樂群茶餐廳 (Closed)

十月二十九日 (星期五)老公仔父母不在家,今天和他吃晚餐老公仔提議到北角尋找隠世美食,並發現了樂群的評價很不錯,於是拍板出發!來到樂群,人流不多,有兩部大電視,我們貪心地佔了一個四人卡位這裡以小炒最馳名,我們看一看餐牌,的確有很多風味小炒供應太多選擇只為我們帶來更大的煩惱,樣樣都好像很吸引...最後選了兩個較特別的想不是太多的茶餐廳會有西蘭花黃金蝦因其製法較為煩瑣,絕對不是講求快速的茶餐廳風格雖然價錢較出面的便宜,但就絕無偷工減料蝦挺大隻,釀入的蛋黃滿溢蝦肉爽口而蛋黃香甜可口溢出的蛋黃汁用來拌飯簡直一流椒鹽鮮魷蜜汁炸鱔球又是另一道巧手先起鱔肉,炸成金黃鱔球再鋪上蜜汁,令炸鱔球熱氣頓減另一半椒鹽鮮魷亦是佳作魷魚肉外脆內嫩而彈牙,很有口感每個套餐跟例湯和飲品吃了一個痛快平日在茶餐廳兩人吃$130會覺得貴但以這裡的菜式和質素,我們倒覺得是超值!!!極力推介!!!

試過新釗記之後, 比起大家樂好, 試試老餐廳, 小時經常幫襯的樂群, 感覺好親切!! 我們要了兩個小菜晚餐, 跟絲苗白飯,老火靚湯和飲品椒鹽鮮魷- 惹味, 外脆內鮮招牌荷葉籠仔滑雞飯-味道果然一流味道不錯, 幾個老伙記招呼超好!

因為連續幾日睇水星街的中醫伯伯，所以又係附近開飯，今日試左街口的樂群。叫了兩個套餐，勝瓜鹹蛋浸肉片，菠蘿京都骨，每個$43，包例湯、白飯同飲品。先黎例湯，係清補涼煲豬肉，凈係睇都覺得幾好味，飲落果然幾好，幾足火候。然後兩個餸雖然都幾好味，但係份量就幾少，好似幾唔抵。勝瓜鹹蛋浸肉片比想像中多湯，得一只鹹蛋黃，蛋白好少好稀，肉片份量普通，感覺太水汪汪；菠蘿京都骨我食個幾件都少肉，有肉既唔多。白飯睇落好靚，所以特登影相，點知最唔掂係佢，鬆散無飯味。飲品叫左奶茶同好立克。奶茶落奶好重手，頂唔順倒左三分一杯，再請夥計幫我加茶，跟住就飲得出茶味啦，又幾好wo。返屋企睇下，最近一篇食評竟然係舊年九月，差不多一年無人寫佢D食評！其實佢D野都OK，可以加多少少份量就會好D。

無無聊聊係銅鑼灣行去天后...事事旦旦入了這間餐廳 ! 鮮茄焗豬扒意粉 $ 38 (送湯同飲品) : 比起大家樂的還好..勁大碟...豬扒一點都不差白汁焗海鮮意粉 $38 :海鮮唔係話好多..只係一些細墨魚仔..不過都勁大碟..食唔曬 湯有羅宋湯同中湯的選擇 : 又係超大碗..飲完個湯已經飽曬 羅宋湯很濃烈...足料..一點都不淡...中湯也不差...見到好多人係度叫餸食...我諗他的小菜都不差呢..

之前食過呢間既小菜, 整得唔錯當日同partner行過食晚餐叫了焗飯餐, 一個叫咖哩雞, 一個叫白汁魚柳, 好似係$38送湯同飲品 (凍飲加$2) 個羅宋湯超濃, 料多, 難得, 幾好飲不過淡番少少會好D 個正餐就相反, 咖哩汁多但味不濃, 濃番少少會更好 Partner既白汁就夠味, 不過汁反而偏少 (為什麼總是不能完美, 梗係爭少少??)野飲一個叫奶茶, 一個叫杏霜杏霜超濃超杰, 重杏味, 好好飲 奶茶重茶味, 較苦, partner唔鐘意 跟著partner提議叫伙記加多D奶我話唔係咁好, 叫人加奶佢地未必肯之後partner都係叫咗男伙記來個男伙記(老板?)竟然話可以再整過杯比佢 整完後又話如果唔好飲, 可以轉換其他飲品唔係好成咁??

