意日菜 (Closed)

同朋友係旺角即場揾既午市餐廳，未睇Openrice前就入左去，其實食落都唔差。一分錢一分貨啦！個人覺得可以再食多次👍坐低叫完野食睇Openrice先知有咁多負評都真係有d驚，但其實都唔差😁我叫左個招牌焗芝士薯蓉肉醬千層麵，初初睇其他人講薯蓉好多，千層麵又冇味只靠肉醬吊味，都驚自己中伏。但一上枱之後其實好香薯蓉味，如圖都焗到好靚，至少唔係一pat放落去😀比例都Ok，女仔份量有點多（加上有湯有野飲）食左6成已經飽了。下次會再叫👍另外叫左個吉列豬扒拼照燒雞扒大碗飯，賣相唔錯，話食落都冇其他差評講到咁差（但差評話豬排冇豬排味喎），食得過。不過下次未必再揀翻呢個啦。另外套餐仲有湯同飲品。湯叫左忌廉湯，係咸左少少，同冇乜粟米，但飲得落肚既。飲品就叫左芒果紅茶同蜜桃綠茶，其實同平時係專門店冇乜分別，幾好飲❤我地入黎係12:45到，個時人唔多仲有空位，到13:45走既時候就每場枱都有2-3個人。全場得一個侍應生，態度唔差係少出聲。野食上碟速度快，亦到夠熱，放左係度十幾分鐘都仲係熱👍間舖暗得黎舒服，價錢又合理，至少係旺角呢頭都好難揾到咁既價錢仲有湯同飲品。

星期日的下午茶時段入座，未滿座但只有一位侍應，對他來說已經很忙吧...入正題，我點了一客下午茶—蒜蓉汁牛柳長通粉，飲品要了熱檸蜜，盛惠$34免加一。這個價錢來說不能要求太多，長通粉份量跟一般餐廳的午餐份量差不多，換成下午茶沒有縮小份量的，而餐飲用的杯也算大，所以全部吃完是挺飽的。味道方面，蒜蓉汁就像一般港式西餐那種汁，只是較大顆的牛柳粒咬下去有筋，很難咬開。小粒的反而較好吃，咬下去脆脆的，好像炸過的感覺。基本上就是逛來逛去不知往哪裡吃，不想等位又不想吃太貴的時候，我偶爾還是會來這裡吃。還好這裡款式算多，雖然味道不出眾，也不能說難吃，純粹為了填飽肚子是不錯的選擇。

真係幾正😛☺️😋😋叫左吉烈豬扒年糕。年糕好煙un！！👏豬扒又脆，唔油。最好食係豬頸肉，肉質超好。重叫左炸蝦天婦羅，入口鬆脆，配埋沙律醬，啱啱好，加埋兩杯熱飲，䁔笠笠。😛🐽🐖🍍🍡☕️🍵價錢方面，啱曬我地這些學生哥，可以話平過茶記，經濟又實惠，但質素拍得住西餐廳🤑🤑一定會再黎！！位置又方便，一出地鐵站就係 旺角中心㸃，食完又可以購物，一條龍。兩個人都係食左百幾蚊，已經超級飽🤗🤗🤗🤗

如無意外在旺角的工作來到尾聲，今天和同事快手完成，預計完成午餐後應該可以回公司了。心情頗好所以今天午餐打算吃些好東西慰勞自己，見到這間門面頗多選擇，便被吸引入去了。內部有點暗⋯這也不妨。餐牌選擇很多，日韓意式都有，真的好fusion XD可以配飯或意粉而我選了年糕。跟主菜有餐湯，我和同事都選了羅宋湯。第一口已經覺得好甜，超級甜。個人比較喜歡少許辣的羅宋湯，但這湯只有甜味，我喝了一半就放棄了，真的喝不下。年糕的醬都是同一味道⋯甜味⋯豚肉沒味道，年糕好煙韌，但甜味蓋過一切食材的味道，不論是菜，豚肉，蘿蔔，全都是同一種味道⋯天啊，這是甚麼食物。整間餐廳只有一個侍應，惟一值得一讚是他很勤快，但食物的質素有點低，我想不會有下一次了。

