Lilium

Open Now

Now Closed

Happy morning starting from a good breakfast.I went to Quarry Bay.In this restaurant, I have ordered:1. Ham Burger with Sausage and Instant Noodles: This dish combines ham burger, sausage, and instant noodles, offering a rich and satisfying flavor. The ham burger is tender, the sausage adds a smoky taste, and the instant noodles provide a delightful texture. Overall, this dish offers a delicious and fulfilling experience.2. Pan-Fried Buns: These two pan-fried buns have a golden and crispy exteri

用心製作的台式小店😍 餐廳裝潢雅致，坐得好舒適，環境乾淨企理，食物選擇豐富，質素高，好抵食🥰 週末午市人流多，好受歡迎🤗二人午市消費：$211𝑭𝒐𝒐𝒅牛四寶麵 牛腩/牛健/牛肚/牛丸 配台灣麵 ($92)✨ 推薦！湯底鮮味香濃，香氣四溢，好好味 不會鹹👍🏻 麵條爽滑彈牙，配上豐富牛四寶，牛肉大大件 肉質軟嫩，好滿足🥰 鯛魚鹽酥雞飯 ($78)✨ 鯛魚塊好高質😍 肉質嫩滑 配搭醬汁味道一流👍🏻 還有香脆鹽酥雞，回味無窮🤤 飯份量多 飽肚之選👍🏻 肉燥伴A菜 (+$19)✨新鮮爽口，配上肉燥好好味生煎包 (+$19)✨熱騰騰的生煎包，皮薄餡嫩，飽肚又好味👍🏻𝑫𝒓𝒊𝒏𝒌凍冬瓜茶 (+$3)✨推薦，好香甜熱齋啡 (+$11)✨

第一次食呢間 食物都還可以 但staff服務真係唔接受， 已經10問9唔應， QR code落單 都算 ， 埋單果時仲同我講紙巾用1張好喇， 要環保，咁驚人用就唔好放出黎，又要俾人用又驚人用，呢啲餐廳真係唔喺office區金唔會有生意

太古坊附近一條巷仔內，搵到呢間台式食店，兩點就有下午茶餐紅燒牛肉牛丸麵 $62估唔到下午茶餐嘅份量都幾大碗，紅燒牛肉軟腍入味，湯底亦濃滷肉新竹米粉 $48半肥半瘦嘅滷肉相當入味，特別鍾意食新竹米粉，爽口質感，又唔會因索湯而易發漲貴妃雞卷配炸雙色地瓜條 $38雞皮又薄又脆，但雞肉嘅肉質一啲都唔乾，配有加咗芝麻醬沙律菜，中和油膩感。台灣腸 $28麻辣皮蛋 +$12凍檸樂 +$6凍檸茶 +$3 呢度麻辣嘅辣度幾啱我口味，最正係多莞茜，一隻皮蛋嘅份量，仲加咗肉碎。凍檸茶點咗濃茶，略嫌唔夠茶味，但檸檬新鮮，整體還可以。

放假同女朋友求其入咗間餐廳食早餐，見環境都ok餐廳冇乜人，只係坐咗幾枱客仔女朋友冇乜胃口唔想食嘢，所以我淨係叫咗一個餐自己食樓面有兩個侍應，一個有着員工衫，另一個紅髮嬸冇着員工衫，唔知係唔係老闆自助落單後有着員工衫侍應過嚟同我哋講我哋淨係落咗一個餐，我哋以為只係想confirm下make sure冇漏單，點知答完之後紅髮嬸又走過嚟再次強調我哋只係落咗一個餐，命令式語氣叫我哋嗌多杯嘢飲。咁女朋友就問佢係唔係有最低消費，紅髮嬸竟然唔應我哋，轉頭就走咗，隔咗一陣返嚟扔張單落我哋張枱度我哋真係搲爆頭，如果佢門口大排長龍我哋都唔會坐兩個位叫一個餐，甚至你開宗明義話有低消我哋都會叫多啲嘢食，都已經好聲好氣問你，但用呢種服務態度對客，有錢都唔想俾你賺啦嬲嬲地想即刻寫返篇食評警世，點知一開已經見到最新食評話紅髮嬸係監獄長，果然名不虛傳！由於佢冇着制服，所以真係唔知佢係員工定老闆。如果係員工，老闆真係要執下員工服務質素；如果係老闆，祝你生意興隆☺️

