羅麥記 (Closed)

店主一個姓羅，一個姓麥，一同將70年代的香港氣息帶進銅鑼灣。那時我未出世，多得羅麥記讓我走進時光隧道。位處14樓，誠品上幾層，好多餐廳11a.m.都未開，除了羅麥記。店內不停播放許冠傑的歌，果然好勤力我們第一個到，坐窗邊卡位。想試枕頭飽 －－ 豬排，雞排。。。非一般多數甜食的那種，不過眼寬肚窄，brunch時間，還是留待下次再試吧。 這天試了地道的蔥油雞排撈丁。偏甜我實在太喜歡食蔥油，蔥油拌麵，又或者配白切雞的薑茸。我想說其實我可以白飯只配薑茸，當然是好味的薑茸。可惜這裡的薑茸。。。無味撈丁set包熱飲。點了BB奶水，因為名字太奇怪原來杯底是濃濃的煉奶，超好飲，彷彿回到小時候。。。好快一飲而盡。論環境，概念，食物，衛生，價錢。。。都跑贏翠華幾條街不過如果你去過內地城市，如上海，見到翠華開到入高級商場內，menu有別，價格又比香港離譜，或許你就會明白他們的心態是來香港的翠華check-in和朝聖。所以。。。或許將翠華留給遊客吧

見個裝修幾得意，所以入去試下。叫咗炒牛河、蝦多士、乳鴿同凍檸茶。炒牛河，勁勁勁油，好咸。蝦多士，個多士好林，林到濕，蝦無蝦味。乳鴿，炸到超級乾，好難食，仲有陣好油益味。杯檸茶最正常。食完，我喉嚨好痕，好口乾，全部食物都好重味。

最近去左銅鑼灣希慎廣場既分店, 看來環境吸引, 而且食物也算不錯.今日叫咗 「麥 sir 乳鴿仔」，因為係十大推介的必食之一係即叫即炸的夠晒熱, 外皮仲脆的, 肉質都好嫩滑, d乳鴿肉都好香.跟住又叫左「羅麥汁鱿魚」羅麥汁d味道鹹鹹甜甜好得意, 魷魚又爽口入味鹹鹹甜甜, 我覺得好好食.我唔知道d人對 (羅麥記) 係點睇係點評價 不過呢間店的出品我都滿意. 因為比想像中的味逆要好.

見未肚餓係銅鑼灣周圍行，竟然比一間充滿7，80年代懷舊裝潢，兼且播著舊中文歌餐廳吸引咗。於是入去座底食嗰下午茶，叫咗個羅麥記炒蛋加杯奶茶，蛋就普普通通啦，多士幾脆身香口，奶茶茶香奶滑，感覺好似大排檔的絲襪奶茶般。我見meun還有很多特色食品，如磚頭焗朱扒飯，羅麥汁牛河...下次可以餓D再黎認真試試！

我不嬲食評唔寫名店，就算係寫都寫就執嗰啲，但呢次真係忍唔住要寫吓。媽愛喝奶茶，一心帶她來嚐紅豆冰粒奶茶，順道讓她回味舊時光，結果卻 頗令人失望。食物等咗10分鐘左右上，效率fair。但落單時，在下午茶時段，餐廳縱然顧客不少，但人手絕對是足夠的。只見兩個女仔喺度掛住傾偈，根本冇留意顧客有咩需要，仲要個廚師提醒先識走嚟幫我地落單 叫咗兩份茶餐，豬排米粉$35轉紅豆冰粒奶茶+$18，雞脾薯條$36轉紅豆冰粒奶茶+$18。先上嘅係紅豆冰粒奶茶，紅豆冰粒好吃，凍冰冰連埋啲奶茶雪成固體，非一腔死甜的紅豆味。但每杯只有3粒！其餘全是普通冰。用紅豆雪成冰的原意就是避免溝淡杯奶茶，佢咁樣整嚟做咩！？見下圖，我媽成杯拎走哂啲冰，我就拎走一半，1.5杯奶茶嘅冰居然可以填滿成隻水杯 ，太誇張了吧？奶茶算滑但唔香，合格，但+$18多三粒冰就絕對令人不能接受。反而食物幾有驚喜。原本冇咩期望的豬排居然醃得入味，唔會太實亦不過腍，米粉冇食不予置評。雞脾有雪味，而且比平常的size細少少，但肉質尚算嫰滑。薯條很好吃，又香又脆，唔點茄汁都好吃。總結而言，食物水準唔錯，我地坐卡位，人流又唔太多，所以坐得舒服，$50左右

環境，食物及服務都好差，首先講左環境先，可能甘岩坐近廚房位，周圍好多蚊滋，地下污糟，同埋用黎放餐具兜入面d餐具都好污糟（應該係上一手吾小心將d奶茶整到落去）但無人清潔，第二食物，食物方面，叫左個芝士撈面，好多味精，要不停飲野，叫左杯奶茶飲哂，再飲左2杯水，旦係得熱水太差，再叫左個鮮尤，呢個幾好食既但真系好多味精，同叫左個磚飯，自問對味精吾敏感既我都接受吾到佢地d味精，以後一定吾會再食，第三服務，員工得2個睇哂個場，叫極都無人，但係個時系夜晚8點左右，甘早都系得2個人睇場點搞，態度一般，叫佢拎個2碗仔for食磚飯，2個碗都係污糟， 一個碗有粒芝麻，一個碗就有灰色污積，以後都吾會再食！

