一起果醬 (Moved) New Location

Happy Friday 😌😌 難得放假，約咗個friend入西貢Chill 下。 想試呢間好耐，終於比我試到。Classic All Day Breakfast HK$79好豐富，有炒蛋，煙肉，厚多士，茄汁豆，蘑菇，腸同蕃茄。厚多士配上果醬，味道好夾好清新👍士多啤梨果醬烤豬肋骨 HK$89豬肋骨好大份，入口唔會好”鞋”，第一次配士多啤梨果醬，味道好夾。 薯角炸得岩岩好約埋三五知己平日入西貢Chill 下，其實都幾幸福，慢活下。

果醬九宮格多士 $49所有既果醬都係自家制且不含食物添加劑 每款都好fresh同埋有果粒 真材實料 至於有邊九種 小編覺得要親自黎試下先有驚喜 喺到賣下關子先🤡個人覺得最特別係蛋黃菠蘿醬～雖然果醬好似先係主角 但厚多士都整得十分出色 軟中帶點煙韌 仲有拉絲添！.士多啤梨果醬燒豬肋骨 配薯角 $99估唔到豬肋骨同士多啤梨jam都幾夾🍓本身豬肋骨都有燒烤汁調味 加埋士多啤梨果醬 感覺會清新啲 降低左油膩感 至於薯角應該係新鮮炸起 又脆又有薯香😋.玉桂蘋果茶（熱$36｜冷$39）嗌左熱既超有驚喜🤩杯內有一條玉桂條 一路擺喺杯入面浸住玉桂味應該就會濃啲 玉桂同蘋果醬既味道非常平均 兩者都唔會搶左對方既味 仲有啲蘋果肉粒喺入面 酸酸甜甜 勁好味😍

今日去西貢為嚟緊嘅行山活動探路，行完後我地去咗市中心嘅明星黃店食返過brunch，嘆返下先😛 話明係明星黃店，當然要排下隊啦，大約等了30分鐘，終於到喇✌🏿🤩Classic all day breakfast $79>顔色奪目，對眼比個大蕃茄吸引住>蕃茄鮮甜多汁>蛋好香滑，熱辣辣，有蛋味同淡淡芝士味>煙肉甘脆可口，不太油膩>蘑菇菇味好濃，好味>兩款腸仔好好味，不油>茄汁焗豆就係罐豆焗豆味，個人不太好焗豆>多士輕輕微烘過，如果燶啲會仲正>木瓜雪耳果醬味道好正好特別，同平時木瓜雪耳糖水一樣，配合多士感覺清新==================推介指數 🌕🌕🌕🌕🌑果醬雪糕窩夫餅 $72>色彩斑斕，令人目不轉睛>生果就係生果囉，都算幾新鮮，不過條蕉係大蕉唔係香蕉>窩夫好新鮮，熱辣辣，外層鬆脆>雪糕好味，幾滑溜>Aloha果醬好惹味，特別係熱情果味好出，好味==================推介指數 🌕🌕🌕🌕🌑兩種果醬確實出色，怪不得咁多人幫襯👍🏿😀😀 下次若再嚟開西貢，想再嚟試下其

今日好凍呀！本身諗住去行山，點知落雨😞所以就變咗食野！呢間黃店好多人排，但我地好想食所以都照拎飛店內好多文宣，唔太大我哋叫咗all day breakfast 同埋scone setjam就揀咗tropical favour and berries 酸酸甜甜好正，食得出係自家製好新鮮😆 你仲可以買走架Scone都焗得好鬆化又唔油配埋牛油果醬真係想不停食breakfast既炒蛋都好滑，煙肉就略為乾身下次叫個pancake食先

難得有時間，走進西貢從未踏足的街道，吃個lunch。這店不算難找，很快就找到了。我點了一個全素的ALL DAY BREAKFAST。這份餐的份量足，味道不俗，特別是主角：果醬厚多士，個果醬有不同的選擇，我選了清新、香甜的玫瑰蘋果味，不錯。美中不足就係自己在較後時間才吃大菇，結果大菇變凍了......建議還是趁熱食左大菇、番茄、滑蛋先。

