樂天冰室 (幸運工業大廈)

Open Now

Now Closed

☀️常餐瑞士雞翼撈麵+多士火腿炒蛋+紅豆冰紅豆冰都係加$3，以紅豆冰來講真係好抵！仲要係勁大杯，超多紅豆😂瑞士雞翼撈麵，味道正常，雞翼勁易拆到啲骨！好方便～巴士都幾好味，不過下次想試吓另一隻🤣炒蛋都滑～係一人份量嘅常餐🤣仲會食到好飽！

自己一個趕時間吃午餐的話，我9成都會吃常餐，雖然常餐可以說很簡單，但做到好吃的話真的很困難，這間算是我會encore的～冰室超多卡位，空間都算舒適，食物選擇很多，常餐時間選擇也很吸引，中午很多人會來吃。有螺絲粉的地方不多，所以二話不說選擇了這款，牛尾湯底濃郁又有番茄的甜味，牛肉很腍，每一口都能夠感受到牛肉味和湯底汁，不過份量對男士而言可能有點不足。這裡我必須要強強強烈讚揚它的蒜茸多士，多士雖然很厚，但依然做到外脆內鬆軟口感，上面一層蒜茸鹹香味很足，越吃越開胃，另外凍飲是用碎冰這回事更是讓人感嘆，btw檸茶調配剛剛好，不會苦澀溫度適中，讚👍

今日同事帶我去食茶餐廳，12點15分到都好多人，但都唔係等好耐，下次要再早d 到食左海皇福建炒飯......好吃 yummy有好多蝦，雞肉，菇，翠玉瓜......好足料炒飯有鑊氣，味道仲好好乾濕度剛剛好唔會太咸又唔會唔夠味我同事叫左豉椒牛肉炒米，見到好好味，忍唔住試左幾啖，都好好味，好有鑊氣豉汁個味好正，d 炒米出面炒到脆卜卜值得再黎試試其他野，有水準set lunch 都好抵食，有餐湯，有餐飲下次會再試......

樂天冰室地點相近中海日升，平時12點半都見人開始排隊排到出去相對於附近既其他茶餐廳，佢地早餐同常餐我覺得佢地個常餐性價比都比較高，而且佢地既奶茶都好好飲茶味濃。佢地早餐35蚊左右，常餐50蚊左右，佢地牛油多士重牛油味，個3.6牛奶抄蛋好正，奶香味重！今日叫左瑞士雞翼撈公仔麵，面就比較乾身岩岩好，雞翼瑞士汁好正，配埋佢哋個蒜蓉厚多士冇得彈！

夜晚9點幾呢啲時間，係疫情下嘅觀塘區個選擇唔太多，聽朋友講呢間啲咖喱幾出色，所以一於嚟呢間試試佢！咖喱牛脷飯$56份量算多，4舊厚切嘅牛脷，仲要每舊都唔細㗎！平時食就淋啲，今日有啲失準，比較‘銀’。咖喱芝士焗雞扒飯$58-份量適中，大概係1塊雞扒，切開咗4-5舊，啲雞扒都幾嫩，但可惜係個咖喱不似預期，唔重香料同椰香味。是日餐A: 黑椒美式西冷配薯菜 +餐湯 $70-舊西冷幾大塊，肉都有1cm嘅厚度-食落唔‘鞋’，正正常常，對得起個價錢最後都有加啲嘢飲飲下，全部餐都唔包嘢飲。呢間啲份量係ok的，但食物嘅質素未去到會想再食，但夜晚無咩選擇下，都會揀呢間🤣 不過不失。

星期五早餐時間見樂天有位,同媽咪入去LEE間餐廳試吓點知超級中伏,首先見到一位較老禿頭的男人(我估應該係高級D的職員),一隻手禁電話另一隻手拿一碗面,情景非常危險,睇見都恐怖,點解工作時間可玩電話？之後我點了通粉早餐,味道一般。但我媽咪叫的牛肉麵等了大約15分鐘也未有,之後找了那位老男人跟進第一次佢話嚟ga la 嚟ga la煮緊！！口氣十分不耐煩點知再等了10分鐘,佢原來沒落單！！我媽咪無得食,老男人亦無解釋沒落單同點解等咁耐,之後我要求再落單我哋又等了10分鐘,之後來了一碗但未熟透好硬面！！禿頭老男人自己親身羅過嚟但無解釋點解要等咁耐同無講唔好意思,大大力放低！D湯水整到我媽咪囉！態度極差,我媽咪話算數！之後碗面媽咪話好硬食咗D就走。以後不再來就好我想問LEE 間公司的管理層有無看openrice、有無用神秘顧客、有無員工培訓,點解可以請年纪大而無心做嘅員工架????

