尚樓餐廳 (Closed)

今日行完 Donki, 經過見到呢間新店，新淨企理，等左一陣就有位。今日lunch 叫左咖哩牛腩飯，老公叫咗煎蛋雞飯 及 一碟炒菜。嘩，好好味喎！咖哩頂瓜瓜，牛腩又稔, 仲有我最愛嘅牛根，有小小辣 （如果可以加辣就更加好）, 連伴菜嘅紅蘿白都好甜 😋 老公叫嘅煎蛋雞飯，賣相十分吸引，雞肉煎得香脆金黃，我食左一舊，肉質也很嫩滑，抵讚。價錢又優惠，服務員態度非常好，百多元兩個午餐連飲品，絕對可以 encore. 下次可以試吓其他食品。

今日约咗老婆食晏， 我哋兩個四圍行， 真係唔知去邊度食， 聽同事講 有間嘢叫（尚樓）開咗幾個月， 佢哋個個口碑都話唔錯。我哋就去試下， 入到去 原來餐廳 個layout喺，G floor 係廚房同收銀, 堂食要 用佢哋嘅內置樓梯上 樓上 1樓。同事 最鍾意食佢哋嘅 海南雞飯， 手撕雞， 佢哋話因為冇味精喎。 但係因為琴晚去咗 外母度食咗外母海南雞。 所以今日都係唔好食雞囉。我點咗今日廚師推介福建炒飯(不是日日有）， 我老婆就叫咗佢哋嘅椒鹽豬扒。食物~福建炒飯個飯底好香每一粒米都好平均咁 有蛋包住炒到金黃色， 上邊個汁係用好多乾瑤柱做出嚟， 其他用料蝦冬菇都好新鮮，簡直係無敵。我老婆請我食幾件佢嘅椒鹽排骨，肉排 好入味， 好香口，又唔乾又有肉汁添。仲有值得一讚係，佢嘅堂食係樓上，同廚房係分開咗， 通風系統一流，因此個身冇油煙味！佢比起一啲同一層地面餐廳/廚房，食完lunch返到公司成身油煙味 的確難頂😊！

今日同老公食lunch，平時繁忙時間行過都要排隊，今日晏左少少去到見有位就試下啦。 本來想試海南雞，但係太遲黎賣曬... 最後我叫左椒鹽豬扒飯，老公叫蔥油雞扒煎蛋飯汁另上。 估唔到中環有咁高水準既餐廳！ 椒鹽豬扒飯 - 好惹味Juicy，唔會太鹹，聽講用左秘制醃料去醃😋蔥油雞扒煎蛋飯- 雞皮煎得好脆，雞肉入味，配蔥油同甜豉油送飯簡直無得輸😋呢度D職員服務好周到，冷氣又夠涼，下次一定要早D黎試吓佢地D海南雞飯。

$65嘅價錢可以食到咁樣質素嘅海南雞飯簡直喜出望外！咖喱牛腩味道夠濃夠香，服務態度值得一讚，凍奶茶少甜少冰完全唔馬虎👍🏻最重要係由新店開張到而家都保持到同樣水準，行多幾級樓梯上去食飯都值得！唯一略嫌不足就係飯嘅份量比較啱OL小姐仔又或者唔想食太飽keep fit人士😂😂男士或大胃王🙋🏻‍♂️可能要落單時候叫加飯🤣🤣🤣又或者可以叫多個手撕雞做前菜，真心覺得值得推介。👍🏻👍🏻👍🏻

中午突然落大雨，仲煩惱緊邊度買外賣醫肚。本來響中環$50/$60個餐已經好抵食加埋openrice 外賣自取$100減$30仲抵, 就試試間新開茶記。由落單，付款(支付寶)到取餐約15分鐘完成, 效率超高！👍🏻店外可短暫停泊車輛，店員將外賣直送到車😍服務周到，在疫情期間可盡量減少接觸！食材選料用心，有家的味道，色香味俱全。雖然唔多環保，餐具，餐紙，飲筒及牙簽均獨立包裝，但疫情期間才可安心幫襯😌！

