老鳳冰室 (Closed)

BBQ雞中翼味道類似西餐嘅水牛城雞翼，但相對無咁辣。不過都係非常香口。蝦多士不油膩、夠乾身、唔燶唔黑又脆口，咬落脆卜卜！芝士焗生炸雞髀保齡球即叫即焗嘅農夫包 + 即叫即炸嘅炸雞髀，外脆內嫩，邪惡得黎又非常惹味 + 熱辣辣嘅芝士醬汁…會有唔好食的理由嗎？原味波波冰鎮奶茶用左奶茶整成嘅冰波取代冰粒, 令奶茶唔會因為冰粒而溝淡, 正 !!除咗裝飾有舊香港情懷外，現場不斷播放80年代經典香港流行曲，真的很有 Feel...

之前在深水埗經過都有留意過這間餐廳，想不到在葵芳也開了間，餐廳裝飾一樣主打懷舊路線，玩味十足。連張紙巾都不放過～除了包裝外，食物同樣懷舊得黎有點新意～飛仔華田濃濃的華田上加上忌廉同可可脆粒，還有可以吃的啤牌餅～黑松露炒蛋多士雞蛋炒得非常滑，而且份量超多，完全掩蓋烘底的多士！黑松露的份量也不吝嗇～肉夾饃🥙想不到在這裡都吃到陝西的小食，挺多元化的。包著的肉餡香辣惹味～焗茄蓉豬扒保齡球一看以為是放大版的豬扒包，原來是大大個脆豬入面放著炒飯、茄蓉、大大塊豬扒和芝士。另外還配有芝士醬用來點脆豬～餐廳選擇開係住宅商場的確方便不少街坊，位置不錯，有機會再黎食個早餐。

由深水埗開到葵芳 同樣滿座😎 雖然懷舊裝修 但食物非常創新的 所以好受上一輩同後生歡迎 呢點幾高招👏👏.🍳黑松露炒蛋多士$38🍳招牌菜之一 蛋算厚亦很滑 但蛋香差少少黑松露正常 係幾香嘅👍多士都厚 但可以烘得更外脆🍞因為滑蛋會令外皮變淋🙊.🍮流沙西多士$28 包餐飲 (下午茶餐)🍮第一次點呢個 有驚喜啊😍真係好流沙 係甜中帶微咸嘅流沙奶黃牛油令成件事更濃香加上酥脆炸多士 呢個真係唔錯👍.🍡雪米糍紅豆冰$28🍡4小粒雪米糍加上忌廉多紅豆粒 而且仲有顆粒感的真係好耐冇飲過紅豆冰所以幾過口癮😚.飛仔華田$24同樣一大篤忌廉😆華田夠濃 中間有啲脆米兩款飲品都大杯 建議同人Share👭

很久沒跑去葵芳走走了, 除了逛街, 也順便去了新開張的 "老鳳冰室" 試試, 聽說這裡的裝修大玩昔日香港及懷舊風的設計, 可重拾昔日小時候所見的環境, 回味一下! 到步後, 遠遠已看到店舖名字, 大大的字體, 設計成空郵信封般, 一定不會找錯門口~哈! 而內裡設計, 最令我感熟識的就是這牆上掛著的婚宴布景板, 小時候去酒樓總會看到的佈置! 還有一些寫有搞笑字句/食品名字的燈箱, 也放有不少明星海報! 眼睛都吃下不少懷舊環境的設計, 也應該快快點餐了, 沒想到連餐牌也用空郵信封設計, 夠特色! 我倆去的時候剛好是下午茶時段, 所以分別點了雪菜豬扒上海湯麵($38) 及 XO 醬蔥油雞扒撈一丁 ($48)! 上海湯麵餐原本跟有肉夾饃的, 但剛售罄, 所以改跟多士 + 炒蛋! 而撈丁也跟有牛油厚多士的! 雖然是下午茶時段, 但兩份餐的份量也挺足的, 味道也算不錯! 另外, 我去的日子還是在農曆新年期間, 餐廳沒有將價格提高, 令我倆沒有因新年期間而出現被搶錢感覺! 兩款下午茶餐都沒有跟飲品的, 如需配飲品, 便要附加特定金額, 由於第一次來, 通常茶餐廳我都會以奶茶為我首要試的飲

