老掌櫃東北菜館 (海之戀商場)

Open Now

Now Closed

望住海景食片皮鴨之選😍不過下就食嘅話睇海景會好啲😂之前都去過奧運分店食過，今次試吓荃灣呢一間！片皮鴨依然keep到個水準，中間切左一片片薄薄嘅皮，側邊就係肉，皮脆肉滑，果然呢度鎮店之寶之一😎唯一小缺點係啲皮全部黐埋，佢冇紙分隔住，變咗就難啲去將佢分開，但係整體佢性價比係好高👍🏻另外叫咗個上湯娃娃菜，不過娃娃菜就略嫌多咗少少胡椒，如果味道冇咁濃烈就會比較好，不過份量真係好大碟，兩個人都唔食唔哂🤣刮品就叫左高力豆沙係東北菜必食嘅甜品😍外面鬆軟香口，面仲灑咗啲砂糖配上紅豆餡，必叫甜品🥰

今晚想食片皮鴨，即刻就諗到食老掌櫃~因為長年有得食，又平靚正~🔹北京填鴨（半隻）🔹 $168呢個價錢真係好抵食~同平時食開肉還肉，皮還皮~但呢到係皮加肉一大片~其實口感層次更豐富~另一重點係隻鴨唔會肥淋淋，好啱怕肥嘅我食！🔹秘製牛奔麵🔹應該係牛筋腩麵~好大碗，好足料~牛ok~ 但我好鍾意佢個麵，索左個微微辣嘅湯，之後食到原來係胡椒碎粒~正~🔹肉三鮮🔹啲餃子大細適中，又真係食到啲菜同肉係鮮甜嫁喎~🔹高力豆沙🔹疏乎厘同沙翁嘅結合~中間有紅豆餡~作為呢餐嘅完美句號~

🔸北京填鴨半隻    $168聽講老掌櫃呢度嘅填鴨好好食，專程嚟到叫半隻試下，果然名不虛傳。 半隻燒鴨斬開一片片薄片，有成二十幾件， 燒鴨唔係好肥，伴碟有十幾塊麵粉皮、大蔥條、青瓜條同埋一碟蘸填鴨嘅蘸料，碟蘸料甜甜地十分惹味嘅，一大碟都唔夠蘸。片皮鴨鴨肉好香口😚蘸上呢度特製嘅蘸料包起大蔥青瓜，仲更加好味。味道：8/10性價比：7/10🔸椒鹽小黃魚   $88酥炸黃魚2條，話係小黃魚不過都唔係少，每條都有半隻手掌咁大，炸得十分酥脆，連骨都可以食埋，我就將整個魚頭都食咗，不過要小心魚頭腦內有2粒好硬嘅腮骨， 小心咬崩隻牙😅 黃魚嘅魚肉就比較淡口，炸魚面頭撒咗啲椒鹽，鹹香味十足，微微辣。味道：7/10性價比：7/10🔸五香牛肉麵   $50湯麵好大碗，畀咗好多麵條，真係食唔曬。 北方麵條係冇乜味嘅，全靠有五六嚿鹵牛展餸麵，牛肉口感軟糯，五香味濃鬱，不過就唔係大舊。味道：7/10性價比：7/10▪️茶位@$5🔹環境： 地方喺海之戀商場轉角位，就喺Donki 旁邊， 舖位有大邊落地玻璃，可以望到藍巴勒海峽，坐喺度嘆東北菜相當寫意🤪

#鼠尾草食飲玩 #sagefoodiehk東北菜🔥 × 街坊🫶🏻 × 就腳✨屋企人話想食片皮鴨，於是就近近哋去咗荃灣呢間舖頭🫶🏻。舖頭行街坊路線，環境服務都唔算特別好，不過北京填鴨真係幾抵食✨。嗌咗半隻，份量幾多，兩個人一齊食都食唔晒🤣。另外仲嗌咗豆角燒茄子，火候唔錯，都幾香口🔥。另外呢度嘅嘢飲望落都非常local，都係用普通水杯裝住😎。揀咗豆漿同埋酸梅汁🥛。💰北京填鴨（半隻）($168)💰豆角燒茄子($76)💰豆漿($10)💰酸梅汁($10)

朋友係荃灣呢頭番工，聽講有間叫老掌櫃東北菜既菜館好抵食，所以我地就相約到荃灣西試下。餐廳就係海之戀2樓 Donki 後面，紅色招牌勁搶眼好易搵。一黎到已經勁多人係度排隊等位，好彩我地有book定位，唔係白行一趟。入面座位爆滿，樓面個個都訓練有數，勁快手快腳執好枱，我地就入得。有趣一提，隔離枱客人個洗碗兜就黎跌，有個樓面阿叔見到即刻0.01秒衝過去接住，呢一刻俾我目擊到，真係歎為觀止。😂❤️北京填鴨（半隻）$168唔經唔覺，對上一次食北京填鴨已經係17年前，跟學校遊學團上北京食過人生第一次，估唔到而家係香港，可以咁平食到，仲要份量勁多，皮又脆，CP值極高。❤️欖菜肉鬆炒飯 $76真係茶記價錢，而且份量起碼3個人先食得晒，炒飯粒粒分明，超有鑊氣。❤️高力豆沙 $13外皮鬆軟，入面豆沙味濃，做飯後甜品一流。份量多到食唔晒，都係2百幾蚊，怪不得咁多人黎食。食物質素唔錯，價錢仲要勁抵，呢間真心要book mark。下次帶長輩過黎食先得。老掌櫃東北菜地址: 荃灣大河道100號海之戀商場2樓2006號舖#荃灣 #荃灣好去處 #香港旅行 #香港美食 #食好西 #荃灣西 #海之戀 #北京填鴨 #東北菜 #fo