本來長期客仔,住樓上,星期六日都會去食,今日星期四下午2點後去,已經過左lunch time最忙時間,間舖得二成滿,數埋十個人唔夠,佢有個新紅髮女待應,係要逼人坐指定吧台,問佢點解唔坐得其他位,佢又唔應人,望都唔望下人,而成間舖有8成空位,係要逼人坐指定位置,我以為我係小學生比訓導主任話呀,定一話佢之前做監獄長,咁鍾意控制人,點解請d咁衰嘅人架,以前d阿姐不嬲好nice, d野食又唔錯, 係d鹽酥雞有d燶,而家有d咁差嘅員工, 祝以後好生意呀, 態度差本人即blacklist,唔會比$d咁嘅人賺

放假去咗「Lilium」食早餐，真係一間好舒服嘅餐廳！🍜🍳🥤「Lilium」係一間好休閑嘅餐廳，環境非常溫馨舒適。入到去就聞到濃濃嘅咖啡香氣，令人即刻精神奕奕！餐廳嘅裝潢簡約又有質感，俾人一種放鬆嘅感覺。☕🍽️😌我叫咗兩個早餐，首先係「五香肉丁出前一丁」。麵煮得剛剛好，彈牙有嚼勁，而肉丁入味又有五香香料嘅香氣，令人食得好過癮！配上餐蛋同奶醬多，更加豐富！🍜🥚🥛「香煎農場雞扒出前一丁」，個雞扒真係煎得好香好嫩！外皮煎得金黃酥脆，內裡嘅雞肉鮮嫩多汁，一咬落去就有滿滿嘅肉汁爆發！同樣揀咗配餐蛋同奶醬多，非常豐富！🍜🍳🥛我哋叫咗杯「美綠」，加埋杯「凍檸樂」，同食物搭配得好好！🍵🍋🥤整體黎講，「Lilium」嘅早餐真係好美味又滿足！絕對值得一試！我一定會再去！🍽️💖😋

今日lunch time 行左入一條小巷搵食，之前係openrice 知道呢間係食台灣野同埋見評語都幾好，又見到好多OL 都等外賣，咁我於是就決定買個外賣試吓。咁我走去cashier 櫃枱，諗住落order叫外賣，一個短頭髮呀姐好惡咁鬧我，話「我邊度得閒幫你搞呢啲呀而家，你出去搞啦，唏，有冇搞錯呀！」然後另一個呀姐就幫口，正常語氣，話「出面有個QR code, 你出去掃左之後落單」哦，咁我就出去用QR code 落左個「鹽酥雞擔擔飯」，返左公司食，ok 呀唔錯既。重點係，唔係人人都係熟客知道出去掃QR code落外賣 order, 想幫襯啫，唔洗咁惡既。

老實講食物唔差,價錢唔算貴, 裝潢文青feel, ,評級1星都嫌多。餐廳上菜很快,下單不到五分鐘食物即到,中午入去係頭兩個客人,落單至食完碗飯才20分鐘,跟住飲位奶茶同朋友傾幾句偈。其時客滿,伙記就來催埋單,見我唔埋單就每兩分鐘催促一次共三次,結果奶茶冇飲曬就要走人。食餐飯得半個鐘都唔俾,

今次想介紹嘅係位於鰂魚涌巷仔嘅一間台式餐廳，環境地段來講都真係好隱世㗎。餐廳嘅餐牌都充滿着唔同嘅台式小食，選擇真係五花八門。嗰日正值下午茶時段，所以都有機會食吓佢嘅下午茶套餐，當日我就分別叫咗鹽酥雞滷肉飯、五香牛肉麵、紫薯醬西多士仲有迷你生煎包。首先係鹽酥雞，鹽酥雞嘅外皮酥脆，裡面嘅雞肉鮮嫩多汁，非常好味！如果你鍾意啲辣嘢，又可以蘸返啲辣椒醬一齊食。其次係滷肉飯，滷肉飯嘅肉味濃郁，加上滷汁嘅香味，同埋飯粒嘅口感，一齊食落去好有飽足感，好開胃！再嚟就係五香牛肉麵，五香牛肉麵嘅湯汁濃郁，牛肉軟嫩，同埋麵條有啲嚼勁，一齊食落去好滋味！最後係紫薯醬西多士同迷你生煎包，紫薯醬西多士係一款夾埋紫薯醬同芝士嘅西多士，味道好特別！而迷你生煎包就係一款小小嘅包子，皮薄餡多，一口咬落去好鮮美！