老鳳冰室！成日都見人打卡！原來新開左葵廣附近有呀！！所有嘢都好懷舊啊長上邊仲有好多舊式嘅裝飾打卡指數滿分😉🥰✅✅✅另外佢哋嘅用具都別有特色就算連加落去飲品嘅糖都係原粒方糖☺️😍係細細個去冰室嘅感覺🥳一場黎到有下午茶就梗係一人食飯一個啦三人行去到要左三份餐🎈老鳳多士（$40）茄碎、黑松露、芝士、茄醬係一個Pizza嘅口感配上多士嘅餸菜，芝士嘅拉絲🥰重點係佢哋嘅黑松露係非常之多密鋪平面左成塊多士🤤🤤🤤🎈流心西多士（$28）係細細個食奶皇包嘅感覺啊，西多入邊有一層奶黃，半流心液態🥳！外邊揸到金黃鬆脆😉上面仲有厚身正方形牛油🥳😋，如果覺得仲未夠你適合嘅甜度，佢哋仲有糖漿係隔離俾你點西多添🥰🎈蝦多士（$38）係吉列感覺嘅外層，入邊有一層蝦餅😋而且仲有沙律醬俾我哋配埋！估唔到係咁大塊一開8😍我地認為冰室食，食一定係食多士！😂🎈飛仔華田（+$14）打卡顏值200分😍 係店內有特色嘅嘢飲之一！上邊有一大層忌廉配埋裝飾食用嘅撲克牌！上面仲有一啲脆餅🥰成件事又好影又好飲✅🎈益力多加冰（+$14）🎈話梅柑桔🍊蜜 （+$14）粒話梅用咗係杯嘢飲入邊真係"酸酸maymay"好好味🤤開胃又消滯！即刻諗返起細個小息時

葵芳附近最近開了一間冰室，無論是招牌還是內在都非常有復古的感覺。餐牌就好似信封一樣，比較有特色，而且價錢合理。今次就選擇嘗試一些比較特別的菜式，焗芝士海鮮保齡球🎳看起來好像一個保齡球切開兩邊的麵包，裏面包含很多焗芝士海鮮，最重要的是裏面有飯！不是麵包加海鮮咁簡單。而且旁邊有一些芝士醬，吃麵包皮的時候可以添加令口味更加豐富，最主要是另外擺放的麵包成舊都非常香脆！蜜焦薯仔牛柳飯比較特別是薯仔，表面焦香有蜜糖，口感香脆，而且牛柳調味十足有充足鹹香，加上沙律菜及黑椒白飯已經非常豐富。飛仔華田飛女可力都是非常特別創新的飲品，表面有一層口口的cream和一塊看起來像啤牌的餅乾，兩者放起來一同進食像清新的甜品。也有很多不同的早餐脆片在表面，無論是華田還是可力的甜味也是接受程度範圍實在值得一試。

呢日放假陪同閨密W出遊，去葵涌廣場逛街血拼，逛到2點幾都未食午餐，上網見到附近嘅老鳳幾有特色，知道W好鍾意影相，一於行過去食嘢兼打卡。葵廣落天橋沿智芳街向北，行無耐已見似舊戲院嘅後門，行入恒景商場至見餐廳入口。門口似個航空信封內裡好多懷舊裝飾影相位，餐牌都似信封。既然嚟到懷舊餐廳，就叫啲懷舊食物啦，仲要試埋特色飲品。飛仔華田係凍華田，面頭加咗忌廉同脆片，仲有塊啤牌裝飾，食得架，質地似蝦餅，W話出乎意料好飲喎。流心西多士 ~ 好邪惡炸到香噴噴嘅西多士，一切開，啲咸蛋流心醬就流出來，味道有啲似咖吔，創新得嚟又幾好味蝦多士外皮香脆，質感比較實，蝦味濃，點沙律醬最夾，有一小碟沙律跟上，唔錯原味波波冰鎮奶茶粒波波奶茶冰好正，令杯茶越飲越有味食客們响店內不停影，當然我哋都唔例外，仲有幾個帶埋成套攝影器材添

店鋪裝修滿有特色,行懷舊冰室風格，有經典龍鳳牆、街牌、舊時海報等，彷如重回70年代，仲可以食到多款懷舊小食和飲品～.*焗安格斯牛腩保齡球圓形農夫包就是保齡球般,外脆內軟且都幾大份,蓋底呈金黃色,點些濃郁的芝士醬,包底挖空左再放餡料入去,安格斯牛腩肉質軟腍,一份保齡球已可很飽了.*黑松露海皇炒飯炒飯味道濃郁也有鑊氣惹味,炒飯乾身入口才有嚼頭,魷魚幾多下,也有蝦,蟹柳,都算合格而黑松露在吃後一會兒有小小香味.*懷舊雪糕紅豆冰 & 紅豆波波奶茶很喜歡雪糕紅豆冰內的4-5粒雪米糍,有芒果芝麻等等味道,十分足料頂部插左紅心8既啤牌,加上滿滿的CREAM,賣相不錯,來打卡吧~波波奶茶三個波波球，好濃味兩杯底部也有海量紅豆軟綿香甜,唔錯