本想到隣近的酒樓晚膳，但已滿座，唯有移師至這間主打東北菜的餐廳。看到別枱點了片皮鴨，所以也點了半隻片皮鴨。不過令人失望得很，真正的北京片皮鴨主要是吃鴨皮，皮通常都很薄，不會連住一大塊肉。這裡卻是數塊鴨皮連肉，其他鴨件均為鴨肉片連小許皮。因為事前切好晒，鴨片乾且無汁，沒有半點應有的鴨油香，摩摩皮非常厚，吃了兩件就不想吃了。同樣地羊肉餃子的皮也是過厚，好像一直在吃一堆面皮而不是餃子。酸辣湯麵賣相和份量很有誠意，味道不差，可惜孜然過多，蓋掉酸辣湯該有的酸味。糖醋魚片，魚塊炸得香脆且無腥味，甜酸度適中，很開胃。清炒篙荀雖然都算爽，但切得太細塊太碎，令口感大大減弱。整體來說食物不會很難吃，但食物水準不細緻，食物質感粗糙，讓人沒有繼續想吃的慾望。

每次家庭聚會都會去⭐️老掌櫃東北菜館⭐️食飯架！因為款式有好多選擇 啱哂各人嘅口味 而且價錢大眾化 性價比高！我哋一般都會叫肉三鮮煎餃、花膠雲吞雞煲、酸辣湯、四川擔擔麵、高力豆沙等等 仲有必定會叫嘅✨北京填鴨✨北京填鴨 （一隻）（跟兩份摩摩皮約40塊、青瓜條、京蔥絲、甜麵醬） $318除咗飛北京會去當地餐廳食 喺香港一定會嚟⭐️老掌櫃東北菜館⭐️ 因為好味又抵食 鴨嘅外皮好香脆 而肉質嫩滑 唔會油膩！一隻有成兩大碟肉咁多 夠哂3-4人食呀！用摩摩皮連埋青瓜條、京蔥絲同甜麵醬一齊食 口感豐富😋每次晚市去食都勁多人 溫馨提示係一定一定要book位 我哋次次去都要訂定位 唔係有排等！

前兩日同朋友去咗海之戀商場嘅老掌櫃東北菜館食晚飯。星期五晚好多人，等咗一陣先有位。⭐️ 北京填鴨(半隻)$168 呢個價錢抵食。佢同一D比較貴價小小嘅北京填鴨對比起，肉質未必係好好，但係同D配料加埋甜醬一齊食，其實都好食的。呢個價錢嚟講，其實係好抵食。性價比高。⭐️ 雞絲粉皮$68粉皮正常好味，如果啲醬多D會仲好。⭐️ 黃金萵荀$84好香口，蛋黃鋪滿萵筍，好豐富。呢個幾好味。⭐️ 欖菜肉鬆炒飯$76炒飯比較乾同硬身。星期五晚全場爆滿，好好生意，所以可能會有少少嘈。餐廳員工服務態度好好，有禮貌。整體來講，呢間餐廳嘅性價比高。價錢大眾化之餘，食物嘅份量都多。如果想去一間抵食嘅東北菜用膳，我覺得呢間係一個好好嘅選擇。

紅油抄手 1🌟味較清淡 份量較少韭菜豬肉餃1🌟皮太厚份量較少 肉較老 雞絲粉皮1.5🌟較清淡 唔太突出 份量較少一兩柱就冇晒 但好貴醉雞 4.5🌟勁重酒香 好滑哩個真心正 好入味必點北京填鴨半隻摩摩皮20塊*22🌟不過不失 肉較熟 糖醋里脊2🌟不過不失 料唔算好多京式炸醬麵1🌟唔算好香 冇咩驚喜 蝦蛋炒飯2🌟不過不失 高力豆沙8件4.5🌟超大舊新鮮炸勁多紅豆沙餡一咬落去啲餡爆出嚟好幸福😍 京燒羊肉1🌟 還好$970

