Lemongrass (Closed)

朋友黎香港玩，想係銅鑼灣快快趣趣食個dinner唔洗等，上到hysan 12樓就得呢間有位。兩個女仔三送一湯，一個salad一個炒飯一個雞翼，好似都幾好呀，結果上到黎先發覺賴野。個蒜蓉雞翼難食到咩地步呢，我地一人咬左一啖，覺得又鹹又苦又柴，真係勉強吞左一啖就食唔落去。人生想象唔到雞翼可以難食到甘。炒飯一般無功無過，但就真係好一般。蝦片怪怪地唔係普通白色果隻。沙爹雞肉串算及格。滿300蚊 + 3蚊換購既椰汁雞湯，無咩椰汁香味，覺得質地偏稀，但又好鹹。又係另一個勉強都食唔完既dish。我都唔想甘浪費食物，但真係好難食。Salad 算最正常，不過話麻辣一D都唔辣。調味調到好淡，食完前面甘重口味既野更加食之無味。埋單四百，除左炒飯基本咩都食唔晒食唔飽。環境係幾靚又好靜，但D野難食到甘以後俾錢我都唔會再去。最後兩條友行左兩圈餓到去食麥當勞。送完朋友返酒店，越想越嬲，特登註冊一個openrice account，呢個review我一定要分享，唔係條氣真係唔順！！！！！！

試試泰菜， 婆婆話想食生菜包。叫左生蝦刺身， 炸蝦餅，軟殼蟹撈蒙， 生菜包，香芒糯米飯仲有特價$3 春卷 (滿$300元)食物質素都ok, 份量比較少左d. 好似生蝦， 120 元 得 6隻， 如果幾位食都ok, 如果多人食， 要叫多d. (今次4位食) 而生菜包太辣， menu又冇寫會好辣， 所以同服務員講， 佢地肯入厨房， 再抄過d冇咁辣。 抄完出來的味道好好多， 可以入口同好味。佢地話可以落單時講冇咁辣, 但佢冇問， 我地又唔知。 建議menu mark返個辣椒仔， 或者同食客講。但肯换， 都好好。

餐廳位置交通非常方便，平時係附近行完街街， 搵地方食嘢， 最希望係快、 服務好、 食物質素好，咁至可以有高質素嘅休息义電，繼續行街街餐廳嘅人俾你哋一種好親切、從客戶角度佢想嘅招呼方式，安排我哋舒舒服服坐低後，就畀空間我哋揀嘢食 ， 冇棟喺度等你落單。食物熱辣辣好快送到，又好味道， 絕對唔係批處理嘅製作。喺銅鑼灣咁旺嘅地方， 通常都做唔到即製， 即使係一啲小食串燒、蝦餅、 印度薄餅熱辣辣， 我最喜歡嘅係咖哩牛腩， 本來對泰式嘅煮法都冇乜信心， 因為往往不及中式，但今次嘅咖哩牛腩高質素，食材牛腩 煮得啱啱夠“林“又有牛肉香同時保持泰式嘅較重椰汁味n甜味。今次食lunch，我會再試下dinner質素

好久沒到此餐廳吃飯，今天試了LUNCH SET，點了春卷撈檬。春卷看上去雖沒有炸至金黃色，但食落依然脆脆的，而且帶有香芋味，很香口。檬粉看似有點濕，但吃下卻覺得剛好，太乾反而會像吃麵餅。甜品是椰汁西米糕，很大的一顆，不太甜不太椰，好吃。有機會可以試試看~

今晚同3個姐妹出去食飯, 個個都話想食泰國野...跟住上網睇到呢間就去試下啦~原本以為因為星期五的關係, 都幾爆滿~食完就知道究竟爆滿的原因係因為野食, 環境同服務態度~我地4個女仔原本只叫左幾樣食物同每人一杯野飲,但係d食物真係唔錯的關係, 加加下都食左幾多野~hahaa!等我介紹下先:青咖哩(牛腩)呢個青咖哩真係不得了, 椰香味勁濃, 既帶甜又香滑, 因為佢我地叫完馬來鬆餅又叫印度薄餅黎點佢食~真係有d想打包返屋企撈飯的衝動, 因為好大碗, 食緊都有^^抵食又好味~最正係d牛牛腩真係多到.......馬來鬆餅好香好香好香呀!!落單時問待應點咖哩邊隻好食, 佢推介左呢個, 不過佢話比其他會有少少油,但係係師父即時做ge~咁我地緊係試啦, 一試就愛上!!好香牛油味~真係唔驚肥ge話, 想叫多份tim呀~印度薄餅我地食完個馬來鬆餅仲有好多咖哩未食, 又唔想浪費, 但係再叫鬆餅又驚太"滯"所以叫左呢個印度薄餅, 脆薄可口, 雖然都好咪, 但係真係有時有d野就叫左唔肥唔好食啦, 我地都係鐘意馬來鬆餅多d~Lemongrass 小食拼盤呢個拼盤外貌精美, 影相靚不在話下, 就連款式同數量都同價