當天, 我跟家人一起去羅麥記吃慶祝母親節晚餐。那裏有很多人排著隊等吃晚餐, 可能是因為新開張的緣故吧～～我們帶進去坐在最近牆壁的大餐桌, 紛紛叫了很多食物, 不過我在這裏只寫我覺得最好味的食物款式。首先要介紹的食物是「麥sir乳鴿仔」乳鴿的熟度燒得啱啱好, 不會熟得太乾爭而鴿肉也多肉汁, 我知道乳鴿一定是新鮮出爐, 因為咬一啖乳鴿皮, 你會知道它是十分脆口。總結：乳鴿熟得外脆內嫩 .......你想像到嗎？ 然後是「避風塘魷魚」魷魚炸得不錯, 聞落沒有油益味, 加上魷魚上的避風塘料辣味ok, 不會過鹹過辣而蓋去魷魚原本的味道 始終魷魚是油炸製品, 吃得多使人覺得會開始喉嚨隱隱痛 最後是「水牛芝士炸雲吞」炸雲吞裏的餡料十分平均, 水牛芝士與魚肉混合得好, 雲吞皮炸得不硬, 可以點甜辣醬一起吃。不過, 跟「避風塘魷魚」一樣, 太過油炸的食物是不應吃太多 This is the end of my presentation and thanks for reading it

1個人食晏，只點了羅麥汁炒牛河及熱奶茶。奶茶比較像屋企沖嘅 Lipton 茶，絕不是茶記嘅絲襪奶茶。有啲"鞋"口，但味道 Ok.炒牛河嘛... 得個甜字。牛肉可憐得4-5小片!河粉毫不入味，粉還粉，汁還汁。應該冇下次。

今日見早收工，同左個朋友去左希慎廣場食飯，見呢​​間餐廳行懷舊特色，好似幾有意思，於是入左去食。一行兩人，我叫左個阿芝芝士撈麵配豬頸肉同一杯凍奶茶紅豆冰。今日餐廳算系多人，但係d野都黎得幾快。個芝士撈麵唔錯，有充裕既芝士比我撈麵食，而且食落幾重芝士味，唔會話太淡。另外，個豬頸肉不過不失，上面加左d香草粉，配埋d芝士一齊食，感覺幾配，而且味道都不會蓋過個芝士味。果杯凍奶茶紅豆冰系果度既招牌特飲，幾有特色，將香港的奶茶配上紅豆冰，個奶茶唔錯，飲落都算滑，茶同奶個比例都配合得幾好，而且紅豆粒都幾多，不錯!在銅鑼灣揾到一間行懷舊路線幾餐廳不多，而且食物質素都不錯，價錢比同區既餐廳已經不算太貴。

潮流興懷舊，新派茶餐廳文化興起，記得兩年前首次光顧羅麥記，地點在太古站康山廣場，在街坊雜貨店中竟然有一家裝潢鮮艷搶鏡的另類茶餐廳，感覺好玩，食物不過不失，也許是她試點。近日再遇，在租金昂貴的銅鑼灣地段及中高檔的名商場內，也許更配合目標客戶群，又原來已是第三家分店，想不到，生意真有可為。周六中午一時，生意興隆，要等位，幸好流轉快，二人枱，十多分鐘有位。等待期間，留意到門口的接待處，有一部六十年代的舊款收音機，據食伴之檢測後，認為仿真度甚高，我想，只要店主有心，張羅一卻壞了的舊家具應該做得到的，是真的也不奇，不能收音而已。進入店子，有心人塑造出來的懷舊風情，塗鴉、六十年代的舖面、報章廣告及電器用品，鐡枝窗花等等，顏色卻是鮮艷奪目，排列得有條不紊。餐牌亦不例外，經典推介，一目了然。我們的午餐，先來招牌熱奶茶。紅茶色澤深色，加了奶亦可見到，奶用煉奶，茶餐室之本色，口感濃郁而幼滑，熱而不熨，未有加糖，我亦刻意如此，更能嚐到真味。豬排包（兩吃）雙拼吃法，疑似現代吃法多於懷舊！一吃是煎香的豬排，另一吃是炸的。提及豬排包，自然想到澳門的大利來，好吃之處在豬仔包新鮮出爐，包身烤至微焦，配以煎香熱騰豬排，

羅麥記最吸引人首先是其懷舊冰室裝修，最高手的地方是感覺懷舊而不殘不土。說回食物，羅麥汁牛河是我偏愛的味道，羅麥汁其實是黑汁即瑞汁變奏，相比太平館的更濃更甜，鮮味卻比不上，但河粉炒得不錯，不會黏得一團團，油份也算合理，牛肉有牛肉味且甜豉油也能滲透其中，不過肉質能嫩滑些就更好。避風塘鮮魷，不嗜辣者千萬不要點，因橙紅色的辣粉頗厲害，味道是香口惹味，不過粉漿太厚，也炸得中心略乾，吃不到魷魚的味道。幸而，點了杯奶茶紅豆冰解解辣，奶茶味算夠，故不會讓紅豆搶晒鏡，另外，放入的紅豆冰粒真的像紅豆雪條切粒一般，一定不會弄稀原本的飲品，算是心思之作。其實，這兒的餐牌包羅萬有，例如有乳鴿，海南雞飯，又有七彩多士，麵包盒，香蕉船等，有新有舊，有中有西，要多試幾次才能把菜式吃匀，也算適合一家大小來用餐的地方!

