Lobster Une

Open Now

Now Closed

呢間野令我大開眼界，本身見佢幾有特色，好似唔錯，所以諗住試吓。情人節黎一個set 288，加下湯同甜品或者嘢飲，基本上預係36x 大左右。問題黎啦，第一道前菜-龍蝦湯，係等咗足足一個鐘都未出，可能因為當日節日氣氛，大家都冇催。大約一個鐘零15分鐘，龍蝦湯終於出現，味道 ok laa…. 但湯入邊一隻龍蝦都冇，可能係我以為食龍蝦嘅專門店會足料，但其實係冇嘅；下一度已經係主菜，歷時再多一個鐘，途中老闆娘不斷反反覆覆咁問我哋有冇點呢樣點嗰樣，每一枱都係咁，落單非常混亂，樓面同廚房人手嚴重短缺，而且欠缺管理。我哋叫咗兩個主菜，一個係牛，一個係牛加龍蝦，但臨上菜嗰時老闆娘再補多句話龍蝦而家賣晒，一隻都冇。咁都冇計唯有轉做雞肉…. 係，全餐飯係冇龍蝦食嘅。最誇張係雞肉果碟，有個薯蓉但可能叮唔夠時間，中間仲係冰冷嘅；叫佢換都廢事，因為可能會等到食宵夜。最後係甜品，一個心太軟，一個士多啤梨味dounut ，同樣係巨伏。本身以為呢個檔次餐廳心太軟至少會係熱，但唔係，都係凍嘅，個味道大約係落樓下麵包舖嗰隻味；個冬甩本身個味係ok，但個士多啤梨醬就係落樓下睇西醫抗生素嗰隻味。總結，成餐飯食咗差唔多三個鐘….

個別店員的服務態度差劣，我們進入餐廳後只叫我們上閣樓等等，但一直沒有為我們安排座位，最後我們只好隨便坐下來。食物選項少得可憐。情人節套餐本來有4個主食可供選擇，但落單時很多食物已經停止供應，例如餐廳主打的龍蝦已經售罄，根本上沒有任何選擇可言，惟店員拿餐牌給我們時並沒有提及上述情況，白白浪費我們閱讀餐牌的時間。食物質素同樣令人失望。蘑菇湯是凍的，芝士牛柳卷被換成了普通牛柳粒，而且丁點兒芝士粉或芝士粒也沒有。更令人無奈的是，上餐時間甚長，旁邊的顧客等候超過1小時，仍等不到他們的食物，最後與店員理論一番後，便氣著離開了。總括而言，只能說我被這間餐廳不知從何而來的正面評價欺騙了，這次用餐體驗一個「差」也不足以形容。

Ordered a set for two, inclusive of two appetizers, two main courses, desserts and coffee/tea, priced at $468 plus service charge.Service: The waiter/owner was cheerful, but despite an occupancy of no more than 1/3, service was slow and uncoordinated.  The waiter, forgetting to put in our order the first time, had to come around taking our orders a second time 5 minutes later.  Both main courses, “lobster bread” and “curry crab bread” came before the two appetizers.  It took the waitstaff over 1

悠閑既weekday同男朋友去西貢拍下拖🥰平時黎西貢都係飲茶食海鮮今次沿住海鮮街行入少少發現內街有好多特色餐廳呢🫶🏻今次我地揀佐呢間裝修幾別緻既lobster une🫶🏻—————————————-Pork Ribs —————————————-擺盤好靚 肉質好軟腍啖啖肉 唔會好多脂肪同好肥膩😆薯角炸得好酥脆🥰食到停唔到口—————————————-西班牙蒜片蝦配面包—————————————-蝦肉好爽彈👍🏻好香蒜片味🥰最驚喜係個麵包 外面焗到好脆但入面就好鬆軟🫶🏻—————————————-Mocktail - Florida—————————————-呢度嘅Cocktail款式好多如果唔係揸車過嚟西貢都想試吓佢嘅Cocktail🥹🥹Mocktail有幾款試咗老闆介紹嘅Florida甜甜地有啲水果味幾好飲🥰

Food:個炭燒牛和大蝦係非常推介嘅👍🏻， 好有層次感， 有鹽有芥末醬點。薯格都好crunchy。本身望落啲牛肉好似好乾，但係一食落去 好多汁 中間大概五成熟， 炭燒嘅味道好strong 唔錯唔錯相中嘅龍蝦燴飯 雖然好味，但係性價比唔太高，238$。 啲肉偏小，但係個汁非常好味！Staff altitude:嗰度嘅職員好friendly 亦都好熱情, 基本上同所有客人都會傾偈， 態度好好 😀Environment:The overall environment is chill and cosy. It’s a nice place to enjoy chitchatting with friends.

