘅蝦餃個皮係半透明，晶瑩剔透。呢度個皮唔夠薄滑比較厚，同埋入邊啲蝦切碎晒，相對無咁彈牙爽口。麻麻地。蟹籽香菇燒賣皇 $18👍🏻👍🏻👍🏻1/2 一般般黑椒金錢肚$28👍🏻👍🏻👍🏻👍🏻👍🏻好濃又入味，整得夠諗。不過份量較少，得5舊唔係好夠喉。翡翠叉燒腸$27👍🏻👍🏻👍🏻👍🏻可以鮮蝦腐皮卷$25👍🏻👍🏻👍🏻👍🏻👍🏻呢個係大爺至愛，煎得夠脆，加埋喼汁開胃可口。鳳凰煎糯米雞$26 👍🏻👍🏻👍🏻👍🏻呢個比較特別，將糯米雞兩邊沾啲蛋攞去煎，都好食，幾得意。鹽燒酥炸魷魚鬚$34 👎🏻👎🏻👎🏻炸到過晒龍，啲魷魚好幼身，炸粉好厚，賣相同味道都唔得。呢度都要計茶錢，每位$7，可以叫鐵觀音。今次坐喺卡位，啲皮椅已經開始裂開，另外啲茶壺有跡，茶咀都崩咗。總括而然都算可以接受，環境同食物都有進步空間。如果撞正早茶或下午茶時間都可以考慮吓嘅。
continue reading
有個收銀阿姐好垃圾，落單嗰時已經好似欠咗佢咁，講到自己好忙但又唔覺有咩做，最後仲發脾氣叫我唔好落單。嘢食ok, 糯米雞、餃類真心幾好食，拎到返屋企仲熱辣辣。但阿姐真係超趕客，好心兜q走佢啦。
continue reading
今日放工冇嘢做，趕住返屋企打機，就去咗呢間點心度買個點心食，諗住邊打邊食。去到嘅時候雖然唔係好多客，但係都等咗好耐。幫我將啲點心拎到返屋企嘅時候，路程其實只係10分鐘，但係啲點心已經凍哂。我諗本身啲點心已經唔係好夠熱，我叫咗嗰幾個點心都冇一樣係比較吸引，唯獨係個燒賣OK，下次應該唔會再嚟呢間事啦。人哋買外賣就為咗方便，我就買完外賣仲要返屋企用個微波爐叮先食得。
continue reading
尋日假期去開紅磡果頭，揀咗呢間連鎖點心店幫襯，之前間中有去深水埗店，今次係第一次黎呢間分店，黑椒金錢肚太淋、最底果兩舊牛肚酸既，北菇棉花雞d 雞飛水太勁，成碟無味既，包括雞、豬肚、芋頭同冬菇，見到隔離枱埋單時，原來食咗一舊就成碟無再食，鳳凰煎糯米雞d 糯米太淋、無口感，鮮蝦腐皮卷同蝦腸還可以，保持水準既就係蝦餃。因為一路食一路出汗 (其實未開始食都已經好熱)，出面33度，所以無心機影相，問侍應點解會無乜冷氣既？開到最大架喇？佢回答 “係！係咁架喇！”見到鋪內有幾把風扇既，但係只係吹住員工包括收銀同廚房出點心個櫃面總結：唔會再幫襯
continue reading
夜晚嚟到位於黃埔站嘅功夫點心食點心， 兩個人點咗四個點心分別係蘿蔔糕 ，生菜鯪魚滑炸兩 ，鳳爪排骨腸粉煲 ，同埋瑤柱鮮蝦菜苗餃 。蘿蔔糕好厚粉， 啲油滲曬出嚟。食到一兩絲蘿蔔絲同埋少少香口嘅蝦米臘味， 尚可接受。生菜鯪魚滑蛋炸兩唔太食得到鯪魚滑。 不過炸兩勝在夠脆， 包裹係炸兩外嘅粉皮幾薄下，唔錯。鳳爪排骨腸粉煲有兩隻鳳爪 ，4，5粒排骨同埋四條腸粉。 腸粉吸收咗排骨同埋鳳爪嘅湯汁，配埋辣椒豉油，好食。菜苗餃外皮煙韌結實，咬落唔會散開曬， 都唔錯。 埋單120蚊，價格算係幾親聞。
continue reading