貴記荳品 (Closed)

今日, 下班打電話回家, 得知兩老要去飲, 抱著回家食阿媽飯的心情頓然消失. 早上子陵的短訊, 說土瓜灣一聚. 便踏上 111號巴士, 直奔赴宴.去的不是什麼名門大宴, 而是平民到不能再平民的老牌街坊食店.到埗已晚, 兩位食漢已經扒完擔擔麵兩大碗. 我來到, 先要一碗 "水麵" (豆腐麵), 豆腐, 是老豆腐, 結結實實. 湯底有少少腩汁. 不錯的一個清湯麵.牛腩, 當然不是什麼上等靚腩, 但個腩汁一流, 帶出的味道也佳. "夢卜" 是非常嫩的蘿蔔, 食落沒有絲, 而且非常入味. 不過, 豬皮, 我還是喜歡爽的.菜肉飽, 飽飽地只吃了半個. 內裡肉汁不少, 亦鮮甜. 幸好子、火二位留下一隻已沽清的鍋貼給我. 非常的好食.結數時, 阿哥在點收碟子, 10元, 12元, 2元,......., 阿婆來到....三個10, 3個3......82元....幾簡單, 駛鬼數咁耐呀......阿婆心算, 聞名不如一見, 我這個靠計數機扼飯食既人, 要甘拜下風.做埋今個月尾, 在此向一間老字號致敬.

因為另一位好友嫁咗去土瓜灣到住, 今日特意探佢的初生BB由於我未食早餐而好友又未食過貴記, 所以係佢屋企附近的貴記買咗兩個牛肉飽, 兩個窩貼和凍豆漿一齊分享 凍豆漿: 好好飲, 夠甜夠凍又有豆味窩貼: 我覺得好味, 肉餡好香, 皮煎得夠脆又夠厚, 但好友只覺一般牛肉飽: 由於窩貼好頂肚, 我食一個加豆漿已經飽飽地, 唔係好想食牛肉飽, 所以覺得味道一般同感覺油膩, 但好友食第一啖時已經話好味, 佢好欣賞各人口味都唔同, 真係各有各喜好 由於我第一次買, 所以唔知每款的價錢, 伯伯總共收我$18, 平平地的二人早餐

在土瓜灣區工作六年都是第一次到貴記食野， 一入到去發覺好多人；可能係中午食飯時間啦！但好彩都有位．叫咗個牛腩麵加個牛肉飽再黎多杯凍豆漿．不過可惜因為太多人所以無影倒相．牛腩麵＞麵質彈牙，湯底ＯＫ，但牛腩就韌咗少少．牛肉飽＞熱辣辣又有肉汁～正！豆漿　＞唔太甜，有豆味，一個字〔正〕～！

食左好似無咁耐,媽媽又路過,今次她除了牛肉包外,還有蔥油餅.好不幸蔥油餅係我未食的時候,己經俾人宰割了,得番半塊咋,由於得番咁細塊,無拎去蒸了.蔥油餅好軟熟,入口有好多蔥,外面有芝麻更香口,正,今次食牛肉包無再懶,拎左去蒸,可能皮有點厚,蒸了好耐入面夠牛肉先夠熱.牛肉味仍然濃,熱了牛肉的香味仲特出.汁仍然少少的不多,但都足夠啦!這個3元的牛肉包仍然是我最愛的呢

I've never set foot in this district, in a sense that I have never been around here. I said this with plenty of shame because I should've had my footprints here long ago...for the food. It's only until today that I arrive at one of these old joints where the floors are laid with tiled and booths are old wooden ones, and the lady with the grey hair greeted me with a grin that touched her eyes"Sit down, Young man, Beef Bun?" The lady headed straight to the pan for freshly fried beef buns. My "uh..

