圓圓小姐 (山東街) (Closed)

🍍熱情鳯香果茶加寒天晶球(中杯) 熱情果再加鳳梨呢個組合真係無懈可擊，清甜解津，飲落一啲都唔假，冇藥水味(^○^)另外再加左寒天晶球，啲寒天晶球好有口感好Q彈～ 呢個真係建議大家揀大杯裝，因為真係好開胃，飲唔停(｡ì _ í｡) 呢個我就揀咗半糖，覺得酸meimei好好飲！🧋圓圓烏龍鮮奶茶 (中杯) 一杯珍珠奶茶，已經有齊三款珍珠，一次過滿足你三個月願望，勁過kinda 出奇蛋茶味好濃，飲得出係用真茶葉沖，好有誠意┏ (^ω^)= 三款珠珠都好有咬口，甜甜地同個茶底好夾，我自己就揀左微糖，覺得啱啱好，茶味更加濃。

打完邊爐又想飲果茶😋 呢間「Lady BoBo 」Menu好吸引，有別於普通奶茶店！⛱ 圓圓珍珠炭焙烏龍茶（中）26$ 轉鮮奶+4$茶底幾香，真係有輕微既炭燒味夾雜住烏龍茶香味，珍珠係由兩款（黑糖珍珠+黃金珍珠）組成，軟硬適中，好煙韌，雖然有黑糖珍珠，但係甜度都正常，唔會偏甜！🍓 戀戀草莓果茶 （大）$39 可以加芝士$6酸酸甜甜，味道幾清新，解渴！如果想口感，味道層次豐富d，就要揀草莓優酪晶球，草莓沙冰、寒天晶球、乳酪、三種衝擊！

🍹芝士百香鳳梨果茶 - 大$45百香果鳳梨茶酸酸甜甜，清新解渴，加上勁勁勁香濃嘅芝士🧀，芝士控真係抵擋唔住🤤🤤🤤 佢仲要係杰身嘅芝士奶蓋，夠晒真材實料！另外建議大家可以揀半糖，因為本身果汁已經酸酸甜甜，所以個人覺得唔需要加咁多糖😚🧋鮮奶三重奏 (黑糖珍珠 芋薯圓 嫩仙草) - 中$36一杯鮮奶茶滿足晒三個願望🥳 黑糖珍珠 芋薯圓 嫩仙草 已經佔左半杯位置😆 老闆真係好大方🤣 黑糖珍珠夠晒香甜煙韌~ 推介大家試下👍🏻

同男朋友係旺角食完飯，行緊去搭小巴番屋企既時候，經過呢間圓圓小姐，裝修得簡單但又好適合打卡，見到有5，6個人係度等緊飲品，而且見到主打粉紅色漸層草莓系列優格，啱曬我用黎打卡，所以決定同男朋友一人買一杯試下。我簡左戀戀草莓優格（L 連晶球），男朋友就簡左鮮奶三重奏，裡面有黑糖珍珠，芋圓同埋仙草。兩杯我地都叫左微糖。草莓優格賣相好靚，等左5分鐘左右，因為店員話係用新鮮果肉打既，飲落去果然天然清新，士多啤梨帶微微酸，配埋甜既優格中和番，好好飲，無其他舖頭既化學味。而晶球就同其他台式飲品店既差唔多，好好咬。至於鮮奶三重奏就夠曬足料，啲料佔左成杯野7成甘多，飲落香黑糖味，最令我驚喜係佢甜度完全啱啱好，做到重黑糖味但唔令人覺得死甜，真心推介。珍珠係偏煙韌，啱曬我，芋圓就大粒過珍珠，唔會好粉，淡淡芋頭味，唔係好濃個款，但整體好飽肚好滿足，我會話係我飲過黑糖飲品中頭一頭二名。下次經過會再試埋佢既芝士奶蓋，睇下係咪都甘好味

打完邊爐，最好就附近去買下野飲，見到個個名lady BoBo，唔知係咪有特別岩女仔嘅飲品呢…..不過即刻俾個芋泥QQ吸引到。芋泥QQ鮮奶$36超級香濃嘅芋頭味，入邊仲有一粒粒煙煙銀銀嘅珍珠，暖暖地真係超正，因為天氣轉涼左，想飲手搖飲品，但係全部都係凍嘅為主，飲咗芋泥QQ鮮奶好滿足。戀戀草莓優格晶球$48係用新鮮嘅草莓整㗎，有三層唔同嘅口味，第一層係新鮮嘅草莓沙冰，第二層係乳酪，第三層係水晶球，飲落口嘅味道係酸酸甜甜，打完邊爐都好消濟，仲有層次唔同嘅口感，推介。整體而言唔錯，飲品選擇多，而且仲有熱賣推介，對於有選擇困難症嘅我來講，真係非常之好，因為只要揀頭三位一定好味嘅！

感動人心！旺角終於開分店」的食評,因食物名稱打錯，想更改食評內容至以下內容： 今次買左兩杯，本身想買火龍果葡萄優酪晶球，但旺角無得買，咁唯有買其他啦。買左一杯係百香鳳梨果茶，另一杯係芝士黑糖波波鮮奶。百香鳳梨果茶，鳳梨味好自然又唔酸，佢落得好足料，貨真價實唔會好水咁，係我飲過最好飲水果茶之一。因為我好中意寒天我就加埋，都係好足料我飲曬杯野都重有十幾廿粒寒天，正！芝士黑糖波波鮮奶，個芝士好厚，因為有黑糖珍珠,所以杯野我叫左少甜，珍珠好有咬口。我個人就覺得呢個芝士、奶茶同珍珠既比例岩岩好1:2:1，可以一試！