久聞好朋友介紹香港此一特色餐廳得知它在銅鑼灣開幕特別希望去試一下先叫了紅豆冰粒奶茶友人叫了紅豆冰粒咖啡同行友人是做飲食業的也盛讚飲品十分有特色與心思個人認為紅豆冰奶茶配搭剛剛好，將本人最喜歡的兩總飲品結合，而且正宗港式奶茶，無乜挑剔。招牌菜式磚頭豬扒飯果然名不虛傳，豬扒夠"林”，又香又多汁，一邊可餸飯，一邊又可吃包，感覺新鮮特別，而且份量足夠。兩個人食也未必食得晒。友人乃好汁之人，要求加汁就大大碗咁比，值得一讚。另外叫了腐乳雞肉Lo丁，味道比想像中啖，不過又香香地剛剛好，只是之前食過較重味的豬扒飯，精彩度被比了下去，其實風味甚為獨特。整間餐廳十分懷舊feel，真有點回到中小學時代之感，全程懷舊金曲播放，主要是許冠傑，感覺良好，若能加插羅記之獅子山下，更佳。整體上，論環境食物價錢，實在超值，單單回味往時風味，已經回足本，銅鑼灣如此價錢，真係車仔麵都食唔到，何況仲有好多特色未試，下次一定要帶埋阿女嚟，試埋其餘特色口味。

路過希慎廣場找食午餐的地方，在14樓看見開業不久的羅麥記，頗多人光顧，於是試試。點了羅麥汁牛河連餐飮奶茶、手打牛肉漢堡、紅豆冰粒粒奶茶。這裡奶茶幾有水準，加紅豆冰粒粒幾有特色，味道夾之餘又幾好味，38元不便宜；手打牛肉則像中式牛肉煲仔飯或中式點心牛肉球的牛肉，與漢堡包夾起來有點兒怪，賣38元，可能食麥記好味些；65元的牛河則不及格，與太平館的瑞汁牛河相差得太遠，雖然兩者價錢差別很大，如果健康理由限食牛河，配額還是留給太平館吧！後來發現人多是因為大部份人是因團購卷才來！很多人點了招牌磚頭焗豬扒飯，但大都吃不完，這個飯有點浪費食物！

購買羅麥記的團購卷, 我見可適用地址中是有銅鑼灣, 兼且寫著會在4月25日隆重開幕, 地點當然會選這個。  襯著五一假期便與家人前往進餐, 時間是晚上6:42, 站在店外等位的客人眾多......與其他分店一樣, 羅麥記的門前總是排著一班食客在等位。銅鑼灣店的主題是懷舊冰室, 黑白電視、沉甸甸的手撥電話、汽水箱, 紙皮石街磚、掛著招牌的窗框等等, 在裝修上是比屯門店更為細緻的表達出老香港風味。入口處擺放的黑膠碟機...侍應生領我們入座, 座位背後最大幅牆寫上了「羅麥記」誕生事績。怎麼會覺得那排窗框是最有昔日的feel~  (終於把康怡店的裝飾來真了!)看侍應生送上的餐牌 ... 是新設計, 不再是學生手冊吧!   讀下讀下會發現有新菜式呢~首先當然要來杯 紅豆冰粒粒奶茶 $38港式奶茶遇上紅豆冰, 兩樣都是冰室裏不可缺少的飲品, 奶茶味香濃幼滑, 紅豆粒煲得腍甜兼有小起沙, 不過最特式的紅豆冰粒卻細粒兼放少了, 普通冰粒卻滿全杯的多, 現在的紅豆冰粒是似裝飾為多, 遺反了最初創造這杯飲品的原意。水牛芝士炸雲吞 $45一客四隻炸雲吞, 餃型也算大隻, 碟內無油, 內餡有水牛芝士、魚膠,

一心以為新開幕的店會做得好來打響聲勢。用了半小時侯位，叫了一碟避風塘軟殻蟹炒麵、蝦沙律西多士、雞翼撈丁、菠蘿冰及熱朱古力。炒麵又硬又鹹，鹹到苦，完全不能接受。叫待應可否更換，她只說：「你要等好耐喎，我只會炒翻那一「執」給你！」之後眼見剛下單十多分鐘的人也有得吃，所以再追單，侍應再回應：「都話咗要等㗎啦」。於是我叫埋單，那時另一位侍應就立刻叫廚房做。結果又是另一碟又辣又鹹的麪，完全吃不下！雞翼味道尚可，蝦沙律西多士又油又不脆口、蝦完全是沒有味道的。