來了好幾次, 食品和奶茶是高水準的. 但今次服務令我想寫食評. 1. 在黃雨下只有十位食客, 但我一個等了3-4分鐘我才可以order2. 別食客 (比我先來) order 了魚丸河, 她 complained 了兩三次等了大概 15 分鐘, 才有得食 (I was almost finish). 他們的解釋是魚丸要解雪!3. 別一食客覺得冷氣太大 (我有同感), 他們的解釋是只有兩台冷氣, 不可關掉. 我想他們可把風少一點我想我不會再介紹朋友到這裡了. 好自為之!

小時經常幫襯油街的樂群, 主要都是吃西餅、茶餐之類, 而且有著一些有趣、快樂的回憶.重開後到上星期五下午(2008-4-25)才第一次再去, 進店後已經有一點"被騙" 的感覺, 話說雖然門外還是貼上舊日報紙、雜誌和外國旅遊書的介紹, 但入座後看餐牌發現根本沒有當時人家重點推薦樂群的拿破崙和其他西餅、麵包! 我其實是為著心儀的拿破崙和椰撻而來, 心有不甘的便招伙記大叔來問問有沒有西餅食, 大叔帶著無奈跟唏噓的心情說: "西餅!? 我都想食呀, 無賣好耐啦~~"不願意的也只好再在餐牌上挑選, 點了下午茶的西多士餐, 西多士不會油淋淋也充滿蛋香, 凍咖啡依舊濃郁, 算是找到一點心靈安慰.現在的樂群, 就算你小菜會做得多好, 都沒有你以前的招牌食品那麼有名和有特色.你對我來說只是一家新開設的小廚茶餐廳, 感覺像是位陌生人... 往事只能回味.

今日黎左都幾出名既樂群食lunch，一點半到八成滿，一個人搵位無難道，散叫左碟叉燒煎蛋飯($29)連例湯。叉燒煎蛋飯:一黎到賣相好靚，兩隻蛋黃僅僅五成熟，可以吉開蛋黃汁用黎送飯，可惜蛋白比較流質，個人喜歡香脆一點的，而且煎得比較油，應該係隻鑊未夠熱就落蛋煎，所以隻蛋食哂油。叉燒有些少蜜味，不會太韌，不過我覺得紅得好誇張，應該好多色素。最重要無左叉蛋飯既靈魂甜豉油，已經打左八折。唔通要我乾啃?定係落桌面果支生抽??環境方面:可能坐得比較近門口既關係，所以好熱，邊食邊流汗....

因為朋友介紹,我第一次入了水星街的樂群吃晚飯.抱著一試無妨的心態,點了個椒鹽鮮魷和荷葉籠仔飯.想不到味道還真不錯!可以肯定那是誠意的制造,吃得出是用上新鮮的魷魚,再加上師傅精湛的厨藝,外脆內鮮的惹味椒鹽鮮魷是為食囡囡的至愛.而籠仔飯也用了蛋炒飯做底,再加上新鮮材料,用荷葉包埋一起蒸.聽餐廳老板介紹因為每次都是即點即做,所以一定要等上15-20分鐘才有得吃,唔趕時間的朋友一定要試哦!還有最令為食囡囡滿意的除了好吃的味道和不錯的招呼,最重要的是超抵的價錢,40元的小菜竟然還送上絲苗白飯,老火靚湯和飲品哦,買一送三的價廉物美最合乎為食囡囡這樣打工仔的心水.

