LA FAMILLE

Open Now

Now Closed

賣相非常吸睛既蛋糕店每次行過都令人少女心爆發分店亦唔少坐落係油尖旺地區非常方便而且價錢亦好實惠為朋友下午茶聚餐帶黎亮點.🌺Floral Bavarios蛋糕 $49係最令人最心心眼既一款上面係加入色彩繽紛食用花生果同椰果既啫喱層下面係唔同味道既mousse .紫色係白桃味、黃色係伯爵茶味白桃味感覺唔係太食得出比較似berry味多啲 相反伯爵茶味好濃郁 食落好清新Mousse 口感好滑細膩 十分推薦..🎂迷你戚風蛋糕 $54伯爵茶味 & 皇牌士多啤梨味令人十分驚喜 甜而不膩估唔到外型咁穩固乾身既蛋糕仔食落可以咁鬆軟同濕潤係我食過數一數二好食淡淡雲尼拿味忌廉集中係中間唔會太油膩heavy 一個人食哂都無問題

朋友生日，但因為疫情問題，安全起見所以選擇咗一日一小蛋糕揀Lafamille 係有朋友唔鍾意食太cream既蛋糕 所以每次呢個朋友生日都係揀返呢一間咁今次買左伯爵茶、朱古力、士多啤梨、香草其實之前都試過買一個大嘅士多啤梨但今次試過伯爵茶之後，成為左我最愛伯爵茶嘅味道好香又好濃郁

呢間戚風蛋糕專門店la famille 佢哋嘅戚風蛋糕非常之鬆軟，會有回彈的感覺，可以做到軟綿綿，空氣感十足，而呢度嘅蛋糕都係低糖，口感較為輕盈，而中間嘅洞全部都被嚟自北海道嘅忌廉所填滿，呢種忌廉特別幼滑，亦做到甜而不膩。佢哋口味款式都非常多，令人眼花繚亂，目不暇給。經過艱難抉擇後，最終選擇左開心果，雙重朱古力，白桃，法國玫瑰呢四款。雙重朱古力：用上不同濃度嘅朱古力混製，所以朱古力份外濃厚，以除咗濃郁嘅朱古力味外，仲有陣陣酒香四溢，因為蛋糕本身加左咖啡酒，而蛋糕入面嘅忌廉加左冧酒，係款會食到醉嘅蛋糕。法國玫瑰：蛋糕上非常精緻，有朵奪目非常的桃紅色玫瑰花，玫瑰花味超濃，有啲似將整朵玫瑰放入口一樣，再配上紅桑子，係清新嘅組合。白桃：桃味突出，桃肉多汁，清香嘅桃味再配上蛋糕中嘅北海道忌廉，一啲都唔膩，別有一番風味。開心果：鬆軟嘅蛋糕入面有粒粒嘅開心果肉，增加左不同嘅口感，令到原本經已有好濃嘅開心果味更加重。

La Famille既戚風小蛋糕一直都超受歡迎, 價錢唔貴, 選擇又多買黎當飯後甜品或者慶祝節日都一流! 今次就買黎賀下同事升職, 一人一個, 真係花多眼亂, 款款都好靚好吸引, 望到都開心!法國玫瑰少女心爆棚~~日本白桃鋪滿原塊桃肉, 果味香甜!開心果味外層係開心果朱古力脆皮, 仲有粒粒開心果碎既口感, 包住軟綿綿蛋糕口感一流。伯爵茶味茶味恰到好處。桂香玄米綠茶依個係新出既茶香系列, 玄米獨特既清香加上濃郁綠茶味, 超夾。每一個都超精緻, 切開中間係滿滿軟滑香濃既cream, 軟綿濕潤既蛋糕同忌廉一齊放入口真係超滿足! 而且唔會過甜, 自己食哂一個都唔覺膩, 正~~其實La Famille 都有原個大蛋糕賣既, 但每次都忍唔住買幾個小戚風. 因為可以試多d味又可以打下卡, 咁多味真係要試多幾次先試得哂!