觀塘周圍都係人同車，要搵間冰室舒舒服服食個下午茶並不容易，呢間冰室我就係常客今次講下個下午茶啦，我地多數都會叫西多士/雞脾/沙爹牛肉公仔面/炒河，呢幾樣都好好食既。重點係要轉紅豆冰，呢度既紅豆冰飲過咁多次都係好足料，好好飲，偶然幾次會唔夠凍，可能岩岩煲好D紅豆未凍得切吧！環境方面係一般冰室既格局，地方好大所以人不是坐滿，某D位置通風不是太好，但大部分都可以的！呢間冰室本來想私藏，因為實在太唔捨得介紹比人了！

又去咗觀塘搵食今日想食返啲港式茶餐廳食物其實已經幫襯左好多次樂天有一段時間對佢嘅咖喱念念不忘所以想推薦比大家但係食物質素係好唔錯平時啲炒嘢都好有鑊氣我哋試過嘅配搭咖喱都有好多次例如炸魚柳牛脷牛脷跟如果晏少少去食下午茶佢仲可以有指定嘅餐牌加$3可以轉紅豆冰佢嘅常餐都炒蛋係非常之有信心保證雖然應該好邪惡咁落咗好多牛油但係炒出黎嘅雞蛋非常蛋黃顏色同埋嫩滑 睇到已經食指大動同埋佢嘅蒜蓉或者牛油方包好足份量 而且一上嚟嘅時候熱辣辣烘底絕對係會令人滿意。總括而言樂天冰室係絕對會再三幫襯嘅餐廳無論係食物質素員工態度同埋環境都係水準之上呢個價錢可以食到呢個質素嘅食物我覺得已經係可以比五粒星。食物:7/10價錢:7.5/10環境:6/10。樂天冰室觀塘鴻圖道55號幸運工業大廈地下C號舖

同朋友喺樓上舖玩咗成日board game 夜晚九點先散水，所以喺觀塘附近搵嘢食見到有間靚靚仔仔嘅冰室就諗都唔諗就入咗去啦～間餐廳整潔程度都幾好起碼唔會覺得地板油冧冧，污煙漳氣咁樣先！餐廳空間夠大，卡位坐得舒服唔會好迫夾！另外佢每張枱都有櫃桶放好餐具，同埋有紙巾提供，呢樣真係為一間餐廳加好多分，未食已經感覺好良好先啦！我朋友就帶咗個是日晚餐A : 什扒餐我就叫咗個鐵板餐： 黑椒牛柳拼串燒帆立貝嗰什扒餐都幾豐富，有豬扒、 雞扒、厚切牛脷、熱狗腸、 薯角～至於我個鐵板餐就有一塊好厚好厚嘅牛柳，一串帆立貝加翠玉瓜，少少雜菜，同埋薯角！呢個鐵板夠晒熱，一落個黑椒汁就渣渣聲，你知啦呢家好多所謂嘅鐵板都唔夠熱！供牛柳真係要讚一讚，好淋，無筋！而且一邊仲係粉嫩保持島肉汁，絕對係一塊高質嘅牛柳！

初初朋大介紹沙爹好好食,所以請朋友幫忙買早餐外賣,返來全錯,米變面,煎蛋變炒蛋,咖啡變奶茶,及後自己去堂食, 今次好D,只有米變面,煎蛋變炒蛋,咖啡無變,跟住外賣又好D,只有米變面,煎蛋同咖啡無變,今日去食堂食,無端端比个男人坐响我對面,乜唔係限聚今咩?跟住D單亂哂,所有嘢都打回原形,全變,仲追左好耐先比反个沙爹牛米我,多謝哂,太好生意,以後都唔會去麻煩佢地招呼,留反D位比唔怕死既勇士