去完西貢行山，再去一起果醬醫肚。地方小小的，室內坐滿了人。等了一陣就有位，還要是陽台的位置，正😊！士多啤梨果醬燒豬肋骨，$89。豬肋骨很易分，起肉也容易，雖然不是很多肉，但味道一流，肉質軟嫩，好滋味。真是必點的。而配菜炸薯角炸得香脆，份量也多👍。蝦春卷配熱帶風情芥末醬，$59。本身想點炸薯角。但店員好好人，提醒我豬肋骨已經有，份量也足夠三人分著吃。所以點了這個蝦春卷。外層非常鬆化香脆，陷料足，配芥末醬味道更佳。又是會食過會番尋味的😋。全天英式早餐，$79。阿哥一個人KO了。問他好不好吃，他說這間店的食物質素好得喎。下次行完山再來過。

Scone係好食的，all day breakfast 也很好。不幸地我12/26來，本打算早少少去少人啲唔洗等位，結果係一去到就有位坐，外面的座位都冇人坐，但人手不足漏單，追左兩次等左一個鐘先有嘢食。谷氣了。

支持良心餐廳果醬九宮格多士$49入到去黃到發光😂 成間店已化身為連儂牆 播埋抗爭嘅歌 仲有聽到會想喊嘅家明好鍾意食包所以我嘅評價一定唔中肯 但我覺得係真係外脆內軟嘅 仲有啲果醬味道好fresh! 好開胃 有機會一定會再嚟

難得閒遊西貢又搵到間由外黃到內嘅小店💛聽聞繁忙時間要排好耐隊呢日閒日下午茶時間就唔太多人☺️真係望到門口已經知道係黃店了💛店內環境都係滿滿嘅memo紙💛食物方面都好有驚喜！1️⃣果醬九宮格多士本身唔太好食jam，成日覺得好酸又食來食去嗰幾隻味😗呢到足足有9隻味！仲要有幾款味道係第一次食！玫瑰蘋果|玉桂蘋果|桂花雪梨|木瓜雪耳|蛋黃菠蘿|熱帶風情|雜苺|香橙|芒果望落隻隻都好似樣，食落隻隻都幾有驚喜🤪2️⃣英式奶油鬆餅即叫即整，熱辣辣好鬆軟好好食🥺加上奶油同自己揀嘅jam，真係perfect match😭真心好好食！3️⃣玫瑰蘋果smoothie好神奇，真係用嗰jam整成沙冰，味道好得意😎整體成間小店無令我失望，無論食物定環境都好高質💛💛🥰

西貢有好多西餐廳賣 All day breakfast, 但係Let’s Jam 嘅 全日早餐賣相特別靚。有茄汁焗豆、果醬厚多士、炒蛋、番茄、蘑菇，仲有德國腸！十分之豐富呀！最特別嘅係有好多款果醬揀，配埋厚多士真係perfect match! 餐廳除咗有全日早餐之外，仲有班尼迪蛋、果jam豬仔骨等等。價錢方面有少少貴🤏，但係份量充足，夠大份，唔使驚食唔飽！最特別嘅係飲品，加咗果醬入去，但係又唔會好甜。餐廳的設計唔錯，飲品杯的設計最有特色。

在西貢市中心巴士站往右邊行去市場街, 不用五分鐘, 便找到這間 〔一起果醬〕, 而門口這一大幅的連儂牆, 亦成了標記不用等, 剛好有位, 因為在尖沙咀另一間分店有試過果醬多士, 便試試其他食物, 今天點了一份全天英式早餐, 一個香草雞肉沙律配熱情果油醋汁, 飲品方面, 點了一杯玉桂蘋果茶自家製果醬味道不會太甜, 用蔗糖製造, 沙律汁比較酸一點, 可能用了熱情果, 而飲品方面也可以, 主要我不喜歡太甜, 而有淡淡的玉桂香整體食物都很好味, 在這裏 hea 一個下午, 和朋友聊聊天, 也算是很寫意 😋