#鼠尾草食飲玩 #sagefoodiehk激平😍 × 填鴨🤤 × 大份🫶🏻成日都同屋企人食嘅一間餐廳，夜晚嚟到排晒長龍，裏面坐滿晒，侍應都太忙。不過呢度勝在喺商場餐廳當中夠平🙂‍↕️。白菜豬肉餃子皮、雞絲粉皮、家常餅都有啲厚皮，不過味道OK🫶🏻，平價又飽肚。北京填鴨半隻質素中規中矩、符合預期，呢個價錢算係好大份😚。💰白菜豬肉餃子($50)💰雞絲粉皮($68)💰北京填鴨半隻($168)💰家常餅($38)

Good value for money🦆🐷overall: 7/10🦆Peking DuckNestled in a busy corner in a shopping mall, this restaurant startled me with a good value for money peking duck cuisine. As the glistening duck arrived at my table, I couldn't help but marvel at its perfectly crispy skin, which promised a delightful crunch with each bite. The chef's masterful carving technique showcased his expertise, and the meat beneath was tender though slightly dry.Wrapping the duck in delicate pancakes, along with fresh cucumb

餐廳設有露天座位，可以望到青馬大橋景色，對住海景用膳感覺舒服北京填鴨(半隻)鴨皮片得好薄，鴨肉又唔油膩，配埋青瓜條，京蔥，海鮮醬一流，但美中不足是餅皮唔夠熱同比較厚素三鮮餃子皮薄，餡料有白菜仔，甘筍，木耳，冬菇鮮甜多汁，每隻都脹卜卜好飽滿糖醋里脊炸得好酥脆，咬落啖啖肉，夠鑊氣好香口，加上糖醋汁酸酸甜甜，非常開胃小雞燉磨菇東北菜好出名，雞肉燉到好淋且不柴，粉條吸哂醬汁，味道唔會太鹹，質感煙韌家常餅蔥味香濃，香脆不油膩紅炆花膠豬手煲非常足料，花膠同豬手大大嚿，肉質鮮嫩，充滿骨膠原，炆得好淋入哂味 ，醬汁好惹味，送飯一流

趁住父親節帶家人到荃灣老掌櫃慶祝，今日係假期，一黎到餐廳，入面已經坐滿人。好彩預先訂檯，很快我地就入座啦😌今次叫左片皮鴨，面皮薄而軟，鴨肉鮮嫩多汁，加埋京蔥和青瓜，再點甜醬，口感豐富，咸甜並存，真係好美味😋讓我忍唔住食多幾塊另外有醉雞🐔，雞肉肉質嫩滑，充分吸收酒香，酒香味和雞肉加埋一齊，回味無窮🤩每次黎都必點酸辣湯面🍜，酸辣湯辣得黎又過癮，正！再黎仲有糖醋魚🐟，魚皮酥脆，魚肉嫩滑，醬汁酸甜，非常適合宜家炎熱既天氣，特別開胃最後我地仲叫左炒飯，炒飯加左木耳絲，粟米🌽，青豆🫛，番茄🍅，紅蘿蔔🥕，岩曬一家大細食用老掌櫃價格實惠，味道一流，就算食左好多次都唔會厭

荃灣有間親民價錢的東北菜，仲有成三間分店，食緊的時候人流不斷，真係深受街坊歡迎😋🙆肉三鮮 （$52）🥟🤤餃子新鮮，鮮味非常突出，熱辣辣上枱，皮薄餡靚，仲要入面勁足料，鮮嫩多汁❤️片皮鴨🦧（$168）😍🐥上枱已經見到色水好靚，閃令令發光，全是脆皮的片皮鴨，皮薄肉嫩入口即溶化，同埋價錢真係超值，呢個價位如果正宗酒樓一定唔得✨✨貼心👅店員見到我地的京蔥同青瓜食曬，原來可以refill ，真係好正🤤😋拔絲地瓜🍠第一次食感覺好得意，原來味道唔錯，外表卜卜脆，一上枱仲畀埋碗凍水，食落好有返左家鄉味道，有點似細細個食過，婆婆有時會整d家庭甜品出來，真係有回愔味道🐷整體食物性價比超高，每人百零蚊已經食得好滿足，真係物超所值❤️✨📍海之戀老掌櫃❤️荃灣大河道100號海之戀商場2樓2006號舖

海之戀老掌櫃·親民有水準東北菜館#老掌櫃東北菜館 #海之戀🔸京燒羊肉 $138羊皮炸到好香脆，外脆內軟食落好香口。羊騷味唔重，亦唔會太多油脂，食完都唔會覺得太肥膩🔸白菜豬肉餃子(10隻) $50餃子熱辣辣上枱，餡料新鮮之餘仲要勁足料，肉汁滿滿🔸糖醋里脊 $88有啲似咕噜肉，質感爽口又夠瘦，醬汁酸酸甜甜勁開胃————————♡♡♡♡♡♡————————✨總結每次想食東北菜都會諗起佢，正宗、地道且份量夠哂大份，幫襯左咁耐水準都KEEP得好好📍老掌櫃東北菜館🏠荃灣大河道100號海之戀商場2樓2006號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣食好西 #荃灣餐廳 #海之戀 #東北菜 #老掌櫃東北菜館