今日係銅鑼灣行行下街，落大雨，咁就係附近商場食，六點幾都仲係好早，有好多餐廳都有位，咁0岩見到呢間餐廳好似唔錯，所以就入左去，坐低好快叫左3樣野，我係一齊落單0既，第一樣生蝦最快，跟住碟炒菜就等左15分鐘，食完碟菜就係度等第三樣炒金邊粉，我等左45分鐘，中間我叫左兩次 staff 唔該您幫我跟跟碟金邊粉，唔知佢地聽完無跟定係個廚唔想煮，我見坐係隔離0個兩位遲過我地30分鐘入座，佢叫0個碟咖哩蟹都已經上埋枱，我再等多10分鐘，我就同佢地講埋單，我話我以後都唔會再來您地餐廳，一碟金邊粉要等成個鐘

泰國豆奶配紫米飲落好似細個飲楊協成咁濃郁👍👍配紫米嘅質感好似飲緊紅豆冰😂甜度適中，值得一試😋🐷仔就叫左啤酒原產地應該係美國有淡淡水果味同麥香🍇🍐🍊🌾飲落好清新但香氣比較淡夏天飲都幾清爽😂全隻芭堤雅鋼管燒雞 🐓 $188餐廳提供左手套同剪刀俾我地自己剪隻雞熱辣辣地上枱仲可以見到油從雞皮上滴落黎🙈🙈好油好邪惡😂雞肉肉質嫩滑👍唔點醬都好惹味佢亦有提供泰式酸甜醬俾客人品嚐P.S.🐷仔慢慢用手撕落黎雖然幾過癮但之後表示隻手其實攰到抽筋😂下次都係叫人地幫手剪好過😂芒果糯米飯😋 $62差唔多次次食泰國餐廳都會叫黎試下😂紫米飯好煙靭 口感十足💕但椰槳味偏淡身 再濃郁一點會更好🤓芒果好甜好新鮮👍👍😋

我比較懶,唔想講太多啦😂最值得推薦既係一口牛同海南雞。一口牛做得比好多地方既牛扒好食,而且一碟都幾多😊無骨海南雞半隻都好多件了,肉比較厚而且唔肥。個咖哩牛楠都係,看下去唔多但其實好多舊也大舊,不硬,剛剛好。另外藍碟花青檸梳打個味幾清,唔錯唔錯。

早幾日去銅鑼灣行街，經過希慎就去呢間lemongrass食晚飯，呢次係我第二次幫襯，門口等位既人未算太多，等左十分鐘左右就入左去。入面坐既位都可以話幾迫下，想擺個袋既位都無。同上次一樣，餐廳得幾個員工做野，相當明顯係人手不足，唔明佢哋老細點解唔請多幾個人幫下手，如果連請多一，兩個員工既能力都無，呢間餐廳都係執左佢好過啦。去返正題，等左十幾分鐘終於有員工趕黎落單，於是我哋兩個人就叫左個冬陰功焗飯，炒貴刁，雞肉串燒，再加杯奇異果香蕉味既飲品。先講下個冬陰功焗飯，食落都有冬陰功果陣味，海鮮配料都好足既，整體味道唔錯，不過份量就有d少。然後炒貴刁，落得太多味精，雖然食果陣幾好味，略為偏咸，但到食完真係要瘋狂飲水解渴，所以唔係咁推薦叫呢碟野。至於雞肉串燒，我本人係十分推介，食落係用真炭火燒出黎果隻味，同好多餐廳唔同，食落有驚喜上次叫牛肉串燒但感覺無雞肉好味。至於杯野飲，奇異果味唔算特出，上次黎食叫果杯菠蘿香蕉味好飲好多推介大家試下。另外，可能知道食客等得耐，餐廳員工會送幾塊燒餅用黎塞住食客把口先，不過幾塊燒餅我情願佢地慳返，請多個員工好過啦最後埋單兩個人食左460蚊，三碟野加杯野飲，其實都好貴下

本身睇餐廳嘅裝修同價錢，以為佢都係一般嘅泰國嘢食，點知食落去相當有驚喜，高質素食物！當中我哋最鍾意嘅就係海南雞飯，不過價錢都唔係話平架，但海南雞的確做得好出色，肉質嫩滑，點埋佢嘅醬汁，配埋雞油飯，真係一碟都唔夠食，建議人多嘅話可以一齊嗌半隻試吓海鮮炒金邊粉，好足料，蝦都好大隻，金邊粉好入味，撈埋少少辣粉同埋花生粒，唔錯！喇沙，同樣做得好出色，有好多配料，海鮮份量都唔少架，配合埋湯底，小小辣得黎好有椰香， 10分惹味叫左個小食拼盤，每樣都有啲，中間嗰個無骨鳳爪好惹味，蝦餅都好彈牙香脆因為喇沙面嘅湯底實在太好味，我哋最後仲叫左個薄餅拎嚟點湯底

