搵食工房

Open Now

Now Closed

呢間嘢嘅衛生情況真係非常唔得！今日去咗呢間餐廳食個午餐，就話有嘢飲跟啦，所以就叫咗杯凍咖啡。但係最得意嘅係呢杯凍咖啡入面竟然會有檸檬籽！相信係上一手飲完凍檸茶，個杯由頭到尾都冇洗或者冇洗乾淨就拎出嚟裝嘢飲🤮🤮🤮真係核突到不得了，最慘嘅係飲到入口先發現，真心唔推薦😅食物份量係多，但係質素都好麻麻，叫咗嗰韓式醬燒豬腩肉，但係根本一啲都唔韓式，反而似紅燒肉多啲，兩頭唔到岸😅最重要而家疫情，飲到粒咁嘅核都咪話唔驚，大家唔想中伏就千祈咪去啦🤢

假期走去食新開張嘅餐廳lunch, 我雖然比較擠迫同埋等候嘅時間比較長，但係性價比絕對一流佢啲嘢食係即叫即整，當日叫咗一個英式嘅全日早餐，我真係新鮮滾熱辣咁送到你面前，魚柳同薯餅都係即叫即炸，仲有黑松露炒蛋配合埋一齊真係好香，一個全日早餐包嘢飲加埋都係$50有找咁嘅價錢喺香港相信都唔會喺邊度搵到，一般嘅咖啡廳去食一個英式全日早餐基本上都要$100以上，如果鍾意食英式全日早餐而且又想食性價比高嘅呢一度絕對係首選

最近馬鞍山新港城中心開了一間新餐廳，內裡裝修簡潔明亮，座位闊落，餐牌食物款式多樣化，各式焗飯、漢堡、西式扒餐、意粉、意大利飯、印度咖喱、沙律、小食等，目不暇給。工房經典美式雜扒$98配薯菜什扒就是肉食大包圍，豬扒、牛扒、雞扒、香草豬肉腸、煙肉，肯定可滿足各食肉獸，份量極之驚人，配上燒汁尤其惹味。加上焗薯，餐湯和牛油多士，超級飽肚。新潮奶茶紅豆冰(跟餐特飲加$9）將我最愛的港式紅豆冰融入到奶茶當中，茶香和茶味俱全，奶和茶融為一體，口感順滑, 加上大粒飽滿、熬得起沙的紅豆竹炭爆芝未來漢堡伴脆炸薯條$72竹炭包身比平時的漢堡包更煙韌富彈性，未來漢堡雖然不含肉類成份，但無論賣相和質感，確實與真牛肉漢堡扒幾可亂真，而入口相對沒傳統漢堡那樣油膩，薯條炸得金黃酥脆。英式全日早餐$48材料豐富，包括大大塊香脆吉列魚枊、黑松露炒蛋、薯餅、香草炒雜菌、蕃茄、英式鬆餅、香草豬肉腸，色彩繽紛，十分豐富。黑松露炒蛋色澤光鮮亮麗，入口滑溜，每一啖都是半熟滑蛋，內裡包裹著豐盈蛋汁，配合黑松露散發濃濃的松露菌香。公司三文治配薯條$45餡料超豐富，應有盡有，層層疊起後確實是一口無法掌握。烘底麵包中間夾著多款餡料，生菜、

見有新餐廳，當然要幫襯睇下質素如何啦，今次叫左酥炸薯角配松露鹹蛋黃醬($35)、黑松露鹹蛋脆炸雞翼配沙律($43)、板燒紐約極級封門柳配薯菜($148)跟餐湯，升級丹麥多士(+$2)、轉特飲新潮奶茶紅豆冰(+$6)、印度皇室咖喱海鮮($60)、加配凍柚子蜜(+$6)環境簡約乾淨，坐得舒服唔會太逼😁新潮奶茶紅豆冰：奶茶香濃幼滑，加埋粒粒香甜紅豆口感十足😍凍柚子蜜：清甜滋潤，喺炎熱嘅天氣飲下降溫一流😉酥炸薯角配松露鹹蛋黃醬：落單時職員話冇薯角，所以會變為薯條，一上碟見到比想像中大份😮薯條香脆，點埋佢個松露鹹蛋黃醬食認真滋味😋黑松露鹹蛋脆炸雞翼配沙律：雞翼大大隻，炸得夠香脆而內裡肉質仍然JUICY，加埋上面黑松露鹹蛋醬真係相當邪惡😍沙律係雜果沙律，好耐都冇食過啦😝餐湯，丹麥多士：餐湯揀左紅湯，酸酸辣辣地幾開胃😃丹麥多士幾酥脆，比起普通多士更加好味板燒紐約極級封門柳配薯菜：呢個極力推介🤩封門柳肉味濃郁而且佢燒得恰到好處，內裡呈現粉紅色，入口嫩滑無比🤤就咁食本身肉原汁原味已經好正，或者可以點埋個醬汁就更為惹味🥰呢到配嘅薯菜係焗薯黎，焗得軟滑唔會太硬😉印度皇室咖喱海鮮：份量同樣地大大份，細食嘅話可

