嚐味喇沙 (Closed)

一向幫襯都係食開海南雞飯，真心覺得抵食又好食，上次突然屎忽痕，叫咗個什麼龍蝦湯喇沙，不幸地中咗伏！喇沙湯淡茂茂，相當掃興。今日再幫襯，唔信邪叫個火車頭河粉試吓啦，點知更伏！火車頭河點解唔係牛湯底？失敗！牛腩似湯渣，失敗！牛筋完全冇味，失敗中嘅失敗！！慶幸老婆同個仔碟海南雞飯保持水準，一人比舊雞我條氣即時順返晒，下次真係唔敢再叫粉麵食喇！食海南雞或者係最正確嘅選擇，又或者試吓D咖喱囉，粉麵就⋯⋯哈哈！

第一次食咁難食既肉碎煎蛋飯，有d似台灣肉燥既味，再加上酸酸地，完全唔似泰式。墊底既生菜冇啦啦加左芝麻醬，好古怪。一直以為肉碎煎蛋飯唔會伏，今日發現新世界。椰子雞湯同喇沙雜錦米線都係正正常常，不過不失。

沙田黎講都好多餐廳，好多選擇，但星期六下午茶時間周圍都係人，呢間餐廳都唔例外，都好多人等位喎，但都好快入得去。等位個陣睇下menu，揀下食咩就差唔多可以入去喇。.下午茶都多選擇，有飯有粉有茶餐，仲有港式三文治多士類別，小食餐，價錢都好實惠。.揀左個生牛肉湯河，大大碗，大大塊嘅牛肉份量出奇地多，真心抵食，好夠飽，雖然係下午茶嘅價錢，我估份量同午餐差唔多，不過啲牛肉嘅部位就麻麻地，好難咬開，味道不過不失咁啦。

今日去左呢個食泰國、越南野 見到大約由$50幾至$60幾呢個價位都唔算太貴 叫左2個餐 都係招牌菜第一個係海南雞飯$62 雞既份量都唔少 雞胸同雞髀位都有大約一半一半 係去骨既 方便食 有3種醬汁 分別係蔥油 中間個款係酸甜辣都有 幾惹味 而最後個款係好似蠔油咁 杰身嘅同好咸個飯好有驚喜😆粒粒分明 淡淡雞油香 而且幾煙韌 好多時啲飯都會好淋好爛 呢個飯絕對唔係 好少可個飯會整得咁好 +$4 椰子雞湯 都幾抵飲 有少少雪耳食下 飲落椰奶香味撲鼻 而且好清淡一啲都唔咸 幾好飲雜錦喇沙龍蝦湯拉麵🍜$56都幾多餸 有半隻蛋 鴨胸 海南雞 雞翼 蝦 豆卜扎肉 張圖所顯示既都有 拉麵質地正常 湯底有椰香 唔係太濃但亦唔會淡 香料都多 但係龍蝦味就冇乜雞翼都去左骨 好細心蝦好爽好彈 冇諗過咁好食不過只係得一隻

全店店員都好似澳牛叔叔上身，想受下氣可以去感受下，由攞飛個一刻已經可以提早感受, 叫咗個酸辣貴妃雞飯D雞肉可以比你練下牙力！歡迎親身試試！店員互相鍾意在店內大聲吵㗎，非常親切有回家的感覺！

今日同豬先生係沙田食飯，揀左衣間一直未試過既餐廳，睇中左佢個海南雞豬先生叫左海南雞飯再加個椰子雞湯，海南雞好滑，份量正常，仲有三個醬揀，賣相幾好，但個飯就細左d，不過幾香，女仔一個人食應該岩岩好棷子雞湯不過不失，都幾多料，有棷子味，唔會好味精豬師奶就揀左野菌海南雞米粉，個米粉份量好多，已經叫左小米，但就得幾舊雞而且冇乜肉，野菌份最都ok,睇相都見到冇乜雞最後叫左個上湯時菜，15蚊都ok,仲有好多野菌，味道不過不失

途經沙田中心的Laksa，看見外賣有優惠，買滿$200有七折、$100有八折和$100以下有九折，於是便決定今天的午餐便吃外賣吧！～香茅豬扒扎肉飯 $50 （未折價）一打開飯盒，頓感豐富，因餐內還配有胡麻沙律菜作為前菜，頗為醒胃。一大塊豬扒，非常腍滑，味道又適中，不會過鹹。扎肉質感亦滑，但胡椒味不重。飯盒內的蔥油是亮點，配白飯來吃，非常好味，但又不會覺油膩或過鹹。～咖喱牛脷飯 $58 （未折價）咖喱味道微辣清新，牛脷烹調得腍滑，而且份量也不少，抵食。咖喱汁配白飯是絕配，加埋美味的牛脷，真教人滿足。打折後，$87 便買了兩個飯盒，還包了餐飲，確實比快餐店還便宜，而且質素又不錯，非常滿意。

今天午餐出街吃，一嚐「嚐味喇沙」午市套餐。 無骨海南雞飯&熱奶茶海南雞肉質夠滑，尚有鮮味。黃澄澄的雞油飯色澤吸引，却沒有雞油的香味，而且用碟上飯雖美觀，飯很快冷卻。有三款佐汁我都有試，甜酸汁甜酸度適中，不錯。葱油欠薑美中不足。 日式吉列豬扒豬骨湯拉麵&特飲：話梅柑桔梳打熱騰騰吉列豬扒外脆內軟，沒有太多油膩感，頗滿意。豬骨湯底味道濃郁綿滑不鹹，拉麵也挺爽和彈牙。夠清爽的話梅柑桔梳打，雖然要加$8，感覺也滿意。

