良友快餐

Open Now

Now Closed

自從光顧了時新之後，對於繼續尋找香港做得出色的港式漢堡樂此不疲。每逢找到機會，也會一試該快餐店的漢堡包，來看看時新的漢堡包是否真的冠絕全港。今天跟女友要再進會展，準備定下人生大事的晚宴日期，面對如此重大決定，就算如我也罕有地感到有點壓力，所以我更需要一頓美味的食物來鬆弛一下。(也可當作我找個藉口好了)在選擇了要到另外一間食店作為"落腳點"時，看到對面的"超級連鎖店" - 良友快餐。對於追尋港式漢堡的那份"使命感"又再發作了。立即跑過去對面，要了個芝士漢堡及魚柳包。在充滿期待的時候，往往就是最令人失意之時，因為這次的水準實在強差人意了。先說魚柳包，味道完全及不上在旺角街市旁兄弟店的水準。魚柳處理得不好，油份還沒被迫出來便拿上來用而入口"油淋淋"，而且魚味也欠奉。漢堡的水準更是不可接受。我明白現在物價高漲，但看到那差不多薄如紙的漢堡扒，實在怎樣也說不過去。如果沒有加上芝士的話，這個漢堡絕對是本件度最缺乏誠意之作。結論是，時新仍是第一~

佢真係我既良友, 由早上7點開到夜晚3、4點, 我夜返時, 只要見到佢有開, 我做心定曬. 雖然依家唔係成日幫襯佢d炒野, 但係我成日都響佢到買白飯, 又平又大盒($6)所有炒野都好味, 好似: 星米, 乾炒牛河, 羊腩炒麵, 茄汁牛利意(至愛) …對! 只要你唸到想點樣mix and match佢都可以做到, 炒麵一流(如果你唔係減肥中) 好好味! 只係炸薯條都好味過人.小心! 佢地最難食係有湯的東西, 好似什麼湯意, 湯麵, 大家唔食好過!

最惡搞的「連鎖」是甚麼？不是名正言順、大搖大擺的大快活、大家樂、大家食，而是（一）它「連鎖」咗你唔知；或（二）名字普通到像「連鎖」。抖膽說，良友「梗有一間係你左近」。貴為車房快餐的Number one，當然是煎炸小吃最耍家：炸魚柳包，即叫即整即炸，熱辣辣；油淋淋？食煎炸野幾時無呢支歌仔唱？至起碼，佢卡路里唔會勁過件芝士戟，但營養價值一定高過件芝士戟。（有菜有肉）（雖然魚柳包係漢堡包界最本小利大的產物）