阿媽正宗海南鷄 (Closed)

突然想食雞既話，通常都會近近地去呢間食，有海南雞、沙薑雞、蔥油雞等等，全部都係$44 連湯今次叫左海南雞飯，不得不讚既係佢個雞湯同雞飯雞湯好香雞同蔘味，清清地唔會好油！雞飯係用黃油飯，另外可選紅米飯；佢個飯有少少好似香茅既味，但同時都食得出佢既蒜味，加上油香，令成個飯都好好食（而且仲係心形哈哈）雞方面，佢係完全無骨雞，雞肉新鮮，但雞味就冇乜，不過個湯同飯搭救。以$44（外賣$40）嚟講，呢個飯好抵食！

好中意呢食度嘅海南雞飯，雞件嫩滑入味，飯有油香，分量啱啱好.雞湯超級好飲，又平，一碗唔洗$10，每次黎都會額外叫.呢度羊架飯都超級好味，$78，有三件羊架加個飯，同海南雞飯不相伯仲

入得嚟menu唔需要睇，梗係嗌海南雞飯啦。嗌飯原來有熱滾滾嘅蔘雞湯 🤤 淡淡蔘味，零甘澀，好滋補，仲有兩件煲湯雞添 😋 好鮮味只係飲左幾啖湯，海南雞飯已經準備好。黃薑飯仲組成心形 💛 飯同雞都唔太熱，因為全部一早整好，所以可以咁快上碟。但雞用左黃油雞，皮薄嫩滑特別香雞味，全起骨，啖啖肉，唔怕比骨哽親。飯就更食出餐廳誠意同心機。黃薑飯陣陣香茅清香，仲加有黑蒜，食落更香 😋😋😋如果雞同飯上桌時熱度高啲，三款醬料自家製嘅話，相信呢碟飯會更好食，分分鐘可以賣貴一賠價錢 😱 我都係食多幾啖海南雞飯收聲先啦...

紅磡正宗海南雞飯🐔呢間海南雞飯算係紅磡幾新既餐廳但已經獲得不少學生既歡心所以今次就黎試下到底有咁正😋佢都有好多款唔同既雞飯叫唔鐘意食雞既可以叫牛豬羊肉食今次叫左1️⃣川味口水雞飯2️⃣正宗海南雞飯佢每個飯都會整出心形❤️個飯黎到個時真係好窩心叫飯仲會送一碗雞湯🍲有一種家的味道1️⃣川味口水雞飯佢地口水雞同我想像既醬有啲出入🤨食開既口水雞都係有好多辣油辣椒醬但個醬係酸酸辣辣咁個人黎講麻麻地呢個醬個醬太過酸但又唔辣有小小失望🙁啲雞又唔係特別有肉地同大舊都冇去到骨不過要讚既 啲雞好嫩滑👍🏻2️⃣正宗海南雞飯同樣地海南雞啲雞又唔係特別有肉地同冇去骨不過都係幾嫩滑既海南雞飯會配埋三款自醬料：黑豉油、辣醬同薑蔥油本人覺得個薑蔥油冇乜薑味啲醬都冇乜特別，冇點左黎食有令到個雞升華到另一個層次既感覺總結，佢既海南雞飯冇乜特別冇令到你會食完喜出望外既感覺🤔

路過紅磡，本來想找回舊式冰室食豉油豬扒飯，但去到已經結業，另一間舖裝修緊。之後在隔兩個舖位，見到間小舖有海南雞食，價錢又平，便試下。正，雞又滑，飯又香又唔太油，最緊要係飯內有小蒜吊味，重要砌心形㖭，反映出好有心。最緊要嘅珠油(黑甜豉油)都有，普通平價餐通常都冇提供。加杯仙草奶茶，大大杯都係$8。抵下次買原隻雞返去試下，仲有一系列小食，雞亦尖(口水，勁辣，沙姜)，手拍青瓜，木耳……好彩冇去D連鎖餐廳食埋D…………

一個人落街搵野食，見到面口餐牌寫住正宗海南雞飯就諗住試下。叫咗個海南雞飯等咗三分鐘就到咗，試咗個雞湯發覺味道唔錯，唔同出面嘅味道，雞油味幾重。跟住就開始試個海南雞啦，賣相幾好，個油飯整到心型咁，試咗舊無點醬嘅雞後發覺味道一般，然後諗住點醬再試，點知發現個辣醬係泰式辣醬，無咩驚喜，再試下個甜醬油，放到入口試得出係似蠔油嘅味道，而蔥油就似燒味店嘅一樣。最後再試下叫咗嘅香芋仙草奶茶，味道幾香，不過無奶茶味。總結個海南雞味道一般，醬汁普普通通，不過不失，雞湯有驚喜，下次可以試下其他雞飯。

一個人去試只吃了東江鹽水雞飯。雞湯有少少人參味，唔係出面嗰啲齋雞湯。香飯香料用得好足，超香又夾到雞肉味。鹽水雞雞皮好滑，怕肥都忍唔住食左幾塊，雞唔多肉因爲我食雞胸，唔係特別肥，雞肉超嫩滑。開左咁耐第一次食感到有點相逢恨晚 🤤🤤🤤🤤下次叫埋小食先。

放lunch同同學去學校附近揾野食，平時好少行到咁遠，今日難得去到，又想食海南雞，就去試下了😋餐廳既選擇唔算多，但係淨係有關雞既飯都幾充足😂好中意佢個menu，係膠牌而唔係過膠，冇左平時餐廳個種覺得餐牌好污糟唔想掂的感覺😂例湯都係雞湯😂清清地，幾好飲！試左舊朋友既海南雞，冇咩特別，但唔多中意個海南雞醬係用泰式辣醬🤦🏻‍♀️至於沙姜雞飯都係冇咩特別，食唔到沙姜味，有啲失望😢但係個飯黎講就唔錯！香矛味好重，就咁食都好有味🙈