距離補習仲有2個鐘，就同同學行下街睇下有咩岩食。經過見到門口大大個牌，寫住tea set時間，但個牌上面有牛扒 意粉 焗飯。價錢勁平，$3x就一個set。一心入去試下會唔會伏🤔🤔🤔入去d位比較窄，但d選擇好多。最後左個牛扒+薯菜。牛扒半熟，有小小燶邊，較厚。講真$35包野飲有咁嘅質素完全意料之外🙈🙈🙈

旺角lunch time食咩好？選擇多蘿蘿啦！中，西，日乜都有呀，我自己就中意去女人街呢間意日菜食，無他既，因為平，靚，正！餐廳唔係好大間，如果想長d時間坐下傾下計就唔好啦，因為都迫迫地同埋窄窄地，今日食左焗葡汁雞皇意粉，呢個套餐有湯有飯有野飲，又唔使加一真係好抵！話晒焗飯時間都需要15分鐘，份量一般，女仔黎講係夠既，葡汁甜甜地幾好味，汁又多，用晒黎送飯真爆！雞皇係雞扒，食時方便快捷好多，有d係用雞胸，比較麻煩，呢度用雞扒好處係好滑，雞肉又嫩又滑∼呢個係焗飯，葡汁焗得有d焦，焦焦的葡汁仲有d脆口，特別！提一提，lunch time去一般都要等10-15分鐘先有位，太趕就唔好考慮呢！

今晚我們去咗旺角通菜街嘅「意日菜」食晚飯！我們叫咗釜山蒲燒鰻魚石頭鍋飯、照燒牛肉石頭鍋飯同釜山日式咖哩鷄扒石頭鍋飯嘅飯焦好香口脆身，鰻魚嘅肉質都幾軟滑，牛肉嘅肉質好滑溜，鷄扒嘅肉質好鬆軟嫩滑，咖哩汁嘅濃稠度啱啱好，味道相當惹味濃郁！照燒鷄扒拉麵嘅拉麵比較幼身同爽滑彈牙！鐵板照燒牛肉炒年糕嘅年糕相當煙韌彈牙，牛肉嘅份量超多，好似一座小牛肉山咁，真係好抵食！餐湯：羅宋湯嘅味道非常鮮味濃郁！忌廉湯好香滑，唔會太稠身！

今日下午我們去咗旺角通菜街嘅「意日菜」食下午茶！我們叫咗焗葡汁鷄皇意粉嘅醬汁超稠身，鷄肉嘅肉質都幾軟滑，意粉嘅左麵質比較腍身，唔係好彈牙！照燒鷄肉石頭鍋飯嘅鷄肉燒得好香濃惹味，肉質好嫩滑，飯焦亦好香口脆身！脆香鷄脾拼肉醬意粉嘅鷄脾炸得好金黃香脆，肉質嫩滑多汁，唔會好乾身，肉醬都幾惹味！日式蒲燒鰻魚大碗飯嘅鰻魚同平日食開嘅唔同，肉質比較霉同薄身，一啲都唔厚身同爽滑彈牙！

第二次世界大戰的邪惡軸心中，主力始終是納粹德國，沒有強大的德國，意大利和日本根本不成氣候，沒可能對抗其他歐美強國。它們的野心，到了最後，也以失敗告終。時至今日，這間以意日菜為名的餐廳，同樣包含意大利和日本的元素，而且同樣失敗。只不過是一個但求飽肚，無甚期望的午餐罷了，實在想不到即使沒有期望，竟然還有失望。先說最差的「忌廉湯」。自問讀中學時期也喝過不少口感像漿糊似的劣質忌廉湯，但起碼它們是有味道的，但這天的「忌廉湯」，除了口感稠得像漿糊外，竟然一點味道也沒有，實在難得！這兒的餐飲有一樣吸引的，就是除了一般的冷熱飲品同價外，還有珍珠系列和紅綠茶系列飲品可選。這天我喝的，是「椰香珍珠奶茶」，味道比餐湯好，算是比較正常，但也只是過得去而已，算不得好喝。來到正主兒，這午餐的主角「招牌焗芝士薯蓉肉醬千層麵」是餐廳的招牌推介之一。但可惜地，我一點也不覺得它值得作為推介。那些舖得滿滿的薯蓉多是多了，但實在太多，而且味道也不見得怎麼好。埋藏在下面的千層麵味道就普通得來份量也少，結果這招牌菜我只是吃了一半左右便沒有再吃。對這一餐，其實真的沒有甚麼好說，只需兩個字便已足夠。這兩個字是甚麼？告訴你，是「失敗」

