坤記腸粉

Open Now

Now Closed

去到大圍，唔少人推薦坤記腸粉。望落係鐵皮屋，橙色綠色手寫餐牌，就覺得好地道。. $10/4條 $8/6粒⭐️⭐️⭐️⭐️ 4/5腸粉夠滑，麻醬甜醬夠味. $11⭐️⭐️ 2/5雪到有啲變冰，飲落有啲渣.整體：雖然有部風機，但夏天去食真係好熱。環境唔太乾淨涼爽，喺附近可以食，無需特登去。

每一區總會有一間歷史悠久嘅腸粉。相信北區嘅朋友一定食過或者聽過四眼仔腸粉 🥰。搬左屋之後😢，想食腸粉我就食呢間坤記腸粉，價錢算平，質素可以～燒賣同咖喱魚蛋都匿埋咗喺腸粉海下面😂👌🏻腸粉有米味，滑溜煙靭👌🏻燒賣有咬口唔會粉，正常😬👌🏻咖喱魚蛋入味，但係想咖喱香出啲～😳豉油一般，同埋俾嘅醬都幾少😢如果可以俾多啲醬就好了

以前喺度工作喺度大，常常會食到坤記做早餐，中間有一段時間轉手後差咗，到最近又OK返喎😂希望可以保持吧佢哋嘅粉果加埋自家製辣椒油係絕配！燒賣就普通貨色，我認為係靠辣椒油令佢嘅味道逆轉😂佢嘅腸粉係OK！滑溜而且都煙韌有米味，但我覺得佢醬嘅比例一時時，主要係佢既麻醬，點樣叫佢多或者少都係得咁多 同無咩味咁😂不過係佢嘅白腸粉救到 因為佢原味係好味好香好滑，唔需要加太多醬料已經好味而腸仔係我私心鍾意食所以點都正

之前食過幾次，上次腸粉已經覺得好少醬，所以今次特別叫了老板娘多甜醬多花生醬，但竟然比平時還要少!😑😑😑我想講洗唔洗咁，醬有無咁貴。另外買左燒賣墨魚丸，其他就正常無問題

有時口痕，就會行過嚟呢一間好耐歷史，完全唔起眼，但又會排晒長龍嘅鐵皮屋，食返4條腸粉加6粒燒賣，每一次都要叫姨姨加多啲麻醬，而枱面就已經配備左甜醬，辣醬，任加唔嬲！呢間腸粉之所以好食，係佢腸粉由外層到內層都相當滑，su下su下，一盤好快就清完。另外，好多客人鍾意買凍腸粉，自己拎返屋企蒸返熱 。你仲可以叫老闆娘加醬汁俾你帶返屋企，直接將鐵皮屋嘅傳統味道帶回家！小店需要我哋嘅支持，更何況佢真係冇點加過價！

住大圍的無可能不知道這腸粉店的呢！ 雖然位於後街舊唐樓群中, 但都冇阻我們的要食的決心, 來買腸粉作早餐.基本上這店沒什麼裝修可言, 坐位也是靠兩旁的牆壁攀搭而成, 旁邊便是馬路, 吃完便會匆匆離開. 可見, 來光顧的也是為“食” 而來的. 我來了這麼多次, 都是要排隊的, 可見他們好受街坊的歡迎.我買了腸粉回公司吃. 可惜熱度已減掉了一半, 沒即場吃的鮮熱. 醬汁也吸收了不少, 腸粉有点發脹, 這也沒辦法呢！我欣賞他們的平實, 而且价格親民, 默默為街坊提供本地的美食！

坤記腸粉第一代我覺得係最好味！轉過幾次手，一次比一次失水準，最近轉呢手，調味只係一味多油，連豉油都無味。燒賣蒸得過哂龍，太林。我住係佢附近，地方越整越污糟，越食越失望。

呢間係大圍街邊既小店, 成日會行過, 有一次經過想食腸粉,終於去試左朋友以前係大圍讀書, 話日日一放學呢度都好多學生排隊買腸粉,燒賣,魚蛋咁岩果日冇乜人, 坐低食左腸粉, 燒賣, 牛肉球, 豆漿價錢合理, 唔怪得咁多學生放學都會去買腸粉真係好滑, 難怪打正旗號叫坤記腸粉配埋麻醬甜醬食真係十級惹味其他野食都熱辣辣 好有細個街邊篤小食既味道老闆娘亦都好識做生意, 每次買野都會問要唔要埋呢樣果樣每次都忍唔住要埋食到飽曬都係三四十蚊 好滿足!!!!!!!

