功夫點心

Open Now

Now Closed

今天坐巴士86C去馬鞍山利安邨探朋友，逛利安商場時見功夫點心，我們不約而同地説，進去喝茶啦。找了個卡位座下，冷氣够，舒適，位置松動。服務員哥哥很快就泡了一壺茶過來，我們點了四款點心。必吃的【功夫蝦餃皇】$9元/1衹，皮薄，蝦鮮大粒爽甜。【酥皮焗叉燒包】$23，包身香軟，但酥皮欠點脆，餡的叉燒和醬汁協調，味道不錯。【豉汁煎讓茄子】$24，一層潤潤的豉汁鋪在面上，熱熱的香氣撲鼻而來，咬一口非常之夾，茄子香淋，鯪魚肉餡彈牙，感覺有點辣，惹味。【翡翠叉燒腸】$26，比另一間功夫點心店理想，腸粉厚薄適中，叉燒一片一片，爽而不嚡，醮上豉油，味道剛剛好。店內裝修簡約，幹淨，寬敞，舒適，冷氣適中，點心出品够熱，味道不錯。早茶，下午茶有8折，不收加一服務，但服務員友善，服務到位。

雖然冇酒樓，但有呢間功夫食肆，可以食到點心，我同老公最鍾意食佢哋嘅蒸牛肉腸粉，蒸蝦腸粉，鳯爪又係好好味，蝦餃燒賣牛肉球通通都叫，又其煎釀茄子🍆一定要食，都要食雞札😋重有蒸排骨飯，如果只有我同老公，咁就有選擇困難症了。。。

上星期去食，親眼望到有個阿姐員工擺碗上櫃時跌咗兩個乾淨碗落地，明知我哋望住佢，佢都若無其事咁擺番上去，好嘢！試過喺呢間野買外賣，個阿姐除低口罩摷下個鼻再若無其事繼續pack 外賣，好嘔心，係同一個阿姐！疫情最嚴峻嘅時期，佢哋會安排長者搭檯，坐到密密麻麻，完全係犯法行為！野食唔係特別好食又唔係特別難食，冇乜特別（不過之前有次喺呢度食過一隻又燶又黑又乾既乳鴿）但服務同衛生就係真係差！如此做街坊生意真係祝你好運！

  20-5-2021 到店打算購買外賣, 前台收銀位置一個服務都沒有,有幾個客都有等店員出來落單,等左15MIN都沒人出來,我進去見到一位穿黑色制服講,我需要下單佢叫我地等等,於是又再等,,,再問什麼時間可以落單,又叫等等啦,,(只是落個單都完全沒人去做, 不夠人手就不要開全間店, 只做外賣/開, 開一半位置,總好過得失客戶)等了20MIN多, 穿黑色制服的走出來  (你地得唔得架, 我而家幫你地落單, 一陣你地唔等聽又催架喇,) 咩態度呀,係超差既語氣, 唔夠人做就唔好開, 開左鋪就要做,沒人出來落單,又叫人唔好催, 做唔掂就唔好開啦 服務又差, 食物又係好平 另一個客話等左半個鍾一樣野都未出到黎,外賣紙寫(約10-15) 連單都未落已經要等20-30MIN (未計等野食) 已經唔只一次既事 有幾個街坊買過野都知道係咁衰, 中招, (想等倒閉)?

點心唔錯，但服務差到一個點，唔會再去食基本禮貌都無，一味得個串，黎食野唔係黎受氣。溫馨提示如果去依間餐廳叫完餐就最好唔好去問野唔好去煩啲伙記。啲伙記仲惡過你，問兩聲張單唔清楚 就係到串客人 資質問題？真係認真一流唔係要好有禮貌 但只小基本尊重都有掛

等外賣超過一個半鐘！只係買三籠點心！當時俾錢收銀話約9個字時間！我覺得要排隊新鮮蒸，情有可原！9個字後返來！侍應見到外賣單都唔願出來，我諗住入去問，剛走入去，侍應大聲吆喝！外賣企出邊等！我問一句，我淨係想知我果三籠點心得未，誰知佢連睇都唔睇！就話，未，未、你企係出邊等！侍應態度相當差，唔俾問，只俾你等，今時今日，都唔係想佢服務態度好，誰知連做人基本禮貌都沒有！客人想食幾籠點心！咁樣呼喝！一句到尾，成班侍應山野土匪咁！老闆請左呢d員工！想賺錢，但無良心！唔會再幫襯！

忍唔住同屋企去試吓樓下嘅點心！畢竟都太耐冇飲茶，新年流流有冇邊度去～都係嗌返嗰啲嘢，但係價錢偏貴對返佢嘅質素！我哋以後有得揀都係會去返海港！整體來講金錢肚好味，但係海港嘅會比較抵食同埋大份～生菜靚魚肉嗰個就真係唔抵捱，成$30但係得少少好普通嘅質素，雖然個湯幾舊護照未，但係始終都係似味精嘢水多過料潮州粉果原來得三粒，平時飲茶會有四粒，而且個料會多好多蝦米同埋肉粒，呢度主要係粉葛粒，得一兩條超級細嘅蝦毛.... 而且個皮整得唔好食馬拉糕正常～最後$40.1隻嘅乳鴿好出色，成餐最驚喜就係呢個！熱辣辣上枱幾香口又多肉