之前放工喜歡紅茶，但是近來想換換新的，開了一間樂天，就去試試，鹹魚雞粒炒飯有水準，雞嫩，鹹魚也很鹹，本來想試試滑蛋叉燒，他們的招牌，但是沒有，換了咖哩豬排芝士焗飯也都不錯！飲料推薦蜜桃蘇打，朱古力特飲太淡了

高質滑蛋叉燒飯！觀塘想食茶餐廳一定係去駿業街，食悶左紅茶冰室龍城冰室可以試下呢間樂天冰室，唔會令你失望🤫 今次食佢嘅滑蛋叉燒飯，11:30-21:30供應，$53包熱飲，叉燒夠多蛋亦都算幾滑，速度也好快👍🏻推薦*

自己一個趕時間吃午餐的話，我9成都會吃常餐，雖然常餐可以說很簡單，但做到好吃的話真的很困難，這間算是我會encore的～有螺絲粉的地方不多，所以二話不說選擇了這款，牛尾湯底濃郁又有番茄的甜味，牛肉很腍，每一口都能夠感受到牛肉味和湯底汁，不過份量對男士而言可能有點不足。這裡我必須要強強強烈讚揚它的蒜茸多士，多士雖然很厚，但依然做到外脆內鬆軟口感，上面一層蒜茸鹹香味很足，越吃越開胃，另外凍飲是用碎冰這回事更是讓人感嘆，btw檸茶調配剛剛好，不會苦澀溫度適中，讚👍

觀塘返工搵食嘅少不了食吓冰室茶記，今次就去咗紅茶附近呢間樂天冰室試吓，見佢午市都係會有人龍排隊應該都受附近嘅打工仔歡迎嘅！由於早餐食得太飽，所以只嗌特餐輕食啲就算！嗌咗個特餐C沙嗲牛麵加煎蛋火腿，$47價錢都ok。特別在多士可揀普通版或蒜蓉版！當然唔執輸揀個蒜蓉特別啲～上菜都算幾快，最快到係沙嗲牛麵，接住就係多士煎蛋，多士蒜蓉味好香，一邊烘得香脆，另一邊就較淋，唔知會唔會關掂到煎蛋個啲油事，如果下面個邊多士都烘耐啲就會更好食！煎蛋蛋黃液好流質，煎得剛剛好，不過我更愛燶邊蛋啊！沙嗲牛麵一開始唔會太淋，但其後被熱湯浸耐咗就會淋咗，所以都建議快啲食完佢就最理想！沙嗲牛好香帶甜，肉質都嫩嘅又無筋，份量都適中，唔會食到一半就無晒牛。曾經食過一間啲牛肉好多筋真係搞唔掂！食食吓個麵時杯熱檸水就嚟咗啦！睇到真係嚇親，側邊係好多污垢，水面滿佈油嘅蹤跡，好明顯睇得出，加上依家疫情籠罩，最好都係注意吓啲碗碟杯嘅衛生啊！本身都有掙扎需唔需要當面反映，但一嚟趕時間，二嚟佢換咗比我都未必想飲！所以乾脆直接唔飲擺係側邊算！希望店家會注意返，為咗個多士我都再幫襯嘅加上價錢都ok，但可能短期內唔會去住！

之前一則評論講過，觀塘工廠區附近可否找到多一間好味的冰室選擇，真係比我揾到，通常試新嘢都係一件高風險事情。內外裝修同隔離街出名嗰間有幾分相似，食物餐牌也有點相似，服務員的態度也相似，可能都係東家唔打 打西家😅。下午茶餐樣樣都想試，唯有叫份穩穩陣陣唔多會失水準的款式試下，常餐B，豬扒厚切 煎得幾靚，烏冬不過不失，蒜蓉厚多士夠味，炒滑蛋+火腿+凍咖啡 都係預期之內，全部都係用心的制作。做得好要讚，做得差就要提醒。