Sun 28th May 好熱鰂魚涌太古坊戰地記者報料，話呢一間台灣嘢好食。趁今日靜靜哋 可以去專心試吓。唔熟嗰區嘅遊客要俾少少耐性心思去搵，係值得㗎。星期日呢一區真係好靜，好舒服，可以慢慢chill。先講呢度嘅背樂，係免費 Spotify。所以隔一陣就聽到 Spotify 佢自己嘅告白。所以我覺得老闆係 Spotify 嘅fans，因為佢要俾啲客知道呢啲咁好聽嘅歌同埋咁好聽嘅告白都係Spotify㗎。小食賣相討好，兩種番薯條 又食得又睇得。佢哋用嘅米好好食，煙煙韌韌粒粒分明有米氣。其實唔使餸，淨係汁撈飯都夠。牛腱入味淋得嚟唔會散晒，火候啱啱好。生煎包。整得咁趣香口，應該唔係煎出嚟。不過最緊要好食，薄薄嘅皮包住新鮮多汁嘅蔥花餡料。

行經鯽魚涌，見到一間充滿大地綠色嘅文青台灣店，於是同朋友入內歇腳，再好好享受一下下午茶的時光，果然很喜歡，似乎有種魔力，令人慢慢放鬆下來🐮紅燒牛肉牛丸麵$62🐷滷水大腸$19🥤熱奶茶啖湯飲落就知道係真係用牛肉去熬煮，飲完唔會覺得口乾，啲牛腱炆得好琳，但係又唔會散晒，好入味，牛丸都係相當彈牙，同埋有啲肉汁同油脂爆出嚟，用料對得住個價錢滷水大腸都問得好淋，面頭鋪滿芫荽，夾住嚟食就冇咁漏熱奶茶不過不失，正常出品🐔🐷鹽酥雞滷肉飯$62🐷🥬生煎包（三隻）$19☕️熱鴛鴦個賣相令人食指大動，滷肉用咗三層肉，啲汁甜甜地撈埋d珍珠米飯真係好絕，鹽酥雞略為硬少少，葉半粒糖心蛋真係好睇又好食，拌碟嘅仲有芽菜同其他蔬菜一齊整嘅辣辣地嘅涼拌菜，所以成碗飯係蔬菜同蛋肉都齊曬嘅生煎包爆汁，好香脆🐔🍠滷水雞翼拼雙色炸地瓜條$38☕️熱齋啡滷水雞翼皮滑入味，地瓜條上左好薄嘅漿去炸，入邊係好綿密嘅地瓜，我個人特別喜歡紫色地瓜條，仲有沙律菜都好爽口，係下午茶輕盈嘅好選擇

只係買個奶醬多外賣都等成10分鐘入去問仲要等幾耐就唔耐煩話出左就拎出黎喇天氣已經夠熱，無諗過個奶醬多要等10分鐘！仲要佢地既態度差都咁！！試過堂食係好快就出左！難道外賣就唔趕時間？

隱身於海光商場中有一間性價比超高嘅食台灣菜嘅餐廳- Lillium ，餐廳以粉綠色裝潢，頗有文青cafe 感覺，平日茶市時段都有唔少捧場客👍🏻茶市連飲品都係$38起，份量唔會細，真係佛心食店，超值😆紅燒牛肉牛丸麵 💰62台灣名物牛肉麵，可以揀紅燒或者五香，小妹就最愛紅燒牛肉更濃味，仲可以揀牛肉牛丸相拼，牛腩超軟稔，唔好睇牛丸好似平平無奇段而最驚喜，咬落去係有濃牛骨湯汁嫁😆連麵底麵有幾款揀，我就揀咗少見嘅冬粉，夠哂台味呀👍🏻府城蝦卷配炸雙色地瓜條 💰38想食輕食都有唔少選擇，香口嘢就人人都愛，最出色係炸物竟然唔會油，雙色地瓜條淨係賣相都超吸晴，地瓜條比薯條更多了一重甜味😋府城蝦卷有兩條，餡料超足有粒粒蝦肉🤤🤤

之前食完台灣嘢，已經好掛住嗰陣味道。今次又去一間台式餐廳。太古坊附近的海光街，在海光商場內，有一間台式餐廳，Lilium。開了一整日會，精力耗盡，係時候為自己體力打打氣。就在這間台式食肆，晚飯前，去填補我精力的空虛。裝修好有台灣格調，叫兩個小食和飲品先。1. 酥炸花枝捲2. 炸花枝丸配炸雙色地瓜條飲品，凍咖啡。讓滿 的 花枝卷，再炸，非常鬆軟，香脆可口。炸花枝丸，非常彈口，回味無窮。炸雙色地瓜 ，番薯非常之甜心。雖然炸完，還能保留外脆內軟。用雙色地瓜（番薯)，除了有不同口感外，還能增加食慾。非常聰明。廚師也很照顧食客，炸物比較油膩，他中間加了少量蔬菜沙律🥗。吃完也不覺得太滯。天氣熱，飲杯凍齋啡(加糖水)。甘味中帶一點甜，精神活力都返晒嚟。👍🏼