適逢聖誕假期，就想到西貢感受一下氣氛，所以就來到西貢吃了一個西式午餐。這間店舖的聖誕氣氛很濃厚，有着滿滿的聖誕裝飾。而這間店舖的特色是以龍蝦為主題，所以我們就試了一個套餐。🚩一人餐 (炸軟殼蟹、龍蝦pizza) $248軟殼蟹炸得很鬆脆，中間切開有看得見的蟹膏。而龍蝦pizza也看得見有不少龍蝦肉舖了在Pizza上面。這個份量如果一個人吃，是剛剛好的，不會浪費食物。🚩辣肉腸意大利麵 $108意大利麵的口感彈牙，不會軟淋淋的，配搭着辣肉腸是經典的味道。整體用餐感覺良好，非常適合輕輕鬆鬆地渡過假日。

講起西貢一定會諗起海鮮😗唔止中式海鮮菜館，知道有間專門食龍蝦既西餐廳好有特色🦞今日假期入西貢玩就去試試招牌龍蝦包😆龍蝦包 龍蝦包用料十足，主角澳洲龍蝦肉味道鮮甜，啖啖肉口感實淨又彈牙，穀物麵包亦都烘得香口，麵包鬆軟配合包面滿滿芝麻同果仁，外脆內軟，中間夾左生菜🥬，令入口非常fresh👍🏻伴碟配菜有炸薯格，熱辣辣香脆可口，唔油膩🥔日本和牛肉醬螺絲粉 以蕃茄調味作主調，餐廳既日本和牛肉醬跟一般唔同，肉醬仲見到粒粒牛肉粒，有口感，醬汁集咸、甜、酸味於一身，螺絲粉既扭紋更加索盡醬汁，食起黎更加滿足🍅

♨️Lobster UNE 西貢灣景街16號地舖♥️放假閒遊西貢，見到呢間餐廳幾靚就入咗去試吓，裝修典雅員工有禮，食物高質絕對可以好好享受一餐🔷西班牙辣肉腸長通粉辣肉腸好食，個汁夠Juicy夠掛麵🔷煙三文魚薄餅好香三文魚pizza餅底夠薄夠脆口🔷Latte🔷Iced tea🔷芒果荔枝沙冰杯果汁係老闆娘送嘅好好飲食物：8/10抵食：7.5/10環境：8/10

好多時黎西貢都只係去揾海鮮食, 但有次我行入的內街原來有好多西餐廳小店, 而我今次黎係將近聖誕節🎄好多燈飾更多份節日氣氛!🤩好浪漫!今次我地就黎其中一間西餐食個輕食晚餐喇, 店內好多佈置, 西式味道更濃厚! 我地就坐係佢地outdoor位置, 慢慢享受西貢人既慢活感覺😊1/ 特式德國豬手🐗 $268餐廳用左48小時去醃製, 所以香料味道好出眾, 而用低温慢烤既方法時間岩岩好, 豬手肉質紮實但食落軟糯, 皮脆多汁, 非常飽滿😋2/ 雙重法國芝士薄餅🍕 $128其實佢地唔只雙重芝士, 係三重先岩! 因為佢地用左三種唔同既芝士而成, 味道相當濃郁😋 最正係佢既餅底, 好明顯食得出係Home made既Pizza, 厚身得黎但好脆口, 烤爐得恰到好處👍🏾我地食完老闆有走黎傾下計好chill, 得知原來佢地以前做私房菜, 唔怪得的裝修咁精緻, 食物咁令人與眾不同啦👍🏾

每次入新西貢諗住求其食啲嘢，但都會忍唔住入啲靚餐廳chill下行開灣景街，見到一間龍蝦招牌嘅西餐廳就入去試入到店內店員姐姐非常友善介紹今日菜單但今日得我一個人，所以我叫咗一個一人餐一人餐裏面前菜三選一主菜亦都係三選一前菜黃金炸蝦（蝦炸得啱啱好一啲油都冇好乾身掛滿黃金粒粒少少鹹香其實都幾惹味一個前菜👍🏻👍🏻）主菜當然食佢嘅🐽招牌龍蝦包（麵包外脆內軟，餡料飽滿淡淡嘅龍蝦肉，一啲都唔吝嗇👍🏻👍🏻）🐽煙燻煙肉芝士通粉（通粉有淡淡的煙熏味，但唔會太濃烈非常之香仲有每粒通粉都掛滿芝士醬汁👍🏻鍾意食芝士嘅朋友）每個套餐都會跟有甜品飲品今日嘅甜品係冬甩圈配焦糖醬👍🏻仲要整到好有聖誕氣氛😍

▫️ 蒜香軟殼蟹意粉🍝($168）👉🏻 意粉煙韌彈牙，超香蒜味同掛滿橄欖油同辣椒粉，就算單食都已經好出色😆原隻軟殼蟹炸得好酥脆有漿漿地嘅口感，帶椒鹽味，非常甘香☺️⭐️⭐️⭐️⭐️.▫️ 11“煙三文魚薄餅🍕 ($158)👉🏻Pizza即叫即焗熱辣辣，個底非常之薄脆，咬落好似食緊餅乾咁，但又唔會太硬😌三文魚口感爽滑，配埋大量芝士、蕃茄仔同超濃醬汁非常之惹味啊！⭐️⭐️⭐️⭐️——————評分：7/10.平圴消費：~$180

