鄉誼茶座

Open Now

Now Closed

前日(1-10-2014 Wed)a晏晝,同男友o係鹽田仔行完一個圈,返o黎村公所對面o既小攤檔搵o野食,o黎到呢o度,當然係地道茶粿同豆腐花,由於冰凍豆腐花極之搶手,但又想食,於是都買一碗熱o既,要$12.00.之後買茶粿, 茶粿有四色,黑,白,黃,紫.我知道黑,黃,紫係咩味,就問白係咩o野?姐姐答杏仁,啊,咁唔要呢個喇,要其餘三個,三個茶粿共$21.00.自己將豆腐花加埋糖就返埋位,由於豆腐花係熱,所以留到最後食,先食三色茶粿.男友先’界’開紫色o既蕃薯,內裡係芝麻餡,食落,開頭都平平無奇,但食完後,就有蕃薯o既甜,好好味. 然後係黑色o既雞屎藤,男友’界’開佢時,話好難’界’,呢個質地比較實,而餡都係芝麻餡.食得, 雞屎藤係咩味?食唔出,而成個都唔甜o既.最後黃色o既係南瓜,呢個個餡就唔同,係紅豆,紅豆餡亦唔太甜,南瓜味好快食得出佢o既甜味,好好食, 食完想買個返去俾爸爸食,可惜係紅豆餡,佢唔食得. 最後到豆腐花,呢個重係微暖,佢質地好滑,可惜豆味唔多夠,而雖然我落o左咁多糖,但都唔夠甜.味道係3.875分, 抵食係2.5分

鹽田都黎過好幾次, 每次都見到好多扒獨木舟既人扒黎食野~今次終於到我啦!!!之前都黎過,覺得環境好好, 可以坐一日 (如果唔怕蚊咬)下面碼頭個間我都食過~ 唔得...所以我今次就衝左上黎~~一坐底就同老板娘, 一個好可愛既婆婆叫左個餐蛋麵~ 過左陣一碗好足料既餐蛋出前一丁就黎到, 嘩~~彈牙!! 麵完全冇過火~ 岩我呢d食得慢既小朋友, 隻蛋又岩岩好流黃既, 好味!! 餐肉煎得又脆又香~~ 見到朋友加丁 (五香肉丁), 嘩~~唔加就真係蠢左, 佢既份量係半罐!!邊到有牙?!佢係一個set, 2樣餸加個soft drink, 38蚊! 配個無敵大海境!記得自備蚊怕水!!!!

睇完電視介紹鹽田梓村村長點努力復修條村後一直都好想去條村行下去到發現原來周圍既風景比電視影既仲靚由西貢撘$35來回的街渡往鹽田梓20蚊4個既茶果, 有杏仁、雞屎藤、蕃薯同南瓜味, 全部都冇餡, 4隻味都好好食食緊茶果時聞到隔黎枱點既公仔面勁香, 雖然個面+飲品要30蚊有少少貴, 但臨走都忍唔住叫左個隻蛋煎得勁靚! 成個面都好好食睇檔既人全部都好有禮貌好好人食完野我地開始個環島行原來鹽田梓對面既滘西洲golf場係咁靚ge!! d水好清, 仲係藍綠色, 拍得住歐洲既景色終於明白點解村長要咁努力保育條村通去golf場既橋係橋上望出去2邊都好靚, 個度風好大, d水向唔同方向移動得好快, 我地都未見過咁既水流, 可惜相機影唔到個效果原來香港真係有好多好靚既地方等緊我地去發掘!

尋日好好天, 所以去左西貢既鹽田仔逛一逛, o個度雖然冇乜野玩, 但都幾舒服, 餐廳唔多, 我見到既就只得呢間鄉誼茶座其實冇乜留意o個度有冇其他野食, 因為上網睇過o個度食雞屎藤茶果, 所以一場黎到就試試啦茶果$20 四個我就每隻味叫一個, 包括以下:雞屎藤 - 好似食草咁, 一般咁啦, 但叫做一場黎到, 點都要試下南瓜 - 鍾意食南瓜product 既人應該覺得唔錯, 我自己就麻麻, 但都唔覺得難食, 中中等等, 小小味咁啦蕃薯 - 呢個叫做幾個之中最好食, 甜甜地, 唔會過甜, 都幾有蕃薯味, 有機會再試都會再食呢個杏仁 - 個人本身對杏仁product 真係唔鍾意, 因為o的味好勁, 所以頂唔順, 不過想四隻味試下, 都叫埋呢個味, 但杏仁味始終覺得難食, 雖然味道又唔算好濃, 但係我都只係食左一半咁大把........

2010年3月28日 ( 6-3 ) ( 鄉誼荼座 - 1 ) 小吃日程：( 新穎茶餐廳 - 有利海鮮漁村 - 鄉誼荼座 - 廣東燒味 - 超級自助壽司 - 凱施餅店 )西貢海上一天遊，糧船灣洲有利海鮮漁村午餐後，從沙橋村步行前往北丫，參觀島上全港第二大之天后廟，參觀完畢後，再次登船，從海上觀賞地質公園，名勝如萬柱海岸、破邊洲及橫洲角洞等等，一一映入眼簾，不久，船泊岸於鹽田仔洲，上岸參觀島上名勝，島上開設有茶座，環境幽雅，有奶茶、咖啡及豆漿供應，還有特色茶果售賣，如杏仁荼果、蕃薯茶果、南瓜茶果及雞屎滕茶果，我們到達時，有些茶果品種已經售罄，Johnny選吃了杏仁荼果、雞屎滕茶果及豆漿。豆漿：輕輕的豆味，也屬好飲，當然，不能與公和相比了！杏仁荼果：荼果外皮軟韌，餡料有杏仁碎粒，充滿杏味，甜度合適，做得不錯。雞屎滕茶果：最具客家茶果風味，注意：雞屎滕獨特的氣味，不是人人能接受的，熱騰騰的出爐，嚼吃時，不時也嚼到雞屎滕纖維，不太甜，這裡的雞屎果做得很有水準的。這裡環境很幽美，傘下座椅舒服，又遇上新鮮剛出爐的茶果，很好，很正！今天只試到兩款荼果，因其餘已售罄，而最具懷舊客家特色雞屎