依間新開既西餐廳，望落裝修簡約闊落，光猛整潔，係門口再望埋menu, menu用心設計，相片精美，食物種類都多選擇，即管入去食下。煙三文魚凱撒沙律 $60：沙律菜好新鮮清甜，煙三文魚好味有油香。西式扒餐極級封門柳$148： 扒餐有牛油厚多士同餐湯，羅宋湯好香濃，估唔到咁好飲。封門柳賣相好吸引，5成熟恰到好處，肉味濃厚又嫩滑，仲加埋熱辣辣既焗薯，味道香甜。焗咖喱牛魔王飯 $65： 焗飯有牛肉、牛舌、牛腩，份量十足，面頭有芝士、咖喱味好香濃，飯仲要係炒底，成個配搭及味道一流。 加左$12 叫多左一客忌廉湯，味道一樣唔錯喎。最想讚既係，無論賣相、味道、份量都係一級水準，但價錢絕對大眾化平民價錢，勝價比極高。

放假瞓醒落街搵嘢食，然後見到新開咗呢間搵食工房，餐牌幾吸引，裝修簡潔就決定試下。叫咗個瑞士雞翼撈麵，雞翼夠入味，但略嫌撈麵少少鹹。不過金黃色多士好有誠意，夠熱夠脆。

新開無耐，望門面以為ok，諗住去食個早餐試下啦，點知係惡夢。咖啡奶茶好難飲，個所謂鬆餅硬過石頭，炸菜肉絲得炸菜，其實d食物質素幾十蚊都唔要求咁多。但係最差係d服務態度，有個男職員可能係負責人個態度極惡劣，問佢嘢唔答，又悔氣，送餐掟碟，更甚係佢將用過嘅刀叉放翻入個籃度當未用過比客用，最衰係食到一半個男職員竟然趕我地去第二張枱，未食轉枱無緊要，食緊都叫人轉枱，痴線。最後埋單問個男職員有無8達通，好惡好悔氣講話淨係收現金，問佢一句都好似唔得。見到之前有師兄都講過職員態度差，原來係真。真係唔會再去，呢d餐廳應該要早d執。

馬鞍山好食既西餐執剩冇幾間，呢間新開既性價比幾高。因為住樓上，早午茶晚市都試過幾次，早餐質素ok，魚柳大塊炸得香脆，其它正常水平。午市set好抵食又日日轉款，下午茶食得最多，個人覺得最正係黑松露炸雞翼同魚柳包。晚市鋸扒性價比好高，羊架牛柳呢個價錢幾高質，轉特飲又平。唯一要彈係服務態度，冇咩禮貌又趕住收碟趕人走。

我哋假期早餐時段去，爆多人排隊，等左半個鐘先有位。入到去竟然安排勁差嘅位置，似係係空位硬加一張枱，空間非常狹窄，不過都明人多無辦法。但最令人不愉快係職員態度差，不只個別職員，全店員工基本上態度惡劣，飛單、拋單（差啲入中杯奶茶），以為自己神射手😑，道歉都無句。最差係杯嘢都未飲完已經趕客咁款走嚟執枱，又唔問聲係咪食完幫你執枱，講都唔講一手係身後穿過嚟執碗碟，仲要倒瀉湯，淺到我哋一腳都係，遞幾張紙巾就算數。嘢食其次，已經唔想評論食物質素，因為用餐體驗已經勁差，食龍肉都無味！非常不愉快嘅早餐，不會再有下次。

知道開左呢間新餐廳，又成日見門口好多人等位，今晚一於去試一試佢。三大一小，叫左三個扒餐，一個意粉，見佢新式茶餐廳既格局，但食物質素可媲美出面收二百幾蚊一個餐既cafe，真係喜出望外，牛扒，羊扒肉味都好好，煮得剛剛好，有肉汁但唔會好乾，調味都好啱我口味，百令蚊一個扒餐咁既質素，我認為性價比高，但佢跟既意粉太多，唔係大食既朋友一定要叫佢少意粉，咪太浪費，另外個紅菜頭意粉，顔色好靚呀，仲幾野味添。今次無試佢既時日特價晚餐，但見隔離枱食都有返咁上下水準，下次一於再試下佢。

今日到馬鞍山新港城中心，行過見新開張”揾食工房”餐廳，外面又見多人排隊，所以就心血來潮試下。點知意外咁好食。兩個西式扒餐都好有誠意！首先係板燒紐約極級風門柳，牛扒七成熟，口感不錯 ; 燒春雞非常肥美，甜辣度適中。而薯菜方面是我的最愛紫薯，至於上菜的速度尚可。兩個主食都是誠意之作，在一間平民餐廳內食到這個質素，真是喜出望外！值得支持的一間平民餐廳🫡下次再黎，我會想試下他們的芝士熱狗和瑞士雞翼撈公仔麵，見隔離枱叫左，賣相非常正😋