一日一黃店 一起果醬話就上次路過尖沙咀警署果邊食唔到今日試下食西貢店 一樣好鬼多人但排左唔算耐 全店都比便利貼滿 想搵個位都難而且有朋友仔推介 ⭐️果醬牛扒 好想去試但西貢店menu見唔到果醬牛扒 Sad Sad豬☹️ 最後叫咗👇🏻⭐️Classic all day breakfast $79每樣野食都好食 特別係個滑蛋 入面有芝士 勁正煙肉脆口 好邪惡😈厚多士可以配自選果醬是日揀咗配芒果果醬由於果醬係自家製 一定要試芒果果醬甜度適中 有芒肉👍🏻.⭐️士多啤梨果醬燒豬肋骨$89呢個價錢 真心唔貴 好多西餐賣$150up望落黑左d 但食落唔覺燒窿 應該係因為用咗士多啤梨醬焗 所以望落感覺黑啲食落香口無窿味 燒豬肋骨淋同入味👍🏻仲配咗個特製士多啤梨醬用黎配ribs或薯角都出奇地夾.但食唔到果醬牛 真係好失望sosad下次要去返佐敦分店懲罰你😤.

今日有一日假期，去左西貢行下。好耐之前已經有聽過呢一間餐廳 一起果jam，但一直未有機會試，今日終於來到了！聽聞呢度dd果醬很出名，於是我就叫左all day breakfast 同九格多士、可以一次過試晒咁多款唔同嘅果醬。結果冇令我失望，其中蛋黃菠蘿十分出色，味道出奇地夾。呢一間滿充滿人情味嘅小店，一定要多多支持！為咗表示支持，我都我都買了幾瓶醬。可惜蛋黃菠蘿醬已經賣光了，要兩三天後才到貨。牆上寫上好多賓客對香港嘅祝福，希望香港可以回復平靜。

依家天氣終於涼返啲，最啱去行山。今日約咗朋友喺西貢等，出發前食啲嘢先，行過見到呢間小店極多人，還掂未夠鐘，就排隊試試啦！嗌咗個英式全餐，份量頗多，用料新鮮，賣相亦都唔錯，雖然可能人多嘅關係，等候時間比較長。我之後仲嗌左個手撕豬沙律，豬扒，果醬雞翼同最出名嘅果醬九宮格。但係因為太肚餓嘅關係掛住食唔記得影相，真係失策😅

今日就黎到西貢同朋友玩水，出發之前就先嚟到呢間一起果醬食返個午餐先。聽講呢度嘅果醬係全無添加，仲有好多種唔同嘅果醬。所以一坐低第一件事就叫咗個九宮格多士。佢係好得意一件多士分左九格，每一格就有一種唔同味嘅果醬。老老實實啲未多到我都唔係好分得清，哈哈。🤣🤣🤣特別記得有藍莓味，蘋果味，橙味，其他就唔係好食得出啦。不過我想講每一隻果醬嘅味都好獨特，唯獨是係個多士小小凍左爭咁啲。另外叫咗一個short ribs，個肋骨啲汁啲味係幾好，但最估唔到既係竟然最好食係嗰個薯條，再點埋佢自製嘅醬，簡直係完美！👍🏻👍🏻👍🏻最後再叫多一個all day breakfast，呢個就普通左少少啦。嘢飲方便佢有好多款唔同嘅嘢飲，有紅茶或者綠茶，我就叫咗蘋果紅茶，我覺得非常好飲，唔算太甜，我最驚呢啲飲品係好甜。仲有少少蘋果肉。簡直係一流！👍🏻👍🏻👍🏻