今日好想食地道小食，去咗大圍行左一陣，見到坤記腸粉，聽就聽得多佢哋嘅腸粉出名，但住大圍甘耐就未試過，今日點都要去！😛點左腸粉$12（6條），豬皮$8一份，咖哩魚旦$8（7粒）真係超平！佢嘅腸粉真係好滑，魚旦又彈牙，豬皮又入味，甘嘅價錢真係良心價，又抵食👍👍👍👍雖然係地道舖頭仔，老闆同老闆娘都有禮貌好落力甘賣佢哋嘅美食，抵贊其實而家幫襯D小店仲好過D大舖頭，仲有人情味！又抵食，又飽肚，下次一定再幫襯！

有日行過見到排哂長龍，即刻忍唔住望下咩事，淨係見到有老有幼有靚仔靚女坐係街邊食住腸粉，比呢個景象吸引住小店舖位好細，但賣好多香港傳統美食，碗仔翅，生菜魚肉，鹹既砵仔糕（百年難得一見）...... 見到有好多自助醬料喺枱面，如果你怕污糟就未必岩你心郁郁就叫左少少野食，費事食太飽食唔落晚飯腸粉 （$12/6條）大腸 （$10）好味道整體黎講食懷舊味道，腸粉幾滑，醬料足，大腸唔臭處理得好好，不過又未到好驚歎既味道，不過勝在夠港味，平民美食 得閒經過可以幫襯下呢間老店呢！

收工肚餓！又未齊腳開餐食份腸粉頂住先.假期成日都排長龍，原來收工時間有咁多人.腸粉$10/4 $12/6 咖喱魚蛋 $8/7腸粉比多$2有多2條，梗係要$12/6條啦！咖喱魚蛋比左原味魚蛋.可能就收檔掛！腸粉唔係熱辣辣，微微溫可能就收檔！魚蛋係7記嗰款，唔係細細粒硬繃繃，食落有啲似魚腐！口感是較淋！腸粉雖然唔夠熱，但都好好食，好滑好Q!叉腸粉嗰下都彈來彈去，好Q彈！醬汁都比好多！可以收檔時間好都食物都賣晒！食物溫度比較！

一直熱愛腸粉既我，聽聞大圍有間老字號既腸粉店，梗係要去試下啦，門口間局各方面都係懷舊 ，價錢都好抵 $10/4條 or $12/6條腸粉好親民價.其實魚旦燒賣都係正常價錢$10/6笠.最特別係醬汁 有種特別油香味.其他店食唔到.但醬汁倒得太少....除左麻醬.其他醬都可以自己倒

食過坤記嘅腸粉, 真係返唔到轉頭。一啲都唔誇張, 坤記嘅腸粉出名超滑, 加埋混醬, 絕對會令你心思思, 難得嘅係咁多年都keep到。不過除咗腸粉, 坤記仲有好多"小食", 炒麵, 炒米粉, 粉果, 豬皮, 蘿蔔, 魚蛋等等, 食吓食吓, 真係小食變正餐。唯胃容量有限, 只叫了腸粉, 燒賣和魚肉翅。魚肉燒賣大大粒, 啖啖肉, 絕不欺場。魚肉碗仔翅, 用料十足, 魚肉肉厚彈牙, 加醋吃一口翅, 頓時感覺滿足。坤記腸粉 (6條) $12魚肉燒賣 (6粒) $8魚肉翅 $20

黎到大圍 👦🏽表示要食好出名既小食店做早餐頂肚 就黎到坤記😋 鋪仔細細 食物選擇有成10樣咁多 全部都係經典嘅港式小食 我地叫左燒賣$8/7粒 咖喱魚蛋$8/7粒同 $10/4條腸粉 燒賣未算煙韌有魚味但吾係食麵粉 魚蛋彈牙 可能因為同腸粉醬撈埋一齊 吾係好食到咖喱味 腸粉好薄又滑 吾掛得個個都食 仲排曬隊🤓

早上就要到大圍火車站附近買點東西，天氣冷了，想來一點熱早餐，想起坤記腸粉。大圍住久了，說起腸粉，若然問是無人不曉則太過，但相信問十個人，三四個會知道。多年前曾光顧，但地點所限，我很少來的，說實話，其實沒有很驚喜的。相信來到，大部分人都是這樣配，我則一般不落辣醬，多芝麻，多麻醬。但店員說好，芝麻麻醬是沒有多的。老實說，的確只是一般水準，腸粉交貨，有點米香，來貨可以。但天氣凍，流量太快，放進熱櫃的時間唔夠，唔夠熱就會唔夠滑。然後麻醬有滋潤腸粉用途，所以就一般。從前會掃點豬油或麻油打底，現在都沒有了。甜醬豉油一般貨色。十元四條。魚肉燒賣自然也是交貨，就是粉粉燒賣，還好沒有蒸太久，八元六粒，算有良心了。整體而言，尋常味道，大概大部分腸粉小食都差不多，醬料腸粉都交貨，會有什麼分別？家住樓上來光顧可以，有心前往的話可免。