🍌🍫🎂完熟香蕉蛋糕 （1磅） $340✨一家六口都差啲食唔晒，好在佢夠好味個個食飽飯都繼續捧場😚✨睇佢個樣俾啲cream包圍住以為佢好甜，但我錯了 😱✨個蛋糕勁有層次有一百種享受 🥳✨深啡色嘅係朱古力忌廉，甘香唔太甜，中和完熟香蕉既甜味 😌✨淺啡色一塊塊好似年輪咁既就就係焦糖香蕉味布甸，Q彈好香香蕉味 🥰✨睇到呢度就會發現呢個蛋糕超方便唔使搬開面頭啲野先切，因為cream，布甸都係林 👍🏻✨切開之後就會見到最期待既戚風蛋糕 😍✨蛋糕勁soft，好明顯見到佢一個個窿窿，好有空氣感 🌬✨包住蛋糕既係香蕉味既cream，入口甜入心，aftertaste 又有啲香蕉酸 😆✨中心仲有啲朱古力脆脆勁豐富 😁✨當然唔少得最外圍邊嘅熟咖啡豆朱古力，有少少苦澀味同香蕉cream既甜味勁夾，唔會齊輯輯咁排好有美感🤣

朋友生日 但係人少少想買個細啲嘅蛋糕 啱喺旺角食飯 所以都揀個喺旺角拎嘅蛋糕 LA FAMILE 嘅蛋糕 有好多味道揀 今次揀咗個伯爵茶CUSTARD青森蘋果 蛋糕比起其他都算濕潤 中間CUSTARD好味 上面嘅生果亦都新鮮 呢個價錢嚟講絕對可以一試 但係佢其他大嘅蛋糕就相對比較貴 建議大家買咗個細既試下先

每次同朋友慶祝生日都第一時間 諗起呢間嘅蛋糕一來因為佢個size啱啱好 同朋友食完生日飯都可以食得落二來係佢有好多唔同嘅味道選擇 可以唔同人既口味而今次買咗個英國伯爵茶果然冇失望 蛋糕好鬆軟 帶有淡淡的茶香上面嘅cream微甜 唔會太膩 靚得黎可以影相打卡之餘 又好好食大推！

經過左朗豪坊好多次 見到咁colourful嘅蛋糕 一直都好想試🌟 英國伯爵茶 🌟唔係得個名 有超香伯爵茶味上面嘅cream少少漏 但同馬卡龍幾夾馬卡龍好脆 唔會太甜 同蛋糕好夾😋🌟 盛莓藍蝶 🌟藍莓唔算好出 但始終係生果味 都幾fresh生果淡香 成個蛋糕好出色😌戚風蛋糕真係好鬆軟 想無限回購😚💜🤑 英國伯爵茶 $54🤑 盛莓藍蝶 $54

每週經過都想試一下這間店的蛋糕，今天終於試到了。第一次就先試伯爵茶蛋糕。包裝的紙盒十分精緻，亦十分堅挺，不容易令蛋糕受傷。蛋糕頂置了一顆馬卡龍、藍苺、la famille 朱古力及各種朱古力連忌廉。將蛋糕切開，中間藏著軟而不膩的忌廉。蛋糕與忌廉一起放進口中，不會太甜亦不會太膩，茶香亦溶於其中。

第N次食La Famille的戚風蛋糕 每次有朋友生日都會不期然諗起佢除左味道出色之外 價錢亦好合理 最平幾十蚊就有交易重點係超方便 好多地方都買到 銅鑼灣/尖沙咀/旺角等等都有分店最近同朋友買左幾款蛋糕去picnic順便慶祝生日🎂.🔸日本柚子 $54🔸🔸法國玫瑰 $54🔸🔸英國伯爵茶 $54🔸🔸香印青提巴伐利亞 $49🔸.戚風蛋糕仍然係一如既往咁有回彈感 中間嘅洞填滿了cream😛值得欣賞嘅係忌廉並不會太heavy/太甜其實真係三款味都好好食 但試過咁多款 最愛的仍然係Earl Grey 茶味好香濃 口感超好的 發現伯爵茶的product真係不死!😂.另外試了伯伐利亞 其實上層係啫喱 下層則係moose 啫喱入面更有超美的食用花🤤食厭了傳統蛋糕的朋友可以一試呢✔️

相信大家對於La Famille嘅戚風蛋糕都唔陌生(♡˙︶˙♡) 市面上主打戚風蛋糕嘅連鎖蛋糕店唔多，如果要推介一間，La Famille絕對係首選。蛋糕用料天然，今次呢款蛋糕所用到嘅鮮花都係食用鮮花，真係睇得又食得😉 呢款柚子芝士蛋糕係佢哋大熱款式之一，整體味道非常清新，夏天食就最適合不過！.🎂日本柚子芝士蛋糕蛋糕體鬆軟富彈性，濕潤度剛好，不過個人就更鍾意空氣感再強少少嘅戚風😝入面混入一粒粒柚子肉，口感豐富之餘，仲令整體變得清新輕盈😚北海道忌廉奶味濃郁，無平常嘅鮮忌廉咁膩口。蛋糕中間位置填滿忌廉芝士，入口幼滑細膩，散發住陣陣柚子香🍊面頭用到食用鮮花點綴，再放上兩粒檸檬味嘅馬卡龍，賣相特別吸引~ .如果唔想要原個蛋糕，佢哋都有多款迷你戚風蛋糕，價錢唔貴，仲要有好多口味，絕對值得一試！