最近在中環unch time很少外出堂食，只能吃外賣维生, 對於我這些没外出吃饭便等如没放lunch的人種，每天的lunch hr簡直有如迫供。一間ㄧ間的挑，一間一間的放棄，曲於外賣盒密封20min, 真的不會太有期望，求其餓不死便有赚。直到今日首次試這餐聽, 居然有職員推介外賣種類和食物做法，大佬呀！幾十蚊仲有推介，你估買红酒咩!向佢吐下呢幾日苦水，佢推介我试下個海佬皇子抄蛋飯, 話d蛋不會過老，蝦一定冇腸。老老豆豆, 我真係唔信，外賣炸，你估米之蓮咩, 幾十蚊，咪比你點一次law, 反正日日都比人點，唔爭在。點知返去一開，d蛋真係仲嫩過豆腐，原來佢地真係為左做外賣入盒，特登做生d，焗多陣食岩岩好，d蝦彈牙大隻冇黑缐，甜鼓油獨立包装, 餸菜擺位有深度，頂...想揾個位彈下都冇...查實呢間野用料不是頂级貨，但個厨房好有heart, 呢個時勢有heart 就要G池, 睇在我寫呢幾百字，你地ㄧ定要保持呢種質數, 陪小爺我捱過呢段時間, 由迫供改為愛的迫供! 現場聽到有人問送不送上office, 餐廰話10盒以上就送上門，但好似要提早落。好，等我聽日迫9條友一齊食，連行落去都費事。

試左蔥油豚肉煎蛋飯～豬扒好香，煎蛋蛋黃半熟，好味😋另外，慢煮咖哩牛筋腩，入口即溶，薯仔炸過再煮，心機之作Whatsapp落外賣好方便，15分鐘過到去，即刻有得拎。

今日行開果頭 見到呢間尚樓都開咗一陣 食就未試過 見佢個價錢係中環黎講都算合理咁就一於試下啦 叫咗個照燒雞扒蛋包飯外賣 返到公司一打開個盒已經聞到陣陣蛋香 再食落去發覺蛋滑 蛋味重 飯既軟硬度適中 有口感 雞扒燒得幾脆又夠大塊 不過汁有少少偏咸 總結：高汁高CP 值得再試

今日同我 拍檔， 落咗去中環搵老細 出埋啲OT數. 經過見到有間 小餐廳 (尚樓）。 出咗ot梗係要食餐飯好㗎喇😃。 入到去師傅 推介我哋食佢嘅海南雞。 好啦😅第一次幫襯就信佢。 我嘅拍檔就食咗個牛筋腩因為佢不嬲都唔鍾意食雞，怕有骨喎。我的海南雞一到， (賣相唔錯)🧐仲有冬瓜湯添! 食落去 好香好滑! 絕對冇味精 !哈哈仲無骨㗎喎! 啖啖肉 ! 我拍檔見到即刻有啲後悔😂。 原來去咗骨👍🏽!我拍檔嗰個唔知乜嘢慢煮牛筋腩。 一上桌我聞到一陣咖哩味， 好香，我就抽咗一舊牛筋嚟食， 牛筋食落去好淋，有牛肉香!好特別完全唔辣 好有東南亞風味.我最近爱上寫食評所以一定要寫下呢一間中環特色小店!食完之後埋單!嘩!兩位 150蚊有找 !一句講曬平靚正抵食!

今日和同事 唔想成日食外賣結果走咗落街 搵嘢食。 同事話唔知想食乜。 我一於認叻， 帶佢去一間新嘢， 這間餐廳#尚樓 , 其實我 幾個禮拜前都去過， 我覺得幾好所以介紹比班姊妹試下！呢間餐廳望落去普普通通, 其實入到去有條樓梯上一層有堂食咗位.我哋12.15左右係佢哋第一輪客, 服務員好友善 安排個座位畀我哋， 不過有個冷氣風吹住。我叫凍， 佢就即刻 安排我坐第二個唔怕吹親 有位置畀我哋。感覺好friendly！我叫咗佢哋嘅招牌菜海南雞飯海南雞飯一食入口唔覺有味精， 啲雞又滑， 完全唔覺得係雞油溝飯， 一食到落底冇油的！ 食落去好爽啖啖肉！我個同事叫咗 佢哋 嘅廚師推介， 日式 豬扒滑蛋飯， 賣相好靚， 好用心咁樣放埋紫菜㖭， 見到有啲想攞食我同事即刻讚我叻女！ 介紹佢去呢度食 午飯！