今日和朋友往葵芳老鳳冰室食晚餐, 我們點了焗芝士海鮮保齡球,焗茄蓉朱扒保齡球、原味波波冰鎮奶茶和懷舊雪糕紅荳冰。焗芝士海鮮保齡球賣相吸引, 材料有海鮮, 面包和飯。海鮮足料有蝦和魚, 蝦食落彈牙, 魚肉質鮮嫩,飯食落乾身美味, 保齡球面包食落香脆, 配上香濃芝士食落惹味；焗茄蓉朱扒保齡球茄蓉食落開胃, 朱扒軟腍, 蕃茄蓉食落開胃；最後原味波波冰鎮奶茶茶味香濃, 奶味香滑。冰室座位舒適, 擺設猶如置身七十年代, 有以前酒樓婚宴的鷥鳳和鳴設計, 懷舊信箱袋等, 食物美味有特色, 份量十足, 價錢適中, 我和朋友食了一頓特色美食。

屋企樓下新開的冰室，雖然有食過别的分店，但在想不到食什麽的時候又多一個選擇了！室内懷舊的設計别有一番風味芝士大蝦球濃茄湯通粉配奶油豬番茄控的我絕對不會錯過！滿滿的芝士和茄湯好搭，茄湯是偏甜的那一黎， 少了一份酸味，內有4隻大蝦，做到真正的爽口彈牙！通粉亦不會太腍，整體很不錯。奶油豬有很多煉奶！鬆脆！這個下午茶超飽的！醬皇大蝦球撈一丁配牛油厚多士第一次見麵包和主食放在一起上碟，醬皇就是xo醬，是挺香辣的！有蝦乾有瑤柱，雖然食起來味道有點單調，但幾惹味的！大蝦跟上面的芝士大蝦球是一樣的！流心西多士奇怪沒有糖醬，待應就說本來流心會很甜，如果不夠甜可以再加，内裡就像流沙包一樣！的確很甜，不需要加任何糖醬了！建議趁熱食，外面炸得脆脆的，內面暖呼呼的，值得一試！波波冰鎮奶茶及咖啡這裡的招牌飲品是必點的！用奶茶/咖啡做冰，即使溶出也不會溝淡本身飲品的味道！是個很貼心的做法。奶茶好rich，奶味比較重，入口順滑。咖啡很出色！偏少少酸，不過我挺喜歡的！上面的cream有撒上咖啡粒，苦苦的咖啡再加cream的甜味配合得剛剛好！果然是招牌

懷舊雪糕紅豆冰，特色飲品的確賣相正，質素高黑松露炒蛋多士香氣四溢美味黑松露海皇炒飯蜆仔肉、墨魚片鮮蝦 、炒飯粒粒分明，不油不膩加上松露香非常好吃蜜焦雞翼同樣即叫即炸，大大隻雞翼蜜味香濃生炸雞脾焗薯泥🍗多汁唔乾，火🔥位唔過，即叫即炸雞🍗肉嫩，加埋肉醬薯泥配搭新鮮黑松露炒蛋多士，穩中求進既感覺，佢蛋香味十足，火喉把握到位，滲入松露既濃香加強香味感受到北海道3.6牛乳的香滑 ..............................今晚在充滿懷舊的氣氛下，完成了一個豐富的晚餐🥣推薦大家試下

昔日，與爸爸閒談時，他總愛懷念舊日時光，『舊時點點點...』往往是他的口頭禪，『舊時』真的那麼好嗎？ 別了爸爸，閒來時 BeautySearch 也會來探望一下媽媽，免她一個人太孤單！除了可順道逛逛『葵廣』，偶然也會在邨內蹓躂...... 早前就發現，邨內的小商場，竟然開了一家很別緻的懷舊茶餐廳 - 《老鳳冰室》 店子在設計及裝潢方面花了不少心思，注入了不少老香港的點滴及場景，對我而言是一份新鮮感；對媽媽而言卻是昔日情懷，叫人回手味！ 我們點了兩個餐一同分享，先來我最愛的芝士，這裡有不少撈丁選擇，出前一丁可算是陪伴我們成長的主食之一，而邪惡的芝士更是這裡最受歡迎的撈丁選擇，我們點選的是「芝士豬頸肉撈丁」HK$48，一片片的豬頸肉，不但有口感，而且調味恰到好處，不過，謹記撈丁上桌時，等一時間把半溶的芝士拌均，就更滋味喔！ 往日的娛樂少，聽說保齡球在當年相當流行，吃得的保齡球又如何？這晚我們點選了一客「焗芝士海鮮保齡球」HK$68，以球型的包包盛載著，十分有趣，而且包包外脆內軟，相當有口感。上桌時，套餐還伴隨著小碗子的醬汁，滋味濃郁，將包包蘸一點醬汁一同品嚐，就更芝味濃郁。