服務態度係旺角我都無話expect d乜。我點了焗煙肉磨菇汁石斑帶子長通粉，羅宋湯到了，一飲，好多鹽。。。通粉到，實物完全同相唔一樣，賣相差，不過心想味道好就ok，點知都係好唔掂，通粉overcook，魚肉難食，醃左好耐。朋友叫了雞扒有薯條，薯條係淋，好油益，估計擺了翻炸。最後覺得食麥記好食好多！

相約朋友閒聊，西洋菜街經濟下午茶之選我點了的炸魚配薯條，有點令我失望，當然也明白，一分錢 一分貨，魚柳炸很頗乾身，邊緣有點硬，吃下去無魚味，薯條有一種被翻炸的感覺，只感到油炸味很重的感覺，內裡少冷。都能吃掉9成，以價錢來說，是合理的。凍檸茶不夠檸檬，茶也不夠澀

約左朋友係旺角食飯未諗到食咩之下 行行下就黎左意日菜每次黎食都會食焗肉醬薯蓉千層麵題外話: 呢到冷氣比較大 想坐耐d傾計可能要坐卡位好d焗肉醬薯蓉千層麵(包餐湯)好鐘意食邪惡薯蓉 食落口感受到罪惡感薯蓉足量 但肉醬比較少 千層麵自己比較鐘意淋d 會同肉醬夾d等朋友放工黎所以慢慢食但冷氣真係太大 食左一半都已經凍哂而且份量真係幾多 所以都食唔哂

打完波太肚餓，一坐低很快便Order了個吉列豬扒湯拉麵，價錢還可以，$39麵可能改良了，沒有如之前的食評形容般過腍，算是適中。豬扒分開上值得一讚，不會被湯水浸到又濕又軟。豬扒外脆內軟，而且幾入味，配合沙律醬幾好味服務方面整體是OK的，紥馬尾的少女幾斯文有禮，反應也快

原本打算開開心心同班fd 去食餐飯, 點知換黎嘅係不快嘅回憶。經過見到依間鋪頭入面坐滿人，咁岩有人埋單，於是我地呢班肚餓又唔知食咩好嘅人就中咗伏。大概坐滿人係因為鋪頭細，會有人想入去試係因為唔貴。我地一行四人，叫咗三款唔同嘅野食，四杯唔同嘅野飲，仲送忌廉湯。點知八樣野，冇一樣係好食，勁!湯，愈飲愈口渴，其中有一碗仲要有結舊，即係好似金寶湯未開水咁嘅款，失敗！照燒雞扒冇雞味，又乾，失敗！豬頸肉鹹到好似鹽唔洗錢咁，失敗中嘅失敗！石頭飯加咗隻蛋，完全係食緊雞蛋撈飯，失敗！炒烏冬又係鹽唔洗錢，仲要四十幾蚊得一個壽桃牌幾蚊個咁嘅分量，失敗！最慘係杯野飲，啲水果茶淡到冇味，仲有啲薄荷味，好似漱口水咁，仲衰過用菓然系開水，失敗！珍珠奶茶完全似飲開咗水嘅奶，雖然加咗啲黑色粉團係底點綴杯飲品添，不過難飲到嘔！好地地一餐晚餐搞到咁，你對唔對得住啲客?!

呢間叫得做意日菜, 特色就係又有意大利菜, 又有日式菜, 鐘意西餐日餐的朋友都可以一齊黎食所以都同Friend黎過幾次我嘅係豬扖雞扖大碗飯 ($38)一個餐有豬扒雞扒, 真係雙重享受都OK大塊同多, 炸得外脆內軟, 肉質唔錯朋友就叫左個吉列豬扖湯拉麵($39)佢對豬扖的評語同我參唔多, 不過D麵佢就話太腍, 無咩口感下次再黎就試下意大利菜先