朋友介紹中環有間新開張嘅餐廳，海南雞飯好正，所以專程過黎試吓😉(但係佢無提我海南雞飯好早就會賣曬😫)今次食唔到，下次一定要早啲過黎食💪不過好彩食到另一個招牌菜“慢煮咖哩牛筋腩”，辣度適中，唔會搶左咖哩同牛腩既味，好啱香港人既口味牛腩同牛筋炆得好入味!因為下午茶時段，叫左個椒鹽豬排炒一丁! 有驚喜喎啲麵炒得乾身，唔油豬排夠脆又入味! 如果多少少洋蔥等蔬菜一齊炒會更爽口!

今日星期四 請咗半日假下午約埋另一半 準備去買 餸返屋企煮飯仔。 我哋喺中環威靈頓街， 遇見一個勤力的餐廳服務員( 後生仔）。 佢見到我哋兩個行過., 不停介紹同埋sell佢哋堂食或外賣午餐。 見佢咁有誠意好啦!就兩位! 這間 餐廳細細哋， 堂食要係鋪頭 複式物上上層。裝修係白色為主體,乾淨企理.一嚟到賣相我覺得唔錯, 上面仲有芝麻.雞扒煎到小小脆脆地。飯係用珍珠米, 食落啲珍珠米有一啲 日本魚乾味，好香口， 同一般番茄蛋包飯好唔同，佢完全唔覺油膩。 好香好好食.我嘅另一半我order 咗， 叉燒滑蛋飯。我見到個賣相唔錯 我即刻搶咗啲去食!佢嘅豉油 汁別好香， 肯定係自己整! 個蛋炒得好滑!特別一題係呢個叉燒飯上面有芝麻食落有芝麻香㖭!呢間餐廳總括嚟講不錯! 食完全唔口乾! 唔覺有味精!餐廳睇落去唔係特別裝修,但係乾淨企理煮出嚟嘅嘢 好用心. 我覺得係 臥虎藏龍 之地!備註.我臨走前買咗個外賣畀個仔. 我個仔不嬲鍾意食海南雞飯. 買咗返去我冇影相, 佢一開盒就食曬. 最奇嘅嘢就係成盒野無骨 ， 果然係去骨海南雞。 見微知處用心。

經openrice 外賣自取。見佢張滑旦叉燒飯張相好靚 價錢合理。咁set 12:45攞飯啦，點知唔夠搭半就話可以取貨 咁我要12:45先放工咪即係會凍晒啦。拎到返公司果然係凍既 連杯熱飲都完全唔熱啦（講緊今日三十幾度天氣喎）。打開一睇同張相差好遠 得5塊細叉燒，飯都少，滑旦就普通炒旦唔係好滑。好失望囉。不過service就幾好 個女仔好有禮貌。我見其他評語讚不過唔係食滑旦叉燒飯。等我下次比多次機會佢 試過第二個飯。同埋唔好咁早落單。

今日去左威霊頓街新餐廳尚樓食lunch. 去得早冇咩人, 直上樓上坐低, 點左個牛筋腩飯。牛筋腩入口味道香濃, 牛味充足, 冇味精 (本人對味精好敏感, 少少味精都會覺得唔舒服). 性價比高, 會再翻食.走個時見人食個日式雞扒飯, 好似好正, 下次試下.

我今天和我的朋友在中環行街，看到有這一間新的餐廳。我的朋友吃了椒鹽豬扒飯。佢話豬扒味道十分好和十分香。我本來想食咖喱牛腩飯，但係我太遲去所以賣晒了那裏的職員就介紹了我食這個秘製豬扒飯。豬扒很好吃因為我本來以為會好乾，但係好好味和蛋一起吃更加好。我平時唔鍾意食白飯，但係今日因為好好食所以食完。那裏的衛生OK，職員服務都OK。我如果下次去我要起碼要11:00至11:30點到，因為我很想吃那個咖喱牛腩飯。