就到聖誕節啦, 今日同屋企人去咗西貢感受吓濃厚嘅聖誕氣氛.去到門口見到啲戶外暖爐同埋掛咗一盞好大嘅吊燈. 好似去左歐洲甘. 叫咗個前菜mango sasa 帶子.食落去好似用咗生蝦刺身帶有甜味，好match 鮮甜新鮮嘅帶子.燒豬手，個皮好脆一d都唔會覺得硬. 塊皮同脂肪一齊放入口，先食到脆皮再咬落去d脂肪d油爆哂出嚟，最後係好爽嘅回彈，好有層次. 通常燒到咁脆裏便啲肉都會好乾好嚡，好似煲湯豬肉咁，但呢度做到入邊啲肉都好嫩滑.最後仲有個carbonara. 佢唔係香港用cream造成嘅白汁. 而係蛋黃汁加芝士,值得一讚.老婆叫左杯mocktail, 佢話係好甜西柚汁.今餐好滿足，睇吓聖誕節正日可唔可以再返嚟encore先

假日天氣好好，於是入西貢行下，經過被呢個大個龍蝦招牌吸引到😳店舖係歐式古典風格，感覺高貴又大方，好適合拍拖或閨蜜聚會。🍕煙三文魚薄餅 $158薄餅很薄很脆又鬆化，中間配上一層厚芝士和煙三文魚，入口就有滿滿既煙三文魚和蕃茄醬。🍝香草蒜香意粉 $118一上台就聞到濃濃既蒜香味，表面雖然只有香草，但意粉軟硬適中同時亦吸汁，啖啖既蒜香已經好夠味，而且味度均勻👏🏻🍟脆炸粗薯條 $58粗薯條外面脆卜卜，外脆內軟，有口感。配有蕃茄醬、他他醬。他他醬係自家製作，酸度係微酸好特別😳餐廳座位都寬闊，有分上下層，上層仲有一個火爐既裝飾，更有格調。每枱枱上都有蠟燭台，增加情調☺️

晚上在西貢找地方吃晚飯，走至灣景街一列餐廳，當晚天氣寒冷，多家餐廳都擺放了戶外暖爐到外頭，彷如置身外地，西貢果然特別有外國情調。徘徊了一會後，被一間歐式裝修，滿屋聖誕佈置的餐廳吸引了入內。環境一流，分上下兩層，滿滿節日氛圍。我們坐在下層，是double volume的樓底，上方掛了盞精緻的鹿角燈，還有林林總總的聖誕裝飾，都叫我們十分欣賞，看得出老闆放了不少心思在餐廳呢！上層亦十分雅致寬敞。點了煙燻乳鴿，賣相吸引，乳鴿以蘋果木煙燻過，皮脆、肉嫩、有肉汁，相當不錯。大蝦意大利粉，使用了新鮮蕃茄熬成汁，麵條質挺富彈性，鮮蝦爽滑。只兩人，試的食物不多，兩項食物的水準皆不俗，環境及氛圍更吸引我。

趁住幾日假期，一於同大少、小妹去西貢感受吓聖誕節氣氛，順便重臨上次冇帶佢哋嚟嘅高質西餐廳。呢日下午嚟，加上聖誕節，又另有一番氣氛！店內已經有不少聖誕裝飾，今次再行上樓上嗰層睇埋，裝修高貴典雅，配合埋聖誕裝飾、聖誕歌，好似去咗外國餐廳一樣。香煎魚扒拼薯角：這道香煎魚扒拼薯角賣相超靚，非常吸睛，打卡一流。魚扒經過煎烤處理，外層酥脆金黃，內部肉質鮮嫩，魚的味道很鮮甜。薯角則是成為這道菜的完美搭配，加上秘製醬汁，令人一吃難忘。西班牙辣肉腸長通粉：長通粉煮得剛好有嚼勁，與辣肉腸的香氣相得益彰。辣肉腸散發出濃郁的香辣味道，給這道菜增添了一種獨特的風味。松露卡邦尼意粉：以鮮奶油、蛋黃和帕馬森乳酪來製作濃郁的醬汁，並加入了松露的香意粉煮得剛好有嚼勁，與醬汁的濃稠度完美搭配。每一口都讓人感受到奶油和松露的香味，絕對是一種令人垂涎欲滴的享受。玫瑰薰衣草花茶（有蜜糖味）：這款玫瑰薰衣草花茶給人一種香甜且芳香的感覺。茶中的玫瑰花和薰衣草花散發出迷人的花香，使得喝茶成為一種愜意的體驗。蜜糖的加入為這款花茶增添了一絲甜味，使得整體口感更加豐富。這款花茶不僅能夠讓人感到放鬆，還能夠提供一種舒緩壓力的效果，非常適合在