在重開後的樂群嚐了個早餐，奶茶依舊，感覺全非，給她多一次機會才下筆，改天再嚐下午茶，餐蛋一丁加兩蚊，淡而無味，麻油也欠奉，現代感多了，人情味卻少了，連至愛的拿破崙，紅豆菠蘿包也消失得無影無蹤。望著全店青綠色的調子，令我更懷念昔日的繽紛。

昨天專程往新樂群食下午茶.奶茶仍好但薯條份量少了. 乾炒牛河是新的下午茶餐但味道一般. 再看餐牌多了很多新食物, 營業時間也長了, 裝修跟一般的新式茶餐廳没多大的分別.可是最刹食的自製面飽已没有了只是用外來面包.真的很懷念以往的樂群.

上個星期日見得閒,特登走落樓下間樂群度試試,以前我都係佢常客,通常落去飲杯奶茶,因為個度奶茶真係無得"彈"。入去叫左個招牌籠仔滑雞飯，味道果然一流，D飯夠香得黎又有荷葉味，D雞仲好新鮮又夠滑,同平時係街外食既籠仔飯好唔同，尼度既荷葉飯味道恰到好處，唔會太咸又唔會太油。食完之後，老細仲走過黎Social下，佢話D籠仔飯係佢地招牌菜，之所以要等廿幾三十分鐘係因為想保持質素，做到即叫即做，寧願做少Ｄ生意都要保持住招牌菜既水準。淨係尼種專業同心態都已經值回票價啦。值得推介呀!!

樂群茶餐廳終於係水星街重開啦，於是即刻急不及待去試一試，新鋪裝修幾特別，而且比較新穎，都幾靚，感覺後生左。入到去坐低一望，發覺大部份都依然係以前舊鋪既員工，有樓面既伙計仲認得我，感覺好親切。跟住叫左杯奶茶，杯奶茶依然同以前一樣咁＂正＂，勁香勁滑，果然係全炮台山區奶茶之冠，不愧為40年老字號。一杯咁有水準既正宗港式地道奶茶，已經買少見少啦，一杯熱奶茶都只係$11，比起個Ｄ咩鬼佬咖啡，廿幾三十蚊一杯，簡直物超所值啦，鐘意飲港式奶茶既朋友一定要去試試啦！！

第一次幫襯時是煙槍餐\\\廳，印象不大好，無煙食肆條例生效後才多去光顧下午茶，最愛吞那魚治跟熱奶茶，還有籠仔蝦乾雞粒飯!幾個老伙記招呼超好，業主要收舖，不免惆悵!今天再去下午茶，順便買個胡椒豬肚湯飯做晚餐\\\，發覺在收銀處及門口有喬遷通告，新店將會在附近的水星街，希望他們能保持水準(食物及服務)!因為在該條街，現在已有五間茶餐\\\廳及一間麵包店，競爭好大!

一月十七日8:30pm係砲台山讀書五年...完全唔知有呢間隱世茶餐廳..門面平平無奇..入到去先知別有洞天..簡潔裝潢完全係hk feel...點解以前完全無留意過..哈哈~見佢就來close..就把握機會試下..唔係就無機會啦..8點半同老婆入到去..即刻諗住試下d招牌野..老婆叫左個糊椒豬肚湯飯..熱檸蜜..我叫左豉椒排骨籠仔荷葉飯..熱奶茶..伙計好好..佢話比我聽蒸飯要等半個鐘..我有d猶豫..不過佢極力推薦..話一定好食..所以最尾都叫左..見要等半個鐘..重叫多個招牌菠籮豆沙包頂肚..飲品先上..奶茶真係名不虛傳..茶膽正..奶味夠..結果我成杯奶茶無加糖飲晒..老婆杯檸蜜都唔差..一聞就知檸檬新鮮..菠籮包可能時間唔好..無想像中好食..頗凍..不過如果叮熱應該不錯..下次教好時間再試..老婆個飯糊椒味夠..超暖胃..個湯一試就知唔係例水..我同老婆飯連湯全部食晒..最尾個蒸飯終於到..好少見蒸飯有蛋絲底..一試果然同街外貨唔同..等半個鐘都值得一試..排骨超多..我同老婆差d食唔晒..總括:食物整體質素唔錯..可以話物超所值.p.s:值得一提係呢度既service..我