今日趕時間，係貪佢比較近而入去食一向都覺得食物中規中矩，諗住一餐半餐無所謂我去囉自助熱水同個短髮呀姐表示我坐第一張枱兼落單佢好大聲又悔氣反問我(全場都聽到):邊張呀？咩枱號呀？我指第一張姐:即係邊張啊？係咪11號啊？（我心諗點知邊張，又唔係喺度打工，張枱亦冇寫枱號）我答佢第一張，我唔會知佢number...你唔洗反問我...姐:咪11號囉!!落張單好似畀人鬧咁🧐仲要好大聲全場聽點解要咁樣對待食客，已經自助囉水.....我表示我都係揾第二位落單個呀姐仲要再大聲啲帶點嘲諷話：好呀你搵其他人落單啦！唔好搵我呀真係估唔到諗住食個早餐居然俾人刻意搞到自己咁難受 食物中規中矩啦上枱速度都算快嘅But 。服。務。真。係。好。差。

一坐低都驚中伏點知真係中伏，海南雞d肉鞋過你塊鞋底，生菜包啲肉炒到好似榨菜炒肉末再溝水咁既味，啲黃油飯既黃油懷疑純粹係色素來，識落舞王又未得啲顏色，唔知點解可以整到咁。最正常係個上湯浸菜，因為用左雞湯浸，唔係佢自己煮。呢間野係我人生中食過最難食既泰菜，兩個女仔扒左兩啖飯飲左幾啖湯就走，我平時都係唔中意浪費食物既人，但無辦法。仲要個服務員倒瀉咗啲湯落你個袋度，仲要笑口細細，拎去叔味既抹枱布幫你係咁二抹下明明成間餐廳都冇乜人仲要偏偏安排個最細嘅台比你，驚你坐得太舒服咁。所以呢一間野以後都唔會再返轉頭。

第一次去，叫左生牛肉湯河，原來只係用雞湯底。最慘湯唔夠熱，肉唔會熟之餘仲一陣雪藏味。唯有將d肉㨂曬出嚟，齋食河粉，但係食左兩啖，真心食唔落去，好羶。朋友叫左喇沙米線，以為係呢度的招牌菜會好d, 點知都係無味，湯都唔熱，米線已經煮都淋曬。奉勸各位快d走，呢間野side錢side 時間。😐

好久沒有在沙田用餐，相對三年前改變不少開了很多新食肆，倒閉了很多舊食肆以前上班經常在好運這邊用餐，因為相對較為便宜這間喇沙是新店，看到人流也不少但等位很快，門口取籌等一張枱便有及後才明白原因，因店員收碟很快，有點像催枱，但離開時很多句謝謝光顧之類無骨海南雞飯 - $59配上三款醬汁：黑豉油、蔥油和泰式醬可能沒有選辣的關係，辣椒醬換上蔥油雞的份量算多，已去骨，價錢並不貴但雞非常韌香茅豬扒 - $26有點油膩，底部的生菜吸滿油旁邊有些芝麻醬沙津作配菜，但真的只有少少椰子雞湯 跟餐 - $4整餐飯最滿意的，便宜又材料足用很多雞皮雞骨雞肉燉煮椰子雞湯味濃，也有一條條粗的椰子肉絲很多雪耳吸收湯汁，頗爽口

沙田不嬲都係多連鎖集團嘅餐廳所以想食平少少都吾多選擇呢架 嚐味喇沙算係成日黎食算係平民之選午市同晚市食嘅其實差唔多無骨海南雞應該係最多人叫嘅所以上菜上得好快份量係算大份 油飯好好味 其實油飯真係無得輸雞就一時時 有時幾滑 但今次食吾算滑 不過去左骨 係食得方便叫得喇沙 當然要食喇沙質素合格 湯底夠味但吾辣札肉餸都有4至5塊最值得一提 反而係叫餐送嘅椰子雞湯飲得岀吾係味精有甜甜嘅椰子味當然食吾到有雞反而雪耳食到4大舊呢

尋晚去開沙田，經過呢間餐廳，見到係食喇沙嘅，心諗正喎，滿有期待咁一行五人入去，食到一半已經忍唔住要馬上開個OpenRice account嚟俾劣評！叫咗3碗喇沙、一碟生菜豬肉包，一碗吉列海老拉麵，喇沙個湯底難飲到爆，似滾水加啲沙嗲汁，又甜又無風味，生菜豬肉包啲豬肉好似用油炒啲梅咗嘅豬肉咁，真係太難食，連塊生菜都係爛嘅，都唔知點包，到個拉麵，啲麵淋到爛。我小朋友得8歲，佢都話呢個喇沙面嚟嘅咩，咁難食嘅，講咗幾次。

海南雞飯，油飯唔油唔香，只係一堆黃色既飯；從未食過咁靭既海南雞。雜錦喇沙個湯唔知用咩整，好似溝稀的沙嗲汁，連個色都唔吸引，啲餸係求其樣樣放啲放落去，好似車仔麵咁執啲餸落去，唔似真係喇沙咁煮