Video
8-min walk from Exit A2, Kwun Tong MTR Station
continue reading
Opening Hours
Mon - Sun
08:30 - 20:30
Above information is for reference only. Please check details with the restaurant.
本身SeeFood 閨都幾鍾意去買呢間小店嘅花膠湯，有時會順便買佢啲水餃食，因為啲餃都算皮薄餡多，$40有8隻，而且有好幾款可以揀，當中韮菜豬肉餃啲韭菜都好香吓。佢仲會附上雞湯，同一杯菊花水，雖然杯菊花水有啲苦，又無甜味，應該唔係人人鍾意😂😂仲有最可惜嘅係堂食環境亦比較差，座位唔夠，又唔好坐，遇過天花滴水，冷氣太凍同埋有蚊滋飛來飛去，好困擾。後期SeeFood 閨決定唔堂食轉買外賣，點知都有蚊滋喺袋度飛出嚟，嚇得Seefood閨唯有放棄唔食🥺🥺
continue reading
今日lunch 第一次試呢間嘢，外賣自取 用whatsapp 早九個字落單，都覆得幾快，同埋都有耐性，問有咩湯又有圖，問有咩飲又錄埋音預返時間，去到就有得拎外賣 叫咗蔥油鮮雞飯（$68）加鮑魚響螺雞湯($20) 有雞胸兩嚿、雞翼尖一隻、雞翼一隻、雞槌一嚿，份量黎講都可以接受嘅，多返一至兩嚿雞會再好啲啦。 啲雞係真係有雞味，食得出唔係冰鮮嘢，雞胸就鞋，其他都ok 滑，塊皮充滿雞油味，啲蔥油亦都好香！ 將蔥油+雞肉（一定要連皮）+雞油拎黎撈飯，我覺得係幸福的。 純計飯、唔計加埋湯，份量黎講，食完都會七成飽嘅，不過如果佢有菜飯呀、糙米飯揀下就感覺無咁空虛。 至於個湯，無鮑魚鮮味，都唔重雞味，得些少響螺味，但都唔係鮮甜，湯裏面都無任何湯料嘅。我覺得大家可以唔洗嘥錢試。好彩佢啲湯唔好飲，如果唔係，作為一個湯人，以後嗌雞飯都要加湯就實在太重皮 一個70蚊有找嘅雞飯，喺寫字樓區都還可以接受，不過下次再食我會叫手撕雞類嘅飯啦，$48蚊就抵食啲，價錢貼地返少少 另外，如果可以將雞同飯放埋一齊，我會覺得無咁浪費，而家雞飯分開就嘥咗兩個膠盒，唔知呢間嘢會否考慮一下呢？ 簡單黎講：1. 落單服務2. 蔥油雞3. 份量🆗4. 價錢偏貴 5. 湯
continue reading
知道佢地開分店，有同事已經話飯嘅味道唔錯，開業頭幾日經過，員工極力推介杯裝湯，對於無飯家庭人士係非常方便！即場試飲「花膠雞湯」，雞味好香濃，亦飲到花膠果種「漿住個咀」嘅感覺，飲得出真材實料！所以之後都買過兩次，亦有介紹同事買！今日突然湯癮起，食飽Lunch大約2點，同樣買花膠雞湯，返到公司打開杯蓋已覺得冇香味，質感非常稀，飲一啖更係淡而無味，好似溝咗水咁，完全唔係之前飲開嘅味道！真係極度失望！以後都唔會再買！
continue reading