漁樂 (喜薈商場) (Closed)

this restaurant is really good. the food tastes absolutely amazing!!! would recommend for those who like this cuisine! highly recommend this place! have been here multiple times and love the food! lunch sets offer a variety of foods that all taste v good. I like the satay pork chop with rice as my preferred lunch set.also tried the coconut milk creme brulee which tastes really amazing! would recommend!!!

下雨天本來找間快靚正地方醫肚，沒想到可以100%全中！全部都難食的一餐飯！ 這個黑椒炒蝦仁烏冬-改名叫炆烏冬吧！汁多到水浸！湯是不熱的！叫反熱都只能和暖的溫度！炒金邊粉是無味的！不會再試！

路過見到新開唔錯好吸引簡單乾淨俐落光線很好立即入去試試點知真系無揀錯友善服務員親愛的眼神詳細解釋介紹我們三人叫左兩個刺身飯另外又叫了一個日式咖喱吉列豬扒飯刺身每片都大大件厚切仲要好新鮮值得推薦飯不會太酸而且黏的程度適中份量剛剛好日式咖喱吉列豬扒味道剛剛好豬扒軟綿綿結帳嘅時候下次仲可以有$50贈券

晚餐去「漁樂」食，星期日晚7點幾都算多人，差唔多滿。兩個人坐卡位，都算舒適。叫左三樣野：泰香金不換牛肉炒金邊粉、泰式燒野菌茄子 同 青咖哩雞泰國香米白飯。燒野菌茄子，燒過的芝士鋪係野菌茄子上面，賣相相當唔錯。不過食落就真係爭少少，芝士味滲唔到入d菇同茄子度，茄子燒得唔夠，中間仲有好多水同好硬，無燒茄子果種香淋。青咖哩雞飯，青咖哩味道好淡，完全唔覺自己食緊咖哩。雞都算多，但有d鞋。牛肉炒金邊粉，望落去炒得好靚，好有鑊氣。但食落就無乜味，唔知自己食緊乜咁...整體黎講，呢間野味道比較淡口，如喜歡重口味的，最好就唔好試。

冬陰公湯濛，我個人認為都幾辣，（我呢D食慣10小辣嘅人嚟講）味道好香，濛粉就一般啦，但都值得推介嘅。火車頭金邊粉，味道清淡，餸都一般，不過不失啦。雞肉串燒 - 味道都ok ，雞肉都仲幾多汁，唔錯整體嚟講都可以再去

今日經過長沙灣，去咗間叫漁樂食午餐，入面好靚架，唔同普通餐廳入面裝修好有情調，黑黑地入面好似貨櫃咁，睇得岀裝修令人地坐得好舒服。海南雞飯仲有冬蔭公魚片頭金邊粉都係推介既，一定要試下架啦！另外加15蚊要咗個焦糖燉蛋，仲有凍檸茶！首先海南雞飯，啲雞好滑呀仲有旁邊既汁點雞真係好好食，味道即刻再提升返！ 仲有啲飯唔係普通白飯黎架！ 另外，個魚片頭金邊粉，魚片頭索曬啲冬蔭公湯，而且個冬蔭公湯有少少椰汁所以好香！又唔會太辣，好岩每個人既口味！焦糖燉蛋好滑，仲有啲椰子粒係入面！杯凍檸茶好大杯，夠曬味！價錢唔會好貴，合理架！午餐快活推介：漁樂

02/April tea set $41/pp越香魚片頭湯河$33 +$3凍檸茶, 魚片頭算多啦, 口感正常, 湯底味道剛好唔太咸, 放面香菜足夠, 有付送青檸片, 份量係想像以上的多越香牛肉湯河$36 牛肉雖已全熟但沒有過老仍然嫩口感, 美味牛骨湯底, 同樣香菜足夠, 有付送青檸片, 份量係想像以上的多另+$10香酥手抓餅, 一般的ready made貨色還好返烘溫度夠有少脆片外層,07/April lunch set $56/pp 海南雞+雞油飯 $62 商務餐份量, 但唔知咁啱定係碟碟都係咁,會俾雞脾架喎, 淨係呢樣已覺得回本了, 雞油飯就做足個色水啦, 雞脾重起咁骨添雞肉保持嫩滑, 泰正金不換炒金邊粉 $50  所有這個炒金邊粉嘅材料全部齊備, 連荳腐乾都有埋! 最有原著風味的是在碟旁各一小撮砂糖/ 辣椒粉, 整個粉炒得夠熱, 食物係每樣都交到功課, 應該有的都有了,  服務方面係在一般以上, 員工以中年為主但亦有年青人, 座位空間算係比一般茶記寬敞舒適,希望他們能繼續以現在的態度堅持下去,

約三位好耐無見嘅同學仔食下午茶，其中一個係呢間野既常客，佢話可以坐好耐。果然有好多人都係咁，但可能係下午茶時間，叫職員黎落單，叫咗好多次，都無人應我哋，只應卡位嗰邊，又可能餐廳無咩客人，所以襯嗰段時間黎比職員們食飯，所以先有種感覺好似唔憂做生意咁...下午茶飯餐，對於女士們黎講，都可以接受(份量)，不過咖啡奶茶較多奶(有待改善)。原本想坐卡位，不過坐得比較逼，所以轉去窗邊圓枱坐，環境舒適，光線暗暗地😄