看到食友提到這裏可能於短時間內解甲歸田，不理其是否真與假，還是趕緊來跟她來個提前的告別，以免有憾於心.....除了平常吃開的窩貼及牛肉煎包外，這次還叫了久未嚐過的豬皮及蘿蔔。算是一個完美的句號吧....豬皮碎濕濕的，淥得有點過淰，嚴格上是不合格的；蘿蔔很淰且無渣，但卻少了一份清甜，叫做不過不失；窩貼及牛肉煎包還是老水準，皮很厚，底煎得脆脆的，勝在即蒸即吃，熱騰騰的，不會太難吃.....無論如何，老舖還是值得尊重的，特別是自己在這裏從小吃到大，加點感情分自是少不免了。未吃過的，趕快去試試吧....

土瓜灣貴記我自小便常幫襯,這裏的北方飽點及麵,均是自家搓麵粉製作,做得很正宗,價格也便宜,因為幾十年前老板娘買咗這鋪經營到現在,不怕捱貴租,D食物先可以咁平!可惜收到風話做埋呢個月老板娘打算退休並摺埋間鋪,如果是便很可惜!上星期六專登走去吃,希望不是最後一次吃!要了:1.担 担麵-看似平凡,但很正宗,有好香濃花生醬味,麵條彈牙有口感,不過較油淋(正宗北方麵一般都較油的),好味過黎X園!オ$12碗2.牛肉煎包-->包面煎得微焦脆口,內裏鬆軟,牛肉惹味but冇乜肉汁,才$3個3.推介葱油大餅-->大餅望落厚身,但咬落一D都唔粉,餅面香脆內裏鬆軟,有很香葱味,必食, $3咋! 4.柱侯牛腩 $12一碟--->牛腩炆得出奇地林及入味,抵吃!傳11月結束,想食就快!土瓜灣道27號地下

距離上次在這裡開飯已經有超過三兩年時間了, 對這裡的蔥油餅念念不忘, 今日趁機會又與姊姊來這裡開餐.店裡仍然裝修欠奉, 人流不絕, 跟上次來一模一樣. 今次點了蔥油餅, 熱豆漿, 牛肉飽, 陽春麵, 豬紅拼蘿蔔. 蔥油餅雖然較油膩, 但表面佈滿芝麻, 煎得剛剛好, 吃起來很香脆, 帶著點點蔥味, 和上次吃的味道一樣, 正! 豬紅十分脆口, 一點也不韌, 只有真正的豬紅才有這樣的脆口, 非一般店舖用的雞紅充豬紅可比擬! 蘿蔔炆得清甜入味, 且沒有渣! 牛肉飽看起來很像水煎飽, 裡面的牛肉雖然肉汁不太多, 但充滿了牛肉味, 味道雖然比不上清真牛肉館的牛肉餅, 但以$3這價錢來說實在超值! 除了裝修和食物質素沒有改變之外, 連價錢也"反通脹"地沒有改變, 三數元就可以吃到美味的小食, 好到實在無話可說!! 但見有食家指此店可能於十一月關門大吉, 如果是真的話就真的很可惜, 因為這樣的老店已經買少見少, 舊香港的地道飲食文化漸漸消失, 可惜, 可惜!

6/10媽媽路過問食唔食,咁耐無食過緊係要她買外賣啦!由於凍左味道當然差少少,也由於懶懶關係,沒有蒸番熱.凍食咁評論.首先望下個包,點解細左咁多的.差D唔認得.一咬開皮都仲係整得幾鬆軟,皮當然還是依舊有點厚,牛肉餡又唔算話好少喎!肉汁都有少少,甜甜的不錯呀!很適合我的口味呢無加價細個左都值得原諒啦!3元仍然經濟抵食

看來我這篇會是貴記第100個好評了。貴記充滿了我兒時的回憶，記得小學放學後常常跑來買外賣的，轉眼已過了多年。因為懷緬當年的光景，所以特意和babe來一趟，感覺真的一點沒變哦。外面天氣雖然仍極悶熱，但店內有多把風扇在，算是涼快。豬皮麵($12) - 豬皮洗得很乾淨，滷得很入味，喜歡它用的上海麵的粗幼度和質地，份量很多，吃完飽了一個下午牛腩麵($15) - 牛腩好淋好入味豆漿($3)x2 - 有豆味淨豬皮($6) - 真好吃，吃完豬皮麵還不夠，再來一碟淨蘿蔔($4) - 如果淋多少少會更好，但也已很入味很開心的一餐，每人才20多元。真的希望還有機會再來。這兒不只有我的回憶，原來媽媽小時候也是捧場客呢。