阿嫂生日，每次家人生日都總係想買 1 d 特別嘅蛋糕，今次都唔另外，成日經過朗豪坊，都見到呢間餅鋪，今次一於試下啦。買咗原個開心果戚風蛋糕，屋企人好好評，因為唔多 cream 之餘，又食到淡淡嘅開心果味，d cream 又唔會太漏。 蛋糕入面仲有細細嘅開心果碎，仲保持得幾濕潤，而且topping嘅紅桑子又唔會太酸，平時食蛋糕好怕食到面個 d 生果，因為驚好酸。$400/ 一磅，如果再平 dd 會更吸引，不過都夠一家6個食。 下次會再試其他口味架呢。

平時經過呢間cake shop已經被雪櫃裡面每一個靚靚造型既蛋糕吸引住, 今次終於有機會買返屋企試!!有好多蛋糕款式供選擇, 難以選擇要咩口味!!星期日4點去到都已經有部份款式賣哂....最近桃季當造, 所以呢間cake shop推出日本白桃限定! 所以二話不說選左呢個, 最後一個白桃比我買到!!蛋糕盒都幾靚!日本白桃 $60細小既日本白桃戚風蛋糕外表好靚!! 白桃份量唔多, 只有表面看到的幾粒, 味道都幾清香, 少少甜!內裡顏色好靚, 中間是忌廉, 外面以白桃戚風蛋糕包住, 忌廉是超值得讚!!忌廉奶味好香濃幼滑, 比起白桃, 更愛忌廉!!!

-🦄LA FAMILLE @lafamillecake-青森蘋果吉士紅茶戚風蛋糕 Hkd54Rating🌕🌕🌕🌗🌑-呢排唔知做乜嘢突然間陷入了蛋糕坑🍰😌但蛋糕始終都係啲肥仔嘢🤭不過我又好想好想食喎咁於是我就簡左冇咁肥嘅戚風蛋糕🍰止下蛋糕癮🤣@lafamillecake 嘅蛋糕每一次經過都會忍唔住望下每個都好靚又有個玻璃瓶蓋住🤤真係好想全部都食..好耐之前曾經買過士多啤梨🍓味嘅蛋糕來食💓今次就試吓呢個蘋果x紅茶🤪好似好吸引咁...🤤🤤面頭會有4粒糖漬蘋果同埋2粒切半士多啤梨🍓我本身都唔太鍾意食經過糖漬嘅水果🤣👋🏻而佢面頭嘅忌廉係好輕盈🤤食多都唔會覺得膩🤭蛋糕中間仲有吉士醬😌同樣都係好輕盈🤪不過我就冇食曬啲吉士忌廉喇😗只係淺嚐就可以了到個蛋糕本體雖然係紅茶味🙈但佢茶味不太濃稠反而係輕輕嘅帶過去🤔🤔茶控表示可以再濃啲😤但個蛋糕唔會好甜😋而且戚風蛋糕本體真係好鬆軟我可能有少少掉坑了...因為真係唔會好大惡惡感🙊已經決定咗要快啲買下一個口味喇Haha🤭唔知大家又會推介我食邊一隻味呢🤤🤤快啲留言話我知你哋鍾意嘅口味啦💓🙆🏻‍♂️-

一年一次嘅生日又到左老公問我想食邊間蛋糕，每次經過呢間店舖都好想買曬佢啲蛋糕翻屋企，因為真係好靚！最後買咗兩個蛋糕返屋企，左邊嘅係白桃蛋糕，右邊嘅係玫瑰蛋糕。兩款蛋糕雖然唔同味，但主體嘅蛋糕胚都係一樣，同樣柔軟又有口感，如果濕潤啲就仲正啲，兩者都係牛奶忌廉餡，不過冇乜強烈牛奶味。不過左邊嘅白桃味就略為遜色，因為唔夠濃味，突出唔到白桃嘅存在。而右邊就明顯有股淡淡嘅玫瑰香，而且唔係玫瑰香精嘅味道，似係玫瑰花茶味，感覺好放鬆，令人感到精緻高貴而不落俗套，食完一件都唔會太膩。