夏日炎炎，來到希慎廣場就不想都沒有冷氣的地方，於是在這裏尋找餐廳用膳。這間馬來泰式餐廳的外觀不錯，而且又很久沒有吃過泰式料理，決定入去試試看。不知道為什麼近窗的那邊有很多位置但沒有安排我們過去，反而是坐在較人多及燈光較暗的地方。以午膳來說價錢也不是特別便宜泰式一口牛肉配白飯料理不是即叫即有，我們等了約十分鐘才上第一道菜。一口牛肉賣相吸引，感覺是有很濃烈的醬汁，但令人失望的是， 一放進口，食物溫度不是太熱，已經想像到是一早煮好牛肉， 然後後加醬汁，整體溫度是微暖， 大打折扣，雖然醬汁濃烈， 但知道牛肉的溫度及醬汁的溫度不一時， 已經很失望炭燒雞串小食竟然比主菜遲上菜。不過終於吃到是熱的串燒！肉質鮮嫩，但不是太吃到醬汁的味道。以蔬菜及蕃茄伴碟有點奇怪馬馬摻摻喇沙配海鮮等了20分鐘才有！一開頭店員更上錯菜， 給了我蔬菜喇沙！又要再等多一點時間。這個海鮮喇沙賣相吸引，但沒有很濃郁的喇沙香味，湯底偏鹹，略嫌蝦味不夠，唯海鮮及配料份量充足，但一吃也知道， 配料事先煮熟，然後再浸湯時加上， 魚蛋的溫差實在太大了吧！泰式奶茶令人意外的是點了熱奶茶， 奶茶溫度竟然是微暖，這是絕對不能接受的，而且泰式奶茶

為左哩個食評第一次打post冬陰公湯-不夠熱、不夠辣、蝦出水同「梅」海南雞-沒有雞味（雪藏味）胡椒蟹-沒有胡椒味，唔辣、蟹肉「梅」菠蘿炒飯-無味、無鑊氣（唔似炒過）價錢與食物質素成很大反比很想俾劣評，但寫唔到200字👎🏻👎🏻👎🏻👎🏻👎🏻🤢🤢🤢🤢🤢

今晚朋友請食生日晚飯，一早上網就睇中呢間嘢，就入去試下啦⋯⋯可能早到，唔使等位，限時90分鐘，正常丫。睇到好多嘢都想食，最後我地點咗點咗一口牛柳，泰式蟹肉炒粉絲，蒜蓉炒椰菜苗，同芒果糯米飯⋯⋯呢間啲員工好熱心，一見到任何人係門口飄過都會大大聲講咗「莎嘩dee car」先嘅，基於我地坐近門口，所以都俾佢嚇到2次，因為只要商場𨋢門一打開，佢就會大聲講架喇⋯⋯一口牛～～4樣入面最有味嘅,不過啲牛似係用水淥熟再淋啲汁落去⋯⋯芒果酸到冇朋友，食了2啖就放棄，果杯椰漿物體，係水到冇朋友兼冇味嘅等咗45分鐘嘅菜，係有味架員工服務態度係得嘅，但食物就好唔得，唔會有下次囉

愛吃泰菜的慾望未停止過，找了一天和朋友再嚐泰國美食。餐廳位於希慎廣場，坐電梯一出就見到，方便到爆。走進內，不知是否時間尚早，店員們都看著我們，並報以微笑，太熱誠了XD隨意點了些菜餚，三款都標誌著"辣椒仔"，仲以為好辣，點知全部都不算辣😅先來印尼炒飯($88) 醫肚，本來想叫一個泰式海鮮菠蘿炒飯，可是少吃泰菜餐廳的印尼炒飯，就來嚐一嚐吧。份量剛剛夠，飯粒分明且粒粒炒得味道勻循，可是不夠香料味又不夠辣，只能說不過不失。馬拉盞通菜($86)炒得十分之翠綠，那爽口感覺實在令我停不了！如要encore，我會選擇這個！青咖喱雞($95)怕辣的我有曬心理準備去食，誰知辣度很低，不過反而咁仲啱我，嫩滑雞肉都浸滿青咖喱味，但汁多過肉，太少了吃不夠喉，更可惜的是吃到一半才出現order了的馬來鬆餅($32)，青咖喱變得涼了，拈著吃也變得無咁可口，稍為可惜。這次吃到的泰菜都偏向不夠濃味，未能滿足口腹之慾，加上份量不太夠，偏貴了些少，有點失望。不過今次吃的菜式太少，看來下次有機會要選海鮮類，或會感受不同呢

The meal started well with vegetable spring rolls that were lightly fried. Next up was the baby cabbage. While a bit too salty, the cabbage was nicely cooked. That's when things took a bad turn. The restaurant's version of massaman curry is reminiscent of packaged grocery store sauces: lacking depth of flavor. The usual peanuts and potatoes were missing leaving the chicken as the only other ingredient. We asked for rice three times before it finally arrived. The bread we ordered arrived much lat