間餐廳啱啱開嘅時候，光顧過佢嘅晚市，對佢嘅印象都非常之好，今次屋企冇煮晏晝飯，就去咗試午市，點知就有啲失望。屋企人都叫咗越式湯河，分別係海南雞同埋牛肉。係足料嘅， 金邊粉夠多有彈性，仲會落埋洋蔥同埋九層塔。佢落九層塔落得一啲都唔孤寒亦都係我其中一個鍾意呢間餐廳嘅原因。海南雞個雞肉質鮮嫩有雞味，$45嘅餐嚟講算係好有份量。失望嘅係青咖喱，個味係完全唔似又唔辣。感覺係食緊葡汁多過青咖喱。呢個雞扒就偏肥啦，同海南雞個雞差得遠。啲菜好林。以前叫開一個青咖喱煲嘅水準唔係咁，會有香葉，胡椒，翠玉瓜等等嘅料。冇諗過今次得汁仲要唔係好似咖哩。

原本就食下面果間薩利亞仲已經攞埋飛等緊位果陣上左電層上上面果層望下就係呢間比店鋪嘅姐姐SELL我地食二人共嚐泰越火鍋企係門口諗左陣就入左去😂果時仲早 6點幾好好彩比我地坐到最後一個卡位$158就有菜盤同肉盤仲免加一相對出面果啲已經算好抵起碼我同朋友都食得飽又好食打邊爐得黎又幾健康因爲都多菜🤗講真如果唔係有職員咁好態度可能我地都唔會入去對每位客人都非常專業服務同態度比滿分呀🤘🏼下次有機會一定再試下其他見到菠蘿飯都好吸引🤤

尋晚食呢間$158打邊爐二人套餐(冬蔭广湯底)，本身無乜期望 (心諗泰越餐廳打咩邊爐)，原來有驚喜！首先啲料算唔錯，豬肉丸，牛肉同豬頸肉都算新鮮，而且價錢真係好平所以CP值超高，飲野又平，3罐泰象啤$38，青檸梳打$12 (茶仔奶茶都要$17-$18蚊)；之後烚到咁上下要加湯，佢唔係加上湯，係直接加冬蔭功，仲要前後加咗兩次!!!!!!!又飲又食埋單一人$120，真係齋飲冬蔭功都賺咗，所以要強力推介！好嘅餐廳一定要Like & Share！

同意樂同一集團 都係主打平價快餐 既然係公司附近 搵日試試佢 午餐時間相當多人 等左10分鐘到先有位午市套戲有 湯粉麵 炒泰色粉麵同小菜例如馬拉盞通菜 價錢都係大約50蚊 係荔枝角工業區黎講 差唔多 叫左個豬頸肉冬蔭公湯金邊粉 $46 包熱飲 凍飲加$3湯粉黎到 樣子十分吸引 有大量香料 洋蔥 湯底濃郁 唔係好似有的店鋪好淡好稀 偏辣 好味 豬頸肉 厚薄適中 唔會太硬 金邊粉唔會太淋身 質素中上 什至比某些泰菜館做得更好 友人食嫁泰式炒金邊粉亦很不錯 味濃 足料 佢亦會有晚市 二人套餐提供 可以一試

第2次幫襯，今次期望高失望仲高。今次試下小菜，睇下好唔好食先。叫左泰國茄子肥牛粉絲煲，另外加左10蚊飯（外型唔錯，飯都香口，不錯） ，再叫左杯熱何華田，超好飲，但飲到尾就好甜。個煲好期待（上次已經想試），但點知超級失望，因為完全無味。肥牛無牛味。雖然睇落去色水好靚同好濃味，但我食極都食唔出有任何味。。。只有綠色果塊香草有濃郁既味。。。茄子同粉絲既口感都麻麻整體小菜真係唔好食，飲品飲過2次，都覺得好有水準。因為第２次果個小菜，攪到好低分～唯有再試第１次食既焗飯，點知。。。第3次黎食，食番第1次覺得好食既椰皇豬頸肉焗飯因為今日冇晒椰皇汁，所以轉左沙嗲汁～那唔緊要啦～照食，當試下其他味～點知唔好食。。。沙嗲汁同豬頸肉唔夾，整體分離食好d。。。我食到中途已經想放棄唔食。。。淨好多...

首次進入長沙灣既大四喜，漁樂是第一間品嚐既餐廳，店舖格調和環境也是不錯，很適合朋友間聚會和聊天之所。當日是慶祝朋友既生日，我地於是點左幾個飯菜，味道比較重，對我來說口味不錯。當口渴時，飲下呢碗湯，是一種享受。她們盛菜既器皿看得出有心思設計，就係呢點已經取得好高分數。呢個菜都唔錯選擇，達至健康指標。茄子是當中既點滴。薯仔唔會太硬，金不換配料香口。連白飯都看得出有心思。最後，加料到一個海南雞飯。總結，今回呢間飯店是一個唔錯選擇，唯獨要改善既係生日蛋糕切餅費，可以有下調既空間，符合呢區及大眾既經濟需要。

之前想試尼間好耐啦，今晚返學見時間許可，就黎尼間試下啦～餐廳環境都唔錯，都幾有feel，但同附近某1餐廳環境差唔多feel，唔知係唔係姊妹店，定近排興尼d feel。我睇餐牌決定要試下泰式椰汁豬頸肉焗飯，問侍應會唔會等好耐，佢話唔耐整得快。。。咁我就食尼個啦～之後等左一陣（可接受時間）黎左，賣相相當唔錯，而且好香。d豬頸肉有好多塊，食落去好好味，有肉味有口感，咬落去鬆軟。芝士好香，連埋d飯（飯香）一齊食，特別惹味，而且夠熱同超好食，值得推介呀！