今日行完葵廣，見冇乜野做就找下野食,點知俾我搵到呢間懷舊冰室我男朋友住呢頭，佢話之前要好多人排隊,好在個日收工晏，有位唔洗等我一入到餐廳就深深被佢周圍既佈置吸引住❤️❤️佢首先有凸出泥既火車poster,後面又有老凰茶樓既紅色婚宴牆,而餐枱上面既糖粒，牙尖同menu 既 container 都好趣緻，details做得好足餐牌方面,除左menu上面既食物之外仲有電視機上面既是日晚餐，我就叫左個美式bbq醬燒春雞配芝麻醬意粉，我男朋友就叫羊扒。第左冇幾耐，燒春雞就泥啦!!!首先我要凍讚下佢個plating,上菜唔會好悶咁放係大大就碟上面，佢係放係塊靚靚木針板上面。因為係美式既原故，春雞上面仲有支美國🇺🇸旗仔，好得意，好有心思❤️美國bbq醬係雞上面好均勻分布，唔會有d位特別重味。隻春雞亦都焗得岩岩好，隻雞出泥仲係好puffy,多汁，雞脾位都好嫩。我都食到停唔到口。至於羊扒，真係係我預期之外。羊架都好有誠意用針板上，而且仲有d沙津添本身以為茶餐廳level羊架可以好得去邊，點知真係喜出望外。佢地用既係西餐煮法，羊架上面有一層芥末bread crumbs去煎，加埋甜甜涼涼既薄荷醬，絕對差唔過好多西

葵芳返工既我有新餐廳出, 當然要拉大隊啦！今日同同事去食依間老馮餐廳, 十二點半左右去到已經要排隊, 不過坐位都多等左兩三個字就入座了, 午餐既選擇唔係好吸引我,所以 我簡左蕃茄芝士通心粉, 再叫左個蝦餅好食, 上枱個樣就覺得幾吸引, 可惜味道好一般般, 湯底唔夠濃, 雖然加左成片芝士但我飲唔出有芝士味, 牛肉肉質一般, 跟餐個滑蛋唔香, 食唔出有奶味, 飲普通野要加$8, 紅豆冰依類特飲要加$16up, 實在唔多合理, 我係大x樂叫到紅豆杯下午茶都係比多少少錢, 同事叫左撈丁都大叫話冇下次！非常失望！

今日約左朋友去葵芳行街，知道附近開左間茶記老鳳冰室，而且冰室既裝修好特別，有好多經典既街牌、舊海報、鐵信箱，就連menu既設計都好有心思。以前好興既懷舊小食包括蝦多士、雪糕紅豆冰、鐵板餐都有，亦有其他新式小食，就好似鹹蛋黃西多士同芝士保齡球，有選擇困難既我好難揀啊！我地叫左個芝士牛肉濃茄湯通粉，個餐包埋牛乳炒蛋配肉醬焗薯泥($48) ，感覺都幾抵食。通粉鋪左一層芝士，建議攪拌一下連通粉一齊食。至於蕃茄湯底，個人覺得比較稀，略嫌蕃茄味道較淡。因為個餐跟埋個炒蛋同薯泥，薯泥配埋肉醬一齊食，味道吾錯，個人幾鐘意。原先我地想試都幾多人鐘意既芝士保齡球，當時下午2點半，想叫既時候已經冇晒，如果想食既話，記得留意時間。所以我地叫左個鹹蛋黃西多士($28)，聽講切開之開後會有流心，好期待。西多士炸到金黃脆，賣相一流，侍應仲提我地要趁熱食，雖然切開之後並冇流心，不過中間既鹹蛋黃醬都好好味，真係值得一試。值得一提既仲有依杯原粒波波奶茶，黎到時候係有粒好大粒好似雪人形狀既奶茶冰，可以keep住奶茶既味道之餘仲可以攪碎d冰連奶茶一齊飲，口感都幾特別架！