今天天氣悶熱,烈日當空,享受這一天在百忙的a level中之周六;驀然想起已有好一陣子沒吃貴記了,懶理天氣悶熱,想吃就吃。拖著汗流浹背的身軀,望著油膩迷濛的玻璃,驚喜發現貴記在通漲狂潮下仍能維持三蚊之超平售價!!在我有記憶開始,它的豆漿,飽點,全是三元!!十多年也沒變!!蔥油餅,依然香脆而有蔥香.......完全沒變!!在烈日下細味這蔥油餅的我,時間彷彿停止了.............

貴記是我小時候會間中和媽媽專程由紅磡一直步行而至的小店，這店真是二十年如一日，除了太約七、八年前把桌椅翻新了一下外，店內的食物以至人物都沒有變過…3元一個的大包、3元一杯的豆漿，放在辣椒醬杯中的麥當奴調羹，還有聲大大、心急但記性奇佳的老闆娘，以及總是不發一言、黙黙煮麵的四眼肥哥哥。每次到貴記，都必定吃它的葱油餅，因為喜歡此餅的咬口，以及淡淡的芝蔴香，老闆娘雖然心急，但有時候她會細心問你是否要把餅切開。現在已搬離紅磡多年，但偶而仍會和老公老遠從新界到這兒吃上一碗擔擔麵、一件牛肉包、一碟豆腐拼豬紅，再外帶幾件葱油餅給同樣搬離紅磡多年的媽媽。食物口味從來都是主觀的，老公說吃過多處的擔擔麵，還是最喜歡貴記的出品，而我則向來不太好擔擔麵，反而每次都會吃豬紅麵或豆腐麵。貴記的豬紅很滑但很夠味，是坊間難得煮得合我口味的，因為很多時候豬紅煮得不夠味會很腥，有些又會很老、縮水。其實貴記多年前(應該有十年以上)，曾被蔡瀾在其報章專欄上介紹過，我是在貴記桌子的玻璃下看到有關介紹的。貴記的老闆娘多年來靠這店子養大了多名子女，個個都學有所成，店子亦因為是自家物業，所以才能屹立多年，不被加租洪流沖走。可惜看見有網

已有一段時間沒來貴記,這間土瓜灣老店,同樣敵不過加價熱潮,麵食由$10加到去$12,幸而點心,豆漿,仍舊買$3.其實,都十幾年沒有加價,而家在通漲壓力之下,大家都會體諒.十多年如一愛飲凍豆漿,再來個牛肉餅,$3一個自然不是清真的爆汁級數.飽下的牛肉餡,充滿著肉香.還諸多要求?擔擔麵不是川味,花生醬味重過辣味.現今加多$12一碗,都不能說貴.還不夠嗎?叫多碟蘿蔔,$4,再來鍋貼兩隻,$6.加埋都係所費無幾.曾經有人向我說過:{車!果次聽你點左去貴記,無乜特別,係幾平.後尾我要去隔離老麥吃多個餐,不知好味幾多!}道不同不相為謀,我無你咁懶好氣.

今日我睇完openrice,見到紅磡有間好出名既店...重要係正公司附近,所以就去試下我叫左一個牛肉剪包,ok熱,皮幾脆食落幾好味不過另一樣牛肚面就....好失望下,唔知咩事佢d牛肚有d淺色,果d就幾好味,幾林,有d深色,食落有d腥味...好un懷疑係隔夜既....是次用左19蚊,好抵,可以一試....

小時候係附近住... 成日都去食佢既牛肉包... 鍋貼.... 以前佢逄星期日都休息點知個日行過有開wor... 成十年個setting都冇變... 叫左牛肉包... 鍋貼... 豬皮...牛肉包... 唔似得以前咁有好多汁... 個肉實實地咁... 鍋貼... 個皮太厚了... 豬皮就好一般... 個老闆娘仲話... 豬皮返貨好貴... 份量小d.... 我印象中d人好似冇咩換過...不過d味道就冇以前咁好lu...